Araqon Lui

Vikipediya, açıq ensiklopediya
Keçid et: naviqasiya, axtar
Araqon Lui
Portrait Aragon.jpg
Doğum tarixi 3.10.1897
Doğum yeri Paris, Nöyi-sür-Sen
Vəfatı 24.12.1982
Vəfat yeri Paris
Peşələri Yazıçı, şair, ictimai xadim
Tanınmış əsərləri Tamamlanmamış roman (1956)
Mükafatları Beynəlxalq Lenin mükafatı laureatı (1957), "Fəxri legion" ordeni (1981)

Araqon Lui (3.10.1897, Paris yaxınlığında Nöyi-sür-Sen – 24.12. 1982, Paris) – fransız yazıçısı, şair, ictimai xadim.Xalqlar arasında sülhü möhkəmlətməyə görə” Beynəlxalq Lenin mükafatı laureatı (1957). Sorbonna Universitetində tibb elmini öyrənmiş, Birinci dünya müharibəsinin (191418) iştirakçısı olmuşdur. Fransa KP MK-nın üzvü, müqavimət hərəkatının liderlərindən biri idi. 1920-ci illərin əvvəllərində dadaizmə meyil göstərmiş (“Fişəngşeirlər toplusu, 1920), sonralar A. Bretonla birlikdə sürrealizm hərəkatına başçılıq etmişdir(“Anise…” povesti, 1921). Hərəkatın ilk nəzəri manifestini (“Uyqular dalğası”,1924) yazmışdır. “Qırmızı cəbhə” (1931) poemasının, “Ura, Ural” (1934) şeir toplusunun müəllifidir. “Real dünya” (193451), “Kommunistlər” (1949–51;1967 ildə yenidən işlənmişdir) romanlarında sosializm ideyalarını təbliğ etmişdir. Stalin dövrünün törətdiyi amansızlıqların ifşa olunmasından sonra ağır mənəvi sarsıntı keçirmişdir. “Tamamlanmamış roman” (1956) Araqon Lui yaradıcılığının zirvəsidir. Həyatının son illərində “Blanş, yaxud Unutma” (1967), “Anri Matiss, roman” (1971) romanlarını yazmışdır. “Fəxri legion” ordeni ilə təltif edilmişdir (1981). “Sovet ədəbiyyatları” (1955) kitabının “Şərq-Qərb divanı” zəruriyyəti haqqında” fəsli Azərbaycan ədəbiyyatına həsr olunmuşdur.[1]

İstinad[redaktə | əsas redaktə]

  1. Araqon Lui // Azərbaycan Milli Ensiklopediyası  : [25 cilddə] / baş red. M. K. Kərimov. — Bakı: “Azərbaycan Milli Ensiklopediyası” Elmi Mərkəzi, 2009. — I  cild. — Səhifələrin sayı:  608. — Səh.: 586. — 10 000 nüsx. — ISBN 978-9952-441-02-4.