Arif İbrahimli

Vikipediya, açıq ensiklopediya
Jump to navigation Jump to search
Arif İbrahimli
Arif İbrahimli Arif İbrahimli
Doğum tarixi 2 avqust 1978 (1978-08-02) (40 yaş)
Doğum yeri Laçın, Mişni
Təhsili Bakı Dövlət Universiteti

Arif İbrahimli — Azərbaycan Respublikası Təhsil Şurasının İcra Aparatının rəhbəri, Azərbaycan Texniki Universitetinin müəllimi, şair.

Həyatı[redaktə | əsas redaktə]

İbrahimov Arif 2 avqust 1978-ci ildə Laçın rayonunun Mişni kəndində anadan olub[1]. 1984-cü ildə Mişni kənd orta məktəbində 1-ci sinifə getmiş, 1995-ci ildə Qaradağ rayonunda yerləşən 7 saylı Laçın şəhər orta məktəbini bitirib. 1998-2000 illərdə hərbi xidmətdə olmuşdur. 2002-ci ildə Bakı Dövlət Universitetinin tarix fakultəsinə qəbul olunmuşdur. 2006-2008 illərdə BDU-nin magistratura pilləsində təhsil almış, "XV əsr Azərbaycan tarixi (Əbubəkr Tehraninin "Kitabi Diyarbəkriyyə" əsəri üzrə) mövzusunda dissertasiya müdafiə etmiş və fərqlənmə diplomu ilə bu pilləni bitirmişdir.

Hal-hazırda BDU-nun tarix fakultəsinin Azərbaycan tarixi kafedrasının doktorantıdır. "Azərbaycanın Qazax, Borçalı və Şəmşəddil torpaqları (XVIII əsrin ikinci yarısında, XIX əsrin birinci 30 ilində) adlı dissertasiya işi üzərində işləyir.

Azərbaycan Texniki Universitetinin İctimai fənnlər kafedrasının baş müəllimidir.

1 noyabr 2013-cü ildə Azərbaycan Respublikası Təhsil Şurasının İcra Aparatının rəhbəri təyin olunmuşdur.

"Həsrət yağışı" adlı şeirlər kitabının, bir sıra elmi, publisistik məqalələrin müəllifidir.

İstinadlar[redaktə | əsas redaktə]

  1. "Arif İbrahimli", "Laçın yurdu" jurnalı, №1 (12), Bakı, "Bəxtiyar-4" nəşriyyatı, 2014. səh.20-21.

Mənbə[redaktə | əsas redaktə]

Arif İbrahimli-XOCALI FACİƏSİ (Zorlanmış yaddaşımız)..