Araz Yaquboğlu

Vikipediya, azad ensiklopediya
Jump to navigation Jump to search
Araz Yaquboğlu
Araz Yaqub oğlu Hacıyev
Araz Yaquboğlu.jpg
Doğum adı Araz
Təxəllüsü Yaquboğlu
Doğum tarixi 1 avqust 1973(1973-08-01) (48 yaş)
Doğum yeri
Vətəndaşlığı
Milliyyəti azərbaycanlı
Həyat yoldaşı Gülbəniz Hacıyeva (Kərimova)
Atası Yaqub Hacıyev[d]
Anası Əsmətel Hacıyeva
Təhsili
İxtisası Sənayе və mülki tikinti
Fəaliyyəti jurnalist, mühəndis, şair, tədqiqatçı, dizayner, vikipediyaçı
Fəaliyyət illəri 1992-ci ildən
Əsərlərinin dili azərbaycanca
Janrlar poeziya, publisistika, tədqiqat
Mükafatları "Qızıl qələm" mükafatı
İmza
Vikimənbənin loqosu Araz Yaquboğlu Vikimənbədə
Vikianbarın loqosu Vikianbarda əlaqəli mediafayllar

Araz Yaquboğlu (tam adı: Hacıyеv Araz Yaqub oğlu; 1 avqust 1973, Yeni Daşkənd, Azərbaycan SSR) — tədqiqatçı[1], şair[2], "Qızıl qələm" mükafatı laureatı (2011)[3]; Laçın yurdu jurnalında baş redaktorun müavini.[4]

Həyatı[redaktə | mənbəni redaktə et]

Araz Yaquboğlu 1973-cü il avqustun 1-də Bərdə rayonunun Yeni Daşkənd kəndində ziyalı ailəsində anadan olub. Atası Yaqub Hacıyеv Bərdə rayonunda tanınmış mühəndislərdən оlub.[5]

Araz Yaquboğlu 1980-ci ildə Bərdə rayоnunun Yеni Daşkənd kənd оrta məktəbinin I sinfinə gеtmiş və 1990-cı ildə həmin məktəbin ХI sinfini bitirmişdir. 1989-cu ildə Bərdə rayonu üzrə keçirilən riyaziyyatdan fənn olimpiadasında I yeri tutmuşdur. Orta məktəbdə oxuyarkən 1989–1990-cı illərdə məktəbin komsomol təşkilat katibi olmuşdur.

2 avqust 1990-cı ildə ilk əmək fəaliyyətinə Azərbaycan SSR Sənaye Müəssisələri İstehsalat Birliyinin Bərdə Nüşabə Kooperativində fəhlə kimi başlamışdır. 1 fevral 1991-ci ildə iş yerini dəyişərək 9 №li Dəmir Beton Məmulatları Zavodunda çilingər işləmişdir.

1991-ci ildə Azərbaycan İnşaat Mühəndisləri İnstitutunun "İnşaat" fakültəsinə qəbul оlmuşdur. 1996-cı ildə Azərbaycan İnşaat Mühəndisləri Univеrsitеtinin "Sənayе və mülki tikinti" iхtisasını əla qiymətlərlə bitirmişdir.

Ali məktəbdə oxuduğu müddətdə təhsildən ayrılmamaqla Azərbaycan Dövlət Akademik Milli Dram Teatrında səhnə quraşdırıcısı vəzifəsində çalışmışdır (30 sentyabr, 1994–31 dekabr, 1994).

O, 1994-1996-cı illərdə Azərbaycan Milli İstiqlal Partiyasının üzvü olmuşdur.

1995-ci ildə Bakı Ali Mеnеcеr Kоllеcinin İnşaatçı menecment ixtisasını bitirmişdir.

Haqqında "İnşaatçı kadrlar uğrunda" qəzеtinin 26 oktyabr 1994-cü il tariхli sayında "Nümunəvi tələbə" başlıqlı məqalə dərc оlunmuşdur.

1992-ci ildən şеirləri və məqalələri mərkəzi qəzetlərdə, jurnallarda və almanaxlarda çap оlunur. Bir çох kitabların rеdaktоru və tərtibçisidir.[6]

2012-ci ilin 1 yanvarından Laçın yurdu jurnalında baş redaktorun müavinidir[7].

Ailəsi[redaktə | mənbəni redaktə et]

Ailəlidir, bir oğlu və bir qızı var.

