Avstraliya 31-0 Amerika Samoası

Vikipediya, açıq ensiklopediya
Jump to navigation Jump to search
Avstraliya 31-0 Amerika Samoası
Avstraliya 31-0 Amerika Samoası
Tarix 11 aprel 2001
Yer Beynəlxalq Stadion, Koffs Harbur, Avstraliya
Hakim Ronan Loustik (Taiti)
Tamaşaçı 3000

Avstraliya-Amerika Samoası11 aprel 2001-ci ildə Avstraliya ilə Amerika Samoası milli futbol komandaları arasında Avstraliyanın Koffs Harbur şəhərindəki Beynəlxalq Stadionda oynanılmış 2002-ci il dünya çempionatının təsnifat oyunu. Avstraliya komandası həmin matçda 31-0 qalib gələrək beynəlxalq bir futbol qarşılaşmasında əldə edilən ən böyük qələbə rekordunu qırdı. Bu matçda 13 qol vuran Avstraliya futbolçusu Arçi Tompson bir beynəlxalq qarşılaşmada ən çox qol vuran futbolçu adının sahibi oldu.[1] Tompsondan sonra oyunu 8 qol vuraraq tamamlayan Devid Zdriliç isə Birinci Dünya Müharibəsindən bu vaxtadək bir beynəlxalq oyunda ən çox qol vuran ikinci futbolçu oldu.

Oyunun nəticəsi turnirin təsnifat mərhələlərinin keçirilmə formasının müzakirə edilməsinə səbəb oldu. Avstraliya komandasının baş məşqçisi Frenk Farina və 13 qol vurmuş futbolçu Arçi Tompson güc bərabərsizliyinin bu qədər çox nəzərə çarpdığı oyunların qarşısını almaq üçün ön təsnifat mərhələsinin keçirilməsinin vacib olduğunu söylədilər və FİFA tərəfindən də bənzər fikirlər bildirildi. Bu müzakirələrin nəticəsi olaraq 2006-cı il dünya çempionatının Okeaniya seçmələrində bir ön təsnifat turu da keçirilməyə başlandı.

Oyundan əvvəl[redaktə | əsas redaktə]

Beynəlxalq Futbol Federasiyaları Assosiasiyası 1986-cı ildən bəri Okeaniya regionu üçün ayrıca bir təsnifat mərhələsi keçirirdi. Bundan əvvəl isə Okeaniya regionunun komandaları Asiya regionunun komandalarının da daxil olduğu qarışıq bir təsnifatdan keçirdi. 2002-ci ildə Okeaniya seçmələrində cəmi on komanda iştirak etdi. Bu on yığma hər komandanın bir-biri ilə bir oyun keçirdiyi, hər qrupda beş komanda olmaqla iki qrupa bölündü. Qruplarını birinci tamamlayan komandalar iki oyunlu final turu oynamalı idi. Final turunun sonunda Okeaniya lideri olan komanda Cənubi Amerika seçmələrində 5-ci olan komanda ilə Dünya Çempionatında iştirak edə bilmək üçün qitələrarası play-off oynayamalı idi. Avstraliya və Amerika Samoası milli komandaları Fici, SamoaTonqa ilə birlikdə 1-ci qrupda qərarlaşmışdılar. Qrup qarşılaşmalarının 2001-ci ilin aprelində Avstraliyanın Koffs Harbur regionunda oynanılması qərarlaşdırılmışdı.[2]

Avstraliya ilə Yeni Zelandiya Okeaniya regionunun ən güclü komandaları hesab olunurdu. Bu iki komanda Okeaniya regionunun on komandası içərisində əvvəllər OFC Millətlər Kubokununu qazanan və Dünya Çempionatında iştirak edə bilən (Avstraliya 1974-ci ildə, Yeni Zelandiya 1982-ci ildə) yığmalar olaraq nəzərə çarpırdı. Amerika Samoası isə 1998-ci ildə FIFA-ya üzv olduqdan sonra oynadığı bütün oyunlarda məğlub olmuşdu və dünyanın ən zəif milli komandalarından biri hesab olunurdu. Oyundan əvvəlki FIFA Dünya Reytinqində Avstraliya 75-ci pillədə, Amerika Samoası isə bütün FIFA-ya üzv olan ölkələr arasında 203-cü və axırıncı pillədə qərarlaşmışdı.[3]

