Məzmuna keç

Arsen Mirzoyan

Vikipediya, azad ensiklopediya
Arsen Mirzoyan
ukr. Арсен Романович Мірзоян
Ümumi məlumatlar
Doğum tarixi 15 may 1978(1978-05-15) (48 yaş) və ya 20 may 1978(1978-05-20) (48 yaş)
Doğum yeri
Musiqiçi məlumatları
Fəaliyyəti müğənni, bəstəkar
Fəaliyyət illəri 1997-ci ildən
Musiqi alətləri gitara
Mükafatları 3-cü dərəcəli "Xidmətlərə görə" ordeni
Ukraynanın əməkdar artisti
arsen-music.com.ua
Vikianbarın loqosu Vikianbarda əlaqəli mediafayllar

Arsen Romanoviç Mirzoyan (ukr. Арсен Романович Мірзоян; 15 may 1978 və ya 20 may 1978, Zaporojya) — ermənimənşəli Ukrayna müğənnisi, mahnı müəllifi və Ukraynanın əməkdar artisti (2020-ci il). O həmçinin, "Ölkənin səsi" (Qolos krainı) istedad şousunun iştirakçısı kimi tanınmışdır.

Həyatı

[redaktə | vikimətni redaktə et]

Arsen Mirzoyan Zaporojya şəhərində erməniəsilli bir ailədə anadan olmuş və orada böyümüşdür. 1995-ci ildə Zaporojya Dövlət Mühəndislik Akademiyasının əlvan metallurgiya mühəndisliyi ixtisasına qəbul olunmuşdur.[1] O, ali təhsilini 2000-ci ildə başa vurmuşdur. Məktəbdə oxuduğu illərdə konsertlərdə də iştirak etmiş və şeirlər yazmışdır ki, bunlardan bəziləri sonradan mahnılarında istifadə edilmişdir.[2] Ali təhsilini bitirdikdən sonra Zaporojyada yerləşən "Motor Siç" müəssisəsində çalışmışdır, lakin universitetin "Şən və Hazırcavablar Klubu" (KVN) komandasının, demək olar ki, bütün üzvləri "Zaporojstal" ASC-də işə düzəldikdən və orada eyniadlı komanda təşkil etdikdən sonra o da həmin kombinatın mexanika sexinə dəvət edilmişdir. Arsen Mirzoyan burada 12 il ərzində sahə ustası vəzifəsində fəaliyyət göstərmişdir.[1]

2000-ci ildə sol qulağının, 2004-cü ildə isə sağ qulağının eşitmə qabiliyyətini tamamilə itirmişdir, lakin həkimlərin həyata keçirdiyi protezləmə əməliyyatı sayəsində o, yenidən eşitmə qabiliyyətini bərpa etmiş və musiqi ilə məşğul olmaq imkanı qazanmışdır.[2]

Şəxsi həyatı

[redaktə | vikimətni redaktə et]

Mirzoyanın ilk həyat yoldaşı Annadan Vlad və Artyom adlı iki oğlu var, lakin o, 2011-ci ildə "Ölkənin səsi"də Tonya Matviyenko ilə dostlaşmış və münasibətləri o qədər inkişaf etmişdir ki, o, 2013-cü ilin sonunda Annadan boşanmaq üçün ərizə vermişdir. Arsen Mirzoyan Tonya Matviyenko ilə ailə həyatı qurmuşdur. İlk nikahından iki oğlu olan ifaçının 15 yanvar 2016-cı il tarixində Antonina ilə olan münasibətindən Nina adlı qızı dünyaya gəlmişdir. Cütlük 15 iyun 2017-ci il tarixində rəsmi şəkildə nikaha daxil olmuşdur.[1] Oğulları ilə isti münasibətlər saxlayır.[3]

Musiqi karyerası

[redaktə | vikimətni redaktə et]

Başlanğıc dövrü

[redaktə | vikimətni redaktə et]

