Məzmuna keç

Assassin's Creed Unity

Bu seçilmiş məqalədir. Daha çox məlumat üçün bura klikləyin.
Vikipediya, azad ensiklopediya

Assassin's Creed Unity
Loqonun şəkli
Videooyunun Şimali Amerika buraxılışının üz qabığı
Videooyunun Şimali Amerika buraxılışının üz qabığı
Hazırlayan Ubisoft Montreal[a]
Yayımlayan Ubisoft
Lokalizator Rusiya Logrus[2]
Seriya Assassin's Creed
Buraxılış tarixi
  • Playstation 4, Windows, Xbox One
  • Ümumdünya 11 noyabr 2014[3]
  • Rusiya 13 noyabr 2014
  • Böyük Britaniya 14 noyabr 2014
  • 20 noyabr 2014
  • Stadia
  • Ümumdünya 15 dekabr 2020
Janrlar
Rejissorlar
  • Aleksandr Amansio
  • Mark Albine
Prodüserlər
  • Vinsent Pontbriand
  • Antuan Vimal dü Montil
  • Filipp Dumarşe
Dizaynerlər Aleksandr Pedno
Ssenaristlər
  • Silven Bernar
  • Aleksandr Amansio
  • Trevis Staut
  • Rassell Liz
  • Derbi MakDevitt
  • Seri Yanq
Proqramçılar Ceyms Teryen
Rəssamlar Məhəmməd Qambuz
Bəstəkarlar
Texniki məlumat
Platformalar
Mühərrik Anvil
Oyun rejimləri Birnəfərli, çoxnəfərli
İnterfeysin dili ingilis dili[4], fransız dili[4], italyan dili[4], alman dili[4], ispan dili[4], ərəb dili[4], çex dili[4], yapon dili[4], Koreya dili[4], polyak dili[4], Braziliya portuqal dili[4], rus dili[4], ənənəvi Çin dili[d][4], Niderland dili[4]
Daşıyıcı rəqəmsal distribusiya, rəqəmsal yükləmə[d]
Sistem tələbləri
  • Minimal
    • Əməliyyat sistemi: Windows 7 SP1, Windows 8/8.1 (yalnız 64 bit)
    • Prosessor: Intel Core i5-2500K @ 3.3 GHz və ya AMD FX-8350 @ 4.0 GHz və ya AMD Phenom II x4 940 @ 3.0 GHz
    • Operativ yaddaş: 6 GB
    • Video kart: NVIDIA GeForce GTX 680 və ya AMD Radeon HD 7970 (2 GB VRAM)
    • Səs kartı: DirectX 9.0c ilə uyğundur
    • Sərt diskdə boş yer: 50 GB

    Tövsiyə olunan

    • Əməliyyat sistemi: Windows 7 SP1, Windows 8/8.1 (yalnız 64 bit)
    • Prosessor: Intel Core i7-3770 @ 3.4 GHz və ya AMD FX-8350 @ 4.0 GHz və ya daha yüksək
    • Operativ yaddaş: 8 GB və ya daha çox
    • Video kart: NVIDIA GeForce GTX 780 və ya AMD Radeon R9 290X (3 GB VRAM)
    • Səs kartı: DirectX 9.0c ilə uyğundur
    • Sərt diskdə boş yer: 50 GB
İdarəetmə kompüter klaviaturası, oyun pultu[d]
Rəsmi saytı
Vikianbarın loqosu Vikianbarda əlaqəli mediafayllar

"Assassin's Creed Unity" (hərf. "Qatilin əqidəsi. Birlik") – "Ubisoft Montreal" tərəfindən hazırlanmış və "Ubisoft" şirkəti tərəfindən nəşr olunmuş, 2014-cü ildə buraxılmış döyüş-macəra janrında videooyun. Bu, 2014-cü ilin noyabr ayında "PlayStation 4", "Windows" və "Xbox One" platformaları üçün, 2020-ci ilin dekabr ayında isə "Stadia" üçün buraxılmışdır.[5] Bu, "Assassin's Creed" seriyasının səkkizinci əsas hissəsi və 2013-cü ildə işıq üzü görmüş "Assassin's Creed IV: Black Flag" oyununun sikvelidir. Oyun həmçinin, "Unity" ilə eyni gündə əvvəlki nəsil konsollar üçün buraxılmış "Assassin's Creed Rogue" oyunu ilə də bağlılığa malikdir.

Süjet real dünya hadisələrinin uydurma tarixinə əsaslanır və sülh ilə azad iradəni qorumaq uğrunda mübarizə aparan assasinlər ilə sülhə nəzarət vasitəsilə nail olmaq istəyən tampliyerlər arasında minilliklər boyu davam edən qarşıdurmadan bəhs edir. Freyminq hekayəsi XXI əsrdə cərəyan edir və burada şəxsiyyəti məlum olmayan və görünməyən bir baş qəhrəman XVIII əsrə aid bir tampliyer Böyük magistrinin cəsədinin yerini müəyyənləşdirməkdə kömək etmək üçün assasinlərə yeni üzv kimi qoşulur. Əsas süjet xətti 1789-cu ildən 1794-cü ilə qədər Böyük Fransa inqilabı dövründə Parisdə cərəyan edir. Hadisələr assasin Arno Dorianın ögey atasının qətlində təqsirkar olanlardan qisas almaq və eyni zamanda inqilabın arxasında duran əsl qüvvələri ifşa etmək cəhdlərini izləyir. "Unity" seriyanın üçüncü şəxs baxış bucağından açıq dünya kəşfiyyatı sistemini qorumaqla yanaşı, təkmilləşdirilmiş döyüş, parkur və gizlilik sistemlərini də təqdim etmişdir. Oyun həmçinin, "Assassin's Creed" seriyasına dörd nəfərə qədər oyunçunun süjetə əsaslanan missiyalarda iştirak etməsinə və açıq dünya xəritəsini araşdırmasına imkan verən kooperativ çoxistifadəçili rejimi gətirmişdir.

"Assassin's Creed Unity" nümayiş olunduğu dövrdə müxtəlif rəylərlə qarşılanmışdır. Videooyun vizual effektləri, fərdiləşdirmə seçimləri, məkanı və personajların xarakterizasiyası baxımından müsbət qiymətləndirilmişdir. Onun süjeti, geympleyi, missiya dizaynı və çoxistifadəçili formata yönəlmiş strukturu isə daha ziddiyyətli fikirlərə səbəb olmuşdur. Oyun həmçinin, çoxsaylı qrafik qüsurları və texniki xətaları ucbatından geniş şəkildə tənqid edilmişdir. Bu, da "Ubisoft" şirkətinin rəsmi üzrxahlıq bəyanatı yayması və əsas oyunun süjetinin epiloqu rolunu oynayan "Dead Kings" adlı ödənişsiz əlavə (DLC) şəklində təzminat təklif etməsi ilə nəticələnmişdir. Oyunun mövsüm biletini satın almış istifadəçilərə (hansı ki, yaranmış qalmaqala cavab olaraq sonradan satışı dayandırılmışdır) əlavə olaraq öz seçimlərinə uyğun digər bir "Ubisoft" oyununun ödənişsiz kopyası təqdim olunmuşdur. İlkin tənqidi rəylərə baxmayaraq, "Unity" kommersiya uğuru qazanaraq 2020-ci ilin may ayınadək 10 milyondan çox nüsxə satmışdır. Müasir dövr süjetini davam etdirən, lakin əsas hadisələri Viktoriya dövrü Londonunda cərəyan edən növbəti hissə "Assassin's Creed Syndicate" 2015-ci ilin oktyabr ayında buraxılmışdır.

Geympley

[redaktə | vikimətni redaktə et]

"Assassin's Creed Unity" üçüncü şəxs baxış bucağından oynanılan və açıq dünya mühitində cərəyan edən döyüş-macəra[6] və stels janrında videooyundur. Oyunda XVIII əsrin sonlarına aid Paris şəhərinin təxminən 1:1 miqyasında tarixi bərpası təqdim olunur.[7] Oyun məkanı yeddi əsas rayona – Lö Luvr, İl-de-la-Site, Lö Mare, La Bievr, Lez Envalid, Latın məhəlləsi və Vantr dö Pari rayonlarına bölünmüşdür, həmçinin bura Parisin ətrafında yerləşən Versal şəhəri də daxildir.[8][9] Sen-Deni kommunası (Fransa inqilabı dövründə Fransiad adlandırılmışdır) ödənişsiz "Dead Kings" əlavə paketi çərçivəsində oyunda yer almışdır.[10]

Açıq dünya daxilində tapılan və icra edilə bilən bir çox kənar missiyalar mövcuddur. Bunlara oyunçudan qeyri-oyunçu personajına (adətən tarixi şəxsiyyətlərə) kiçik bir problemdə kömək etməyi tələb edən "Paris hekayələri" (Paris Stories), oyunçunun müxtəlif qətl hadisələrini araşdırdığı, cinayətkarı müəyyənləşdirmək üçün ipucları topladığı və şahidləri dindirdiyi "Qətl sirləri" (Murder Mysteries) və oyunçunu fərqli artefaktlara yönləndirən, xüsusi mükafatların kilidini açmaq üçün istifadə olunan bir sıra gizli tapmacalardan ibarət "Nostradamus tapmacaları" (Nostradamus Enigmas) daxildir.[11] Oyunçular həmçinin, Paris ətrafında səpələnmiş və adətən yeni təchizat və ya kosmetik seçimlər şəklində müxtəlif mükafatlar qazandıran xəzinə sandıqları, kokardalar və artefaktlar kimi bir çox kolleksiya əşyaları da tapa bilərlər.[12][13][14]

"Assassin's Creed Unity" ekranda eyni vaxtda 30.000-dən çox qeyri-oyunçu personajın görünməsinə imkan verən izdiham sisteminə malikdir.[15]

"Unity" oyununun döyüş sistemi seriyanın əvvəlki hissələri ilə müqayisədə əhəmiyyətli dərəcədə təkmilləşdirilmişdir və burada yeni sistem üçün qılıncoynatma sənətindən ilham alınmışdır. Gizlilik sisteminə əllə çömbəlmə və səssiz arbalet funksiyasını yerinə yetirən, seriyanın simvolik "Gizli bıçaq" (Hidden Blade) alətinin fərqli bir versiyası olan "Fantom bıçağı" (Phantom Blade) kimi yeni funksiyaların əlavə edilməsi ilə bir neçə təkmilləşdirmə inteqrasiya edilmişdir.[16] Bundan əlavə, əvvəlki "Assassin's Creed" oyunlarındakı xətti sui-qəsd missiyalarından imtina edilmiş, əvəzində oyunçuya hədəfi necə zərərsizləşdirəcəyi barədə daha çox azadlıq təklif edən yeni "Qara qutu" (Black Box) dizaynı tətbiq edilmişdir. Oyunçu fərqli giriş nöqtələrini və ya faydalı ola biləcək yayındırıcı amilləri tapmaq üçün ətraf mühiti araşdıra, beləliklə, özünə ən uyğun yanaşmanı seçə bilmişdir. Naviqasiya üçün oyunda oyunçunun binalara hər iki istiqamətdə dırmaşmasını asanlaşdırmaq məqsədilə yeni "Yuxarı sərbəst qaçış" (Free-run up) və "Aşağı sərbəst qaçış" (Free-run down) əmrləri daxil edilmişdir. Bu, onlara istədikləri vaxt idarə olunan şəkildə qalxma və enmə imkanı vermişdir.[17] Yenilənmiş və daha böyük izdiham sayəsində onlarla yeni qarşılıqlı əlaqə variantları da mövcud olmuşdur. İzdiham müntəzəm olaraq təbii şəkildə ortaya çıxan və oyunçunun iştirak edib-etməməkdə sərbəst olduğu bir çox fəaliyyətlər təqdim edir. Silah çıxarmaqla bir qrup xuliqanı qorxutmaq, mülki şəxslərdən birini öldürməklə ikisi arasındakı davanı "həll etmək" və ya indicə kiminsə cibini soymuş bir oğrunun ardınca qaçmaq buna misal ola bilər.[18]

Seriyada ilk dəfə olaraq protaqonist Arno Dorian bacarıq ağacı sistemi vasitəsilə təkmilləşdirilə bilən unikal qabiliyyətlər dəstinə sahibdir. Bu, oyunçuya geympley zamanı qazanılmış xalları Arnonun gizlilik, yaxın döyüş və uzaq məsafəli döyüş bacarıqlarını, eləcə də onun sağlamlığını yaxşılaşdırmaq üçün bölüşdürməyə imkan verir.[19] Oyunçular həmçinin, fərdi oyun üslublarını daha da tamamlamaq üçün Arnonun silahlarını, zirehlərini və təchizatını fərdiləşdirə bilmişdilər.[20] Bu əşyaların keyfiyyəti onların səviyyəsi ilə göstərilir. Bu, maksimum 5 ola bilər (əfsanəvi təchizatlar daxilində). Oyunçular qılınclar, baltalar, nizələr, tüfənglər, tapançalar və tüstü bombaları kimi atıla bilən əşyalar da daxil olmaqla daha geniş silah seçiminə malikdirlər.[21] "Dead Kings" əlavəsi oyuna daha bir silah daxil edir: "Gilyotin silahı" (Guillotine Gun) – lüləsinin altına balta başlığı bərkidilmiş qumbaraatan.[22]