Bu oyundan iki gün əvvəl qrupdakı rəqibi Tonqanı 22-0 məğlub edən Avstraliya 2000-ci ildə Küveytin Butanı 20-0 məğlub edərək yiyələndiyi ən böyük qələbə rekordunu qırmışdı.[4] Amerika Samoası isə bu oyundan əvvəl Ficidən 13-0 və Samoadan 8-0 hesablı ağır məğlubiyyətlər aldı.[2]

Oyun[redaktə | əsas redaktə]

Xülasə[redaktə | əsas redaktə]

Avstraliyalı Arçi Tompson bu oyunda 13 qol vurdu.

Avstraliya milli komandası oyuna müntəzəm olaraq əsas heyətə düşən futbolçularının böyük bir hissəsinə istirahət verərək əvvəllər az oyuna çıxmış futbolçularla çıxdı. O vaxtın vacib Avstraliyalı oyuncularından hesab olunan Harri KyuelMark Viduka əsas heyətə salınmadı.[5] 22-0 hesabı ilə başa çatan Tonqa ilə oyunda 10 qol vuran hücumçular Con AloysiDemian Mori də oyuna ehtiyat oyunçu kimi başlamışdılar.

Amerikan Samoası komandasında isə pasport problemlərinə görə 20 yaş üstü əsas komanda heyətindən təkcə qapıçı Niki Salapunu heyətə salmaq mümkün olmuşdu. Həmçinin 20 yaş altı komandanın futbolçularından əksəriyyətinin məktəblərindəki imtahanlara görə heyətə cəlb oluna bilmədi. Müəyyən olunan heyətdəki iki futbolçu isə məşqlərdə zədələndiklərinə görə oyuna aparılmadılar.[1] Buna görə də komandanın heyəti üçü 15 yaşında olmaqla gənc komandadan gələn futbolçularla tamamlana bildi. 14 futbolçudan ibarət olan komandanın orta yaşı 18 idi.[6]

Qarşılaşmanın səkkizinci dəqiqəsində ilk Avstraliya hücumunda Aurelio Vidmarın cərimə meydançasında vurduğu zərbəni qapıçı Salapu çölə çıxardı.[1] Kon Botsiyanisin künc zərbəsindən vurduğu birinci qola kimi keçən ilk 10 dəqiqəyə qədər Amerika Samoası rəqibini dayandıra bilmişdi. 12-ci dəqiqədə Arçi Tompson qarşılaşmadakı ilk qolunu vurdu. Digər hücumçu Devid Zdriliç də bir dəqiqədən sonra özünün ilk qolunu vurdu. Toni Popoviç 17-ci və 19-cu dəqiqələrdə vurduğu iki qolla hesabı artıq 6-0 etmişdi. 25-ci dəqiqədə Zdriliç özünün 3-cü, komandasının isə 9-cu qolunu vurdu. Sonrakı 7 qolun 6-sını Tompson vurdu. Beləliklə qarçılaçmanın ilk yarısı Avstraliyanın 16-0 üstünlüyü ilə tamamlandı. İlk yarıda Tompson cəmi 8, Zdriliç isə 4 qol vura bildilər.[7][8] Qarşılaşmanın ilk qolunu vuran Botsiyanis bu dəfə 50-ci dəqiqədə ikinci yarının ilk qolunu vurdu. Sonra bir qol da vuran futbolçu beləliklə het-trik etmiş oldu. İkinci yarıda 5 qol vuran Tompson və 4 qol vuran Zdriliç oyunu müvafiq olaraq 13 ve 8 qolla tamamladılar. Botsiyanis 3, Aurelio VidmarSimon Kolosimo 2 və sonradan oyuna daxil olan Fausto de Amisis 1 qolla oyunu başa vurdular.[7][8] 86-cı dəqiqədə 29-0 geridə olan Amerika Samoasının Avstraliya qapısına etdiyi hücumda Pati Feagyainin zərbəsini qapıçı Maykl Petkoviç çölə çıxararaq təhlükənin qarşısını aldı. Bu zərbə Amerika Samoasının qarşılaşmadakı ilk və tək zərbəsi idi.[9]

