Ataxan Əbilov

Vikipediya, açıq ensiklopediya
Jump to navigation Jump to search
Ataxan Əbilov
Ataxan Vəli oğlu Əbilov
Doğum tarixi 1965(1965-Şablondakı doğum və ya ölüm tarixində texniki yanlışlıq var!-00)
Doğum yeri Masallı
Flag of the Azerbaijan Soviet Socialist Republic.svg Azərbaycan SSR
Təhsili

Əbilov Ataxan Vəli oğlu — Azərbaycan hüquqşünası, beynəlxalq hüquq mütəxəssisi.

Həyatı[redaktə | əsas redaktə]

Ataxan Əbilov 1965-ci ildə anadan olmuşdur. Orta məktəbi əla qiymətlərlə bitirmişdir. 1983-1985-ci illərdə sovet ordusu sıralarında hərbi xidmətdə olmuşdur. 1986-1991-ci illərdə Bakı Dövlət Universitetinin hüquq fakültəsində təhsil almışdır. Hüquq fakültəsini fərqlənmə diplomu ilə bitirdikdən sonra BDU-nun Beynəlxalq hüquq və xarici ölkələrin konstitusiya hüququ kafedrasında əmək fəaliyyətinə başlamışdır. 1991-1997-ci illərdə Bakı Dövlət Universitetində [1] çalışmışdır. 1997-2007-ci illərdə qeyri-hökumət sektorunda hüquqi tədqiqat və hüquq müdafiə fəaliyyətilə məşğul olmuşdur. Azərbaycan Hüquqşünaslar Forumunun idarə heyətlərinin üzvü olmuşdur. Azərbaycan Beynəlxalq Hüquq və Beynəlxalq Əlaqələr Cəmiyyətinin məsul katibi, "Beynəlxalq hüquq" jurnalının redaktoru vəzifələrində çalışmışdır.

2009-cu ildən Niderland Krallığında yaşayır.

Ataxan Əbilov 2017-ci ildə Niderland Krallığında İnholland Tətbiqi Elmlər Universitetinin Sosial-Hüquqi Xidmət fakültəsini bitirmişdir.

Ailəlidir, iki övladı var.

Elmi fəaliyyəti[redaktə | əsas redaktə]

100-dən çox elmi-publisistik məqalələrin, 6 kitab və monoqrafiyanın, o cümlədən Azərbaycan və Avropa Şurası əlaqələrilə bağlı Avropa Şurası və Azərbaycan, Avropa İnsan Hüquqları Məhkəməsi və Azərbaycan [2], Azərbaycan Avropa ailəsində kitabların müəllifi, universitetlərin Hüquq və Beynəlxalq hüquq fakültələrin tələbələri üçün yazılmış Beynəlxalq xüsusi hüquq [3] dərsliyin həmmüəllifidir.

Hüquq müdafiə fəaliyyəti[redaktə | əsas redaktə]

Hüquq müdafiə fəaliyyətinə və ictimai-siyasi mövqeyinə görə 1997-ci ildə Bakı Dövlət Universitetindən uzaqlaşdırılıb.[4]

Azərbaycanın Avropa Şurasına üzv olmaqla bağlı İnsan hüquqları və əsas azadlıqların müdafiəsi haqqında Avropa Konvensiyasının Azərbaycanda öyrənilməsi, təbliği və tətbiqi istiqamətində geniş fəaliyyət göstərmişdir. Konvensiyanın Azərbaycan dilinə ilk tərcümə variantını hazırlamışdır. Bakı şəhərində ilk dəfə olaraq Avropa Məhkəməsinə müraciət etmə Mərkəzinin açılmasında fəal rol oynamış və sonralar ona rəhbərlik etmişdir.

Hazırda hüquq müdafiə fəaliyyətini davam etdirir.

Əsas elmi əsərləri[redaktə | əsas redaktə]

  1. İnsan hüquqları beynəlxalq hüquqda və MDB dövlətlərin konstitusiya hüququnda (Azərbaycan Respublikası Konstitusiyasının nümunəsində) (rus dilində). Bakı: Elm, 1999, 116 səh.
  2. Avropa Şurası və Azərbaycan (Elmi red.: A.Rəcəbli, xüsusi red.: V.Qaraşlı). Bakı: "Qapp-Poliqraf" nəşriyyatı, 2001, 100 səh.
  3. Avropa İnsan Hüquqları Məhkəməsi və Azərbaycan. Bakı: Qanun, 2006, 240 səh.
  4. Azərbaycan Avropa ailəsində. Bakı: 2003.
  5. İnsan hüquqlarının beynəlxalq və dövlətdaxili hüquq müdafiə mexanizmləri. Bakı: 2005.
  6. Beynəlxalq xüsusi hüquq (həmmüəllif Zavər Qafarov). Bakı: Qanun, 2004, 340 səh.

İstinadlar[redaktə | əsas redaktə]

Xarici keçidlər[redaktə | əsas redaktə]