Aqil Məmmədov (siyasətçi)

Vikipediya, azad ensiklopediya
Jump to navigation Jump to search
Aqil Məmmədov
Aqil Məmmədov (siyasətçi).jpg
bayraqAzərbaycan Milli Məclisinin VI çağırış üzvübayraq
10 mart 2020 — hal-hazırda
bayraqKəlbəcər rayonunun icra başçısıbayraq
4 mart 2013 — 10 mart 2020
Sələfi Vidadi Məhərrəmov
Xələfi Azər Qocayev
Şəxsi məlumatlar
Partiya
Təhsili ADBTİAPDİA
Doğum tarixi (61 yaş)
Doğum yeri Kəlbəcər, Azərbaycan SSR
Vətəndaşlığı Azərbaycan Azərbaycan

Aqil Sadıq oğlu Məmmədov (d. 1 aprel 1960; Kəlbəcər, Azərbaycan SSR) — azərbaycanlı dövlət və siyasi xadim, Kəlbəcər rayonunun icra başçısı (2013—2020), Azərbaycan Milli Məclisinin VI çağırış üzvü.

Həyatı[redaktə | mənbəni redaktə et]

Aqil Məmmədov 1960-cı il aprelin 1-də Kəlbəcər rayonunun Ağdaban qəsəbəsində anadan olub. 1982-1987-ci illərdə Azərbaycan Dövlət Bədən Tərbiyəsi İnstitutunda, 2009-2012-ci illərdə isə Azərbaycan Prezidentinin yanında Dövlət İdarəçiliyi Aкademiyasında ali təhsil alıb.

Fəaliyyəti[redaktə | mənbəni redaktə et]

Aqil Məmmədov 1976-cı ildə Kəlbəcər rayonunda “Ağdaban” Kolxozunda çalışmağa başladı. İdman sahəsində ali təhsil alandan sonra isə o, Göygöl rayonunda “Məhsul” İdman Cəmiyyətində məşqçi, Göygöl rayonunun İdman İdarəsinin rəisi oldu.

Aqil Məmmədov 2006-2008-ci illərdə Kəlbəcər RİH-də ictimai məsələlər şöbəsində referant, 2008-2013-cü illərdə isə Kəlbəcər RİH-də icra başçısının birinci müavini vəzifələrində çalışıb.

Aqil Məmmədov Azərbaycan Prezidenti İlham Əliyevin 4 mart 2013-cü il tarixli Sərəncamı ilə Kəlbəcər rayonunun icra başçısı vəzifəsinə təyin edildi.[1]

2020-ci il fevralın 9-da baş tutan Parlament seçimlərində 123 saylı Kəlbəcər dairəsindən Yeni Azərbaycan Partiyasının (YAP) namizədi olan Aqil Məmmədov, 72.60 % səslə VI çağırış Milli Məclisin deputatı seçildi.[2] 2020-ci il martın 10-dan səlahiyyətlərinin icrasına başlayan Aqil Məmmədov, Milli Məclisin əməк və sosial siyasət Komitəsinin, habelə regional məsələlər Komitəsinin üzvü oldu.[3][4] Milli Məclisin deputatı səlahiyyətlərinin icrasına başlaması ilə bağlı Azərbaycan Prezidenti İlham Əliyevin 10 mart 2020-ci il tarixli Sərəncamı ilə Kəlbəcər rayon İcra Hakimiyyətinin başçısı vəzifəsindən azad edildi.[5]

Ailəsi[redaktə | mənbəni redaktə et]

Aqil Məmmədov ailəlidir, 2 övladı var.

Soy kökü Miskin Abdal nəslindəndir.

Babası: Ağdabanlı şair Qurban

Əmisi: Aşıq Şəmşir

Əmisi oğlu: Cavid Qurbanov

İstinadlar[redaktə | mənbəni redaktə et]

  1. "Asil Sadıq oğlu Məmmədovun Kəlbəcər rayonunun icra başçısı vəzifəsinə təyin edilməsi haqqında Azərbaycan Prezidentinin 4 mart 2013-cü il tarixli 2763 nömrəli Sərəncamı" (az.)). 04.03.2013. 20.08.2020 tarixində arxivləşdirilib. İstifadə tarixi: 20.08.2020.
  2. "Candidates elected by constituencies in the Parliamentary elections to be held in Azerbaijan on february 9, 2020" (az.)). 10.02.2020. 20.08.2020 tarixində arxivləşdirilib. İstifadə tarixi: 20.08.2020.
  3. "Azərbaycan Milli Məclisinin Əməк və sosial siyasət Komitəsi üzvlərinin seçilməsi haqqında Azərbaycan Milli Məclisinin 14 mart 2020-ci il tarixli 18-VIQR nömrəli Qərarı" (az.)). 14.03.2020. 2020-08-20 tarixində orijinalından arxivləşdirilib. İstifadə tarixi: 20.08.2020.
  4. "Azərbaycan Milli Məclisinin Regional məsələlər Komitəsi üzvlərinin seçilməsi haqqında Azərbaycan Milli Məclisinin 14 mart 2020-ci il tarixli 23-VIQR nömrəli Qərarı" (az.)). 14.03.2020. 2020-08-20 tarixində orijinalından arxivləşdirilib. İstifadə tarixi: 20.08.2020.
  5. "Asil Sadıq oğlu Məmmədovun Kəlbəcər rayonunun icra başçısı vəzifəsindən azad edilməsi haqqında Azərbaycan Prezidentinin 10 mart 2020-ci il tarixli 1905 nömrəli Sərəncamı" (az.)). 10.03.2013. 20.08.2020 tarixində arxivləşdirilib. İstifadə tarixi: 20.08.2020.