Arif Heydərov

Arif Heydərov
Arif Heydərov
Azərbaycan SSR daxili işlər naziri
	24 mart 1970 – 29 iyun 1978
Əvvəlki	Məmməd Əlizadə
Sonrakı	Cəfər Vəliyev
Şəxsi məlumatlar
Doğum tarixi	28 iyun 1926
Doğum yeri	Ağdaş, Azərbaycan SSR, ZSFSR, SSRİ
Vəfat tarixi	29 iyun 1978 (52 yaşında)
Vəfat yeri	Bakı, Azərbaycan SSR, SSRİ
Vəfat səbəbi	qətlə yetirilib
Dəfn yeri	Fəxri Xiyaban;
Partiya	Sovet İttifaqı Kommunist Partiyası (1948–1978);
Təhsili	Bakı Dövlət Universiteti;
Fəaliyyəti	dövlət xadimi
Atası	Nəzər Heydərov
Rütbəsi	; Daxili xidmət general-leytenantı
Təltifləri	;
	Vikianbarda əlaqəli mediafayllar

Arif Nəzər oğlu Heydərov (28 iyun 1926, Ağdaş – 29 iyun 1978, Bakı) — Azərbaycan dövlət xadimi, Azərbaycan SSR daxili işlər naziri (1970–1978), Azərbaycan SSR Ali Sovetinin deputatı, daxili xidmət general-leytenantı (1976).

Həyatı

Arif Nəzər oğlu Heydərov 1926-cı ilin 28 iyununda Ağdaş şəhərində Nəzər Heydərovun ailəsində dünyaya gəlib. Əslən Qubadlı rayonunun Gürcülü kəndindəndir. Bakı Dövlət Universitetinin tarix fakültəsini bitirib. Əmək fəaliyyətinə 1942-ci ildə başlayıb, Əzizbəyov Neft Trestində çilingər işləyib. 1943-cü ildə Moskvaya xüsusi təhsil məktəbinə oxumağa göndərilib. 1944–1945-ci illərdə İkinci Dünya müharibəsinin iştirakçısı olub, Berlinə hücum əməliyyatında iştirak edib. 1945–1947-ci illərdə Polşada və Almaniyada müttəfiqlərin qoşunlarının heyətində xidmət keçib. 1949–1970-ci illərdə Azərbaycan SSR Nazirlər Soveti yanında Dövlət Təhlükəsizlik Komitəsinin kəşfiyyat şöbəsində işləyib. Bu dövrdə operativ tapşırıqlarla əlaqədar dəfələrlə xarici ölkələrə gedib və uzun müddət Almaniya Demokratik Respublikasında və Türkiyədə daimi işdə çalışıb. 1967–1970-ci illərdə Türkiyədə konsul, 1970–1978-ci illərdə Azərbaycan SSR daxili işlər naziri işləyib. Azərbaycan SSR Ali Sovetinin deputatı idi.^[1]

Arif Heydərov 29 iyun 1978-ci ildə iş yerində qətlə yetirilmişdir.^[2] Qatil — Şuşa həbsxanasının təsəfürat hissəsinin rəisi kapitan Ziya Muradov 29 iyunda Bakıya gələrək mülki geyimdə Daxili İşlər Nazirliyinin binasına daxil olur. Nazirin qəbul otağına gələrək nazirin böyük referenti podpolkovnik Səfixanovu Makarov tipli tapança ilə öldürür və otağa daxil olaraq nazir Arif Heydərovu və onun müavini general-mayor Salahəddin Kazımovu ölümcül yaralayır. Daha sonra Z. Muradov özünü öldürür. Mətbuatda qətl xəbəri "xidməti vəzifəsini yerinə yetirərkən faciəli surətdə həlak olmuşdur" ifadəsi ilə çıxmışdır.^[3]

Alman, ingilis, türk, fars dillərini bilirdi. SSRİ-nin "Qırmızı bayraq", "Şərəf nişanı" ordenləri və bir çox sovet və xarici ölkə medalları ilə təltif olunmuşdu. Adına Bakıda tanker, küçə, hospital və məktəb vardır.

Ailəsi

Nəzər Heydərovun oğludur
Qaçay Heydərovun qardaşıdır

İstinadlar

↑ Һејдәров Ариф Нәзәр оғлу // Азәрбајҹан Совет Енсиклопедијасы: [10 ҹилддә]. X ҹилд: Фрост—Шүштәр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. С. 161–162.
↑ "Gözlənilməyən bir qətlin tarixçəsi" ( (az.)). azadliq.org. 2009-10-05. 2017-01-07 tarixində arxivləşdirilib. İstifadə tarixi: 2016-12-09.
↑ "XX yüzillik. Faktlar, hadisələr və insanlar, 1978-ci il". YouTube. İctimai TV. 2024-01-31. 2024-05-04 tarixində arxivləşdirilib. İstifadə tarixi: 2024-05-04.

Xarici keçidlər

[ase-1] Һејдәров Ариф Нәзәр оғлу // Азәрбајҹан Совет Енсиклопедијасы: [10 ҹилддә]. X ҹилд: Фрост—Шүштәр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. С. 161–162.

[2] "Gözlənilməyən bir qətlin tarixçəsi" ( (az.)). azadliq.org. 2009-10-05. 2017-01-07 tarixində arxivləşdirilib. İstifadə tarixi: 2016-12-09.

[3] "XX yüzillik. Faktlar, hadisələr və insanlar, 1978-ci il". YouTube. İctimai TV. 2024-01-31. 2024-05-04 tarixində arxivləşdirilib. İstifadə tarixi: 2024-05-04.

[1]

[2]

[3]