Əvvəlki əksər "Assassin's Creed" oyunlarında olduğu kimi, bu oyunda da daxili iqtisadiyyat sistemi mövcuddur. Bu sistem əsasən əvvəllər assasinlərin kəşfiyyat toplama məntəqəsi olan, lakin sonradan xarabalığa çevrilən və hekayə boyu Arnonun baş qərargahı rolunu oynayan "Kafe teatr" (Café Théâtre) ətrafında qurulmuşdur. Oyunçu binanın interyerini dəyişdirən və yeni otaqların, o cümlədən assasinlərin yeraltı sığınacağına aparan gizli keçidin kilidini açan təkmilləşdirmələrə investisiya qoymaqla kafeni bərpa edə bilər. Kafe həmçinin, passiv bir biznes funksiyasını yerinə yetirir, arxa planda gəlir hasil edir və bu gəlir Arnonun toplaması üçün bir sandığa yığılır. Kafe nə qədər çox bərpa olunarsa, bir o qədər çox pul qazandırır. Oyunçular kafe ilə bağlı missiyaları yerinə yetirməklə və Paris ətrafındakı əlavə meyxanaları satın almaqla gəlirlərini daha da artıra bilmişdilər.[23]

"Unity", həmçinin seriyaya kooperativ çoxistifadəçili rejimi gətirmişdir. Oyunçular oyunda sosial mərkəz rolunu oynayan meyxanalara daxil ola bilərlər. Burada onlar onlayn dostlarından hər hansı birinin hazırda oyunu oynayıb-oynamadığını görə bilirlər. Əgər dostları hazırda bir missiyadadırsa, onlar öz personajlarının "ruh" versiyası kimi görünürlər və bu, oyunçuya onların missiyasına qoşulmaq barədə sorğu göndərmək üçün onlara yaxınlaşmaq imkanı verir. Əgər sorğu qəbul edilərsə, hər iki oyunçu eyni oyun sessiyasına daxil olur və burada missiyanı sonuncu yoxlama nöqtəsindən davam etdirə bilirlər. Eyni zamanda dörd nəfərə qədər oyunçu birlikdə oynaya bilər. Hər bir oyunçu öz oyununda fərdiləşdirilmiş Arno rolunu canlandırır, digər oyunçular isə Arnonun öz fərdiləşdirilmiş versiyası kimi görünür və öz təchizatlarını qoruyub saxlayırlar. Birgə oyun üçün bir çox missiya və fəaliyyətlər mövcuddur (onların hamısını təkbaşına da sınamaq mümkündür), lakin əsas süjet missiyalarının hamısı yalnız təkistifadəçili rejim üçün nəzərdə tutulmuşdur.[18][24]

Oyunun rəsmi köməkçi tətbiqi (Companion App) – "Unity"nin ümumi süjeti ilə məhdud "birbaşa əlaqələri" olan "freemium" tipli klik tətbiqi ilə əhəmiyyətli bağlılıqlar mövcud olmuşdur. Bütün oyunçular üçün görünən, lakin yalnız tətbiq daxilində müəyyən hədəfləri tamamlayanlar üçün əlçatan olan xeyli sayda xəzinə sandıqları, sui-qəsd hədəfləri və digər kolleksiya əşyaları yer almışdır. 2015-ci ilin fevral ayındakı yeniləmədən sonra bu tələb artıq ləğv edilmişdir, bu isə o deməkdir ki, yeniləməni yükləyən oyunçular artıq köməkçi tətbiqi oynamadan oyundakı bütün sandıqları toplaya bilirlər.[25][26][27]

Süjet

[redaktə | vikimətni redaktə et]

Personajlar

[redaktə | vikimətni redaktə et]

Oyunun baş qəhrəmanı Versalda assasin ailəsində anadan olmuş yerli fransız Arno Doriandır[28] (Den Jannot).[29][30] Atası "Assassin's Creed Rogue" oyununun sonunda Şey Patrik Kormak tərəfindən öldürüldükdən sonra Arno yeni ailəsinin Tampliyerlər ordenində yüksək mövqe tutmasından və yeni ata fiqurunun tampliyer Böyük magistri olmasından xəbərsiz şəkildə ögey ailə tərəfindən övladlığa götürülmüşdür.[18][31][32] Arno ögey atasının qətlə yetirilməsində özünü günahlandırır və buna görə də onu Assasinlər qardaşlığına gətirən bir fədakarlıq yoluna qədəm qoyur. O, seriyanın əvvəlki oyunlarında görünən Əltair İbn La-Əhəd və Esio Auditore da Firense kimi burada da tədricən rütbəcə yüksəlir.[18][32] Arnonun sevgilisi isə onu övladlığa götürən tampliyer Böyük magistrinin qızı Eliz de la Serrdir (Katrin Berube).[33] O da atasının ölümünün təfərrüatlarını və bu ölümün Tampliyerlər ordeninin daxili fundamental dəyərlərini təhdid edən ideoloji dəyişiklikdəki rolunu araşdırmağa başlayır.[31][32][34] Həmin dövrdə, həmçinin Markiz de Sad (Aleks İvanoviçi), Maksimilian Robespyer (Bryus Dinsmor) və gənc Napoleon Bonapart (Brent Skaford) kimi bir neçə tarixi şəxsiyyətin də peyda olduğu məlumdur.[33]

Məkan

[redaktə | vikimətni redaktə et]

Arnonun hekayəsi uşaqlıq illərində Versalda başlayır, lakin süjetin böyük bir hissəsində o, Parisdə fəaliyyət göstərir. Onun Parisdəki macərası 1789-cu ildə Böyük Fransa inqilabı ərəfəsində başlayır[35] və 1794-cü ilin Termidor çevrilişinə qədər davam edir.[29][36][37] Müasir dövr mühiti assasinlərin oyunçu ilə əlaqə saxlaması, həm indiki zamanda kömək etmələrini, həm də keçmişdə Arnonun xatirələrini araşdırmalarını xahiş etmələri üzərində qurulmuşdur.[38] Birgə çoxistifadəçili missiyalar Böyük Fransa inqilabı zamanı Assasinlər qardaşlığının inkişafını izləyir.[31] Bundan əlavə, hekayə boyu oyuna "zaman anomaliyaları" daxil edilmişdir. Bu anomaliyalara daxil olmaq Arnonu Paris tarixinin müxtəlif dövrlərinə, o cümlədən Parisin "Gözəl dövr"ünə və ya İkinci Dünya müharibəsi zamanı nasist Almaniyası tərəfindən işğalı illərinə aparır.[39]

Məzmun

[redaktə | vikimətni redaktə et]

2014-cü ildə "Abstergo" şirkəti genetik yaddaşa çıxış imkanı verən "Helix" proqram təminatını oyun cihazı kimi ictimaiyyətə təqdim etmişdir. Oyunçu 1307-ci ildə Parisdə yerləşən Tampl məbədini qarət edilməsi zamanı digər bir tampliyerə öz kodeksini və qılıncını gizlətməyi əmr edən Jak de Molenin (Mario Demare) xatirəsini oynayarkən, "Bişop" (Keyt Todd) kod adlı agent vasitəsilə Assasinlər qardaşlığı onunla əlaqə saxlamışdır. Bişop oyunçunu yeni üzv kimi assasinlərə qoşulmağa dəvət etmiş və ilkin sivilizasiya DNT-sinə sahib olan bir "Müdrik"in (Sage) əsir götürülməsini təsvir edən "Abstergo" video-memo sənədini nümayiş etdirmişdir. "Abstergo" şirkəti ilkin sivilizasiya genomunu tərtib etmək üçün Müdrikdən istifadə etməyi hədəfləyirdi. Bişop yeni üzvə cəsədini aşkar etmək istədikləri digər bir Müdrikin yerini müəyyənləşdirməyi tapşırmışdır.

Yeni üzv fransız-avstriyalı zadəgan Arno Dorianın xatirələrini yenidən yaşamışdır. 1776-cı ildə atası Şarlın sui-qəsd nəticəsində öldürülməsindən sonra yetim qalan Arno Fransa tampliyerlərinin Böyük magistri Fransua de la Serr tərəfindən övladlığa götürülmüşdür. 1789-cu ildə Arnonun de la Serrə çatdırmalı olduğu bir məktub tapşırılmışdır, lakin o, məktubu onun ofisində qoyaraq, Tampliyerlər ordeninə qəbul edilməsindən sonra uşaqlıq dostu və de la Serrin qızı olan Eliz ilə görüşməyə getmişdir. Sonradan Arno de la Serri qətlə yetirilmiş halda tapmış və özü qatil kimi şərlənmişdir. O, Bastiliya həbsxanasına salınmış və burada atasını tanıyan digər bir məhbus Pyer Bellek (Entoni Lemke) ilə dostlaşmışdır. Həbsxananın təslim olması zamanı oradan qaçdıqdan sonra Bellek Arnonu qardaşlığa dəvət etmişdir.

Evə qayıdan Arno Eliz tərəfindən rədd edilmişdir. Eliz onun vaxtında çatdıra bilmədiyi məktubun atasının gözlənilən qətli barədə bir xəbərdarlıq olduğunu açıqlamışdır. Arno de la Serrin ölümünün arxasında duran tampliyerləri zərərsizləşdirmək üçün qardaşlığa qoşulmuşdur. Araşdırması zamanı Arno tampliyerlərin Böyük magistri vəzifəsini müvəqqəti icra edən Lafrenyer (Noel Berton) tərəfindən girov saxlanılan gümüş ustası Fransua-Toma Jermeni (Culian Keysi) xilas etmişdir. Arno Lafrenyeri qətlə yetirmişdir, lakin sonradan onun əslində de la Serri xəbərdar etməyə çalışan şəxs olduğunu və Jermeninin de la Serr tərəfindən ordendən qovulduqdan sonra çevriliş edən bir tampliyer ekstremisti olduğunu öyrənmişdir. Jermen Elizin tərəfdarı olan tampliyerləri qətlə yetirməyə başladıqda, Arno Elizi qardaşlıqla danışıqlar aparmağa razı salmışdır. Assasinlərin mentoru Mirabo (Harri Stancofski) ordenlər arasında sülh yaratmaq ümidi ilə kömək etməyə razı olmuşdur, lakin sonradan bu ittifaqın qarşısını almaq və qardaşlığın yenidən doğulması üçün zəif hesab etdiyi assasin rəhbərliyini təmizləmək istəyən Bellek tərəfindən öldürülmüşdür. Bellek öz hərəkətlərini zəruri bir şər kimi müdafiə etməyə çalışdıqda və Arnonu öz tərəfinə çəkmək istədikdə, Arno onu öldürmək məcburiyyətində qalmışdır.

Üsyan zamanı Mirabonun kral XVI Lüdovikə yazdığı və ifşaedici ola biləcək məktubları axtarmaq üçün Tüilri sarayına daxil olan Arno ona qaçmağa kömək edən Napoleon Bonapartla qarşılaşmışdır. Arno Jermeninin Krala qarşı kütləvi üsyan başlatmağı planlaşdırdığını başa düşmüş, Napoleon və Elizin köməyi ilə ona yardım edən tampliyerlərə sui-qəsd təşkil etmiş və bu prosesdə Eliz ilə münasibətlərini yenidən bərpa etmişdir. İnqilabın ən qızğın vaxtında Arno Jermenin izini Lüdovikin edamında tapmışdır, lakin onun ardınca düşmək əvəzinə Elizi qorumağı seçmişdir. Eliz bu qərara görə onu rədd etmiş və Arno ehtiyatsız hərəkətlərinə görə qardaşlıqdan qovulmuşdur. İçkiyə qurşanaraq depressiyaya düşən Arno aylarla səfil həyat sürmüş, lakin sonradan Versalda onu tapan Eliz tərəfindən Parisin Terror dövründə paralanmaqda olduğu bir vaxtda geri qayıtmağa razı salınmışdır. Elizin köməyi ilə Arno Jermen tərəfindən xaosu qoruyub saxlamaqla vəzifələndirilən Maksimilian Robespyeri nüfuzdan salmışdır. Arno və Eliz Robespyeri tapdıqdan sonra Eliz onun çənəsindən atəş açaraq Jermeninin yerini yazmağa məcbur etmişdir.

