Asim Mollazadə

Asim Mollazadə
Asim Mollazadə
Azərbaycan Respublikasının Milli Məclisi II, III, IV, V, VI və VII çağırış deputatı
	Vəzifədədir
	2000-ci ildən
Seçki dairəsi	2000 — Proporsional siyahı; 2005, 2010, 2015, 2020 — 22 saylı Nəsimi ikinci
Əvvəlki	Qulamhüseyn Əlibəyli (Proporsional siyahı)
Sonrakı	Vəzifə ləğv edildi. (Proporsional siyahı)
Demokratik İslahatlar Partiyasının sədri
	Vəzifədədir
	4 iyul 2005-ci ildən
Əvvəlki	Vəzifə təsis edildi.
Azərbaycan Xalq Cəbhəsi Partiyasının xarici məsələlər üzrə sədr müavini
	1995 – 2005
Sədr	Əbülfəz Elçibəy (1995-2000); Əli Kərimli (2000-)
Əvvəlki	Vəzifə təsis edildi.
Azərbaycan Xalq Cəbhəsinin xarici məsələlər üzrə sədr müavini
	1993 – 1995
Sədr	Əbülfəz Elçibəy
Sonrakı	Vəzifə ləğv edildi.
Şəxsi məlumatlar
Doğum tarixi	6 iyun 1953 (71 yaş)
Doğum yeri	Bakı, Azərbaycan SSR, SSRİ;
Partiya	Azərbaycan Xalq Cəbhəsi (1993–1995),; Azərbaycan Xalq Cəbhəsi Partiyası (1995–2005),; Demokratik İslahatlar Partiyası (2005–);
Fəaliyyəti	siyasətçi
Elmi fəaliyyəti
Elmi dərəcəsi	tibb elmləri doktoru;
Təltifləri
	Vikianbarda əlaqəli mediafayllar

Asim Nazim oğlu Mollazadə (6 iyun 1953, Bakı) — siyasətçi, Azərbaycan Demokratik İslahatlar Partiyasının sədri, tibb elmləri doktoru, Azərbaycan Respublikasının Milli Məclisi II, III, IV, V, VI və VII çağırış deputatı.

Həyatı

Asim Mollazadə 1953-cü il iyunun 6-da Bakı şəhərində anadan olmuşdur. Azərbaycan Dövlət Tibb İnstitutunun Müalicə–profilaktika fakültəsini bitirmişdir. 1980–1992-ci illərdə Moskva (Rusiya) Seçenov adına Tibb Akademiyası Nevrologiya və davranış psixofiziologiyası ixtisası üzrə təhsil alıb. 1978-ci ildən Bakı şəhərində xəstəxanada həkim işləmişdir. 1984–1987-ci illərdə Həkimləri Təkmilləşdirmə İnstitutunun baş elmi işçisi olmuşdur. 1992-ci ilin iyun–dekabr ayları–nevraloji psixogen və psixosomatik xəstəliklər Mərkəzinin direktoru olmuşdur.

Siyasi fəaliyyəti

1992–1993-cü illərdə Azərbaycan Respublikası Prezidentinin Analitik informasiya xidmətinin rəhbəri, 1993-cü ildə Azərbaycan Respublikası Prezidenti Aparatının Xarici əlaqələr şöbəsinin müdiri və Ermənistanla hərbi münaqişənin həllinə dair danışıqlarda Prezidentin xüsusi nümayəndəsi vəzifələrində çalışmışdır. 1993–2005-ci illərdə Azərbaycan Xalq Cəbhəsi Partiyası sədrinin xarici məsələlər üzrə müavini olmuşdur.

1995-ci il parlament seçkilərində Asim Mollazadə Azərbaycan Xalq Cəbhəsi Partiyasının proporsional seçki üzrə vahid namizədlər siyahısında 4-cü sırada olmuşdur.^[1] Azərbaycan Xalq Cəbhəsi Partiyası seçkilərdə proporsional siyahı üzrə 346 192 (9.6%) səs toplayaraq siyahısından ilk 3 nəfərin deputat seçilməsinə nail olmuşdur.^[2] Beləliklə, Asim Mollazadə deputat seçilə bilməmişdir.

