Avstriyalı Frans Karl (hersoq)

Avstriyalı Frans Karl
Avstriyalı Frans Karl
	alm. Franz Karl von Österreich‎
Şəxsi məlumatlar
Doğum adı	Franz Karl Joseph von Österreich
Doğum tarixi	17 dekabr 1802
Doğum yeri	Vyana, Habsburq monarxiyası;
Vəfat tarixi	8 mart 1878 (75 yaşında)
Vəfat yeri	Vyana, Avstriya-Macarıstan;
Dəfn yeri	Avstriya;
Fəaliyyəti	əsilzadə, siyasətçi
Atası	II Frans
Anası	Siciliyalı Mariya Tereza
Həyat yoldaşı	Bavariyalı Sofiya Frederika (1824-cü ildən);
Uşaqları	I Frans İosif,; I Maksimilyan (Meksika imperatoru),; Avstriyalı Karl Lüdviq (hersoq),; Avstriyalı Lüdviq Viktor (hersoq);
Dini	Katoliklik
Təltifləri
	Vikianbarda əlaqəli mediafayllar

Avstriyalı Frans Karl (alm. Franz Karl Joseph von Österreich‎; 17 dekabr 1802^[1]^[2], Vyana – 8 mart 1878^[3], Vyana) — Müqəddəs Roma imperatoru II Fransın oğlu, Avstriya hersoqu, Habsburq ailəsinin bir üzvü. 1848 Avstriya inqilabında bütün taxt hüququndan könüllü imtina etsə də, oğulları I Frans İosif və I Maksimilyan Avstriya və Meksika taxt-tacına sahibləndilər.

17 dekabr 1802-ci ildə Vyanada dünyaya gəldi. Atası Müqəddəs Roma imperatoru II Frans, anası isə Neapol və Siciliya kralı I Ferdinandın qızı Siciliyalı Mariya Terezadır. 4 noyabr 1824-cü ildə Bavariya kralı I Maksimilyanın qızı Şahzadə Sofiya Frederika ilə Vyanada evləndi. Vittelsbax ailəsindən olan bu xanım əslində ona yad biri deyildi. Belə ki, Bavariya kralının digər qızı Şahzadə Karolina Avqusta 1816-cı ildə atasıyla evlənmişdi və ard-arda baş tutan qohum evlilikləri səbəbilə Vittelsbaxlar Habsburqlara və Vyana sarayına yaxın hesab edilirdi. Cütlüyün bu nigahdan 6 övladı doğuldu.

Dövlət işlərində səriştəsiz və eyş-işrətə düşkünlüyü ilə tanına hersoq Frans Karl atasının ölümündən sonra əqli zəif qardaşı I Ferdinandın səltənəti boyunca ölkəni idarə edən komissiyanın üzvü idi. Buna baxmayaraq dövlət işlərindən daim uzaq qaldı. Xanımı Bavariyalı Sofiya Frederikanın çevirdiyi saray intriqaları nəticəsində, 1848 Avstriya inqilabında bütün taxt hüquqlarından imtina etdi. Və beləcə, qardaşı I Ferdinandın taxtdan endirilməsinin ardından böyük oğlu I Frans İosif taxt-taca sahibləndi.

Qalan illərini Vyanadan kənarda ov şənliklərində və əyləncələrdə keçirən hersoq Frans Karl yalnız ailə üçün əlamətdar günlərdə Vyanaya çağırıldı. 1878-ci ildə xanımından 6 il sonra Vyanada vəfat etdi.

Mənbə

Ədəbiyyat

Boettger, T. F. "Chevaliers de la Toisón d'Or - Knights of the Golden Fleece". La Confrérie Amicale
Teulet, Alexandre (1863). "Liste chronologique des chevaliers de l'ordre du Saint-Esprit depuis son origine jusqu'à son extinction (1578-1830)" [Chronological list of knights of the Order of the Holy Spirit from its origin to its extinction (1578-1830)]. Annuaire-bulletin de la Société de l'histoire de France (in French) (2): 117
Hof- und Staatshandbuch des Großherzogtums Oldenburg: für das Jahr 1872/73, "Der Großherzogliche Haus-und Verdienst Orden" p. 30

İstinadlar

1 2 Franz Franz Karl Karl Joseph Erzherzog von Österreich Österreich (Habsburg-Lothringen) (17 Dec 1802 - 8 Mar 1878) (ing.). // WikiTree. (İstifadə tarixi: 27 noyabr 2024).
1 2 WeRelate (ing.). (İstifadə tarixi: 27 noyabr 2024).
1 2 Darryl Roger Lundy. Franz Karl Joseph Erzherzog von Österreich (ing.). // The Peerage. (İstifadə tarixi: 9 oktyabr 2017).

[_489a220d2f15c672-1] 1 2 Franz Franz Karl Karl Joseph Erzherzog von Österreich Österreich (Habsburg-Lothringen) (17 Dec 1802 - 8 Mar 1878) (ing.). // WikiTree. (İstifadə tarixi: 27 noyabr 2024).

[_2240ef3bb5bec8a0-2] 1 2 WeRelate (ing.). (İstifadə tarixi: 27 noyabr 2024).

[_cd4f144965047b8d-3] 1 2 Darryl Roger Lundy. Franz Karl Joseph Erzherzog von Österreich (ing.). // The Peerage. (İstifadə tarixi: 9 oktyabr 2017).

[1]

[2]

[3]