Avqust Frederik (Susseks hersoqu)

Avqust Frederik
Avqust Frederik
	ing. Prince Augustus Frederick, Duke of Sussex
Susseks hersoqu
	24 noyabr 1801 – 21 aprel 1843
Şəxsi məlumatlar
Doğum tarixi	27 yanvar 1773
Doğum yeri	Vestminster, Böyük London, İngiltərə, Böyük Britaniya krallığı;
Vəfat tarixi	21 aprel 1843 (70 yaşında)
Vəfat yeri	Kensinqton, Midlseks[d], İngiltərə, Böyük Britaniya və İrlandiya Birləşmiş Krallığı;
Dəfn yeri	Kensal-Qrin qəbiristanlığı[d];
Təhsili	Göttingen Universiteti;
Fəaliyyəti	əsilzadə, siyasətçi
Atası	III Georq
Anası	Meklenburq-Strelitzli Şarlotta (Britaniya kraliçası)
Ailəsi	Hannover sülaləsi
Təltifləri
	Vikianbarda əlaqəli mediafayllar

Şahzadə Avqust Frederik (alm. Prinz Augustus Frederick von Sussex‎; 27 yanvar 1773^[1], Vestminster, Böyük London – 21 aprel 1843, Kensinqton, Midlseks^[d]) — Britaniya və İrlandiya kralı III Georqun oğlu, Susseks hersoqu.

1773-cü ildə Bukingem sarayında dünyaya gəldi. Atası Britaniya və İrlandiya kralı III Georq, anası isə Meklenburq-Strelitzli Şarlottadır. 25 fevralda Sent-Ceyms sarayında vəftiz edildi. Ənənəvi saray təlim-tərbiyəsi aldı. Ardından 1786-cı ildə qardaşları Şahzadə Ernest və Adolfla birlikdə Göttingen Universitetinə təhsilə yollandı. Astmadan əziyyət çəkirdi və bu səbəblə, qardaşlarıyla birgə Hannoverdə hərbi xidmət etmədi.

4 aprel 1793-cü ildə Romada italyan zadəganı Avqusta Mariya ilə gizlicə evləndi. Cütlüyün ikinci nigahı isə 5 dekabrda Vestminster abbatlığında baş tutdu. Hər iki nigahı da atasının icazəsi və xəbəri olmadan baş tutmuşdu. Bu səbəblə, 1794-cü ildə parlament bu nigahı ləğv etdi. Buna baxmayaraq birgə yaşamağa davam edən cütlüyün bu nigahdan 2 övladı olsa da, onlar rəsmi olaraq tanınmadı.

24 noyabr 1801-ci ildə Susseks hersoqu ünvanı aldı.

2 may 1831-ci ildə dul Sesilya Baginlə evləndi. Ancaq daha öncə evli olması səbəbilə heç vaxt Susseks hersoginyası ünvanını almadı.

1843-cü ildə qızıl yel xəstəliyi səbəbilə Kensinqton sarayında vəfat etdi.

Mənbə

Ədəbiyyat

The Unruly Queen: The Life of Queen Caroline. A&C Black. 11 March 2012. ISBN 978-1-4088-3254-7
Peakman, Julie (2005). Emma Hamilton (Life & Times). Haus Publishers Ltd. p. 156. ISBN 978-1904341987
Liza Picard (2006). Victorian London. Orion. pp. 362–364. ISBN 0-7538-2090-0

İstinadlar

1 2 Darryl Roger Lundy. Augustus Frederick Hanover, 1st Duke of Sussex (ing.). // The Peerage. (İstifadə tarixi: 9 oktyabr 2017).

[_355df2ac4d3c353d-1] 1 2 Darryl Roger Lundy. Augustus Frederick Hanover, 1st Duke of Sussex (ing.). // The Peerage. (İstifadə tarixi: 9 oktyabr 2017).

[1]