Vurulan qolların çoxluğu hesabda qarışıqlıqlar yaratdı. Matçın sonunda stadionun hesab lövhəsində 32-0 yazılmış və Tompsonun 14 qol vurduğu bildirilmişdi.[10] Amma stadionun əməkdaşları tərəfindən keçirilən yoxlamadan sonra Tompsonun qollarının sayı 13 və oyunun nəticəsi 31-0 olaraq müəyyənləşdirildi.[7] Oyundan sonra FİFAnın müşahidəçiləri və oyunun hakimindən gələn hesabatlara görə açıqladığı rəsmi statistika ilə oyunun 31-0 hesabı ilə başa çatdığı və Tompsonun 13 qol vurduğu təsdiqləndi.[11]

Detallar[redaktə | əsas redaktə]

Avstraliya Avstraliya31 – 0Amerika Samoası Amerika Samoası
Botsiyanis Qol 10, 50, 84'
Tompson Qol 12, 23, 27, 29, 32'
Qol 37, 42, 45, 56, 60'
Qol 65, 85, 88'
Zdriliç Qol 13, 21, 25, 33, 58'
Qol 66, 78, 89'
Vidmar Qol 14, 80'
Popoviç Qol 17, 19'
Kolosimo Qol 51, 81'
de Emisis Qol 55'
Hesabat
Forma Forma Forma
Forma
Forma
 
Avstraliya
Forma Forma Forma
Forma
Forma
 
Amerika Samoası
Avstraliya
AVSTRALİYA:
QP 1 Maykl Petkoviç
MD 2 Kevın Muskat (k)
MD 3 Kreyq Mur
MD 4 Toni Popoviç Substituted off in the 45th minute 45'
MD 5 Toni Vidmar Substituted off in the 45th minute 45'
MD 7 Aurelio Vidmar
YM 12 Stiv Xorvat
YM 13 Kon Botsiyanis
YM 14 Simon Kolosimo
FV 11 Devid Zdriliç
FV 20 Arçi Tompson
Ehtiyat oyunçuları:
QP 18 Klint Bolton
MD 6 Heyden Foks
MD 15 Fausto de Amisis Substituted on in the 45th minute 45'
MD 17 Skot Miller Substituted on in the 45th minute 45'
MD 8 Skot Çipperfild
YM 10 Stiv Korika
YM 16 Lindzi Vilson
FV 9 Con Aloysi
FV 19 Demian Mori
Baş məşqçi:
Avstraliya Frenk Farina
Amerika Samoası
AMERİKA SAMOASI:
QP 1 Niki Salapu
MD 4 Lizi Leututu Substituted off in the 50th minute 50'
MD 5 Soy Falimaua
MD 7 Lavalu Fatu
MD 8 Sulifu Faaloua
MD 9 Trevis Pita Sinapati
YM 13 Sem Mulipola
YM 15 Pati Feagyai
YM 18 Tiaoali Savea
YM 20 İm-Min Yonq
FV 16 Ben Falaniko Substituted off in the 84th minute 84'
Ehtiyat oyunçuları:
YM 11 Marşall Silao
YM 19 Riçard Mariko Substituted on in the 50th minute 50'
FV 14 Soqa Maina
FV 17 Darel Yoane Substituted on in the 84th minute 84'
Məşqçi:
Amerika Samoası Tunoa Lui[A]