Arsen Mirzoyanın peşəkar musiqi təhsili olmamışdır. O, musiqi fəaliyyətinə 1997-ci ildə "Ars" qrupunun tərkibində çıxış edərək başlamışdır. 1998-ci ildə dostları onu rok qrupuna qoşulmağa dəvət etmişdilər və bu, tərkibi bir qədər dəyişkən olan "Totem" qrupuna çevrilmişdir. Qrup müxtəlif islahatlar və heyət dəyişikliklərindən "Baburka" qrupuna çevrilmişdir. Məhz bu kollektivlə birlikdə o, "Mövsümün inciləri" (Perlını sezonu) və "Çervona Ruta" festivallarında iştirak etmişdir.[2] Bu festivalların birində o, "Tartak" qrupunun lideri Saşko Polojinski ilə tanış olmuşdur. S. Polojinski tezliklə M1 telekanalında gənc istedadların aşkar edilməsi məqsədilə yaradılan "Təzə qan" (Svijja krov) layihəsinin aparıcısı olmuş və Arseni öz qrupu ilə birlikdə proqrama dəvət etmişdir. Sonradan, 2008-ci ildə, Arsen Mirzoyan "Tavriya oyunları" (Tavriyski ihri) festivalında "Tartak" qrupunun tərkibində çıxış edərək, Andrey Pidlujnını əvəz etmiş və "Heç kimə demədən" (Ne kajuçi nikomu) mahnısını ifa etmişdir.[1]

2008-ci ildə Polojinskinin dəvəti ilə "Tartak" qrupu ilə birlikdə "Tavria Games" festivalında çıxış etmişdir. Elə həmin il "TNT-Russia" kanalında "Qaydasız gülüş" finalına çıxmış və altıncı yeri tutmuşdur.[4]

"Ölkənin səsi

[redaktə | vikimətni redaktə et]

2011-ci ildə "Ölkənin səsi" (Qolos krainı) şousunun iştirakçısı olan Arsen Mirzoyan mürəkkəb seçim mərhələlərindən keçərək Stas Pyexanın komandasında canlı yayımlara vəsiqə qazanmışdır. Layihə müddətində iştirakçılar və təşkilatçılar arasında o, "üsyançı" ləqəbi ilə tanınmışdır. Şounun final mərhələsində dördüncü yeri tutan ifaçı burada öz müəllif mahnısı olan "Gecə"ni (Niç) səsləndirmişdir; həmin kompozisiya sonradan "Gələcəklə hamilə olanlar" (Vahitni maybutnim) adı ilə alboma daxil edilmişdir.[5]

İlk albom

[redaktə | vikimətni redaktə et]

2011-ci il 30 noyabr tarixində müğənninin "Düymələr" (Hudzıkı) adlı debüt albomunun təqdimatı keçirilmişdir. Alboma on mahnı və bonus trek kimi Arsen Mirzoyanın Tonya Matviyenko ilə duet şəklində ifa etdiyi "İvana Kupala" müəllif mahnısı daxil edilmişdir.[6]

İkinci albom və sonrası

[redaktə | vikimətni redaktə et]

2013-cü ildə ifaçının 11 mahnıdan ibarət "Narahat çarpayılar" (Nezruçni lijka) adlı ikinci studiya albomu işıq üzü görmüşdür. Həmin dövrdə o, Avromaydanda çıxışlar etmişdir.[7]

2017-ci ildə Arsen Mirzoyan Ukraynanı Avroviziya mahnı müsabiqəsində təmsil etmək uğrunda keçirilən milli seçim turlarına qatılmışdır. O, müsabiqədə fransız mənşəli Ukrayna müğənnisi Pol Manondiz ilə həmmüəllif olduğu "Ceraldina" (Geraldine) mahnısı ilə mübarizə aparmış və yarımfinalda üçüncü yeri tutmuşdur.[1]

