Arif Əşrəfov

Vikipediya, azad ensiklopediya
Jump to navigation Jump to search
Arif Əşrəfov
Arif Əşrəfov

Arif Əşrəfov — Azərbaycan Respublikası Milli Məclisinin IV çağırış deputatı

Həyatı[redaktə | əsas redaktə]

Arif Əşrəfov 1958-cil il aprel ayının 15-də Xaçmaz şəhərində anadan olmuşdur. 1976-1990-cı illərdə Xaçmaz rayon Maliyyə şöbəsində inspektor, böyük iqtisadçı,   baş iqtisadçı, şöbə

müdiri vəzifələrində çalışmışdır. Dəfələrlə işdə fərqlənməyə görə Respublika Maliyyə Nazirliyi və yerli orqanlar tərəfindən fəxri fərman və mükafatlarla təltif olunmuşdur.

1990-cı ildən yeni yaradılmış Xaçmaz rayon Vergi inspeksiyasının rəisi vəzifəsinə təyin olunmuş, 2001-ci ilə qədər bu vəzifədə çalışmışdır. 2001-ci ildə yeni yaradılmış 1 Saylı ərazi idarəsinin rəisi vəzifəsinə təyin edilmişdir. Azərbaycan Respublikası Vergi Məcəlləsinin hazırlanmasında işçi qrupunun tərkibində olmuşdur.

2003-2005-ci illərdə İqtisadi İnkişaf Nazirinin müşaviri, Antiinhisar Siyasəti Departamentinin rəhbəri vəzifələrində işləmişdir. Azərbaycan Respublikası “Rəqabər Məcəlləsi”nin Layihəsinin hazırlanmasında müstəsna rolu olmuşdur.

2006-2010-cu illərdə Standartlaşdırma, Metrologiya və Patent üzrə Dövlət Komitəsində Aparatın rəhbəri vəzifəsində çalışmışdır. Fəaliyyət dövrü ərzində Standartlaşdırma İnstitutunun formalaşması, beynəlxalq standartların Azərbaycanda tətbiqi istiqamətində koordinasiyanın və Milli etalon bazasının yaradılmasında, Patent, Ölçmələrin vəhdətinin təmin edilməsi, Texniki Tənzimləmə, Akkreditasiya və s. Qanunvericilik aktlarının yeni müstəviyə gətirilməsində, Beynəlxalq standartlara cavab verən ərzaq, neft kimya laboratoriyalarının qurulmasında, Ərazi İdarələrinin yaradılması və koordinasiyasında, Beynəlxalq Təşkilatlarla, o cümlədən KOOMET, Əqli Mülkiyyət təşkilatı olan ÜƏMT, Tvining layihəsinin ekspertləri və s. Beynəlxalq təşkilatlarla əlaqələrin qurilmasında müstəsna iştirakı və zəhməti olmuşdur.

2010-2015-ci illərdə Dördüncü çağırış Azərbaycan Respublikasının Milli Məclisinin deputatı olmuşdur. Komissiya iclaslarında plenar iclasa tövsiyə olunan hər bir layihənin müzakirəsində fəal iştirak etməklə, yeni qanunvericilik aktlarına və qanunlara edilən dəyişikliklərə öz münasibətini bildirmişdir.

Video çıxışlar:[redaktə | əsas redaktə]

Bəxtiyar Vahabzadə Şeir Yaşıdlarım - Arif Əşrəfov

İTV - Diqqet Merkezi - Arif Əşrəfov 

Parlamentdə patent haqqında qanun çıxış - Arif Əşrəfov

İllik Hesabatın müzakirəsi - Arif Əşrəfov

Ölçmələrin Vəhdətinin Təmin Edilməsi haqqında Qanun - Arif Əşrəfov

Vergi məcəlləsində dəyişikliklər - Arif Əşrəfov