Axar.az

Vikipediya, açıq ensiklopediya
Jump to navigation Jump to search
Vikipediya Bu məqalə qaralama halındadır. Məqaləni redaktə edərək Vikipediya kömək edə bilərsiniz.
Əgər mümkündürsə, daha dəqiq bir şablondan istifadə edin.
Bu məqalə sonuncu dəfə Samral tərəfindən redaktə olundu. 2 il əvvəl. (Yenilə)

[1] Axar.az - Azərbaycanda yaradılmış yeni informasiya portallarından biridir. Portal 2013-cü ildən fəaliyyət göstərir.

Tarix[redaktə | əsas redaktə]

Axar.az informasiya portalı 2013-cü ilin oktyabrından rəsmi fəaliyyətə başlayıb. "Gündəlik Teleqraf" MMC-nin tərkibinə daxil olan informasiya portalının yaradıcıları jurnalist Anar Niftəliyev və Pərviz Cəbrayıldır. Yaradıldığı andan etibarən Azərbaycan internet mediasında ön pillələrə can atan Axar.az qısa zaman çərçivəsində buna nail ola bilib. Rəsmən fəaliyyətə başladığı gündən iki ay sonra sayt ən çox oxunan 10 yerli informasiya portalı sırasına düşməyi bacarıb.

Struktur[redaktə | əsas redaktə]

Axar.az informasiya portalı "Gündəlik Teleqraf" MMC-nin tərkibində fəaliyyət göstərir. MMC-nin Baş direktoru Aynur Camalqızıdır. İnformasiya portalının strukturu aşağıdakı kimidir:

Baş redaktor - Anar Niftəliyev

Redaktor - Pərviz Cəbrayıl

Redaktor - Anar Əhmədov

Texniki redaktor - Günay Əli, Sadiq Mirzəyev

Əsas fəaliyyət istiqaməti[redaktə | əsas redaktə]

Axar.az informasiya portalının əsas məqsədi ictimaiyyəti operativ və dəqiq informasiya ilə təmin etməkdir. Sayt xüsusilə siyasi, sosial, hərbi, elmi, texniki və digər istiqamətlərdə məlumatlara önəm verir. İnformasiyanın portalının əsas yükünü siyasi xarakterli informasiyalar təşkil edir. Axar.az həmçinin analitik yazılar, şərhlər və köşə yazıları hesabına ictimaiyyəti maarifləndirməyi qarşısına məqsəd qoyub. Sayt fəaliyyətininin üç əsas istiqaməti bunlardır:

1. Operativlik

2. Vicdanlılıq

3. Maarifçilik

Hücumlar[redaktə | əsas redaktə]

Axar.az saytına qarşı çoxsaylı hücumlar 2013-cü ilin dekabrından 2014-cü ilin may ayına qədər olub. Türkiyədə dekabr ayında Fətullah Gülənin yaratdığı paralel yapıya qarşı başlayan hücum tezliklə bu örgütün bir qanadının Azərbaycanda da olduğunu sübuta yetirdi. Gülənçilərlə bağlı informasiyaların portalda yayımlanması qısa zaman ərzində bu hərəkatın tərəfdarlarının sayt üzərinə hücumlarına səbəb oldu. Saytın ünvanına yönəldilən təhqirlərlə yanaşı hərəkat üzvləri tərəfində Axar.az-a haker hücumları da təşkil olunmağa başladı. Azərbaycanda bir çox özəl qurumların bu təşkilata maliyyə mənbəyi olduğu barədə məlumatların portalda yayımlanması isə bu hücumları daha da şiddətləndirdi. Müxtəlif özəl qurumlar tərəfindən məhkəmə ilə təhdid edilməsinə baxmayaraq, sonda yenidən Axar.az uğur qazandı. Mart ayından etibarən Azərbaycan xüsusi xidmət orqanları tərəfindən bu hərəkatın zərərli olan müxtəlif qollarına qarşı əməliyyatların keçirilməsi bu hücumların nisbətən səngiməsinə səbəb oldu.

Sayta qarşı ən kəskin haker hücumları 2015-ci ilin mart-aprel aylarında olub. Ermənistan saytlarının İrəvanın dəstəyi ilə apardığı informasiya savaşına qarşı kəskin mövqe tutması saytın erməni hakerlərinin hədəfinə düşməsinə səbəb oldu. Üstəlik qondarma "erməni soyqırımı"nın 100 illiyi ərəfəsində Ermənistanın yalan iddialarını ifşaedən materialların portalda yerləşdirməsi bu hücumların sayının artmasına səbəb oldu. Həddən artıq güclü olan hücumlar dəf edildi. Saytın texniki rəhbərliyi həmin zaman "portalın öz tarixində hələ heç bir zaman bu tərzdə güclü hücumla qarşılaşmadığını" bildirmişdilər.

Axar.az-ın rus dilindəki [2] versiyası[redaktə | əsas redaktə]

Axar.az-ın rus dilində yayımlanan bölümü bu ilin əvvəlindən etibarən fəaliyyətə başlayıb. Bu bölüm sırf xarici oxucular və ölkədə rusdilli əhali üçün nəzərdə tutulub. Axar.az-ın rus dilindəki versiyasının redaktoru Telman İsadır.