Arno de Molenin qılıncı – bir "Ədən qılıncı" (Sword of Eden) vasitəsilə gücləndirilmiş Jermenlə qarşı-qarşıya gəlmiş və onun ardınca Parisdə yerləşən Tampl məbədəninin altındakı tampliyer sərdabəsinə qədər getmişdir. Tezliklə Eliz də kömək üçün bura gəlmişdir. Arno müvəqqəti olaraq hərəkətsiz qaldıqdan sonra Eliz Jermenlə təkbaşına mübarizə aparmağa çalışmışdır, lakin qılınc partlamış, nəticədə Eliz həlak olmuş, Jermen isə ölümcül yaralanmışdır. Arno Müdrik olduğunu və de Molenin təlimlərini unutmuş tampliyerləri təmizləmək istədiyini təsdiqləyən Jermeni öldürmüşdür. Oyun Arnonun assasin əqidəsini indi necə başa düşdüyünü izah etməsi, yenidən qardaşlığa qoşularaq "Ustad assasin" rütbəsinə yüksəlməsi, Parisi qoruyacağına və Elizin xatirəsini yaşadacağına söz verməsi ilə başa çatır. İllər sonra Arno və Napoleon Jermeninin skeletini taparaq onu katakombalarda yerləşdirmişdilər. "Abstergo" şirkətinin onu tapa bilməyəcəyinə əmin olan Bişop rahat nəfəs almış və yeni üzvə onlarla yenidən əlaqə saxlanılacağını bildirmişdir.

Dead Kings

[redaktə | vikimətni redaktə et]

Elizin ölümündən bir ay sonra mənəvi cəhətdən sarsılmış Arno Fransiada sığınacaq tapmışdır. Markiz de Sad onunla əlaqə saxlayaraq, Arnonun Misirə getməsi üçün bir gəmi müqabilində şəhərin altındakı məqbərədə gizlədilmiş Nikolya de Kondorsenin əlyazmasını tapmaqda kömək etməsini xahiş etmişdir. Axtarış zamanı Arno Napoleonun tabeliyində olan Kapitan Filipp Rozun (Teylor Prays) rəhbərlik etdiyi qəbir qarətçiləri ilə qarşılaşmışdır. Roz şəhər kilsəsinin altındakı İlkin sivilizasiya məbədindən bir artefaktı – "Ədən alması"nı (Apple of Eden) əldə etmək istəyirdi. Arno əlyazmanın qarətçilər tərəfindən əsir götürülmüş uşaq oğru Leon (Eamon Stoks) tərəfindən oğurlandığını öyrənmişdir. Arno Leonu xilas edərək əlyazmanı geri qaytarmışdır, lakin qarətçiləri dayandırmaqda ona kömək etməkdən imtina etmişdir. Buna baxmayaraq, Elizin xəyali görüntüsündən və Leonun yalvarışlarından sonra Arno fikrini dəyişmişdir.

Məbədin yerini müəyyənləşdirdikdən və Napoleonun zabitlərindən birindən açarı götürdükdən sonra Arno məbədin qapısını açmış, lakin Napoleona xəyanət edən və artefaktı özünə götürmək istəyən Roz tərəfindən pusquya salınmışdır. Arno pusqudan sağ çıxaraq Rozu öldürmüş və artefatı əldə edərək qalan qarətçiləri dəf etmək və qaçmaq üçün ondan istifadə etmişdir. O, daha sonra de Sad ilə görüşərək əlyazmanı ona təslim etmişdir. Arno Fransada qalmağa qərar vermiş və fərarilik, həmçinin vətənə xəyanət ittihamı ilə həbs olunan Napoleonun əlinin çatmayacağı bir yerə – Misirə artefaktı göndərilməsi üçün qardaşlıqla əlaqə saxlamışdır.[b]

İstehsal

[redaktə | vikimətni redaktə et]

Oyunun istehsalına 2010-cu ilə aid "Assassin's Creed: Brotherhood" oyununun tamamlanmasından qısa müddət sonra başlanılmışdır.[18] Əsas istehsalçı komanda "Assassin's Creed III" üzərindəki işlərin ilkin mərhələlərində şirkətdən ayrılmışdır.[40] İstehsalçı komanda pərəstişkarlara oyunun vaxtını və yerini səsvermə yolu ilə seçməyə imkan yaratmışdır. Ən populyar seçimlərdən biri XVIII əsr Parisi olmuşdur. Digər seçimlər arasında Viktoriya dövrü İngiltərəsi, feodal Yaponiya, Çar Rusiyası və digər ölkələr və zaman xətləri var idi.[36]

19 mart 2014-cü ildə oyunun ilkin ekran görüntüləri, eləcə də "Unity" adı mətbuata sızdırılmışdır. Sızdırılan məlumatlar "Unity" oyununun yeni bir məkana və tarixi dövrə – Fransa inqilabı dövrünün Parisinə sahib olacağını, yeni bir assasini təqdim edəcəyini və 2014-cü ilin sonlarında "PlayStation 4" ilə "Xbox One" platformalarında buraxılacağını aşkar etmişdir.[41] 21 mart tarixində "Ubisoft" oyunun pre-alfa geympley görüntülərini nümayiş etdirmiş, onun mövcudluğunu və üç ildən artıqdır ki, istehsal mərhələsində olduğunu təsdiqləmişdir.[42] Şirkət həmçinin, oyunun 2014-cü ilin dördüncü rübündə buraxılacağını və "Windows" platformasında da işıq üzü görəcəyini bəyan etmişdir.[43] "Ubisoft"un ssenaristi Ceffri Yohalem "Brotherhood" oyununun sonunda görünən simvollarda "Assassin's Creed III"ün Amerika inqilabı mühiti ilə yanaşı, bu oyunun Fransa inqilabı mühitinə də qəsdən işarə edildiyini bildirmişdir.[44] Layihənin əsas istehsalçısı "Ubisoft Montreal" studiyası olmuşdur, amma prosesə Toronto, Kiyev, Sinqapur, Şanxay, Ansi, Monpelye, Buxarest, Kvebek və Çendu şəhərlərində yerləşən "Ubisoft" studiyaları da öz töhfələrini vermişdilər.[45]

"E3 2014" sərgisində oyun üçün treylerlər nümayiş etdirilmiş və bununla da seriyada bir ilk olan, dörd nəfərə qədər oyunçu üçün nəzərdə tutulmuş birgə çoxistifadəçili rejim nümayiş olunmuşdur.[46] Treylerdə "Lorde"nin ifasında, Maykl Levin və Lukas Kantor tərəfindən aranjeman edilmiş "Everybody Wants to Rule the World" mahnısının kaver versiyası səsləndirilmişdir.[47][48]

İstehsalçı komanda qeyri-oyunçu personajlarının (NPC) izdihamını təkmilləşdirmək üçün "PlayStation 4" və "Xbox One" konsollarının yeni gücündən istifadə edə bilmişdir. İzdiham daxilində eyni anda 1000-ə qədər unikal süni intellekt personajı peyda ola bilir ki, onların da hər biri müstəqil hərəkət edir, bir-birinə və oyunçunun hərəkətlərinə reaksiya verir.[18] "Ubisoft" və "Nvidia" arasındakı tərəfdaşlıq sayəsində oyunun fərdi kompüter versiyasında "TXAA anti-aliasing", təkmilləşdirilmiş "DX11 tessellation" və "Nvidia PhysX" kimi "Nvidia GameWorks" texnologiyalarından istifadə olunmuşdur.[49][50]

Aparıcı oyun dizayneri Bencamin Plix əks-hücum düyməsinin ləğv edilməsi və keşikçilərin daha aqressiv davranması səbəbindən bu oyunun seriyanın əvvəlki hissələrinə nisbətən daha çətin olacağını qeyd etmişdir.[51] Plix həmçinin, oyunda sinxronlaşdırılmış "Cüt sui-qəsd" funksiyasının yer alacağını da bildirmişdir.[52]

2014-cü ilin avqust ayında "PlayStation 3" və "Xbox 360" platformaları üçün "Assassin's Creed Rogue" oyunu elan edilmiş və onun "Unity"nin süjeti ilə bağlılığının olduğu aşkar olunmuşdur.[31]

Oyun "C++" və "C#" proqramlaşdırma dillərinin kombinasiyası ilə yazılmışdır. Bura təxminən 15.5 milyon sətir "C++" kodu və 5 milyon sətir "C#" kodu daxildir.[53]

23 oktyabr 2014-cü ildə "Ubisoft" oyunun rəsmi sistem tələblərini yayımlamışdır.[54]

Tarixi təsvir

[redaktə | vikimətni redaktə et]
"Unity" oyununda yer alan bir çox tarixi abidələr arasında Paris Notr-Dam kilsəsi də mövcuddur. Onun oyun daxili modelinin bərpası bir ildən çox vaxt aparmışdır.[55]

6 oktyabr 2014-cü ildə "Ubisoft" şirkəti ssenarini yenidən nəzərdən keçirmək məqsədilə XVIII əsr Parisinin gündəlik həyatı üzrə Trua-Rivyer Kvebek Universitetinin professoru Loran Turko və Sorbonna Universitetinin professoru Jan Kleman Marten kimi akademik tarixçilərin köməyinə müraciət etdiyini elan etmişdir.[56][57][58]

Seriyanın digər oyunlarında olduğu kimi, "Unity"də də bir çox real dünya abidələri təsvir olunur. "Unity"nin Paris bərpasına Tüilri sarayı, Notr-Dam kilsəsi, həmçinin "zaman anomaliyaları" funksiyası vasitəsilə Fransa inqilabı dövründə mövcud olmayan Eyfel qülləsi və Azadlıq heykəli daxil edilmişdir.[59][60] 2019-cu ilin aprel ayında baş vermiş yanğından sonra "Assassin's Creed Unity" layihəsində iştirak edən şəxslərin binanın oyundakı modelinin tarixi baxımdan tam dəqiq olmadığını etiraf etmələrinə baxmayaraq, "Ubisoft"un əlində kilsənin bərpasına kömək edə biləcək kifayət qədər dəqiq skan görüntülərinin olduğuna dair əsassız şayiələr yayılmışdır.[61] "Ubisoft" kilsənin bərpası üçün 500,000 avro ianə etmiş, həmçinin hər kəsə kilsəni oyunda modelləşdirildiyi kimi araşdırmaq imkanı vermək üçün hadisədən sonrakı bir həftə ərzində "Unity" oyununu pulsuz yükləməyə açmışdır.[62][63] Şirkət uyğun virtual reallıq qarnituru olan istifadəçilərə kilsənin daxili və xarici hissəsini araşdırmağa imkan verən, orijinal oyun mühitinin bir hissəsi olan "Notre-Dame de Paris: Journey Back in Time" adlı virtual reallıq interaktiv turu üçün Notr-Dam modelindən yenidən istifadə etmişdir.[64]

Saundtrek

[redaktə | vikimətni redaktə et]
Assassin's Creed Unity
Növü Videooyun musiqisi
Yayımlanma tarixi 4 noyabr 2014
Studiya Ubisoft Music
Janr Videooyun musiqisi
Müddət 1:17:11
Dil ingilis dili[4], fransız dili[4], italyan dili[4], alman dili[4], ispan dili[4], ərəb dili[4], çex dili[4], yapon dili[4], Koreya dili[4], polyak dili[4], Braziliya portuqal dili[4], rus dili[4], ənənəvi Çin dili[d][4], Niderland dili[4]

Oyunun saundtrekini Kris Tilton və Sara Şaxnerin töhfələri ilə Rayan Amon bəstələmişdir.[65][66]