Köməkçi hakimlər:
Solomon adaları Devid Sau
Taiti Mişel Anjot
Dördüncü hakim:
Yeni Zelandiya Derek Raq

Rekordlar[redaktə | əsas redaktə]

Avstraliyanın 31-0 hesablı bu qələbəsi beynəlxalq qarşılaşmalarda qazanılmış ən böyük qələbə rekordu oldu. Əvvəlki rekord hələ iki gün əvvəl həmin seçmələrdə Avstraliyanın Tonqanı 22-0 məğlub etməsi ilə əldə olunmuşdu. Komandanın bu iki qələbəsi də əvvəlki rekord olan Küveytin Asiya Çempionatı 2000 seçmələrindəki 20-0 hesablı Butan qələbəsini arxada qoymuşdu.[4] Bu oyun həmçinin Dünya Çempionatı seçmələrində qazanılmış ən böyük qələbə oldu. Bu sahədə əvvəlki rekord 2002-ci il Asiya seçmələrində Quamı 19-0 hesabı ilə məğlub edən İrana məxsus idi.[1]

Bu oyunda komanda rekordları ilə yanaşı qırılan fərdi rekordlar da var idi. Bundan əvvəl ancaq iki dəfə milli komandaya çağırılmış[12] və bir qol vurmuş Avstraliyalı Arçi Tompson 13 qol birdən vuraraq bir beynəlxalq qarşılaşmada ən çox qol vuran futbolçu rekorduna yiyələndi. Bu rekordun əvvəlki sahibləri- 14 avqust 1981-ci ildə Ficiyə qarşı oynadıqları 1982-ci il Dünya Çempionatının təsnifat oyununda yeddi qol vuran başqa bir Avstraliyalı Geri Kol[13] ilə 2 iyul 1997-ci ildə Maldiv adalarına qarşı 1982-ci il Dünya Çempionatının təsnifat oyununda yeddi qol vuran İranlı Kərim Baqiri idi.[14] Qarşılaşmada 8 qol vuran Devid Zdriliç dəfələrlə bir beynəlxalq oyunda ən çox qol vuran ikinci futbolçu kimi hesab olunurdu. Lakin bu, əvvəllər 10 qol vurmuş Sofus Nielsen (Danimarka ilə 1908 Olimpiya Oyunlarında) və Gotfrid Füxsün (Almanya ile 1912 Olimpiya Oyunlarında) arxasında qalmışdı.[3] Bütün zaman boyunca olmasa da Zdriliç son 90 ildə keçirilən milli qarşılaşmalarda ən çox qol vuran ikinci futbolçu oldu. Arçi Tompson vurduğu rekordla yanaşı, 1885-ci ildə Şotlandiya Kubokunda Arbroutun Bon Akkordu 36-0 məğlub etdiyi oyunda vurduğu 13 qolla dünya futbol tarixində peşəkar qarşılaşmalarda bir oyunda ən çox qol vuran futbolçu hesab olunan Con Petrinin rekorduna da ortaq oldu.[15]

Reaksiyalar[redaktə | əsas redaktə]

Avstraliyanın baş məşqçisi Frenk Farina oyundan sonra təsnifatın keçirilmə formasını tənqid etdi.

