Artur Voloşin

Vikipediya, azad ensiklopediya
Jump to navigation Jump to search
Artur Voloşin
Artur Vladimiroviç Voloşin
Волошин Артур Владимирович.jpg
Doğum tarixi 24 iyun 1973(1973-06-24)
Doğum yeri İlyiçovsk
Vəfat tarixi 24 oktyabr 1995 (22 yaşında)
Vəfat yeri Vedenski rayonunun Xaraçoy kəndi, Çeçenistan, Rusiya
Vətəndaşlığı
Qoşun növü Amur vilayətinin Daxili İşlər İdarəçiliyi yanında Xüsusi Təyinatlı milis dəstəsi
Xidmət illəri 1991-1993; 1993-1996
Rütbə milis baş çavuşu
Vəzifəsi sürücü-milis
Döyüşlər
Təltifləri Rusiya Federasiyası Qəhrəmanı

Artur Vladimiroviç Voloşin (24 iyun, 1973, İlyiçovsk24 oktyabr, 1995, Xaraçoy) — Amur vilayətinin Daxili İşlər İdarəçiliyi yanında Xüsusi Təyinatlı milis dəstəsində sürücü-milis, milis baş çavuşu. Rusiya Federasiyası Qəhrəmanı (ölümündən sonra).[1]

Həyatı[redaktə | əsas redaktə]

1973-cü il iyun ayının 24-də Naxçıvan Muxtar Sovet Sosialist Respublikasının İlyiçovsk (indiki Şərur şəhəri) qəsəbəsində anadan olmuşdur. Milliyyətcə rusdur. Bir neçə ildən sonra ailəsi Amur vilayətinə köçmüşdür. 1979-cu ildən 1989-cu ilə qədər Kozmodemyanski orta məktəbində təhsil almışdır. 1990-cı ildə Voloşin Tambovski hərbi komissarlığı tərəfindən Rayçixinski məktəbində Ordu, Aviasiya və Donanmanın birgə fəaliyyət könüllü cəmiyyəti məktəbində təhsil almağa göndərilmiş, orada sürücü peşəsinə yiyələnmiş daha sonra bir müddət Ümumittifaq Elmi tədqiqat İnstitutunun Təcrübi-istehsalat təsərrüfatında mexanik işləmişdir. 1991-ci il iyul ayının 8-də SSRİ Silahlı Qüvvələrinə çağırılmış, Primorski diyarında təcili xidmətə cəlb edilmiş və avtomobil batalyonunda bölməyə komandanlıq etmişdir. 1993-cü ilin mayında "kiçik çavuş" rütbəsi ilə təxris olmuşdur. 1993-cü ilin oktyabrında Amur vilayətinin Daxili İşlər İdarəçiliyi yanında Xüsusi Milis dəstələrinin daxili işlər orqanında milis-sürücü xidmətinə cəlb edilmişdir. 1994-cü ilin sentyabr-dekabr aylarında Daxili işlər İdarəçiliyinin Təhsil mərkəzində ilkin hazırlığı uğurla başa vurmuşdur. XMD-nin xüsusi dəstələri tərkibində Voloşin iki dəfə 1-ci Çeçen müharibəsində iştirak etmişdir (1995-ci ilin aprelin 1-dən 15 maya qədər, 24 sentyabrdan etibarən). Bu müddət ərzində o milis çavuşu rütbəsi əldə etmiş, daha sonra da baş çavuş rütbəsinə yiyələnmişdir. 1995-ci il 24 oktyabrda Çeçenistanın Vedenski rayonunun Xaraçoy kəndində gedən döyüşlərdə Amur vilayətinin Daxili İşlər İdarəçiliyi yanında Xüsusi Milis dəsətələri əməkdaşlarının qrupları tərkibində Voloşin də iştirak etmiş və xidməti tapşırığı yerinə yetirərkən həlak olmuşdur. Amur vilayətinin Tambovski rayonunda Lozov kəndində dəfn olunmuşdur.[1]

Mükafatları[redaktə | əsas redaktə]

Rusiya Federasiyası Prezidentinin fərmanı ilə göstərdiyi igidlik və şücaətə görə 1996-cı il 21 iyun tarixində baş çavuş Artur Voloşin Vladimiroviçə ölümündən sonra Rusiya Federasiyası qəhrəmanı adı verilmişdir.[1]

Xatirəsi[redaktə | əsas redaktə]

Artur Voloşinin xatirəsinə adı Blaqoveşenskdə və Lozovo kəndində küçəyə verilmişdir. 1999-cu ilin sentyabrında Blaqoveşenskdə Artur Voloşenin abidəsinin təntənəli açılışı olmuşdur. 2005-ci ildə Lozovoda Artur Voloşinin xatirə löhvəsi qoyulmuşdur. Blaqoveşenskdə onun adına turnir keçirilir.[1]

İstinadlar[redaktə | əsas redaktə]

  1. 1 2 3 4 Amurlular-Qəhrəmanlar. C. 2 — Blaqoveşensk: İPK «Priamurye», 2010. (rusca)