Track listing
№BaşlıqMüddət
1."Unity"3:58
2."On Father's Watch"3:56
3."Chase by Chase Basis"2:28
4."Breach Party"2:25
5."Versailles for Sore Eyes"2:50
6."The Hard Cell"1:29
7."A Leap of Faith"3:07
8."Welcome to the Brotherhood"0:45
9."Church and Destroy"2:28
10."A Sneaking Sense of Liberty"2:51
11."Waltz des Thunes"1:11
12."A Mystery of Violence"2:46
13."To Your Stealth"2:47
14."Off with Their Heads"1:36
15."Follow My Lead"2:05
16."Just Jabbin"2:38
17."Put Your Mind at Elise"1:58
18."Innocent or Guillotine"2:03
19."A Clash of Assassins"3:51
20."Belle of the Balloon"5:01
21."Monarch Enemy"3:56
22."The Attainted One"1:55
23."The Bottle of Solitude"3:52
24."Arno's Return"1:41
25."The Frame Game"1:47
26."Battle Royale"1:38
27."The Final Target"3:25
28."Ou La Mort"3:23
29."Nothing Is True"1:39
30."Origins of a Revolution"1:42
Assassin's Creed Unity
Növü Videooyun musiqisi
Yayımlanma tarixi 4 noyabr 2014
Studiya Ubisoft Music
Janr Videooyun musiqisi
Müddət 00:58:06
Dil ingilis dili[4], fransız dili[4], italyan dili[4], alman dili[4], ispan dili[4], ərəb dili[4], çex dili[4], yapon dili[4], Koreya dili[4], polyak dili[4], Braziliya portuqal dili[4], rus dili[4], ənənəvi Çin dili[d][4], Niderland dili[4]
Track listing
№BaşlıqMüddət
1."Rather Death Than Slavery"2:15
2."Chandeliers and Carnage"4:00
3."Binding Loyalties"1:59
4."Dark Slayer"5:10
5."Danton's Sacrifice"2:19
6."Books of Grievances"3:00
7."Treachery and Butchers"3:22
8."Storming the Guilty"4:01
9."A Seditious Act"2:35
10."Ballroom Fight (Invention No. 13 In D Minor)"2:14
11."Legerdemain"2:28
12."Spies, Taxes, and the Third Estate"1:30
13."Inflame or Enlighten"3:19
14."The Committee of One"3:38
15."What It Has Always Been"2:46
16."The First Transformation"3:46
17."The Mob Accuses"2:30
18."Assassin's Swagger"1:41
19."Right Wing Element"1:20
20."The Nation, the Law, and the King"2:24
21."Execution By All Means"1:49

Buraxılış

[redaktə | vikimətni redaktə et]

Oyunun ilkin olaraq 28 oktyabr 2014-cü ildə bütün dünyada buraxılması planlaşdırılmışdır,[67] lakin 28 avqust 2014-cü ildə onun buraxılışı Şimali Amerikada 11 noyabr 2014-cü il, Avropa və Avstraliyada 13 noyabr 2014-cü il, Birləşmiş Krallıqda isə 14 noyabr 2014-cü il tarixinə qədər təxirə salınmışdır.[68][69] Təxirəsalınma ilə bağlı "Ubisoft"un baş prodüseri Vinsent Pontbrian sona yaxınlaşdıqca hədəfə çox yaxın olduqlarını, lakin "Assassin's Creed Unity" oyununun müstəsna keyfiyyətdə olmasını təmin etmək üçün bəzi təfərrüatları təkmilləşdirməyə hələ də bir az daha vaxta ehtiyac duyduqlarını qeyd etmişdir. Bundan əlavə, oyun buraxıldığı ilk gün gələcək yeniləmələrin əsasını qoyan ilkin düzəliş paketi ilə təmin olunmuşdur.[70]

2026-cı ilin mart ayında oyunun performansını artıran və onun "PlayStation 5" ilə "Xbox Series X/S" konsollarında saniyədə 60 kadr sürətlə 4K təsvir ölçüsündə işləməsinə imkan verən yeniləmə oyunun "PlayStation 4" və "Xbox One" versiyaları üçün buraxılmışdır.[71]

Buraxılış variantları

[redaktə | vikimətni redaktə et]

"Unity" buraxıldıqdan sonra bir neçə kolleksioner nəşrini təqdim etmişdir.[72][73][74] "E3 2014" tədbirində də oyunun buraxılış variantları açıqlanmışdır. Onlar:[75]

Əşyalar
Buraxılış növü
Standard EditionSpecial EditionBastille EditionNotre Dame EditionGuillotine Collector’s Case
OyunHəHəHəHəHə
Kolleksiyaçı qutusuYoxYoxYoxHəHə
Polad korpusYoxYoxHəHəHə
Taxta musiqi qutusuYoxYoxYoxYoxHə
Arno fiqurcağı (39,5 sm)YoxYoxYoxHəYox
Arno fiqurcağı (41 sm)YoxYoxYoxYoxHə
Rəsmi saundtrekYoxYoxHəHəHə
Zərfdə 2 litoqrafiyaYoxYoxHəHəHə
Çərçivədə kətan üzərində rəsmYoxYoxYoxYoxHə
Yüksək keyfiyyətli rəsm kitabıYoxYoxHəHəHə
Parisin gizli dünya xəritəsiYoxYoxYoxYoxHə
Oyun kartları dəstiYoxYoxYoxYoxHə
Oyun bonusları
"Kimyəvi inqilab" adlı əlavə missiyaYoxHəHəHəHə
"Amerikalı məhbus" adlı əlavə missiyaYoxYoxHəHəHə
"Prussiya əsgəri" dəstiYoxYoxYoxYoxHə
"Muşketyor" dəstiYoxYoxYoxYoxHə
"Atıcı" dəstiYoxYoxYoxYoxHə
"Kral arsenalı" dəstiYoxYoxYoxYoxHə

Qəbulu

[redaktə | vikimətni redaktə et]

Tənqidçilərin mövqeyi

[redaktə | vikimətni redaktə et]

"Metacritic" rəy toplayıcısı veb-saytının məlumatlarına əsasən, "Assassin's Creed Unity" nümayiş olunduğu dövrdə tənqidçilər tərəfindən "müxtəlif və ya orta" rəylərlə qarşılanmışdır.[76][77][78]

"Game Informer" nəşrindən Mett Miller oyuna 10 xaldan 8 xal vermiş, ətraf mühitin və memarlığın detallığını, uğurlu səsli aktyorluq işini, strateji yanaşma tələb edən missiyaları, çətin geympleyi və yaxşı templə tənzimlənmiş süjet missiyalarını müsbət qiymətləndirmişdir, lakin o, idarəetmə və balansı, eləcə də oyunu yararsız hala salan texniki problemləri tənqid etmişdir. O, həmçinin həm naviqasiya, həm də döyüş sisteminin hələ də təkmilləşdirilməsinə ehtiyac olduğunu bildirmişdir.[81] "GamesRadar" nəşrindən Luiza Bleyn oyunu 5 xaldan 4 xalla qiymətləndirmiş, zəngin və atmosferli oyun dünyasını, personaj mərkəzli missiya dizaynını, tamamilə yenilənmiş sərbəst qaçış mexanikasını, dərin personaj fərdiləşdirilməsini və qənaətbəxş döyüş sistemini tərifləmişdir. Bununla belə, o, oyunun kadr tezliyini və düşmən süni intellektinin zəif dizaynını tənqid etmişdir.[83]

"Destructoid" nəşrindən Kris Karter oyuna 10 xaldan 7 xal vermiş, yeni hərəkət sistemini, rəğbət doğuran baş qəhrəmanları, simvolik məkansal mühiti, rəvan animasiyanı və təkmilləşdirilmiş görünüş məsafəsini müsbət qiymətləndirmişdir. Personaj fərdiləşdirilməsi və nəhəng izdiham kimi yeni əlavələr də tərifəlayiq görülmüşdür, lakin müəllif proqnozlaşdırıla bilən süjeti, texniki problemləri və bəzi missiyaların təkbaşına oynanılmasının qeyri-mümkün olması səbəbindən birgə çoxistifadəçili rejimin missiya dizaynını tənqid etmişdir. O, "Unity"nin seriyada geri addım kimi hiss olunduğunu, "Assassin's Creed IV: Black Flag" oyunundakı xəritəyə daxil edilməmiş dənizlərdə səyahət etmək hissinin və ya "Assassin's Creed III" oyunundakı vəhşi təbiətin bəxş etdiyi sərbəstlik duyğusunun bu oyunda çatışmadığını, lakin seriyanın pərəstişkarları üçün bu səyahətin sınanmağa dəyər olduğunu bildirmişdir.[79] "Eurogamer" nəşrindən Tom Bramvell oyuna 10 xaldan 7 xal verərək məkanı, zəngin məzmunu, ilhamverici süjeti və maraqlı kənar missiyaları tərifləmişdir. Bununla belə, o, həddindən artıq tanış və təxəyyüldən uzaq missiya dizaynını, sərbəst qaçış mexanikasındakı həddindən artıq müdaxiləçi avtomatik korreksiya sistemini və silah fərdiləşdirilməsinin olmamasını tənqid etmişdir. Müəllif oyunu "qaçırılmış bir fürsət" kimi xarakterizə etmişdir.[80]

"IGN" nəşrindən Marti Sliva oyunu 10 xaldan 7.8 xalla qiymətləndirərək Parisin təsvirini və çoxistifadəçili rejimdə təqdim olunan iddialı ideyaları tərifləmiş, lakin tam təkmilləşdirilməmiş gizlilik sistemini, zəif süjeti və güclü baş qəhrəman xarakterinin çatışmazlığını tənqid etmişdir. O, oyunun yeni nəsil üçün vizual cəhətdən gözəl, əyləncəli və seriyanın gələcəyi üçün uğurlu bir konseptual sübut olduğunu, lakin onu inqilabi adlandırmağın çətin olduğunu qeyd etmişdir.[86]

"PC Gamer" nəşrindən Tom Senior oyuna 100 xaldan 65 xal vermiş, texniki baxımdan təkmilləşdiriləcəyi təqdirdə "Unity"nin seriyanın tamamilə zövqlü bir hissəsinə çevrilə biləcəyini qeyd etmişdir. Müəllif keyfiyyətli sui-qəsd missiyaları və qeyri-adi məkan dizaynı ilə zənginləşdirilmiş bu uğurlu kampaniyanın normal şərtlərdə yekun qiyməti 80-ci pillələrə qaldıra biləcəyini, lakin əsas satış nöqtələrindən birinin işləməməsi, texniki və performans problemləri, daxili satınalmalar, həmçinin ləng döyüş və sərbəst qaçış sistemləri səbəbindən oyunun mövcud vəziyyətində yalnız uğursuz bir inqilab kimi qiymətləndirilə biləcəyini vurğulamışdır.[89] "Joystiq" nəşrindən Sem Prell oyuna 5 xaldan 2.5 xal vermiş, layihənin uğurlu tərəflərini təqdir etməyin vacibliyini və dostlarla birgə çoxistifadəçili rejimdə xoş vaxt keçirməyin mümkünlüyünü qeyd etmişdir, lakin oyunun uğursuzluğa düçar olduğu ciddi çatışmazlıqları görməzdən gəlməyin qeyri-mümkün olduğunu bildirmişdir.[87] "PC World" nəşri oyunun "Assassin's Creed" seriyası üçün yeni bir uğursuzluq zirvəsi olduğunu bəyan etmişdir. Rəydə, həmçinin "Assassin's Creed Unity" kiçik miqyasına, zəif geympleyinə və yüksək minimum sistem tələblərinə görə tənqid olunmuşdur.[109] Oxşar şəkildə, "CNET" nəşri oyunun seriyanın sadiq pərəstişkarları üçün kifayət edə biləcəyini, lakin ümumilikdə "Unity"nin addımlayarkən büdrədiyini və öz mövqeyini tam bərqərar edə bilmədiyini qeyd etmişdir.[110]

İnteraktiv Sənətlər və Elmlər Akademiyası tərəfindən keçirilən 18-ci illik "D.I.C.E. Awards" mükafatlandırma mərasimində "Assassin's Creed Unity" oyunu "Animasiya", "Bədii rəhbərlik" və "Səs dizaynı" nominasiyalarında görkəmli nailiyyət mükafatına namizəd göstərilmişdir.[111]

"Jeuxvideo.com' veb saytı oyuna 17/20 bal vermiş və bir çox keyfiyyətə istinad etmişdir. Buna baxmayaraq, nəşr rahatlığın azaldılmış olmağına rəğmən döyüşlərin daha az əyləncəli olması, "Black Flag"dan daha yaxşı, lakin "Assassin's Creed III" qədər yaxşı olmayan ssenari və indiki dövrdə gülünc tarixi səhnələrin olması və sonluğun uğursuz olması kimi çatışmazlıqları qeyd etmişdir.[107]

The website Jeuxvideo.com gives it a score of 17/20, citing many qualities but noting flaws such as less fun fights even though the ease has been reduced, a scenario better than Black Flag but not as good as Assassin's Creed III, and ridiculous historical sequences in the present, and whose ending is botched [ 72 ] .