1994-cü ilin fevralından −1998-ci ilədək – Demokratiyanın İnkişafı Fondunun təsisçilərindən biri və vitse-prezidenti, 1998-ci ilin mayından etibarən – Azərbaycan Avro-atlantik Mərkəzinin təsisçisi və prezidentidir.

2000-ci ilin noyabrından 2005-ci ilin noyabrınadək – Milli Məclisin deputatı, Beynəlxalq əlaqələr üzrə parlament komissiyasının üzvü, 2001-ci ilin yanvarından 2005-ci ilin noyabrınadək – Azərbaycanın Avropa Şurası Parlament Assambleyasındakı (AŞ PA) nümayəndə heyətinin üzvü. AŞ PA-nın Yaxın Şərq altkomitəsinin sədri, monitorinq və siyasi komitələrinin üzvü. AŞ PA-nın Belorusiya üzrə məruzəçisi olmuşdur.

2005-ci ilin 4 iyulunda Demokratik İslahatlar Partiyasının təsis qurultayında partiyanın sədri seçilib.

2024-cü il oktyabrın 8-də Azərbaycan–Yeni Zellandiya parlamentlərarası əlaqələr üzrə işçi qrupunun rəhbəri seçilib.^[3]

3 fevral 2025-ci ildə Milli Məclisin İntizam komissiyasının sədr müavini seçilib.^[4]

Mükafatları

(07.06.2013) — "Şöhrət" ordeni^[5]
(06.06.2023) — 3-cü dərəcəli "Vətənə xidmətə görə" ordeni^[6]

İstinadlar

↑ modern.az. ""Bir səsvermə, üç bülleten": Azərbaycanın 29 il əvvəlki tarixi seçimi - FOTO". modern.az (az.). 2024-01-05 tarixində arxivləşdirilib. İstifadə tarixi: 2024-01-05.
↑ Şahin Cəfərli. "Azərbaycanda parlament seçkiləri: daha bir itirilmiş şans". Bakı Araşdırma Mərkəzi. 2021-07-12 tarixində arxivləşdirilib. İstifadə tarixi: 2022-05-31.
↑ "Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI". Apa.az (az.). 2024-10-08 tarixində arxivləşdirilib. İstifadə tarixi: 2024-10-22.
↑ "Eldar İbrahimov Milli Məclisin İntizam komissiyasının sədri seçilib". Apa.az (az.). İstifadə tarixi: 2025-02-03.
↑ "A. N. Mollazadənin "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". 2022-09-29 tarixində arxivləşdirilib. İstifadə tarixi: 2023-06-15.
↑ "A. N. Mollazadənin 2-ci dərəcəli "Vətənə xidmətə görə" ordeni ilə təltif edilməsi haqqında Azərbaycan Respublikası Prezidentinin Sərəncamı". 2023-06-07 tarixində arxivləşdirilib. İstifadə tarixi: 2023-06-15.

Xarici keçidlər

Vikianbarda Asim Mollazadə ilə əlaqəli mediafayllar var.

[:04-1] modern.az. ""Bir səsvermə, üç bülleten": Azərbaycanın 29 il əvvəlki tarixi seçimi - FOTO". modern.az (az.). 2024-01-05 tarixində arxivləşdirilib. İstifadə tarixi: 2024-01-05.

[BRİ-2] Şahin Cəfərli. "Azərbaycanda parlament seçkiləri: daha bir itirilmiş şans". Bakı Araşdırma Mərkəzi. 2021-07-12 tarixində arxivləşdirilib. İstifadə tarixi: 2022-05-31.

[3] "Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI". Apa.az (az.). 2024-10-08 tarixində arxivləşdirilib. İstifadə tarixi: 2024-10-22.

[4] "Eldar İbrahimov Milli Məclisin İntizam komissiyasının sədri seçilib". Apa.az (az.). İstifadə tarixi: 2025-02-03.

[5] "A. N. Mollazadənin "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". 2022-09-29 tarixində arxivləşdirilib. İstifadə tarixi: 2023-06-15.

[6] "A. N. Mollazadənin 2-ci dərəcəli "Vətənə xidmətə görə" ordeni ilə təltif edilməsi haqqında Azərbaycan Respublikası Prezidentinin Sərəncamı". 2023-06-07 tarixində arxivləşdirilib. İstifadə tarixi: 2023-06-15.

[1]

[2]

[3]

[4]

[5]

[6]