Arvo Part

Arvo Part (est. Arvo Pärt; 11 sentyabr,1935 Payde, Estoniya) — estoniyalı klassik musiqi bəstəkarı.

Haqqqında

1935-ci ilin 11 sentyabrında doğulub Arvo Part, Estoniyada. Kiçik yaşlarında evlərində olan kökdən düşmüş piano ilə başlayan “səyahət”i 19 yaşında qəbul olduğu qısamüddətli Tallin Musiqi Məktəbi ilə davam edir. Hərbi xidmətindən sonra (1957) Konservatoriyaya daxil olur və məzuniyyətinə (1963) qədər teatr, filmlər üçün musiqilər yazır, yerli radioda səsyazma mühəndisi kimi işləyir.

Arvo Part

Fəaliyyəti

Yaşayan ən böyük klassik musiqi bəstəkarı kimi tanınan estoniyalı ortodoks-xristian Arvo Part‘ın musiqilərinə sirayət etmiş Qreqorian sakrallıq, sanki zamanın ruhundan ayrılmış (xudbin olmadığı üçün ayrılmalı olan) Məsihçilik ənənələrinin yenidən formalaşmasıdır. Dərinlik (!) xəstəliyini buxovlayan minimalist tərzdə ifadənin səbəbini ‘ideologiya-görülən iş’ arasındakı bir-birini tamamlayan səmimi əlaqədə axtarmaq lazımdır. Tintinnabuli; Part öz tərzini latıncadan “zəng” mənasına gələn bu sözlə səciyyələndirir.

“Musiqimi bütün rəngləri birləşdirən ağ işıqla müqayisə edə bilərəm. Yalnız prizma rəngləri bölə və görünən edə bilər: bu prizma isə dinləyicinin ruhudur. “Əgər gözəl ifa edilirsə, bir notun da kifayət olduğunu kəşf etmişəm. Bircə not və ya sakit toxunuş ya da səssizlik anı, məni valeh edir. Mən çox az elementlə – bir, iki səslə işləyirəm. Ən primitiv materiallardan istifadə edirəm – triad, bir spesifik tonallıq. Triadın üç notu zənglərə bənzəyir deyə mən onu tintinnabulasiya adlandırıram.”.

Bəstəkarlığının ilk illərində tərəfindən çıxış etdiyi neo-klassizmdən ənənəvi klassik qərb musiqisinə qayıdan Arvo Part’ın yaratdığı işlərə özündən qata biləcəyi hər şey, İsa Məsih’in kölgəsində güclü inamdan qaynaqlanır.

1977-ci ildə yazdığı “Fratres” (“Qardaşlar”) əsəri isə vizuallığa laqeyd olmağımız üçün kənar faktorlardan biridir…