Avstraliyanın baş məşqçisi Frenk Farina oyundan sonra etdiyi açıqlamada belə qarşılaşmaların keçirilməsini tənqid edərək təsnifatın keçirilmə formatının müzakirəsinə səbəb oldu. Vurduğu 13 qolla rekord qıran Arçi Tompson da rekord qırdığı üçün sevinməsinə baxmayaraq, məşqçisinin fikirlərini dəstəklədi. FIFA-nın mətbuat xidmətinin katibi Keit Kuper də onların fikirlərini dəstəkləyərək, təsnifat sisteminin aşağı səviyyəli komandaların bir ön təsnifat mərhələsi keçirilə biləcək şəkildə dəyişdirilməsini təklif etdi. Okeaniya Futbol Konfederasiyasının prezidenti Bezil Skarsella isə bildirilən bu fikirlərə qarşı çıxaraq Avstraliyanın özündən daha yuxarı pillələrdəki BraziliyaFransa kimi komandalarla qarşılaşa bildiyi kimi, zəif komandaların da Avstraliya və Yeni Zelandiya kimi komandalarla oynama haqqının lazım olduğunu bildirdi.[1][9] 13 qol vurmuş Tompson oyunun sonunda etdiyi açıqlamada "Mənim üçün dünya rekordunu qırmaq bir yuxunun çin çıxması kimidir, bu cür şeylər başınıza hər gün gəlmir. Lakin oynadığımız komandalara nəzər salmalı və bu vəziyyəti sorğulamalıyıq. Bizim belə qarşılaşmalara çıxmağımız lazım deyil." dedi.[9]

Hər qapıçı 31 qol buraxandan sonra başı dik dura bilməz. Lakin Salapu elə deyil. O cəsarətli bir qapıçıdır.

— Toni Lanqkild, Amerika Samoasının baş məşqçisi[6]

Amerika Samoasının baş məşqçisi Toni Lanqkild standartların olduqca aşağısında olan futbolçular arasından yaxşı bir heyət qurmağın çox çətin olduğunu və qapıçı Salapunun yaxşı çıxış edərək daha da çox qol buraxılmasının qarşısını aldığını bildirdi. Oyuna standart düzülüşləri olan 3-3-4 düzülüşü ilə çıxdıqlarını bildirən Lanqkild, ikinci yarıda müdafiəyə meyilli bir taktikaya deçdiklərini dedi. Həmçinin bəzi futbolçularının bundan əvvəl 90 dəqiqəlik futbol belə oynamadıqlarını və komandanın vəziyyətinin hər bir oyun daha da yaxşılaşacağını bildirdi. Sonuncu pillədə olduqları FIFA reytinqinin əksinə özlərinin dünyanın ən zəif komandası olduqlarını qəbul etmədiyini və sonrakı illərdə bunu sübut edəcəklərini sözlərinə əlavə etdi.[16] Amerika Samoasının məşqçisi Tunoa Lui isə Avstraliyanın oyuna dünya rekordunu qırmaq üçün çıxdıqlarını və bunun üçün əllərindən bir şey gəlmədiklərini bildirdi. Bəzi insanların bu qədər ağır bir məğlubiyyətin səbəblərini, komandanın yaşadıqlarını bilməyərək kəskin tənqid etmələrindən narahat olduqlarını sözlərini əlavə etdi.[6]

Qarşılaşmadan bir neçə gün sonra bir reportajda Salapu, "Mançester Yunayteddə oynayan Fabian Bartes kimi olmaq istəyirəm. Onun adının yazılı olduğu əlcəklərdən istifadə edirəm, lakin deyəsən orijinal deyillər." deyə açıqlama etdi.[6] Biabırçı məğlubiyyətə görə utanıb utanmadığı sualına isə "Oyundan zövq aldım. Hansısa bir utanc hiss etmədim, çünki hamımız bu mağlubiyyətdən bir dərs çıxardıq. Əsas futbolçularımızın hamısı olsa idi bəlkə beş-altı qol buraxardıq, yaxşı müdafiəçilər olmayanda mən heç bir şey edə bilmərəm." deyə cavab verdi.[6]

Bu oyun və digər nisbətsiz qələbələr Dünya Çempionatı 2006 seçmələrində bu cür birtərəfli oyunların qarşısını almaq üçün ön təsnifat mərhələsi keçirilməsinə şərait yaratdı.[17] Okeaniya qrupunda Avstraliya və Yeni Zelandiya ilə qalan komandalar arasındakı böyük fərq Avstraliyanın daha rəqabətli bir şərait üçün 2006-cı ilin axırında Okeaniya Futbol Konfederasiyasından imtina edərək Asiya Futbol Konfederasiyasına keçməsinə səbəb oldu.[18] 2010 seçmələrindən etibarən Avstraliya komandası Asiya seçmələrində iştirak etməyə başladı.[19]