"İqrı@Mail. Ru" portalı oyunu 10 baldan 9 balla qiymətləndirmişdir. Müəlliflər "Unity"nin "Assassin's Creed" seriyasının öz köklərinə, yəni "böyük şəhərdə oyun" konsepsiyasına möhtəşəm qayıdışı olduğunu, rapiralarla döyüşməyin, damlarda tullanmağın, çoxminli izdiham arasında gizlənməyin və kilometrlərlə uzanan Paris kanalizasiyalarını araşdırmağın heç vaxt bu qədər maraqlı olmadığını qeyd etmişlər. Oyunda tamamilə yeni inqilabi konsepsiyalar icad edilməsə də, istehsalçıların xırda təfərrüatlara və dərindən təkmilləşdirməyə diqqət yetirdiyi, beləliklə, bir neçə hissədən sonra nəhayət bu dahi oyunun strukturunu mükəmməlliyə çatdırdıqları vurğulanmışdır. İcmalda həmçinin bildirilir ki, əgər bir çox keyfiyyətli oyun pərəstişkarı kimi siz də "hər il eyni şey təkrar olunur, artıq bezdiricidir" düşüncəsi ilə son bir neçə "Assassin's Creed" oyununu buraxmısınızsa, indi seriyaya geri qayıtmaq üçün ən uğurlu fürsətdir.[103]

Bunun əksinə olaraq, "Stopgame.ru" oyun portalı layihəyə "Keçid balı" qiymətləndirməsini layiq görmüş və "Unity"nin hər tərəfdən məhdudlaşdırılmış bir "Assassin's Creed" oyunu olduğunu qeyd etmişdir. Tənqidçilər istehsalçıların oyunu seriyanın indiyədək qazandığı bir çox nailiyyətlərdən məhrum etdiyini bildirmişlər. Bir tərəfdən, geympley imkanlarının bolluğuna öyrəşmiş oyunçular üçün bu mənfi hal kimi qiymətləndirilsə də, digər tərəfdən, ilk hissələrin malik olduğu gizlilik cazibəsinin geri qayıtdığı vurğulanmışdır, lakin "Black Flag" oyununun vaxtilə etdiyi konsepsiya inqilabının "Unity"də baş vermədiyi və geympleyin qavranılma tərzinin dəyişməz qaldığı ifadə olunmuşdur. Layihədə qarşımıza yenidən tükənmiş, köhnəlmiş və yüzlərlə dəfə bezdirmiş mexanikaların çıxdığı, yaradıcı yenidənçilikdən kor-koranə kopyalamaya qədər olan tək bir addımı "Unity"nin artıq atdığı qeyd edilmişdir. Oyunun çatışmazlıqları arasında usandırıcı pafosa malik süjet xətti, darıxdırıcı baş qəhrəman, gizlilik mexanikasına olan marağı qoruya bilməyən zəif süni intellekt, son hissələrdəki bir çox geympley elementlərinin yoxluğu, daxili satınalmalar və texniki xətalar xüsusilə fərqləndirilmişdir.[103]

Texniki problemlər və istehsalçının reaksiyası

[redaktə | vikimətni redaktə et]

Buraxıldığı dövrdə "Assassin's Creed Unity" çoxsaylı proqram xətalarına və qüsurlara, eləcə də performans və onlayn bağlantı problemlərinə məruz kalmışdır.[112][113][114] "Ubisoft Montreal" studiyasının baş direktoru Yannis Mallat "Unity" oyununun uğursuz startı ilə bağlı studiya adından üzr istəmiş, oyunun "ümumi keyfiyyətinin gözlənilməz texniki problemlər və xətalar ucbatından aşağı düşdüyünü" və bunun istifadəçilərin "oyunu tam potensialı ilə təcrübədən keçirmələrinə" mane olduğunu bildirmişdir.[115] Problemlərə cavab olaraq "Ubisoft" oyunun mövsüm bileti və "Gold Edition" versiyasının satışını dayandıracağını, həmçinin ilk əlavə paketi olan "Dead Kings"i ödənişsiz təklif edəcəyini elan etmişdir. Təzminat olaraq, mövsüm biletini satın almış şəxslərə "Ubisoft"un altı oyunundan birini ("Assassin's Creed IV: Black Flag", "The Crew", "Far Cry 4", "Just Dance 2015", "Rayman Legends" və ya "Watch Dogs") rəqəmsal formatda pulsuz yükləmək imkanı verilmiş, həmçinin onların "Assassin's Creed Chronicles: China" da daxil olmaqla "Unity" üçün nəzərdə tutulmuş bir sıra əlavə məzmunlara çıxış hüququ qorunub saxlanılmışdır,[116][117] lakin oyunu əldə etmək üçün istifadəçilər oyun və mövsüm biletinin dəyərsizləşməsi ilə bağlı "Ubisoft" şirkətini məhkəməyə vermək hüquqlarından imtina etməli olmuşdular.[118]

2016-cı ilin fevral ayında "Ubisoft" şirkəti "Unity" oyununda yaşanan bir çox problemi əsas gətirərək və istifadəçi rəylərindən çox şey öyrəndiklərini bildirmiş, ilin qalan hissəsində yeni bir "Assassin's Creed" oyunu elan etməyəcəyini bəyan etmişdir. Bu bəyanatda şirkət "daha əyləncəli oyunlar" yaratmaq üçün oyun mexanikalarını təkmilləşdirməyə sadiq olduqlarını vurğulamışdır.[119] Bu xəbərin "Ubisoft"un eyni gündə dərc olunan və "Assassin's Creed Syndicate" oyununun "gözləniləndən daha zəif bir başlanğıc" götürdüyünü göstərən üçüncü rüb maliyyə hesabatı ilə bağlılığının olması ehtimal edilir.[120]

Fransa Sol Partiyasının tənqidləri

[redaktə | vikimətni redaktə et]

Fransa Sol Partiyası və onun rəhbəri Jan-Lük Melanşon oyunda Böyük Fransa inqilabı ilə bağlı təqdim olunan tarixi təfsiri tənqid etmiş, Robespyerin "qana susamış bir canavar", Mariya Antuanettanın isə "yazıq bir kiçik qız" kimi təsvir olunduğunu bildirmişdir.[121] O, "Ubisoft"un bu tarixi dövrə aid təqdimatını Fransa daxilində getdikcə artan özünənifrət hissini gücləndirən bir "propaqanda" kimi xarakterizə etmişdir. Melanşon öz tənqidərini bir çox media çıxışlarında dilə gətirmiş və "New York Times" qəzetinə verdiyi açıqlamada dahi inqilabın ləkələnməsinin fransızlara daha çox özünənifrət aşılamağı və tənəzzüldən bəhs etməyi hədəfləyən çirkin bir iş olduğunu, belə davam edəcəyi təqdirdə fransızlar üçün dindən və dəri rəngindən başqa heç bir ortaq kimliyin mümkün qalmayacağını qeyd etmişdir.[122]

Sol Partiyanın milli katibi Aleksis Korbyer oyunun iki əsr boyu uydurulmuş bütün əks-inqilabi şablonları ötürdüyünü bildirmişdir.[123] O, "Assassin's Creed Unity" oyununu satın alacaq hər kəsə xoş vaxt keçirməyi arzuladığını, lakin əylənməyin düşünməyə mane olmadığını da əlavə etmiş, oyunu oynamağı, lakin təbliğatın qurbanına çevrilməməyi tövsiyə etmişdir.[124]

Tənqidləri xüsusi olaraq qeyd etmədən, oyunun kreativ direktoru Aleks Amansio 6 oktyabr 2014-cü ildə "Time" jurnalına verdiyi müsahibədə şəxsi inanclarına uyğun olaraq tarixi bəsitləşdirməkdən qaçmağa çalışdıqlarını və hadisələri mümkün qədər faktlara əsaslanaraq təsvir etmək üçün böyük səy göstərdiklərini bildirmişdir.[125] Buna baxmayaraq, oyunun prodüseri Antuan Vimal dü Montey yekun olaraq "Assassin's Creed Unity"nin bir tarix dərsi yox, geniş kütlələr üçün nəzərdə tutulmuş bir videooyun olduğunu cavablandırmışdır.[126]

Satışlar

[redaktə | vikimətni redaktə et]

31 dekabr 2014-cü il tarixinə olan məlumata görə, "Ubisoft" şirkəti ümumilikdə 10 milyon nüsxə "Assassin's Creed Unity" və "Assassin's Creed Rogue" oyunu tədarük etmişdir.[127] 17–25 aprel 2019-cu il tarixlərində şirkət 15 aprel 2019-cu ildə baş vermiş yanğından sonra Paris Notr-Dam kilsəsinin bərpasına ianə edilməsini təşviq edən bir mesajla oyunun fərdi kompüter versiyasını ödənişsiz olaraq istifadəyə vermişdir.[128] Bunun sayəsində "Ubisoft" Parisin bu tarixi abidəsinin bərpası və yenidən qurulmasına kömək məqsədilə 500,000 avro ianə etmişdir.[129] 2020-ci ilin may ayında şirkət "Assassin's Creed Unity" oyununun (və səkkizinci konsol nəslində nəşr etdikləri digər on oyunun) 2020-ci ilin mart ayınadək on milyondan çox nüsxə satıldığını aşkar etmişdir.[130]

Qalmaqallar

[redaktə | vikimətni redaktə et]

Birgə rejimdə gender seçimləri

[redaktə | vikimətni redaktə et]
Videooyun hekayələrində müxtəlifliklə bağlı əsaslı narahatlıqları qəbul edirik. 'Assassin's Creed' fərqli inanclara və dünyagörüşünə malik olan multikultural bir komanda tərəfindən hazırlanır və ümid edirik ki, müxtəlifliyə göstərilən bu diqqət oyunlarımızın mühitində, eləcə də personajlarımızda öz əksini tapır. 'Assassin's Creed Unity' baş qəhrəman Arnonun hekayəsinə yönəlmişdir. İki nəfər tərəfindən və ya birgə paylaşılan təcrübələr rejimində oynamağınızdan asılı olmayaraq, siz bir oyunçu kimi hər zaman geniş təchizat və bacarıq dəstləri ilə fərdiləşdirilmiş Arno rolunda çıxış edəcəksiniz. Oyunda idarə edilə bilən assasinlərin müxtəlifliyinə gəlincə, biz əvvəlki 'Assassin's Creed' oyunlarında Avelin, Konnor, Adevale və Əltair kimi personajlara yer vermişik və gələcəkdə də fərqli xarakterləri nümayiş etdirməyə davam edəcəyik. 'Assassin's Creed Unity' oyunundakı bəzi güclü qadın personajlarını sizə təqdim etməyi səbirsizliklə gözləyirik.

"Ubisoft" şirkətinin birgə oyun rejimində yalnız kişi personaj modellərinin yer alması ilə bağlı rəsmi cavab bəyanatı.[131]

"E3 2014" sərgisində birgə çoxistifadəçili oyun rejiminin nümayiş olunmasından sonra oyunun kreativ direktoru Aleks Amansio və texniki direktoru Ceyms Terien bu rejim barədə əlavə təfərrüatları açıqlamışdır. Amansio, istehsalat reallıqları ucbatından sözügedən rejimdə qadın avatarı ilə oynamaq imkanının daxil edilmədiyini bildirmişdir. O, əlavə olaraq qeyd etmişdir ki, fərdiləşdirilə bilən assasinlərin mövcudluğu səbəbindən bu addım ikiqat animasiya, ikiqat səsvermə və ikiqat vizual element demək idi. Bu, olduqca böyük əlavə istehsalat yükü yaradırdı. Terien də onun bu fikirlərini dəstəkləmişdir. Səviyyə dizayneri Bruno Sent-Andre də bu mövzuya toxunaraq, qadın avatarı üçün təxminən 8,000 əlavə animasiyanın yenidən yaradılmalı olduğunu vurğulamışdır.[132][133]

Bu vəziyyət videooyun ictimaiyyətinin bəzi media orqanlarında narazılığa səbəb olmuşdur. "VG247" nəşrindən Brena Hillyer layihə üzərində doqquz istehsalçı komandanın işlədiyini xatırladaraq, "Ubisoft"un oyun sənayesindəki seksizm və qeyri-bərabərlik dövrünü davam etdirmək üçün növbəti dəfə köhnəlmiş, məntiqsiz və dəfələrlə təkzib olunmuş bəhanələrə əl atdığını ifadə etmişdir.[134] "PC Gamer" nəşrindən Tim Klark əvvəlki "Assassin's Creed" oyunlarının çoxistifadəçili rejim komponentində idarə edilə bilən qadın personajların yer aldığını, həmçinin "Brotherhood" oyununda oyunçunun çağırışına gələn və bir çoxu qadınlardan ibarət olan assasinlərin mövcudluğunu əsas gətirərək, bu prosesin reallaşdırılmasının qeyri-mümkün olmadığını qeyd etmişdir. Klark həmçinin, Amansio və Terienin suallara verdiyi cavab tərzini təhlil edərək, komandanın qadın personajları oyuna daxil etməyi nə qədər çox istədiyinə dair eyhamların, əslində bu qərarın şirkətin daxilində də birmənalı qarşılanmadığını göstərdiyini vurğulamışdır.[135] Seriyanın keçmiş dizayneri Conatan Kuper məsələyə reaksiya verərək, öz peşəkar təcrübəsinə əsasən bunun 8,000 animasiyanın yenidən yazılması yox, cəmi bir və ya iki günlük bir iş olduğunu təxmin etdiyini bildirmişdir. O, həmçinin "Assassin's Creed III: Liberation" oyununun qadın baş qəhrəmanı Avelin de Qranprenin animasiyalarının Edvard Kenveyə nisbətən, Konnor Kenveyin animasiyaları ilə daha çox oxşarlıq təşkil etdiyini ifşa etmişdir.[136] Pərəstişkarlar da "Ubisoft" şirkətini bu mövqeyini dəyişməyə çağıran petisiyalar başlatmışdır. Bundan əlavə, "Assassin's Creed" seriyasının keçmiş geymdizayneri Patris Dezile Amansionun gətirdiyi arqumentlərin istehsalat baxımından əsaslı olduğunu, lakin "Ubisoft"un oyunçulara gender seçimləri təqdim etmək üçün lazımi səyi göstərməsinin vacibliyini qeyd etmişdir.[137]