2018-ci ildə o, nüfuzlu sovet müğənnisi, bəstəkarı, şairi və aktyoru olan və həmin il 80 yaşı tamam olacaq Vladimir Vısotskinin (1938–1980) xatirəsinə həsr olunmuş qastrol səfərinə çıxmışdır. Mirzoyan demişdir ki, o, Vısotskinin mahnılarını beş yaşında öyrənməyə başlamışdi.[8]

Daha sonra iki albom buraxmışdır. Onlar: 2019-cu ildə "Інгредієнт" (Tərkib hissəsi) və 2021-ci ildə 5 yaşlı qızı Nina ilə duet oxuduğu "Монархия" (Monarxiya). 2020-ci ildə o, "Ukraynanın Əməkdar artisti" elan edilmiş[9] və daha sonra 2022-ci ildə 3-cü dərəcəli "Xidmətə görə ordeni" ilə təltif olunmuşdur.[10]

2022-ci ilin fevral ayında Rusiyanın Ukraynaya müdaxiləsindən sonra, Arsen Mirzoyan Kiyev uğrunda gedən döyüşlərdə hərbi xidmətdə olduğu müddətdə "Mənim ölkəm" (Moya kraina) mahnısını bəstələmişdir. Bu əsər insanları Ukraynada qalmağa və müqavimət göstərməyə səsləyən bir çağırış xarakteri daşıyırdı. İfaçı qeyd etmişdir ki, "Mənim ölkəm" mahnısı onun şəxsi seçimi — ölkədə qalıb döyüşmək qərarı haqqındadır. Mirzoyan bu mahnı vasitəsilə ölkəni tərk etmək və ya qalmaq arasında tərəddüd edənlərin vətənpərvərlik hisslərini gücləndirməyi və Kiyevdə qalmağa qərar verənlərə mənəvi dəstək olmağı hədəflədiyini bildirmişdir.[4]

Müğənni hazırda "Zaporuka" Xeyriyyə Fondu ilə əməkdaşlıq edir və humanitar yardımların boşaldılması zamanı hərbçilər üçün mütəmadi olaraq qeyri-rəsmi konsertlər təşkil edir.[4] 2022-ci il 24 avqust tarixində — Ukraynanın Müstəqillik Günündə Arsen Mirzoyan həyat yoldaşı və qızı Nina ilə birlikdə Avropa İttifaqının Ukraynadakı nümayəndəliyinin "Facebook" səhifəsində yayımlanan xüsusi onlayn konsertdə iştirak etmişdir.[11]

Digər fəaliyyəti

[redaktə | vikimətni redaktə et]

Arsen Mirzoyan bir neçə il ərzində "AMiK" Yaradıcılıq Birliyinin mərkəzi liqalarında "Zaporojstal" adlı "Şən və Hazırcavablar Klubu" (KVN) komandasının heyətində çıxış etmişdir. O, həmçinin "Comedy Club Ukraine" layihəsinin və Zaporojyedə təşkil olunan "Xuliqanlar" (Xulihanı) adlı komediya şousunun rezidentidir.[6]

Arsen Mirzoyan yaxşı rəsm çəkmək qabiliyyətinə malikdir və kulinariya sahəsində bacarıqlıdır. İdmana, xüsusilə velosiped sürməyə və voleybola böyük marağı vardır. Məktəb və tələbəlik illərində teatr tamaşalarında çıxış etmiş və peşəkar səviyyədə həndbolla məşğul olmuşdur. Ədəbi zövqünə gəldikdə müğənni daha çox Anna Axmatova və İqor Severyaninin yaradıcılığına üstünlük verir.[5]

Diskoqrafiya

[redaktə | vikimətni redaktə et]
Mirzoyan Melitopol şəhərində. 2015-ci il.

