Arta Dade

Vikipediya, açıq ensiklopediya
Jump to navigation Jump to search
Arta Dade
Arta Dade (Albania) - July 2016 (cropped).jpg
Doğum tarixi 15 mart 1953 (1953-03-15) (66 yaş)
Doğum yeri Tirana, Albaniya
Vətəndaşlıq Flag of Albania.svg Albaniya
Peşələri Siyasətçi, Universitet professoru
Təhsili
Commons-logo.svg Vikianbarda əlaqəli mediafayllar

Arta Dade (alb. Arta Dade; 15 mart 1953, Tirana) — Albaniya pedaqoqu və siyasətçisi. Dade Albaniyanın Sosializm partiyasının üzvüdür.[1] Dade mədəniyyət (1997 — 1998) naziri, xarici işlər naziri (2001 — 2002) vəzifələrində çalışmışdır.

Bioqrafiyası[redaktə | əsas redaktə]

Arta Dade 15 mart 1953-cü ildə Tiranada anadan olmuşdur. Məktəbi bitirdikdən sonra 1972-ci ildən 1975-ci ilə qədər Tirana Universitetində xarici dillər fakultəsinin ingilis dili bölməsində təhsil almışdır. Universiteti bitirdikdən sonra Dade Tiranada yerləşən Asim Vokshi adına orta məktəbdə ingilis dili müəllimi kimi işləmişdir. 1985-ci ildə o, Tirana Universitetində fəaliyyətə başlamış, 1997-ci ilə qədər xarici dillər fakultəsinin ingilis dili bölməsində dərs deyimişdir.[2] 1992-ci ildə Dade Böyük Britaniyada aspirantura təhsilini bitirmişdir.

1991-ci ildə Albaniya Sosializm partiyasına üzv seçilmişdir. Bir il sonra partiya şurasına seçilmişdir. 1997-ci il hadisələri zamanı bu partiyada mühüm rol oynamışdır.[3] 1998-ci ildə beynəlxalq münasibətlər (bir neçə dəfə bu vəzifəyə yenidən seçilmişdir) üzrə Sosializm partiyasının katibi olmuşdur.

1997-də ilk dəfə Xalq məclisinin (Fieri ərazisi üzrə namizəd olmuşdur) üzvü mandatını almışdır. 20012005-ci ildə Xalq məclisinə yenidən seçilmişdir. Beləliklə Dade 2009-cu ilə qədər parlamentdə qalmışdır.

1997-1998-ci ildə mədəniyyət, gənclər və idman naziri vəzifəsində çalışmışdır. 2001-2002-ci ildə — xarici işlər naziri və baş nazir müavini vəzifələrində çalışmışdır. O, həmçinin Avropa Şurası Parlament Assambleyasında Albaniyanın nümayəndə heyətinin sədr müavini idi.

2013-cü ildən — xarici siyasət üzrə Albaniya komitəsinin sədridir.[4][5] 2016-cı ildən — ATƏT-in Parlament Assambleyasında Moldova qrupunun sədridir.[6]

Siyasi və ictimai-iqtisadi mövzular üzrə bir sıra məqalələrin müəllifidir.[2]

Evlidir, iki uşağı var.

İstinadlar[redaktə | əsas redaktə]

Ədəbiyyat[redaktə | əsas redaktə]

  • Alan Day: A political and economic dictionary of Eastern Europe. Routledge: 2002, s. 163. ISBN 9781857430639.
  • Robert Elsie: Historical Dictionary of Albania. Scarecrow Press: 2010, s. 96-97. ISBN 9780810861886.

Xarici keçidlər[redaktə | əsas redaktə]