İctimaiyyətin reaksiyaları fonunda, "Insomniac Games" studiyası o dövrdə hələ buraxılmamış "Sunset Overdrive" oyunu ilə bağlı bir video yayımlamışdır. İcmadan gələn "Qadın personaj olaraq oynamaq mümkündürmü?" sualına aparıcı müsbət cavab verdiyi əsnada, ekranda Esio Auditoreyə bənzəyəcək tərzdə geyindirilmiş idarə edilə bilən bir qadın personajı nümayiş etdirilmişdir.[138]

Amansio yaranmış çaşqınlığı aradan qaldırmağa çalışaraq növbəti fikirləri səsləndirmişdir: "Mən problemi və onun əsasında duran nəcib səbəbi başa düşürəm, lakin bunun 'Unity' vəziyyətində aktual olduğunu düşünmürəm. 'Unity'də siz Arno adlı personajı canlandırırsınız və birgə rejimdə oynayarkən də hər kəs Arnonu oynayır. Bu, 'Watch Dogs' oyunundakı Eyden Pirs personajına bənzəyir. Arnonun fərqli bacarıqları var – oyunda bacarıq xalları seçirsiniz, personajın performansına təsir edən təchizat elementləri və bütün bu silahlar yaratdığınız personajı sizə məxsus edir, lakin siz hər zaman Arnonu oynayırsınız. Bizim yalnız simanı dəyişib, bədən strukturunu eyni saxlamamızın səbəbi isə insanların oyun daxili kəşfiyyat zamanı əldə etdikləri təchizatları nümayiş etdirmələrini istəməyimizdir. Bu addımı məhz buna görə atdıq".[139]

Platforma bərabərliyi

[redaktə | vikimətni redaktə et]

2014-cü ilin oktyabr ayında "Ubisoft"un baş prodüseri Vinsent Pontbrian oyunun bütün konsol versiyalarının eyni – 900p təsvir ölçüsündə kilidlənəcəyinə dair bəyanat vermişdir. Müəllif bu addımın "bütün mübahisələrdən və bu kimi hallardan qaçmaq üçün" atıldığını qeyd etmişdir.[140] Bir çox oxucu bunun mediada "PlayStation 4" və "Xbox One" konsollarının xalis güclərinin davamlı olaraq müqayisə edilməsinə bir işarə olduğunu düşünmüş, "PlayStation 4" versiyasının təsvir ölçüsünün "Xbox One" ilə bərabərlik təmin etmək üçün qəsdən aşağı salındığını güman etmişdir, lakin "Ubisoft" sonradan bu səbəbi təkzib etmişdir.[141]

Bunun əvəzinə Pontbrian bərabərlik qərarının konsolların mərkəzi prosessorlarının (CPU) məhdudiyyətlərindən qaynaqlandığını bildirmişdir. Qeyri-oyunçu personajlarının sayı və süni intellektin ümumi həcmi oyunu saniyədə 30 kadr sürətində sabit saxlamaq üçün həlledici amil olmuşdur.[142]

Qeydlər

[redaktə | vikimətni redaktə et]
  1. ↑ "Ubisoft Annecy", "Ubisoft Kyiv, ""Ubisoft Quebec", "Ubisoft Singapore", "Ubisoft Toronto" və "Ubisoft Shanghai" tərəfindən əlavə işlər görülmüşdür.[1]
  2. ↑ Seriyanın daxili xronologiyasına əsasən, Napoleonun sonradan Misirə təşkil etdiyi yürüşün əsas məqsədi məhz "Əden alması"nı əldə etmək olmuşdur. Bu, ona Birinci Konsul və nəticədə Fransa imperatoru kimi hakimiyyətə yüksəlmək imkanı vermişdir.