Oyundan sonra[redaktə | əsas redaktə]

Amerika Samoası Dünya Çempionatı 2002 seçmələrini Tonqaya 5-0 məğlub olaraq tamamladı. Komanda qrupunu bir qol belə vura bilmədən -57 top fərqi ilə axırıncı pillədə başa vurdu.[2]

Avstraliya komandası isə qrupunu 2-0 hesablı Fici və 11-0 hesablı Samoa qəbələləri ilə tamamladı. Qrup qarşılaşmalarını bir qol belə buraxmadan, +66 top fərqi ilə lider kimi başa vurdu.

Dünya çempionatı seçmələri – Okeaniya regionu – I qrup
Komanda O Q B M VQ KQ QF X
Avstraliya Avstraliya 4 4 0 0 66 0 +66 12
Fici Fici 4 3 0 1 27 4 +23 9
Tonqa Tonqa 4 2 0 2 7 30 −23 6
Samoa Samoa 4 1 0 3 9 18 −9 3
Amerika Samoası Amerika Samoası 4 0 0 4 0 57 −57 0

Bundan sonra o biri qrupun lideri Yeni Zelandiya ilə oynadığı iki oyunlu final turunu isə ümumi nəticədə 6-1 hesabı ilə keçən komanda,[2] beləliklə Cənubi Amerika təsnifat qrupunu beşinci pillədə tamamlayan Uruqvay ilə qitələrarası pley-off turuna vəsiqə qazandı. İki oyunun nəticəsində 3-1 hesabı ilə məğlub olan Avstraliya, bu nəticə ilə Dünya Çempionatı 2002-də iştirak etmək şansını itirdi.[20]

Populyar mədəniyyətdə[redaktə | əsas redaktə]

Bu qarşılaşma Mayk Brett və Stiv Ceymisonun rejissorluq etdiyi Next Goal Wins adlı 2014 istehsalı bir sənədli filmin mövzusu oldu.[21]

Qeydlər[redaktə | əsas redaktə]

A. Oyun vaxtı Amerika Samoasının başında komandanın baş məşqçisi Toni Lanqkildın əvəzinə məşqçi Tunoa Lui olmuşdur.

İstinadlar[redaktə | əsas redaktə]

