Axınla aşağı (film, 2014)

Vikipediya, azad ensiklopediya
Jump to navigation Jump to search
Axınla aşağı
Axınla aşağı
Axınla aşağı (film, 2014)(afişa).jpg
Janr dram
Rejissor Asif Rüstəmov
Prodüser Müşfiq Hətəmov
Ssenari müəllifi Asif Rüstəmov
Otar Pertaxia
Baş rollarda Namiq Ağayev
Mehriban Zəki
Aleksandra Andreyevska
Elmin İmamverdiyev
Teymur Məmmədov
Ülvi Paşabəyli
Gülşad Baxşıyeva
Telman Əliyev
Pərviz Bağırov
Eldar Bağırbəyov
Operator Ayhan Salar
Bəstəkar Xəyyam Mirzəzadə
Rəssam Rafiz İsmayılov
İstehsalçı "Azərbaycanfilm" kinostudiyası
İlk baxış tarixi 19 dekabr, 2014, Nizami Kino Mərkəzi[1]
Filmin növü tammetrajlı bədii film
Rəng rəngli
Vaxt 90 dəq.
Ölkə Azərbaycan Azərbaycan
Dil azərbaycanca
İl 2014

Axınla aşağı filmi rejissor Asif Rüstəmov tərəfindən 2014-cü ildə ekranlaşdırılmışdır. Film Azərbaycan Respublikası Mədəniyyət və Turizm Nazirliyinin sifarişi ilə Cəfər Cabbarlı adına "Azərbaycanfilm" kinostudiyasında[2] istehsal edilmişdir. Əli əyalət şəhərində yaşayan avarçəkmə müəllimidir. O, nə həyat yoldaşı ilə, nə də yeniyetmə oğlu ilə yola gedir. Eyni zamanda onunla birgə çalışan polşalı qadın sevgilisi ona birlikdə xaricə getməyi təklif edir. Lakin Əlinin ailəsində faciə baş verir. Filmdə əsas rolları Namiq Ağayev, Mehriban Zəki, Aleksandra Andreyevska, Elmin İmamverdiyev, Teymur Məmmədov, Ülvi Paşabəyli, Gülşad Baxşıyeva, Telman Əliyev, Pərviz Bağırov və Eldar Bağırbəyov ifa edirlər. Film bir neçə festivalda mükafat almışdır.

Məzmun[redaktə | əsas redaktə]

Əli (Namiq Ağayev) əyalət şəhərində yaşayan avarçəkmə müəllimidir. O, nə həyat yoldaşı ilə, nə də yeniyetmə oğlu ilə yola gedir.[1] Eyni zamanda onunla birgə çalışan polşalı qadın sevgilisi (Aleksandra Andreyevska) ona birlikdə xaricə getməyi təklif edir. Hər dəfə bu təklifə Əli tərəddüd edir. Əli daxilən özünü tənha hiss edir. Və xoşbəxtliyi öz ailəsində deyil başqalarında axtaran zəif iradə sahibi və qərarsız biridir. Bu xarakteri də onun ailəsində problemlər yaradır. Qonşu qadın (Gülşad Baxşıyeva) onun həyat yoldaşı Leylaya (Mehriban Zəki) ərinin başqasıyla görüşdüyünü eyham vurur. Leyla isə əsl fədakar azərbaycanlı qadın tipajıyla qonşuya mən ona inanıram deyə cavab verir.

Əlinin oğluyla (Elmin İmamverdiyev) problemləri də filmin əsas mövsuzlarından biridir. İlk səhnədən o oğlunu digərlərinin yanında təhqir edir və başqalarının yanında mənə ata demə deyə onu alçaldır. Ata oğlunu avarçəkənlərin kapitanı etsə də, sonradan idman yarışlarına az qalmış oğlunun kapitan “rütbə”sini əlindən alıb, başqasına verir.[1] Bu hadisədən sarsıntı keçirən oğlan özünü suya atır və qeybə çəkilir.

Əli və Leylanın öz itkin düşmüş oğullarını axtarması filmin əsas hissəsinə çevrilir. Bu axtarış onların dağılmış ailəsini nisbətən təmir etməyə başlayır. Peşmançılığı üzünə yansıyan Əlinin bu iztirablı axtarışı, Leylanın keçirdiyi daxili təlatüm müəllif tərəfindən dəqiq göstərilmişdir. Onlar oğullarını axtarmaq məqsədilə birləşirlər və belə anda onları polşalı qadın da ayıra bilmir...

Film haqqında[redaktə | əsas redaktə]

Dram janrında çəkilən ekran əsəri rejissor Asif Rüstəmovun[3] debüt tammetrajlı filmidir.[4]

Festivallar və mükafatlar[redaktə | əsas redaktə]