«Ґудзики» (2011)

[redaktə | vikimətni redaktə et]

30 noyabr 2011-ci ildə debüt albomu "Ґудзики" çıxmışdır. Alboma 11 orijinal mahnı daxil idi:

  1. Тісто
  2. Курам на сміх
  3. Ґудзики
  4. Кінець кохання
  5. Скажи чому
  6. Не на людях
  7. Бувай, малий
  8. Вагітні майбутнім
  9. Не тобі
  10. Для всіх
  11. Івана Купала (ft. Тоня Матвієнко)

«Незручні ліжка» (2013)

[redaktə | vikimətni redaktə et]

2013-cü ildə ikinci studiya albomu "Незручні ліжка" buraxılmışdır. Alboma 11 mahnı daxil idi:

  1. Коли ти підеш
  2. Капронові банти
  3. П'ята Ахілла
  4. Зимовий пляж
  5. Смужка
  6. Невчасна
  7. Москва-Новосибірськ
  8. На кордоні зими
  9. Вінні-Пух
  10. Пілігрим
  11. Когда весна придет, не знаю (Aleksandr Ponomarov ilə birlikdə)

«Ніч» (2015)

[redaktə | vikimətni redaktə et]

2015-ci ildə "Ніч" albomu çıxmışdır. Alboma 8 mahnı daxil idi:

  1. Осіння
  2. Не на людях
  3. Ніч
  4. Невчасна
  5. Небо на себе
  6. Екзюпері
  7. Чанг
  8. Yes we've got it man

«Паперовий сніг» (2016)

[redaktə | vikimətni redaktə et]

2016-cı ildə üçüncü studiya albomu "Паперовий сніг" çıxmışdır. Alboma 11 mahnı daxil idi:

  1. Паперовий сніг
  2. Інші двері
  3. Можеш як…
  4. Таксі
  5. Мачо
  6. Небо на себе
  7. Поцілуй
  8. Медузи
  9. Стрелы
  10. Прости
  11. Исповедь гонщика

«Слова і Ноти» (2017)

[redaktə | vikimətni redaktə et]

2017-ci ildə dördüncü studiya albomu "Слова і Ноти" buraxılmışdır. Alboma 11 mahnı daxil idi:

  1. Ідіоти
  2. Зменшуй Оберти
  3. Листя Жовтня
  4. Слова Розлук
  5. Позич Мені Себе
  6. Гави
  7. Джеральдіна
  8. Не Магеллан
  9. Жорж Санд
  10. Фура і Артисти (Aleksandr Polojinski ilə birlikdə)
  11. Geraldine

«Інгредієнт» (2019)

[redaktə | vikimətni redaktə et]

Beşinci studiya albomu "Інгредієнт" 2019-cu ildə buraxılmışdır. Alboma 11 mahnı daxil idi və təqdimat Ukrayna Sarayında keçirilən solo konsertdə baş tutmuşdur.

  1. Інспектор Час
  2. По той бік
  3. Вулиці
  4. Незнайомці
  5. Королева
  6. Інгредієнт
  7. Межа
  8. М'яч
  9. Вулкан
  10. Іграшкова зброя (Oleq Sobçuk ilə birlikdə)
  11. 1000 раз (bonus track)

«Монархія» (2021)

[redaktə | vikimətni redaktə et]
Mirzoyanın Polşanın Qdansk şəhərində keçirilən "Ukrayna mahnısı-2022" konsertində.

2021-ci ildə 6-cı studiya albomu "Monarxiya" buraxılmışdır. Alboma 12 mahnı daxil idi. Albomun təqdimatı 29 noyabr 2021-ci ildə Ukrayna Sarayında baş tutmuşdur.

