Avqust Burnonvil

Vikipediya, açıq ensiklopediya
Jump to navigation Jump to search
Avqust Burnonvil
August Bournonville
August Bournonville (1828 painting).jpg
Avqust Burnonvil 1828-ci ildə

Doğum tarixi 21 avqust 1805(1805-08-21)
Doğum yeri Kopenhagen
Vəfat tarixi 30 noyabr 1879 (74 yaşında)
Vəfat yeri Kopenhagen
Vətəndaşlıq
Peşəsi baletmeyster, xareoqrafballet dancer
Milliyyəti danimarkalı
Fəaliyyəti balet artisti, xoreoqraf, pedaqoq
Commons-logo.svg Vikianbarda əlaqəli mediafayllar

Avqust Burnonvil (Ogüst) (21.8.1805, Kopenhagen – 30.11.1879, Kopenhagen) — Danimarka balet artisti, xoreoqraf, pedaqoq.[1]

Həyatı[redaktə | əsas redaktə]

Danimarkada atası Antuan Burnonvildən və V. Qaleottidən, sonra Parisdə (18201824–26), o cümlədən O. Vestrisdən dərs almışdır. Paris operasında (M. Talyoninin partnyoru) çıxış etmişdir. 1829-cu ildə Kopenhagenə qayıtmış, rəqqas (1848-ci ilə qədər; “Pol və Virginiya” və s.) və baletmeyster (1877-ci ilədək) kimi fəaliyyət göstərmişdir; 1855–56-cı illərdə Vyanada çıxış etmiş, 1861–64-cü illərdə Stokholmda, Danimarka kral sarayı nəzdində rəqs dərsləri vermişdir.

Fəaliyyəti[redaktə | əsas redaktə]

53 balet tamaşaya qoymuşdur; onlardan bəziləri saxlanılmış və dünya repertuarına daxil edilmişdir. Ən məşhurları H. Lövenşellin “Silfida” (1836), H.S. Paulli, E. Helsted, N.V. Qade və X. Lümbünün “Neapol, yaxud Balıqçı və onun nişanlısı” (1842), Paullinin “Konservatoriya, yaxud Qəzetdə evlənmə elanı” (1849) və “Brüggedə yarmarka, yaxud Üç bəxşiş” (1852), Qade və Y.P.E. Hartmanın “Xalq rəvayəti” (1854), Helsted və Paullinin “Cendzanoda gül festivalı” (1858) baletləridir.

1874-cü ildə Rusiyaya səfər etmiş Burnonvilin sonuncu işi K.X. Mollerin “Sibirdən Moskvaya” (1876) baletidir. Romantik baletin görkəmli nümayəndəsi olan Burnonvil müxtəlif janrlarda baletlər yaratmışdır: lirik dramlar, komediyalar, pantomim baletlər, vodevil-baletlər və s. Klassik və səciyyəvi rəqsləri birləşdirərək, Danimarka xalq eposundan istifadə etmiş, müxtəlif xalqların folklorundan bəhrələnmişdir. Görkəmli pedaqoqun yaratdığı və “Burnonvil dərsi” adlanan tədris metodikası şagirdləri tərəfindən yazıya alınmış, balet pedaqoji praktikasına daxil edilmişdir. Burnonvil ənənələrinə dəqiq əməl edilməsi nəticəsində Danimarka baletində klassik rəqs, demək olar ki, dəyişiklik edilmədən saxlanılmış və bu günədək əhəmiyyətini itirməmişdir.

İstinadlar[redaktə | əsas redaktə]

  1. Burnonvil// Azərbaycan Milli Ensiklopediyası (25 cilddə). — V cild. Bakı, 2009. — Səh.: 98-99.

Xarici keçidlər[redaktə | əsas redaktə]