Avroasiya qonurdişi

Vikipediya, azad ensiklopediya
Jump to navigation Jump to search
Avroasiya qonurdişi
Sorex minutus.jpg
Elmi təsnifat
Beynəlxalq elmi adı

Avroasiya qonurdişi və ya Xırda qonurdiş lat. Sorex minutus Qafqazın xırda yerqazanlardan biridir.

Qısa təsviri[redaktə | mənbəni redaktə et]

Azərbaycanda əldə edilmiş 68 fərdin kütləsi 2,5-5,7 qram, bədəninin uzunluğu 44,0-68,0 mm, quyruğu 30,2-40,8 mm, pəncəsi 8,6-12,2 mm olmuşdur. B.E.Sokolov və A.K.Tembotova görə (1989) Şərqi Zaqafqaziya heyvanları S.volnuchini ognev formasına aiddir [3].

Yayılması[redaktə | mənbəni redaktə et]

Avropa, Asiya, Qafqazın meşə və meşə-çöl landşaftlarında yayılmışdır. Azərbaycanda Böyük və Kiçik Qafqazın meşə zonasında 900-2000 m hündürlükdə rast gəlinir.

Həyat tərzi[redaktə | mənbəni redaktə et]

Kolluqların arasında, çayların kənarında, arxların qırağındakı daş yığınlarında rast gəlinir. Ən yüksək sıxlığı d.s. 1000 - m-ə qədər hündürlükdə qeydə alınmışdır (Quba rayonu Təngəaltı kəndi və Şuşa rayonunun Keçəldağ ərazisində). Sığınacaq kimi müxtəlif təbii yerlərdən istifadə edərək quru bitkilərdən kürəşəkilli yumşaq yuva düzəldir. 7-8 aylığında cinsi yetkinliyə çatır. Çoxalma dövrü apreldən oktyabra qədərdir. Bu müddət ərzində dişilər hər birində 3-dən 8-ə qədər bala olan 2 nəsilverir. Əsas yemini cücülər (sərtqanadlılar və onların sürfələri, uzunburunlar, ağcaqanadlar, düzqanadlılar, yarımsərtqanadlılar, ikiqanadlar) və xırda onurğalılar (qurbağalar, kərtənkələlər, gəmiricilər və b.) təşkil edir. Gündüzə nisbətən çox vaxt alaqaranlıq vaxtı və gecə ova çıxırlar. Zərərli cücüləri və xırda gəmiriciləri məhv etməklə böyük təsərrüfat əhəmiyyəti daşıyır [4].

İstinadlar[redaktə | mənbəni redaktə et]

  1. Integrated Taxonomic Information System (ing.). 2004.
  2. Mammal Species of the World (ing.): A Taxonomic and Geographic Reference. / D. E. Wilson, D. M. Reeder 3 Baltimore: JHU Press, 2005. 35, 2142 p. ISBN 978-0-8018-8221-0
  3. Cоколов В.Е., Темботов А.К. Несекомоядные\\ Позвоночные Кавказа–М.:Наука,1989, 531 с.
  4. Верещагин Н.К. Каталог зверей Азербайджана, Баку, Из-во АН Азерб. ССР, 1942, 95 с.

Xarici keçidlər[redaktə | mənbəni redaktə et]

http://www.iucnredlist.org/details/29667/0 Sorex minutus