Aslan Kəmərli

Vikipediya, açıq ensiklopediya
Jump to navigation Jump to search
Aslan Kəmərli
Aslan Müstafa oğlu Mustafazadə
Doğum tarixi 19 noyabr 1942(1942-11-19)
Doğum yeri Kəmərli, Qazax rayonu, Azərbaycan SSR, SSRİ
Vəfatı 21 oktyabr 1992 (49 yaşında)
Vəfat yeri Kəmərli, Qazax rayonu, Azərbaycan
Vəfat səbəbi avtomobil qəzası
Vətəndaşlığı
Fəaliyyəti şair

Mustafazadə Aslan Müstafa oğlu (Aslan Kəmərli) — şair, 1981-ci ildən Azərbaycan Yazıçılar Birliyinin üzvü, Azərbaycan Jurnalistlər Birliyinin üzvü (1975), "Azərbaycan" qəzetinin bölgə müxbiri, "Qazax" Xeyriyyə Cəmiyyətinin yaradıcılarından biri və ilk sədri (1992-ci ildən).

Həyatı[redaktə | əsas redaktə]

Aslan Kəmərli 1942-ci il noyabrın 19-da Qazax rayonunun Kəmərli kəndində anadan olmuşdur. Burada orta məktəbi bitirmiş (1949-1959), sonra kolxozda çalışmışdır (1959-1960). Bakı rabitə texnikumunda təhsilini davam etdirmişdir (1960-1963). Ordu sıralarında xidmət etmişdir (1963-1966). Əmək fəaliyyətinə "Neft daşları" qəzeti redaksiyasında ədəbi işçi kimi başlamış, sonra redaktor işləmişdir (1968-1971), "Azərbaycan gəncləri" qəzeti redaksiyasının xüsusi müxbiri olmuşdur (1971-1977). M.Qorki adına Moskva Ədəbiyyat İnstitutunun poeziya fakültəsini bitirmişdir (1971-1976). "Pioner" jurnalı redaksiyasında məsul katib (1977-1991), "Azərbaycan" qəzetində müxbir, sonra Gəncə-Qazax zonası üzrə xüsusi müxbir olmuşdur (1992-ci ildən). "Qazax" Xeyriyyə Cəmiyyətinin yaradıcılarından biri və ilk sədri idi (1992-ci ildən). SSRİ jurnalistlər dəstəsinin tərkibində Türkiyədə olmuşdur. Ədəbi yaradıcılığa "Xala bənzər", "Dənizdə şəhər" adlı ilk mətbu şeirləri ilə başlamışdır. Həmin lirik şeirləri 1968-ci ildə "Ədəbiyyat və incəsənət" qəzetində çapdan çıxdıqdan sonra dövri mətbuatda müntəzəm çıxış etmişdir.

1992-ci il oktyabr ayının 21-də avtomobil qəzası nəticəsində vəfat etmiş, doğma kəndində dəfn olunmuşdur.

Əsərləri[redaktə | əsas redaktə]

  1. Kəndimizin baharı. Bakı: Gənclik, 1976, 50 səh.
  2. Obamıza yönüm düşüb. Bakı: Gənclik, 1979, 58 səh.
  3. Yadigar şəkil. Bakı: Gənclik, 1981, 100 səh.
  4. Ömrümə düşən işıq. Bakı: Gənclik, 1984, 145 səh.
  5. Yolumu gözləyən var. Bakı: Yazıçı, 1986, 130 səh.
  6. Babamın yüz yaşı var. Bakı: Gənclik, 1989, 135 səh.
  7. Ölümdən o yana. Bakı: Yazıçı, 1992, 188 səh.