İstinadlar

[redaktə | vikimətni redaktə et]
  1. ↑ "Assassin's Creed Unity новые вершины". 1 iyul 2014 tarixində arxivləşdirilib. İstifadə tarixi: 16 may 2014.
  2. ↑ "Assassin's Creed: Единство (2014)". 3 noyabr 2019 tarixində arxivləşdirilib. İstifadə tarixi: 3 noyabr 2019.
  3. ↑ "Assassin's Creed: Unity на две недели позже". 3 sentyabr 2014 tarixində orijinalından arxivləşdirilib. İstifadə tarixi: 29 avqust 2014.
  4. 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 Steam. 2003.
  5. ↑ Bennett, Jade. "Three Assassin's Creed games on Google Stadia". GamEir (ingilis). 18 dekabr 2020. 18 dekabr 2020 tarixində arxivləşdirilib. İstifadə tarixi: 19 dekabr 2020.
  6. ↑ "Best Xbox One Third-Person Games". GameSpot. 14 oktyabr 1998. 29 yanvar 2018 tarixində arxivləşdirilib. İstifadə tarixi: 28 yanvar 2018.
  7. ↑ Ubisoft News Staff. "Discover Assassin's Creed Unity's Full-Scale Paris Map with Ubisoft+". Ubisoft News. 1 noyabr 2024. İstifadə tarixi: 11 iyul 2026.
  8. ↑ "Nostradamus Enigmas - Assassin's Creed Unity Guide". IGN. İstifadə tarixi: 11 iyul 2026.
  9. ↑ "Assassin's Creed Unity 100% Completionist Checklist". MapGenie. İstifadə tarixi: 11 iyul 2026.
  10. ↑ "Sequence 13 (Dead Kings DLC) - Assassin's Creed Unity Guide". IGN. İstifadə tarixi: 11 iyul 2026.
  11. ↑ Krystal109. "Assassin's Creed Unity - Side Quests and Enigmas Guide". GameFAQs. 5 yanvar 2015. İstifadə tarixi: 11 iyul 2026.
  12. ↑ Vampire Horde; Burton, Jason; Ryan, Jon. "Chests - Assassin's Creed Unity Guide". IGN. 27 iyun 2016. İstifadə tarixi: 11 iyul 2026.
  13. ↑ Vampire Horde; Burton, Jason; Ryan, Jon. "Cockades - Assassin's Creed Unity Guide". IGN. 27 iyun 2016. İstifadə tarixi: 11 iyul 2026.
  14. ↑ "Artifacts - Assassin's Creed Unity Guide". IGN. 17 noyabr 2014. İstifadə tarixi: 11 iyul 2026.
  15. ↑ Newhouse, Alex. "Assassin's Creed Unity Can Support Crowds of 30,000, Will Have More Customization Than Assassin's Creed IV". GameSpot. 6 avqust 2014. 11 noyabr 2020 tarixində arxivləşdirilib. İstifadə tarixi: 13 avqust 2020.
  16. ↑ "Assassin's Creed Unity DevBlog – Combat with Alex Pedneault". Assassin's Creed. 10 iyun 2014. 14 iyun 2014 tarixində arxivləşdirilib. İstifadə tarixi: 12 iyun 2014.
  17. ↑ "Assassin's Creed Unity DevBlog – Navigation with Max Spielberg". Assassin's Creed. 11 iyun 2014. 15 iyun 2014 tarixində arxivləşdirilib. İstifadə tarixi: 12 iyun 2014.
  18. 1 2 3 4 5 6 Miller, Matt. "Ten Things You Need To Know About Assassin's Creed Unity". Game Informer. GameStop. 11 iyun 2014. 14 iyun 2017 tarixində orijinalından arxivləşdirilib. İstifadə tarixi: 12 iyun 2014.
  19. ↑ Hawkins, Josh. "Assassin's Creed Unity Character Customization – Outfits, Boosts and Equipment". Prima Games. 17 noyabr 2014. 4 dekabr 2014 tarixində arxivləşdirilib. İstifadə tarixi: 30 noyabr 2014.
  20. ↑ "Assassin's Creed Unity: Customize Arno's Skills & Gear". assassinscreed.ubi.com. Ubisoft. 12 dekabr 2014 tarixində arxivləşdirilib. İstifadə tarixi: 1 dekabr 2014.
  21. ↑ "Weapons". IGN (ingilis). 3 iyul 2015. İstifadə tarixi: 3 iyul 2015.
  22. ↑ Concepcion, Miguel. "Assassin's Creed Unity: Dead Kings Review". GameSpot. 14 yanvar 2015. İstifadə tarixi: 11 iyul 2026.
  23. ↑ Vampire Horde; Burton, Jason; Ryan, Jon. "Cafe Theatre - Assassin's Creed Unity Guide". IGN. 30 dekabr 2014. İstifadə tarixi: 11 iyul 2026.
  24. ↑ Андрей Чаплюк. "Героя Assassin's Creed в Париж". Игромания. 20 mart 2014. 9 avqust 2014 tarixində arxivləşdirilib. İstifadə tarixi: 21 mart 2014. (#apostrophe_markup)
  25. ↑ Stephany Nunneley. "Assassin's Creed Unity patch drops Companion App requirement". VG247 (ingilis). 18 fevral 2015. 3 iyul 2015 tarixində arxivləşdirilib. İstifadə tarixi: 3 iyul 2015.
  26. ↑ Emanuel Mailberg. "Assassin's Creed Unity Patch Removes Companion App Requirements to Gear". GameSpot (ingilis). 18 fevral 2015. 24 iyun 2015 tarixində arxivləşdirilib. İstifadə tarixi: 3 iyul 2015.
  27. ↑ Tom Phillips. "Assassin's Creed Unity patch removes need to play companion app". Eurogamer (ingilis). 19 fevral 2015. 3 iyul 2015 tarixində arxivləşdirilib. İstifadə tarixi: 3 iyul 2015.
  28. ↑ "Ubisoft Assassin's Creed: Unity видео". Kanobu.ru. 21 mart 2014. 25 mart 2014 tarixində arxivləşdirilib. İstifadə tarixi: 21 mart 2014. (#apostrophe_markup)
  29. 1 2 Lien, Tracey. "Assassin's Creed Unity hits Oct. 28, pre-orders live". Polygon. 9 iyun 2014. 13 iyun 2014 tarixində arxivləşdirilib. İstifadə tarixi: 9 iyun 2014.
  30. ↑ Hilliard, Kyle. "The Man Behind Assassin's Creed Unity's Arno Dorian On Comedy And Motion-Capture Make-Outs". Game Informer. GameStop. 13 avqust 2014. 16 oktyabr 2015 tarixində arxivləşdirilib. İstifadə tarixi: 15 avqust 2014.
  31. 1 2 3 4 Wallace, Kimberly. "September Cover Revealed – Assassin's Creed Rogue And Unity". Game Informer. GameStop. 5 avqust 2014. 5 avqust 2014 tarixində arxivləşdirilib. İstifadə tarixi: 5 avqust 2014.
  32. 1 2 3 Wallace, Kimberly. "Get To Know Arno From Assassin's Creed Unity". Game Informer. GameStop. 13 avqust 2014. 15 avqust 2014 tarixində arxivləşdirilib. İstifadə tarixi: 15 avqust 2014.
  33. 1 2 Futter, Mike. "Meet The Actors Behind Assassin's Creed Unity's Cast". Game Informer. GameStop. 16 oktyabr 2014. 18 oktyabr 2014 tarixində arxivləşdirilib. İstifadə tarixi: 19 oktyabr 2014.
  34. ↑ Wallace, Kimberly. "Get To Know Elise From Assassin's Creed Unity". Game Informer. GameStop. 15 avqust 2014. 17 avqust 2014 tarixində arxivləşdirilib. İstifadə tarixi: 16 avqust 2014.
  35. ↑ Logan. "Assassin's Creed Unity : Taille et durée de vie". Jeuxvideo.com. 29 iyul 2014. İstifadə tarixi: 3 avqust 2014.
  36. 1 2 "Assassin's Creed: Unity новой игрой серии с местом действия в Париже". GameBomb. 19 mart 2014. 21 mart 2014 tarixində arxivləşdirilib. İstifadə tarixi: 21 mart 2014. (#apostrophe_markup)
  37. ↑ Олег Данилов. "Assassin's Creed: Unity официально". itc.ua. 21 mart 2014. 25 mart 2014 tarixində arxivləşdirilib. İstifadə tarixi: 21 mart 2014.
  38. ↑ Peppiatt, Dom. "Assassin's Creed Unity 'modern day' setting teased". GamesTM. 27 iyun 2014 tarixində arxivləşdirilib. İstifadə tarixi: 27 iyun 2014.
  39. ↑ Phillips, Tom. "Assassin's Creed Unity features World War 2 section". Eurogamer. 30 oktyabr 2014. 6 noyabr 2014 tarixində arxivləşdirilib. İstifadə tarixi: 6 noyabr 2014.
  40. ↑ Cork, Jeff. "Assassin's Creed's Tech Master Leads Us Through The Series' History". Game Informer. GameStop. 22 avqust 2014. 26 oktyabr 2020 tarixində arxivləşdirilib. İstifadə tarixi: 22 avqust 2014.
  41. ↑ Schreier, Jason. "Leaked Images Reveal One Of This Fall's Two Assassin's Creed Games". Kotaku. 19 mart 2014. 19 mart 2014 tarixində arxivləşdirilib. İstifadə tarixi: 19 mart 2014.
  42. ↑ PG Diamond. "Официально Assassin`s Creed Unity". PlayGround.ru. 21 mart 2014. 25 mart 2014 tarixində arxivləşdirilib. İstifadə tarixi: 24 mart 2014. (#apostrophe_markup)
  43. ↑ Karmali, Luke. "Ubisoft Confirms Assassin's Creed: Unity, Release Date Teased". IGN. 21 mart 2014. 21 mart 2014 tarixində arxivləşdirilib. İstifadə tarixi: 21 mart 2014.
  44. ↑ Phillips, Tom. "Assassin's Creed: Unity was teased in Brotherhood, writer reveals". Eurogamer. 25 mart 2014. 12 noyabr 2020 tarixində arxivləşdirilib. İstifadə tarixi: 9 iyun 2014.
  45. ↑ Dyer, Mitch. "10 Ubisoft Studios Developing Assassin's Creed Unity". IGN. 15 may 2014. 16 may 2014 tarixində arxivləşdirilib. İstifadə tarixi: 16 may 2014.
  46. ↑ Jackson, Leah B. "E3 2014: Assassin's Creed Unity Co-Op Revealed". IGN. 9 iyun 2014. 10 iyun 2014 tarixində arxivləşdirilib. İstifadə tarixi: 9 iyun 2014.
  47. ↑ "Assassin's Creed Unity trailer". 3 News. MediaWorks New Zealand. 12 iyun 2014. 14 iyun 2014 tarixində arxivləşdirilib.
  48. ↑ "Assassin's Creed Unity «Геймплей режима кооператива — E3 2014»". PlayGround.ru (rus). 10 iyun 2014.
  49. ↑ Gera, Emily. "Far Cry 4, Assassin's Creed Unity and The Crew will have 'Hollywood-levels' of animation using Nvidia tech". Polygon. 5 iyun 2014. 8 iyun 2014 tarixində arxivləşdirilib. İstifadə tarixi: 9 iyun 2014.
  50. ↑ Newhouse, Alex. "Nvidia Working With Ubisoft on Assassin's Creed Unity, Far Cry 4 PC". Gamespot. 6 iyun 2014. 12 noyabr 2020 tarixində arxivləşdirilib. İstifadə tarixi: 6 iyun 2014.
  51. ↑ Odoerfer, Mandi. "Assassin's Creed Unity Will Be More Challenging Than Previous Games". GeekParty. 16 avqust 2014. 6 iyul 2017 tarixində orijinalından arxivləşdirilib. İstifadə tarixi: 17 avqust 2014.
  52. ↑ Assassin's Creed. ".@Maceonik_AC Yeah, you can do Double Assassinations. Even better now because you can synchronize them with three other players! #AskACBen". Twitter. 16 avqust 2014. 30 sentyabr 2019 tarixində arxivləşdirilib. İstifadə tarixi: 17 avqust 2014.
  53. ↑ Fleury, Nicolas. C++ in Huge AAA Games. CppCon. 2014. 27 aprel 2015 tarixində arxivləşdirilib. İstifadə tarixi: 24 may 2015.
  54. ↑ "Системные Assassin's Creed Unity". 23 oktyabr 2014. 1 noyabr 2014 tarixində arxivləşdirilib. İstifadə tarixi: 23 oktyabr 2014.
  55. ↑ "Notre-Dame fire: Assassin's Creed's maker pledges aid". BBC (ingilis). 17 aprel 2019. İstifadə tarixi: 3 mart 2025.
  56. ↑ Beer, Jeff. "The (fun, violent) History lesson inside "Assassin's Creed Unity"". Co.Create. 22 oktyabr 2014. 1 avqust 2016 tarixində arxivləşdirilib. İstifadə tarixi: 27 oktyabr 2014.
  57. ↑ "L'expertise historique de Laurent Turcot au cœur de l'action du jeu «Assassin's Creed Unity»". EnTête, Nouvelles à l'UQTR. 6 oktyabr 2014.
  58. ↑ Andréa Fradin. "«Assassin's Creed Unity»: l'historien du jeu est ravi de la représentation de Paris et répond à Jean-Luc Mélenchon". Slate. 15 noyabr 2014.
  59. ↑ "La faille temporelle d'Assassin's Creed Unity". Jeuxvideo.com (fransız). 31 oktyabr 2014. 31 oktyabr 2014 tarixində arxivləşdirilib.
  60. ↑ Tassi, Paul. "'Assassin's Creed' Needs To Slow Down And Refocus, Or Risk Total Derailment". Forbes. 29 may 2018 tarixində arxivləşdirilib. İstifadə tarixi: 11 noyabr 2014.
  61. ↑ Rochefort, Simone de. "Stop being wrong about Assassin's Creed Unity". Polygon (ingilis). 23 avqust 2024. İstifadə tarixi: 10 sentyabr 2024.
  62. ↑ Jones, Ali. "Ubisoft's giving Assassin's Creed Unity away free and donating €500,000 to Notre-Dame". PCGamesN. 17 aprel 2019. 16 aprel 2019 tarixində arxivləşdirilib. İstifadə tarixi: 17 aprel 2019.
  63. ↑ Domanski, Harry. "Ubisoft offers Assassin's Creed Unity for free so you can see Notre-Dame Cathedral". TechRadar (ingilis). 18 aprel 2019. 18 aprel 2019 tarixində arxivləşdirilib. İstifadə tarixi: 18 aprel 2019.
  64. ↑ "Assassin's Creed Unity Bends History As Ubisoft Celebrates Notre Dame's Reopening". GameSpot (ingilis). İstifadə tarixi: 3 mart 2025.
  65. ↑ "Assassin's Creed Unity (The Complete Edition) [Original Game Soundtrack]". Apple Music. Ubisoft Music. 9 dekabr 2014. İstifadə tarixi: 11 iyul 2026.
  66. ↑ Southall, James. "Assassin's Creed Unity soundtrack review". Movie Wave. 22 noyabr 2014. İstifadə tarixi: 11 iyul 2026.
  67. ↑ Phillips, Tom. "Assassin's Creed: Unity release date set for October". Eurogamer. 9 iyun 2014. 10 iyun 2014 tarixində arxivləşdirilib. İstifadə tarixi: 9 iyun 2014.
  68. ↑ Karmali, Luke. "Assassin's Creed Unity Release Date Delayed to November". IGN. 28 avqust 2014. 30 avqust 2014 tarixində arxivləşdirilib. İstifadə tarixi: 9 aprel 2018.
  69. ↑ Saed, Sherif. "Assassin's Creed Unity launch trailer is a call for revolution". VG247. 7 noyabr 2014. 8 aprel 2018 tarixində arxivləşdirilib. İstifadə tarixi: 9 aprel 2018.
  70. ↑ Makuch, Eddie. "Assassin's Creed Unity Delayed, Now Launching Alongside Assassin's Creed Rogue". GameSpot. 28 avqust 2014. 30 avqust 2014 tarixində arxivləşdirilib. İstifadə tarixi: 28 avqust 2014.
  71. ↑ Staff. "Assassin's Creed Unity – Play now at 60 FPS on consoles". Ubisoft. 4 mart 2026. İstifadə tarixi: 20 mart 2026.
  72. ↑ Aymeric Lallée. "E3. Assassin's Creed Unity dévoile son pack Collector". Gameblog. 9 iyun 2014.
  73. ↑ Yuri66. "E3 2014 : Assassin's Creed Unity, le détail des versions collector". Jeuxvideo.com. 10 iyun 2014.
  74. ↑ Antoine Verselder. "Ubisoft retarde les sorties d'Assassin's Creed Unity et Rogue". gameblog.fr. 28 avqust 2014.
  75. ↑ A. "Assassin's Creed Unity". Gamer.ru. 11 iyun 2014. 11 avqust 2014 tarixində orijinalından arxivləşdirilib. (#apostrophe_markup)
