Arif Qasımov (aktyor)

Vikipediya, açıq ensiklopediya
Jump to navigation Jump to search
Arif Qasımov
Arif Qasımov (aktyor).jpg
Doğum tarixi 23 dekabr 1950(1950-12-23)
Doğum yeri Bakı, Azərbaycan SSR, SSRİ
Vəfat tarixi 7 mart 2016 (65 yaşında)
Vəfat yeri Bakı, Azərbaycan
Vətəndaşlığı Flag of the Soviet Union.svg SSRİ
Flag of Azerbaijan.svg Azərbaycan
Peşələri Aktyor
Rejissor
IMDb: ID 3177895

Arif Qasımov (23 dekabr 1950 – 7 mart 2016) — Azərbaycan aktyoru, rejissor.

Həyatı[redaktə | əsas redaktə]

Arif Qasımov 1950-ci ildə Bakıda anadan olmuşdur. 1968-ci ildə orta məktəbi bitirmişdir.3 il sonra,1971-ci ildə Mədəni Maarif Texnikumuna, ardınca 1975-ci ildə İncəsənət İnstitutuna daxil olmuşdur. Fəxrəddin Manafovla bir yerdə Aktyorlar evində işləyən Arif Qasımov universitetdə onunla bir yerdə təhsil almışdır. Ondan sonra Moskvada Ali Rejissorluq Kursunda təhsilini davam etdirmişdir.Ağasadıq Gəraybəyli ilə Cahangir Mehdiyevin "Diplom işi" filmində çəkilmişdir.[1] Üç il Gənc Tamaşaçılar Teatrında işıqçı olan Arif Qasımov uzun illər AzTV-də rejissor işləmişdir. İndiyə kimi 38 filmə çəkilmişdir. Rejissor Ramiz Həsənoğlunun quruluş verdiyi televiziya tamaşalarında, "Yoxlama" filmində və "Mozalan" satirik kinojurnalında yaddaqalan rollar ifa etmişdir. "Dağlı çörəyi" adlı film və silsilə verilişlərdə rejissorluq etmişdir.Ömrünün son illərində "Uşaq və Gənclər" redaksiyasında çalışmışdır.

Arif Qasımov istedadlı aktyor və rejissor idi. O, digərlərindən qısa boyu (150 sm) ilə fərqlənsə də,özünü sənətkar kimi sübut etmişdir. Bundan əlavə, o,mahir rəqqas idi,bir neçə filmdə bu qabiliyyətini nümayiş etdirmişdir. O,maraqlı görünüşü,gülərüz siması, gülməşəkər əhvalatları, gözəl yumoru ilə hər kəsin sevgisini qazanmışdır.

Uzun illər ürək-damar xəstəliklərindən əziyyət çəkən Arif Qasımov öd kisəsindən əməliyyat olunmuşdur. 7 mart 2016-cı ildə sənətkarın vəziyyəti qəfildən pisləşmiş və komaya düşmüşdür. Həkimlərin səyinə baxmayaraq istedadlı aktyor,dünyasını dəyişmişdir.[2]

Ailəsi[redaktə | əsas redaktə]

Aktyor 1992-ci ildə 42 yaşında Sevil xanımla ailə həyatı qurmuşdu. Nigar adlı qızı vardı.

Filmoqrafiya[redaktə | əsas redaktə]

  1. Araşdırın (film, 1978)
  2. Diplom işi (film, 1979)
  3. Vah!.. (film, 1980)
  4. Marş (film, 1982)
  5. Ömrün yolları (film, 1982)
  6. Balıq günü (film, 1983)
  7. Evlənmək istəyirəm (film, 1983)
  8. Bayramda yağış (film, 1985)
  9. Yaramaz (film, 1988)
  10. 777 №-li iş (film, 1992) (tammetrajlı bədii film)
  11. Ac həriflər (film, 1993) (tammetrajlı film-tamaşa) (AzTV) - rol: sarı pencəkli kişi, hacı
  12. "Fransız" (film, 1995)
  13. Qarabağ şikəstəsi (film, 1996)
  14. Hər şey yaxşılığa doğru (film, 1997)
  15. Otel otağı (film, 1998)
  16. Yerlə göy arasında (film, 1999)
  17. Ayna (film, 2000)
  18. Nekroloq (film, 2001)
  19. Hacı Qara (film, 2002)
  20. Pilləkən (film, 2002)
  21. Yaşıl eynəkli adam-3 (film, 2002)
  22. Dəvətnamə (film, 2003)
  23. Milli bomba (film, 2004)
  24. Mükafat (film, 2004)
  25. Əlvida, cənub şəhəri (film, 2006)
  26. Kişiləri qoruyun (film, 2006)
  27. Yoxlama (film, 2006)
  28. Dağlı çörəyi (film, 2007)
  29. Halal pullar (film, 2008)
  30. Qocalar (film, 2008)
  31. Ci-Mi (film, 2008)
  32. Adam (film, 2010)
  33. İstanbul reysi (film, 2010)

İstinadlar[redaktə | əsas redaktə]