İllər Festival və tədbirlər Mükafatlar Ölkə və şəhərlər
2014 1-ci İpək Yolu Beynəlxalq Film Festivalı "Tamaşaçı rəğbəti" mükafatı[5] ÇXR, Sian
2014 49-cu Karlovy Vary Beynəlxalq Film Festivalı[6] Çexiya, Karlovı Varı
2014 Adana Altın Koza Film Festivalı Türkiyə, Adana
2014 Hindistan Beynəlxalq Film Festivalı Hindistan, Qoa
2014 Kotbus Beynəlxalq Film Festivalı  Almaniya, Kotbus
2015 "Asiatica, Encounters with Asian Cinema” Beynəlxalq Film Festivalı[7] İtaliya, Roma
2015 Golden Anteaters Film Festivalı Polşa, Lublin
2015 Houston WorldFest "Gümüş Remi" mükafatı[8] ABŞ, Hyuston
2015 "Qızıl Pəri" Mükafatları "Ən yaxşı tammetrajlı debüt filmi" nominasiyasında "Qızıl Pəri" mükafatı[9] Azərbaycan, Bakı
2015 Pune Beynəlxalq Film Festivalı Hindistan, Puna
2015 Let’sCee Beynəlxalq Film Festivalı ”Xüsusi vurğulama mükafatı”[10]  Avstriya, Vyana
2015 SEEfest Beynəlxalq Film Festivalı "Ən yaxşı debüt" mükafatı[11][12] ABŞ, Los-Anceles
2016 20-ci Beynəlxalq Kinofestival[13] Peru, Lima
2016 Azərbaycan Kinosu günləri[14] Meksika, Mexiko
İstanbul Ailə Filmləri Festivalı  Türkiyə, İstanbul
Daka Qısametrajlı Müstəqil Film Festivalı  Banqladeş, Daka

Filmin üzərində işləyənlər[redaktə | əsas redaktə]

Rejissor: Asif Rüstəmov
Ssenarist: Asif Rüstəmov, Otar Pertaxia Operator: Ayhan Salar
Prodüser: Müşfiq Hətəmov
Rəssam: Rafiz İsmayılov
Bəstəkar: Xəyyam Mirzəzadə

Rollarda[redaktə | əsas redaktə]

Namiq Ağayev — Əli: Əli əyalət şəhərində yaşayan avarçəkmə müəllimidir.
Mehriban Zəki — Leyla: Əlinin həyat yoldaşıdır.
Aleksandra Andreyevska — polşalı qız: Polşalı qız idman məşqçisidir.
Elmin İmamverdiyev — Ruslan: Əli ilə Leylanın oğludur.
Teymur Məmmədov[2] — Arif: Polis zabiti, Əlinin dostudur.
Ülvi Paşabəyli — İlqar: Ruslanın idmançı dostudur.
Gülşad Baxşıyeva — qonşu qadın: Əligilin qonşusudur.
Telman Əliyev — Əhəd: Əlinin işlədiyi idman kompleksinin direktorudur.
Pərviz Bağırov — balıqçı
Eldar Bağırbəyov — Valera
Şamil Süleymanlı — gözətçi

İstinadlar[redaktə | əsas redaktə]

  1. 1 2 3 Cəvahir Səlimqızı (22 Dekabr 2014). ""Axınla aşağı", yaxud bir ailə faciəsi" (azərb.). Publika.az. İstifadə tarixi: 2017-08-22.
  2. 1 2 Fariz Hüseynov (24 dekabr 2014). ""Axınla aşağı" – yeni rejissor yozumu" (azərb.). Mədəniyyət. İstifadə tarixi: 2017-08-22.
  3. L. Azəri (8 aprel 2015). ""Axınla aşağı" iki festivala dəvət alıb" (azərb.). Mədəniyyət. (#cite_web_url); (#accessdate_missing_url)
  4. Ş. Abdullayeva (25 noyabr 2015). "Polşadakı festivalda "Axınla aşağı"nın təqdimatı olub" (azərb.). 525-ci qəzet; Mədəniyyət. (#cite_web_url); (#accessdate_missing_url)
  5. Ş. Cəfərov (28 oktyabr 2014). "Azərbaycanın iki filmi İpək Yolu Beynəlxalq film festivalının mükafatına layiq görülüb" (azərb.). Azərbaycan. (#cite_web_url); (#accessdate_missing_url)
  6. "Axınla aşağı" (ingilis). KVIFF. İstifadə tarixi: 2017-08-22.
  7. "Filmlərimiz beynəlxalq festivallarda" (azərb.). ANL. 18 noyabr 2015. İstifadə tarixi: 2017-08-22.
  8. "Asif Rüstəmovun "Axınla aşağı" filminin ABŞ premyerası" (ingilis). Azerbaijan Center. 14 aprel 2015. İstifadə tarixi: 2017-08-22.
  9. ""Qızıl Pəri" mükafatları təqdim olunub" (azərb.). Report.az. 29 dekabr 2015. İstifadə tarixi: 2015-12-30.
  10. "Azərbaycan beynəlxalq film festivalında" (azərb.). Mövqe. 15 sentyabr 2015. (#cite_web_url); (#accessdate_missing_url)
  11. ""Axınla aşağı" filmi mükafata layiq görülüb" (azərb.). Mədəniyyət. 13 may 2015. (#cite_web_url); (#accessdate_missing_url)
  12. SEEfest 2015 Festival Awards "2015 Festival Awards And Jury" (#bad_url) (ingilis). SEEfest. İstifadə tarixi: 2017-08-22.
  13. "Peruda ilk dəfə Azərbaycan filmləri nümayış olunub" (azərb.). Diaspora.az. 16 avqust 2016. İstifadə tarixi: 2017-08-22.
  14. "Meksikada Azərbaycan Kinosu günləri" (azərb.). 525.az. 21 may 2016. İstifadə tarixi: 2017-08-22.

Həmçinin bax[redaktə | əsas redaktə]

Azərbaycan filmlərinin siyahısı
2014-cü ilin Azərbaycan filmləri
2010-cu illər Azərbaycan filmlərinin siyahısı