  76. 1 2 "Assassin's Creed Unity for Xbox One Reviews". Metacritic. 14 noyabr 2014 tarixində arxivləşdirilib. İstifadə tarixi: 12 noyabr 2014.
  77. 1 2 "Assassin's Creed Unity for PC Reviews". Metacritic. 15 noyabr 2014 tarixində arxivləşdirilib. İstifadə tarixi: 12 noyabr 2014.
  78. 1 2 "Assassin's Creed Unity for PlayStation 4 Reviews". Metacritic. 12 noyabr 2014 tarixində arxivləşdirilib. İstifadə tarixi: 12 noyabr 2014.
  79. 1 2 Carter, Chris. "Review: Assassin's Creed Unity". Destructoid. 11 noyabr 2014. 11 avqust 2020 tarixində arxivləşdirilib. İstifadə tarixi: 11 noyabr 2014.
  80. 1 2 Bramwell, Tom. "Assassin's Creed Unity review". Eurogamer. 11 noyabr 2014. 13 noyabr 2020 tarixində arxivləşdirilib. İstifadə tarixi: 11 noyabr 2014.
  81. 1 2 Miller, Matt. "Starting From Scratch - Assassin's Creed Unity - Xbox One". Game Informer. 11 noyabr 2014. 12 noyabr 2020 tarixində arxivləşdirilib. İstifadə tarixi: 11 noyabr 2014.
  82. ↑ Walton, Mark. "Assassin's Creed Unity Review". GameSpot. 11 noyabr 2014. 11 noyabr 2020 tarixində arxivləşdirilib. İstifadə tarixi: 11 noyabr 2014.
  83. 1 2 Blain, Lousie. "Assassin's Creed Unity review". GamesRadar. 11 noyabr 2014. 10 fevral 2015 tarixində arxivləşdirilib. İstifadə tarixi: 11 noyabr 2014.
  84. ↑ Jones, Brandon. "Assassin's Creed Unity - Review". GameTrailers. 11 noyabr 2014. 24 sentyabr 2015 tarixində arxivləşdirilib. İstifadə tarixi: 11 noyabr 2014.
  85. ↑ Navarro, Alex. "Assassin's Creed: Unity Review". Giant Bomb. 11 noyabr 2014. 11 noyabr 2020 tarixində arxivləşdirilib. İstifadə tarixi: 11 noyabr 2014.
  86. 1 2 Sliva, Marty. "Assassin's Creed Unity Review". IGN. 11 noyabr 2014. 18 aprel 2019 tarixində arxivləşdirilib. İstifadə tarixi: 11 noyabr 2014.
  87. 1 2 Prell, S. "Assassin's Creed Unity review: A tale of two games". Joystiq. 11 noyabr 2014. 17 mart 2015 tarixində orijinalından arxivləşdirilib. İstifadə tarixi: 11 noyabr 2014.
  88. ↑ Gray, Kate. "Review: Assassin's Creed Unity Xbox One". Official Xbox Magazine UK. 11 noyabr 2014. 10 fevral 2015 tarixində arxivləşdirilib. İstifadə tarixi: 11 noyabr 2014.
  89. 1 2 Senior, Tom. "Assassin's Creed Unity review". PC Gamer. 14 noyabr 2014. 24 noyabr 2020 tarixində arxivləşdirilib. İstifadə tarixi: 14 noyabr 2014.
  90. ↑ Gies, Arthur. "Assassin's Creed Unity review: Paris burning". Polygon. 11 noyabr 2014. 20 noyabr 2020 tarixində arxivləşdirilib. İstifadə tarixi: 11 noyabr 2014.
  91. ↑ Trinca, Jamie. "Assassin's Creed Unity Review". VideoGamer.com. 11 noyabr 2014. 12 noyabr 2020 tarixində arxivləşdirilib. İstifadə tarixi: 11 noyabr 2014.
  92. ↑ Martin, Liam. "Assassin's Creed Unity review (Xbox One): Paris sequel another stellar entry". Digital Spy. 11 noyabr 2014. 12 noyabr 2014 tarixində arxivləşdirilib. İstifadə tarixi: 11 noyabr 2014.
  93. ↑ Anslow, Owen. "Assassin's Creed Unity review – une grande déception". Metro. 11 noyabr 2014. 17 noyabr 2014 tarixində arxivləşdirilib. İstifadə tarixi: 11 noyabr 2014.
  94. ↑ Whittaker, Matt. "Assassin's Creed Unity review". Hardcore Gamer. 11 noyabr 2014. 11 noyabr 2014 tarixində arxivləşdirilib. İstifadə tarixi: 11 noyabr 2014.
  95. 1 2 Loveridge, Sam. "Assassin's Creed Unity review". Trusted Reviews. 11 noyabr 2014. 12 noyabr 2014 tarixində arxivləşdirilib. İstifadə tarixi: 11 noyabr 2014.
  96. ↑ Parish, Jeremy. "Assassin's Creed Unity Xbox One Review: The Blood of Angry Men, the Dark of Ages Past". USGamer. 11 noyabr 2014. 12 noyabr 2014 tarixində arxivləşdirilib. İstifadə tarixi: 11 noyabr 2014.
  97. ↑ Anslow, Owen. "Assassin's Creed Unity review". Mirror.co.uk. 11 noyabr 2014. 12 noyabr 2014 tarixində arxivləşdirilib. İstifadə tarixi: 11 noyabr 2014.
  98. ↑ Cowen, Nick. "Assassin's Creed Unity review". Stuff. 11 noyabr 2014. 12 noyabr 2014 tarixində arxivləşdirilib. İstifadə tarixi: 11 noyabr 2014.
  99. ↑ Crookes, David. "Assassin's Creed Unity review: marvel at the graphics". The Independent. 11 noyabr 2014. 8 iyul 2018 tarixində arxivləşdirilib. İstifadə tarixi: 11 noyabr 2014.
  100. ↑ Peckham, Matt. "Assassin's Creed Unity Review: Not Quite the Revolution We Were Promised". Time. 11 noyabr 2014. 11 noyabr 2014 tarixində arxivləşdirilib. İstifadə tarixi: 11 noyabr 2014.
  101. ↑ Honorof, Marshall. "Assassin's Creed Unity Review: Next-Gen Refinement". Tom's Guide. 11 noyabr 2014. 3 aprel 2018 tarixində arxivləşdirilib. İstifadə tarixi: 11 noyabr 2014.
  102. 1 2 3 Глеб Клепцов. "Обзор Assassin's Creed: Unity". 2 dekabr 2014 tarixində orijinalından arxivləşdirilib. İstifadə tarixi: 5 dekabr 2014.
  103. ↑ Горячев, Владимир. "Рецензия Assassin's Creed: Unity". 25 noyabr 2014. 28 dekabr 2014 tarixində arxivləşdirilib. İstifadə tarixi: 15 dekabr 2014.
  104. ↑ "Assassin's Creed Unity — узнаешь её из тысячи. Рецензия". 25 noyabr 2014 tarixində arxivləşdirilib. İstifadə tarixi: 25 noyabr 2014.
  105. ↑ "Рецензии > Assassin's Creed: Unity". 22 noyabr 2014 tarixində arxivləşdirilib. İstifadə tarixi: 25 noyabr 2014.
  106. 1 2 Kaaraj. "Test de Assassin's Creed Unity". Jeuxvideo.com. 14 noyabr 2014.
  107. ↑ "Assassin's Creed Unity: Dead Kings for Xbox One" (ingilis). GameRankings. 9 dekabr 2019 tarixində orijinalından arxivləşdirilib. İstifadə tarixi: 17 iyul 2025.
  108. ↑ Dingman, Hayden. "Assassin's Creed: Unity review: Let them eat cake". PCWorld. 15 noyabr 2014. 27 oktyabr 2020 tarixində arxivləşdirilib. İstifadə tarixi: 17 noyabr 2014.
  109. ↑ "Two steps back". CNET. 11 noyabr 2014. 19 noyabr 2014 tarixində arxivləşdirilib. İstifadə tarixi: 17 noyabr 2014.
  110. ↑ "D.I.C.E. Awards By Video Game Details Assassin's Creed Unity". interactive.org. Academy of Interactive Arts & Sciences. İstifadə tarixi: 28 noyabr 2023.
  111. ↑ Hamilton, Kirk. "Assassin's Creed Unity Just Doesn't Run Very Well On PS4 Or Xbox One". Kotaku. 14 noyabr 2014. 26 fevral 2021 tarixində arxivləşdirilib. İstifadə tarixi: 7 mart 2021.
  112. ↑ Sheridan, Connor. "Assassin's Creed Unity's glitches are awful, but also kind of amazing". GamesRadar+. 19 noyabr 2014. 5 mart 2021 tarixində arxivləşdirilib. İstifadə tarixi: 7 mart 2021.
  113. ↑ Crecente, Brian. "Ubisoft's guide to everything wrong with Assassin's Creed Unity". Polygon. 14 noyabr 2014. 30 avqust 2021 tarixində arxivləşdirilib. İstifadə tarixi: 7 mart 2021.
  114. ↑ Schreier, Jason. "Ubisoft Apologizes for Assassin's Creed Unity With Free DLC". Kotaku. Gizmodo Media Group. 26 noyabr 2014. 24 yanvar 2018 tarixində arxivləşdirilib. İstifadə tarixi: 28 yanvar 2018.
  115. ↑ Mike Jackson. "Assassin's Creed Unity Season Pass 'discontinued', free game offered". Computer and Video Games. 27 noyabr 2014. 16 fevral 2015 tarixində arxivləşdirilib. İstifadə tarixi: 27 noyabr 2014.
  116. ↑ Andy Chalk. "Assassin's Creed Unity season pass sales halted, free game offered to owners". PC Gamer. 27 noyabr 2014. 18 dekabr 2020 tarixində arxivləşdirilib. İstifadə tarixi: 27 noyabr 2014.
  117. ↑ "Your Assassin's Creed Unity Season Pass Free Game Comes With A Legal Catch". Game Informer. 12 noyabr 2020 tarixində arxivləşdirilib. İstifadə tarixi: 20 dekabr 2014.
  118. ↑ "A Message from the Assassin's Creed Team - UbiBlog - Ubisoft®". UbiBlog - Ubisoft® (ingilis). 11 fevral 2016. 28 avqust 2017 tarixində arxivləşdirilib. İstifadə tarixi: 23 fevral 2016.
  119. ↑ Frank, Allegra. "No new Assassin's Creed game this year, Ubisoft confirms (update)". Polygon (ingilis). 11 fevral 2016. 26 fevral 2016 tarixində arxivləşdirilib. İstifadə tarixi: 23 fevral 2016.
  120. ↑ "Jean-Luc Mélenchon s'emporte contre " Assassin's Creed Unity "". Le Monde. 24 aprel 2019 tarixində arxivləşdirilib. İstifadə tarixi: 14 noyabr 2014.
  121. ↑ Bilefsky, Dan. "Video Game Meets History, and France Rebels Again". The New York Times. 20 noyabr 2014. ISSN 0362-4331. 8 may 2015 tarixində arxivləşdirilib. İstifadə tarixi: 23 fevral 2016.
  122. ↑ " … reprend à son compte tous les poncifs contre-révolutionnaires forgés depuis plus deux siècles " "Un responsable du Parti de Gauche dénonce la propagande d'Assassin's Creed Unity". Le Figaro (fransız). 13 noyabr 2014. 12 noyabr 2020 tarixində arxivləşdirilib.
  123. ↑ "Un responsable du Parti de Gauche dénonce la propagande d'Assassin's Creed Unity". Le Figaro (fransız). 13 noyabr 2014. 12 noyabr 2020 tarixində arxivləşdirilib. À tous ceux qui vont acheter Assassin's Creed Unity, je leur souhaite un moment agréable, mais je leur dis aussi que le plaisir de jouer n'empêche pas de réfléchir. Jouer oui, mais ne vous laissez pas manipuler par ceux qui font de la propagande
  124. ↑ Matt Peckham. "How Assassin's Creed Unity Navigates the French Revolution's Politics". Time. 6 oktyabr 2014. 1 iyul 2020 tarixində arxivləşdirilib. İstifadə tarixi: 13 dekabr 2014.
  125. ↑ "Melenchon s'emporte un peu vite contre Assassin's Creed Unity". Arrêt sur images (fransız). 13 noyabr 2014. 1 sentyabr 2017 tarixində arxivləşdirilib. Assassin's Creed Unity est un jeu videoj grand public, pas une leçon d'histoire
  126. ↑ "Ubisoft® reports third quarter 2014-15 sales" (PDF). Ubisoft. 13 fevral 2015. 13 fevral 2015 tarixində arxivləşdirilib (PDF). İstifadə tarixi: 13 fevral 2015.
  127. ↑ Sitzes, Jenae. "Last Chance To Get Assassin's Creed Unity For Free On PC". GameSpot. CBS Interactive Inc. 24 aprel 2019. 5 aprel 2022 tarixində arxivləşdirilib. İstifadə tarixi: 29 aprel 2019.
  128. ↑ Wales, Matt. "Assassin's Creed Unity is currently available to download for free on PC". Eurogamer. Gamer Network. 17 aprel 2019. 7 dekabr 2021 tarixində arxivləşdirilib. İstifadə tarixi: 29 aprel 2019.
  129. ↑ Minotti, Mike. "Ubisoft says 11 games sold over 10 million copies each in PS4/Xbox One era". VentureBeat. 14 may 2020. İstifadə tarixi: 10 fevral 2024.
  130. ↑ Narcisse, Evan. "Ubisoft Responds to Assassin's Creed Female Character Controversy". Kotaku. 11 iyun 2014. 18 iyun 2014 tarixində arxivləşdirilib. İstifadə tarixi: 17 iyun 2014.
  131. ↑ Farokhmanesh, Megan. "Ubisoft abandoned women assassins in co-op because of the additional work". Polygon. 10 iyun 2014. 28 noyabr 2020 tarixində arxivləşdirilib. İstifadə tarixi: 16 iyun 2014.
  132. ↑ Burns, Steve. "No female leads in Assassin's Creed Unity 'unfortunate but a reality of game development' - Ubi". Video Gamer. 11 iyun 2014. 2 oktyabr 2016 tarixində arxivləşdirilib. İstifadə tarixi: 17 iyun 2014.
  133. ↑ Hillier, Brenna. "Ubisoft attempts to explain why Assassin's Creed: Unity's co-op has no playable women". VG247. 11 iyun 2014. 11 noyabr 2020 tarixində arxivləşdirilib. İstifadə tarixi: 17 iyun 2014.
  134. ↑ Clark, Tim. "The lack of playable female characters in Assassin's Creed Unity is more than just "unfortunate"". PC Gamer. 11 iyun 2014. 30 sentyabr 2014 tarixində arxivləşdirilib. İstifadə tarixi: 17 iyun 2014.
  135. ↑ Farokhmanesh, Megan. "Animating women should take 'days,' says Assassin's Creed 3 animation director". Polygon. 11 iyun 2014. 21 noyabr 2020 tarixində arxivləşdirilib. İstifadə tarixi: 17 iyun 2014.
  136. ↑ McWhertor, Michael. "Desilets: Assassin's Creed Unity with four women would have been awesome". Polygon. 13 iyun 2014. 12 noyabr 2020 tarixində arxivləşdirilib. İstifadə tarixi: 17 iyun 2014.
  137. ↑ Yin-Poole, Wesley. "You can be a female assassin in Sunset Overdrive". Eurogamer. 20 iyun 2014. 1 iyun 2022 tarixində arxivləşdirilib. İstifadə tarixi: 1 iyun 2022.
  138. ↑ Robinson, Martin. "I understand the issue, but it's not relevant in Assassin's Creed Unity". Eurogamer. 12 iyun 2014. 12 noyabr 2020 tarixində arxivləşdirilib. İstifadə tarixi: 17 iyun 2014.
  139. ↑ Pereira, Chris. "Assassin's Creed Unity Runs at 900p/30fps on Xbox One and PS4 to "Avoid Debates" [Update]". 7 oktyabr 2014. 2 aprel 2019 tarixində arxivləşdirilib. İstifadə tarixi: 10 fevral 2019.
  140. ↑ Crossley, Rob. "Ubisoft Denies It Lowered PS4 Specs on Assassin's Creed Unity [Update]". 7 oktyabr 2014. 2 aprel 2019 tarixində arxivləşdirilib. İstifadə tarixi: 10 fevral 2019.
  141. ↑ Bierton, David. "Performance Analysis: Assassin's Creed Unity". Eurogamer. 14 noyabr 2014. 1 aprel 2019 tarixində arxivləşdirilib. İstifadə tarixi: 10 fevral 2019.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Assassin%27s_Creed_Unity&oldid=9025404"