Aqil Məmmədov (icra başçısı)

Vikipediya, azad ensiklopediya
Jump to navigation Jump to search
Aqil Məmmədov
Doğum tarixi 1 aprel 1960(1960-04-01) (59 yaş)
Doğum yeri
Təhsili

Aqil Sadıq oğlu Məmmədov (1 aprel 1960(1960-04-01), Ağdaban) — Kəlbəcər rayonu İcra hakimiyyətinin başçısı, Azərbaycan Respublikası Milli Məclisinin VI çağırış deputatı.

Həyatı[redaktə | əsas redaktə]

Aqil Məmmədov 1 aprel 1960-cı ildə Kəlbəcər rayonu Ağdaban kəndində anadan olmuşdur. 1987-ci il də Azərbaycan Dövlət Bədən Tərbiyəsi İnstitutunu bitirmişdir. 2009-2012-ci illərdə Azərbaycan Respublikası Prezidenti yanında Dövlət İdarəçilik Akademiyasında təhsil almışdır. O, 1976-cı ilin sentyabr ayında Kəlbəcər rayonundakı “Ağdaban“ kolxozunda kolxozçu kimi əmək fəaliyyətinə başlamışdır. Sonralar Bakı şəhərində və keçmiş Xanlar (hazırki Göygöl) rayonunda Həmkarlar İttifaqı, Könüllü Bədən Tərbiyəsi və İdman Cəmiyyətinin sədri, Göygöl rayon İdman idarəsinin rəisi, Göygöl rayonu “Məhsul” İdman Cəmiyyətində məşqçi müəllim, Göygöl şəhər 2 saylı tam orta məktəbində müəllim işləmişdir.

2006-cı ilin oktyabr ayından Kəlbəcər rayon İcra hakimiyyəti başçısı aparatında çalışır. Əvvəlcə aparatın İctimai təşkilatlar və siyasi partiyalar şöbəsində böyük referent vəzifəsində çalışmış, 2008-2013-cü ildə Kəlbəcər rayon İcra hakimiyyəti başçısının I müavini vəzifəsində işləmişdir.[1]

Aqil Məmmədov 4 mart 2013-cü il tarixdən isə Kəlbəcər rayon İcra hakimiyyəti başçısı vəzifəsində işləyir[2].

Ailəsi[redaktə | əsas redaktə]

Ailəlidir. 2 övladı var.

İstinadlar[redaktə | əsas redaktə]