Argophyllum heterodontum

*Argophyllum heterodontum*
Argophyllum heterodontum
Elmi təsnifat
	XƏTA: parent və rang parametrlərini doldurmaq lazımdır. ???: Argophyllum heterodontum
Beynəlxalq elmi adı
	Argophyllum heterodontum A.R.Bean & P.I.Forst., 2018;

Argophyllum heterodontum — Argophyllaceae ailəsinə aid olan və yalnız Şimali-Şərqi Kvinslendin kiçik bir hissəsində endemik olan bitki. A. lejourdani növü ilə oxşarlıq göstərir və 2018-ci ildə təsvir edilərək adlandırılmışdır.

Təsviri

2–6 m hündürlüyündə böyüyən dağınıq bir kol bitkisidir. Yeni böyüyən hissələr pas rəngində tükcüklərlə örtülmüşdür və budaq ucundan 10 sm uzaqda olan yerlərdə bu tüklər krem-ağ rənginə çevrilir. Yarpaqları 35 mm uzunluğa qədər olan saplaqlar üzərində yerləşir, sadə, növbəli, üst tərəfi yaşıl, alt tərəfi isə gümüşü ağ rəngdədir. Yarpaqlar elliptikdən yumurta formasına qədər dəyişir, kənarları dişlidir və orta damarın hər iki tərəfində 6–10 yan damar vardır. Yarpaqların ölçüsü 14 sm uzunluğa və 5.5 sm enə qədərdir. ^[1]^[2]

Çiçəklənmələr yarpaq qoltuqlarında yaranan çətirşəkilli dəstələrdir. Onlar sıx, yunu xatırladan tüklərlə örtülmüşdür və uzunluğu 9 sm qədər ola bilər. Kiçik çiçəklər radial simmetriyaya malikdir. Meyvəsi təxminən 4 mm uzunluğunda və 5 mm diametrində olan bir kapsuladır.^[1]^[2]

Taksonomiyası

Bu növ avstraliyalı botanistlər Entoni Bin (Anthony Bean) və Paul Forster tərəfindən 2018-ci ildə Argophyllum cinsindəki bir neçə yeni növ ilə birlikdə ilk dəfə təsvir edilmişdir. Onların "Argophyllum J.R.Forst. & G.Forst. (Argophyllaceae) cinsinin Avstraliyada taksonomik icmalı" adlı məqaləsi Austrobaileya jurnalında dərc olunmuşdur. Tip nümunəsi 2003-cü ildə Forster tərəfindən Kernsdən (Cairns) təxminən 20 km cənubda yerləşən Volşs Piramiddə (Walshs Pyramid) toplanmışdır.^[1]^[2]

Etimologiya

Argophyllum cinsinin adı qədim yunan dilində “arqos” (Árgos – ağ və ya parlaq) və “fullon” (phúllon – yarpaq) sözlərindən götürülmüşdür. Bu, yarpaqların alt hissəsinin ağ rəngini ifadə edir. ^[1] Növün adı olan “heterodontum” isə “héteros” (fərqli) və “odóntos” (diş) sözlərindən yaranmışdır. Bu ad yarpaq kənarındakı dişlərin müxtəlif ölçülərdə olmasına işarə edir.^[3]^[1]

Həmçinin bax

İstinadlar

1 2 3 4 5 Bean, A.R.; Forster, P.I. "A taxonomic revision of Argophyllum J.R.Forst. & G.Forst. (Argophyllaceae) in Australia" (PDF). Austrobaileya. 10 (2). 2018: 207–235. 17 sentyabr 2021 tarixində arxivləşdirilib (PDF). İstifadə tarixi: 30 avqust 2021.
1 2 3 F.A.Zich; B.P.M.Hyland; T.Whiffen; R.A.Kerrigan. "Argophyllum heterodontum". Australian Tropical Rainforest Plants Edition 8 (RFK8). Centre for Australian National Biodiversity Research (CANBR), Australian Government. 2020. 30 avqust 2021 tarixində arxivləşdirilib. İstifadə tarixi: 30 avqust 2021.
↑ "Argophyllum heterodontum". Australian Plant Name Index (APNI). Centre for Plant Biodiversity Research, Australian Government. İstifadə tarixi: 30 avqust 2021.

Xarici keçidlər

Australasian Virtual Herbarium-da — xəritəsi
Flickriver-də — şəkilləri

[BEAN-1] 1 2 3 4 5 Bean, A.R.; Forster, P.I. "A taxonomic revision of Argophyllum J.R.Forst. & G.Forst. (Argophyllaceae) in Australia" (PDF). Austrobaileya. 10 (2). 2018: 207–235. 17 sentyabr 2021 tarixində arxivləşdirilib (PDF). İstifadə tarixi: 30 avqust 2021.

[RFK-2] 1 2 3 F.A.Zich; B.P.M.Hyland; T.Whiffen; R.A.Kerrigan. "Argophyllum heterodontum". Australian Tropical Rainforest Plants Edition 8 (RFK8). Centre for Australian National Biodiversity Research (CANBR), Australian Government. 2020. 30 avqust 2021 tarixində arxivləşdirilib. İstifadə tarixi: 30 avqust 2021.

[APNI-3] "Argophyllum heterodontum". Australian Plant Name Index (APNI). Centre for Plant Biodiversity Research, Australian Government. İstifadə tarixi: 30 avqust 2021.

[1]

[2]

[3]