Ataxan Paşayev

Vikipediya, açıq ensiklopediya
Jump to navigation Jump to search
Ataxan Paşayev
Ataxan Paşayev.jpg
bayraqMilli Arxiv İdarəsinin rəisibayraq
1984 — 2018

Doğum tarixi 1 may 1938 (1938-05-01) (81 yaş)
Doğum yeri Xoşkeşin, Culfa rayonu, Naxçıvan MSSR, Azərbaycan SSR

Təltifləri "Şöhrət" ordeni (Azərbaycan) — 2013

Ataxan Əvəz oğlu Paşayev (d. 1 may 1938) — əməkdar mədəniyyət işçisi, tarix elmləri doktoru, Azərbaycan Respublikası Milli Arxiv İdarəsinin rəisi.

Həyatı[redaktə | əsas redaktə]

Ataxan Paşayev 1938-ci ildə Naxçıvan Muxtar Sovet Sosialist Respublikasının Culfa rayonunun Xoşkeşin kəndində anadan olub. 1963-cü ildə Azərbaycan Dövlət Universitetinin Tarix fakültəsini fərqlənmə diplomu ilə bitirib. Əmək fəaliyyətnə 1962-ci ildə Oktyabr İnqilabı və Sosialist Quruculuğu arxivində böyük elmi işçi kimi başlayıb. 1963-1965-ci illərdə Arxiv İdarəsinin baş metodisti, 1966-1982-ci illərdə Respublika Mərkəzi Dövlət Ədəbiyyat və İncəsənət Arxivinin direktoru, 1982-1984-cü illərdə Azərbaycan Dövlət Politexnik İnstitutunun baş müəllimi işləyib. 1984-cü ildən bu günə qədər Milli Arxiv İdarəsinin rəisidir.

Fəaliyyəti[redaktə | əsas redaktə]

1981-ci ildə Tarix İnstitutunun İxtisaslaşdırılmış Müdafiə Şurasında dissertasiya müdafiə edərək tarix elmləri namizədi, 2008-ci ildə isə AMEA-nın A.A. Bakıxanov adına Tarix İnstitutunun Müdafiə Şurasında "XIX-XX əsrlərdə ermənilərin azərbaycanlılara qarşı törətdikləri soyqırımları və deportasiyalar" mövzusunda doktorluq dissertasiyası müdafiə edərək tarix elmləri doktoru elmi dərəcəsi alıb.

1984-cü ildən "Azərbaycan arxivi" jurnalının baş redaktorudur. 1968-ci ildə Azərbaycan Respublikası Ali Soveti Rəyasət Heyətinin fəxri fərmanı ilə təltif edilıb. Azərbaycan Respublikasının əməkdar mədəniyyət işçisidir (1981).

Beynəlxalq Arxivlər Şurasının 7-ci (1972, Moskva), 13-cü (1996, Pekin) və 14-cü (2000, Sevilya), 2004 Vyana konqreslərinin nümayəndəsi olub və bu konqreslərdə Beynəlxalq Arxivlər Şurası Baş assambleyasının üzvü seçilib.

Keçmiş SSRİ, Müstəqil Dövlətlər Birliyi habelə Türkiyə Cümhuriyyəti arxiv orqanlarının, tarix qurumlarının keçirdiyi elmi konfranslarda və simpoziumlarda Azərbaycan Respublikasını təmsil edərək, dəfələrlə elmi məruzələrlə çıxış edib.

2013-cü ildə "Şöhrət" ordeni ilə təltif edilmişdir.

Elmi əsərləri[redaktə | əsas redaktə]

  • Молла Нясряддин. Бакы,«Эянълик», 1982. 148 s.
  • Кючцрцлмя. Бакы, «Азярняшр», 1995. 40 s.
  • Ачылмамыш сящифялярин изи иля. Бакы, «Азярбайъан», 2001. 536 s.
  • Ъцмщуриййят Парламентиня эедян йол. Бакы, «Адилоьлу», 2005. 88 s.
  • «Molla Nəsrəddin» jurnalının nəşri tarixindən. Bakı, «Çaşıoğlu», 2009. 356 s.
  • Ermenilerin Azərbaycan halkına qarşı torpak iddiaları, soyqırımı və təhcirləri (XIX –XX yüzyıl). Ankara, ATİB 2011.138 s.
  • Ermənilərin Azərbaycan xalqına qarşı torpaq iddiaları, soyqırımı və deportasiyalar (XIX-XX əsrlər). Bakı, «Çaşıoğlu», 2011. 136 s.
  • XIX-XX əsrlərdə ermənilərin Azərbaycan xalqına qarşı ərazi iddiaları, soyqırımları və deportasiyalar. Bakı, «Çaşıoğlu», 2011. 328 s.
  • Геноцид, депортации и территориальные претензации армян и Азербайджанскому народы (XIX-XX век). Баку, «Эльм ве техсил», 2013. 152 s.
  • Ötən günlərdən. Bakı, «Elm və təhsil», 2015. 101 s.
  • Tarixi yaddaşımızın etibarlı saxlanc yeri. Bakı, «Elm və təhsil», 2016. 380 s.

Həmçinin bax[redaktə | əsas redaktə]