  1. Ваша Величність
  2. Твій Король
  3. Земля
  4. Стіни
  5. Офелія
  6. Подружка
  7. Намалюю Зиму
  8. Штучні Сонця
  9. Інженер
  10. Сніговик (дует з донькою — Ніною Матвієнко молодшою)
  11. Твій День
  12. Манікюр

Kinematoqrafiya

[redaktə | vikimətni redaktə et]
  • 2021 — Кохання без вагання — Олександр

İstinadlar

[redaktə | vikimətni redaktə et]
  1. 1 2 3 4 5 Tatyana Andrianova. "Arsen Mirzoyan". 24smi.org. İstifadə tarixi: 13 avqust 2023.
  2. 1 2 3 Marianna Semerenko. "Арсен Мірзоян – заслужений артист України родом із Запоріжжя" [Arsen Mirzoyan is an honored artist of Ukraine from Zaporizhzhia]. zaporizhski.info. 15 iyul 2020. İstifadə tarixi: 17 avqust 2023.
  3. ↑ Scott. "Wow, what handsome men! What Arsen Mirzoyan's grown-up sons look like from his first marriage". Global Happenings. 6 yanvar 2022. İstifadə tarixi: 16 avqust 2023.
  4. 1 2 3 Julia Obelets. "Арсен Мірзоян : "У мене є пісні, присвячені подіям на Сході, але я написав їх для цивільних". Коло – новини Полтави" [Arsen Mirzoyan: "I have songs dedicated to events in the East, but I wrote them for civilians."]. kolo.news. 20 may 2016. İstifadə tarixi: 20 avqust 2023.
  5. 1 2 Арсен Мирзоян: «На „Голосе Країни“ за мной закрепилось звание бунтаря» [ВИДЕО] Arxivləşdirilib 2013-04-10 at the Wayback Machine  (rus.)
  6. 1 2 "Арсен Мірзоян (Бабурка): биография". 25 серпня 2013 tarixində arxivləşdirilib. İstifadə tarixi: 1 серпня 2013.
  7. ↑ "Арсен Мірзоян – Незручні ліжка (2013)" [Arsen Mirzoyan – Uncomfortable Beds (2013)]. notatky.com.ua. 28 fevral 2017. İstifadə tarixi: 25 avqust 2023.
  8. ↑ "Vladimir Vysotsky — The Russian Bob Dylan At 80". forward.com. 26 yanvar 2018. İstifadə tarixi: 13 avqust 2023.
  9. ↑ "УКАЗ ПРЕЗИДЕНТА УКРАЇНИ №254/2020 — Офіційне інтернет-представництво Президента України | Про відзначення державними нагородами України з нагоди Дня Конституції України" [Decree of the President of Ukraine of June 27, 2020 No. 254/2020]. president.gov.ua. İstifadə tarixi: 14 avqust 2023.
  10. ↑ "УКАЗ ПРЕЗИДЕНТА УКРАЇНИ №593/2022 — Офіційне інтернет-представництво Президента України | Про відзначення державними нагородами України з нагоди Дня Незалежності України" [Decree of the President of Ukraine of August 23, 2022 No. 593/2022]. president.gov.ua. İstifadə tarixi: 14 avqust 2023.
  11. ↑ "EU launches all-Ukrainian campaign 'Together we are Europe' – join online concert on 24 August". EU NEIGHBOURS east. 22 avqust 2022. İstifadə tarixi: 13 avqust 2023.
  12. "'I'm Not Afraid': Ukrainian Musicians Channel Patriotism, Anger into War Anthems". News18. 6 iyun 2022. İstifadə tarixi: 13 avqust 2023.
  13. "Арсен Мірзоян покинув дружину та двох дітей заради Тоні Матвієнко — Гламур" [Arsen Mirzoyan left his wife and two children for Tonya Matvienko]. tsn.ua. 17 yanvar 2014. İstifadə tarixi: 13 avqust 2023.
Sitat səhvi: <references> daxilindəki "News18Im" adlı <ref> teqi əvvəlki mətndə istifadə olunmur
Sitat səhvi: <references> daxilindəki "TSN" adlı <ref> teqi əvvəlki mətndə istifadə olunmur
Mənbə — "https://az.wikipedia.org/w/index.php?title=Arsen_Mirzoyan&oldid=8783728"