  1. 1,0 1,1 1,2 1,3 1,4 Christopher Davies (11 aprel 2001). "Australia score 31 without lOSs in record win". Telegraph.co.uk (London: Telegraph Media Group Limited). http://www.telegraph.co.uk/sport/football/international/3003021/Australia-score-31-without-lOSs-in-record-win.html. İstifadə tarixi: 5 avqust 2009.
  2. 2,0 2,1 2,2 2,3 "2002 FIFA World Cup Korea/Japan Preliminaries; Results, Oceanian Zone". FIFA.com. Fédération Internationale de Football Association.
  3. 3,0 3,1 Dan Rookwood (11 aprel 2001). "Aussie Rules as SocceroOS smash world record again". London: Guardian News and Media Limited. http://www.guardian.co.uk/football/2001/apr/11/newsstory.sport9. İstifadə tarixi: 5 avqust 2009.
  4. 4,0 4,1 Nick Harris (10 aprel 2001). "'Exposed' Tonga lose 22-0". The Independent (London: Independent News and Media Limited). http://www.independent.co.uk/sport/football/internationals/exposed-tonga-lose-220-680944.html. İstifadə tarixi: 5 avqust 2009.
  5. Sarah Winterburn. "Australia 31 - American Samoa 0". OzFootball.
  6. 6,0 6,1 6,2 6,3 6,4 Mark Jeffreys (14 aprel 2001). "FIFA ruling which left Samoans singing the blues". Telegraph.co.uk (London: Telegraph Media Group Limited). http://www.telegraph.co.uk/sport/football/international/3003225/FIFA-ruling-which-left-Samoans-singing-the-blues.html. İstifadə tarixi: 5 avqust 2009.
  7. 7,0 7,1 7,2 "Australia smash two world records". ESPN.com Soccernet. ESPN Internet Ventures (11 aprel 2001).
  8. 8,0 8,1 "Aussie footballers smash world record". BBC Sport (British Broadcasting Corporation). 11 aprel 2001. http://news.bbc.co.uk/sport2/hi/football/world_cup_2002/1271854.stm. İstifadə tarixi: 5 avqust 2009.
  9. 9,0 9,1 9,2 "Australians set World Cup soccer scoring record". CBCSports.ca (Canadian Broadcasting Corporation). 11 aprel 2001. http://www.cbc.ca/sports/story/2001/04/11/fifa010411.html. İstifadə tarixi: 5 avqust 2009.
  10. "Was It 31-0 or 32-0?; Australia Wins". The New York Times (The New York Times Company). 12 aprel 2001. http://www.nytimes.com/2001/04/12/sports/plus-soccer-was-it-31-0-or-32-0-australia-wins.html?n=Top/News/U.S./U.S.%20States,%20Territories%20and%20POSsessions/American%20Samoa. İstifadə tarixi: 5 avqust 2009.
  11. "Match Report: Australia - American Samoa". FIFA.com. Fédération Internationale de Football Association.
  12. "Archie's dream world" (ing.). Sydney Morning Herald (11 noyabr 2005).
  13. Michael Lynch (12 dekabr 2004). "The all-important Cole difference". TheAge.com.au (Melburn: The Age Company Ltd). http://www.theage.com.au/news/Soccer/The-allimportant-Cole-difference/2004/12/12/1102625590072.html. İstifadə tarixi: 5 avqust 2009.
  14. "Iran fanatics keep close eye on the Valley". guardian.co.uk (London: Guardian News and Media Limited). 30 dekabr 2000. http://www.guardian.co.uk/Archive/Article/0,4273,4110868,00.html. İstifadə tarixi: 5 avqust 2009.
  15. "On this day - September 12". Daily Mail (London: Associated Newspapers Ltd). 11 sentyabr 2008. http://www.dailymail.co.uk/sport/article-1054747/On-day--September-12.html. İstifadə tarixi: 5 avqust 2009.
  16. "Give us Samoa goals". BBC News (11 aprel 2001).
  17. "Road to SA 2010 starts in Samoa". FIFA.com. Fédération Internationale de Football Association (21 iyun 2007).
  18. "Goal at last: Australia joining Asia". smh.com.au (The Sydney Morning Herald). 11 mart 2005. http://www.smh.com.au/articles/2005/03/10/1110417621684.html. İstifadə tarixi: 5 avqust 2009.
  19. "Fifa World Cup 2010: The draw in full". Telegraph.co.uk (London: Telegraph Media Group Limited). 26 noyabr 2007. http://www.telegraph.co.uk/sport/football/teams/england/2326661/Fifa-World-Cup-2010-The-draw-in-full.html. İstifadə tarixi: 15 yanvar 2011.
  20. Juan Gatti (25 noyabr 2001). "World Cup Qualifier: Australian hopes sunk by Morales". Telegraph.co.uk (London: Telegraph Media Group Limited). http://www.telegraph.co.uk/sport/football/international/3017518/World-Cup-Qualifier-Australian-hopes-sunk-by-Morales.html. İstifadə tarixi: 5 avqust 2009.
  21. "Next Goal Wins charts American Samoa's road to football redemption after 31-0 loss to Australia" (ing.). Australian Broadcasting Corporation (1 may 2014). 2 may 2014 tarixində arxivləşdirilib. İstifadə tarixi: 2 may 2014.

Xarici keçidlər[redaktə | əsas redaktə]