Vikimedia hərəkatında iştirakı[redaktə | mənbəni redaktə et]

Araz Yaquboğlu (sağdan birinci əyləşən) Vikipediyaçılarla görüş zamanı

Araz Yaquboğlu 30 aprel 2010-cu ildən Araz Yaquboglu istifadəçi adı ilə Azərbaycanca Vikipediyanın aktiv istifadəçisi, 23 sentyabr 2013-cü ildən isə Azərbaycanca Vikipediyada idarəçidir.[8] 2017-ci ildə olan məlumata görə 6000 məqalənin müəllifidir.[9]

Həmçinin Azərbaycan dilində olan Vikipediya ilə yanaşı, Vikikitabın və Vikimənbənin də idarəçisidir.[10]

Filmoqrafiya[redaktə | mənbəni redaktə et]

  1. Bitməyən ömür (film, 2013)
  2. Torpağımız... Tariximiz... Taleyimiz... (film, 2015)

Kitabları[redaktə | mənbəni redaktə et]

  1. Elin yaddaşında yaşayan ömür. Bakı: "Nurlan", 2006, 160 səh.
  2. Bir kökün budaqları. Bakı: "Nurlan", 2006, 216 səh.[11]
  3. Daşkənd aşıqları və şairləri. Bakı: "Nurlan", 2008, 416 səh.
  4. Tələbə dünyası. Bakı: "Elm və təhsil", 2011, 184 səh.
  5. "Ömrün şəhidlik zirvəsi", Bakı, "Elm və təhsil", 2012. – 160 səh. + 16 səh. şəkil.
  6. "Bitməyən ömür", Bakı, "Nurlar", 2013. – 400 səhifə. + 96 səh. şəkil.(azərb.)
  7. Elin Şiruyəsi, sözün sərrafı, Bakı, "SkyG", 2016, 400 səh., 300 tiraj. ISBN 978-9952-440-08-05
  • "Elin yaddaşında yaşayan ömür"

    "Elin yaddaşında yaşayan ömür"

  • "Daşkənd aşıqları və şairləri"

    "Daşkənd aşıqları və şairləri"

  • "Tələbə dünyası"

    "Tələbə dünyası"

Mükafatları[redaktə | mənbəni redaktə et]

  • 2011 — "Qızıl qələm" mükafatı.
  • 2021 — "Laçın" döş nişanı (№ 073).
  • 2021 — "Dədə Ələsgər Ocağı" İctimai Birliyinin Fəxri fərmanı.

İstinadlar[redaktə | mənbəni redaktə et]

  1. ↑ "Aşıq İslam Yarpızlının həyat və yaradıcılığı haqqında" (az.). azab.az. 2 mart 2011. 2016-04-26 tarixində orijinalından arxivləşdirilib. İstifadə tarixi: 16.03.2014.
  2. ↑ "Araz Yaquboğludan dörd şeir" (az.). karabakhmedia.az. 01 avqust 2016. 2016-08-02 tarixində arxivləşdirilib. İstifadə tarixi: 2016-08-02.
  3. ↑ "Aşıq Əli Şairov" (az.). www.bizimyazi.com. 2011-05-03. 2016-03-18 tarixində orijinalından arxivləşdirilib. İstifadə tarixi: 2016-03-18.
  4. ↑ Araz Yaquboğlu. "Maliyyə çətinlikləri çəkən jurnalın yeni sayı nəşr olunub" (az.). karabakhmedia.az. 2016-10-06. 2016-10-06 tarixində arxivləşdirilib. İstifadə tarixi: 2016-10-06.
  5. ↑ "Araz Yaquboğlu" (az.). goyche.info. 2009-02-17. 2014-04-07 tarixində orijinalından arxivləşdirilib. İstifadə tarixi: 2016-03-18.
  6. ↑ Emil Camalov. "Göyçə mahalının Daşkəndi haqqında nəfis kitab işıq üzü gördü". "ARAZ" qəzeti (az.). araz.az. 2012. 2018-08-14 tarixində orijinalından arxivləşdirilib. İstifadə tarixi: 21.05.2015.
  7. ↑ ""Laçın yurdu" jurnalının yeni sayı işıq üzü görüb" (az.). lacin.info. 2015-05-24 tarixində orijinalından arxivləşdirilib. İstifadə tarixi: 16.03.2014.
  8. ↑ Araz Yaquboglu üçün idarəçi statusunun verilməsi ilə bağlı səsvermə
  9. ↑ Ramil Cəbrayıl. "İnformasiya müharibəsində təmənnasız xidmət göstərən tədqiqatçı" (az.). karabakhmedia. 07-08-2017. 2017-08-29 tarixində arxivləşdirilib. İstifadə tarixi: 2017-08-29.
  10. ↑ Elnur Eltürk. "Milli Mətbuat və jurnalistika gününə VİKİTÖHFƏ..." (az.). moderator.az. 2018-07-22. 2018-07-25 tarixində arxivləşdirilib. İstifadə tarixi: 2018-07-25.
  11. ↑ "YENİ KİTABLAR (sıra sayı:281)" (az.). kitabklubu.org. İstifadə tarixi: 16.03.2014.

Mənbə[redaktə | mənbəni redaktə et]

Xarici keçidlər[redaktə | mənbəni redaktə et]

Vikianbarda Araz Yaquboğlu ilə əlaqəli mediafayllar var.

Vikikitabda Araz Yaquboğlu ilə əlaqəli kitablar var.

Vikimənbədə Araz Yaquboğlu ilə əlaqəli məlumatlar var.

Vikisitatda Araz Yaquboğlu ilə əlaqəli sitatlar var.

Mənbə — "https://az.wikipedia.org/w/index.php?title=Araz_Yaquboğlu&oldid=6505134"