Axarbaxar (dağ)

Axarbaxar
Ümumi məlumatlar
Dağ silsiləsi	Cənub Göyçə silsiləsi[d]
Növü	Yatmış vulkan
Vulkan forması	Stratovulkan
Son püskürmə	b. e. ə 782-773
Mütləq hündürlüyü	3047 m
Yerləşməsi
40°01′ şm. e. 45°47′ ş. u.
Ölkə	Azərbaycan
Rayon	Kəlbəcər rayonu
VOGRIPA: 95 GVP: 214090
Axarbaxar
Vikianbarda əlaqəli mediafayllar

Axarbaxar və ya Axar-Baxar — Azərbaycan Respublikasının qərbində, Kəlbəcər rayonunun qərb hissəsində, Qarabağ vulkanik yaylasında yerləşən yatmış vulkan. Vulkan dəniz səviyyəsindən 3047 metr yüksəklikdə yerləşir. Vulkan tipinə görə qarışıq vulkan və ya stratovulkanlara aiddir. Son püskürmənin e. ə. 782–773 illərdə baş verdiyi ehtimal edilir.

Etimologiyası

Axarbaxar sözünün bir neçə mənası vardır. Sözün birinci mənası hər tərəfi açıq və xoş mənzərəli yer, göz işlədikcə görünən yer, mənzərə deməkdir. İkinci mənası isə suayrıcı, iki çay və ya su hövzəsini bölən xətt anlamına gəlir. Bu da ounun yerləşdiyi ərazinin coğrafiyasına uyğun gəlir. Belə ki, onun yerləşdiyi coğrafi ərazi Kür və Araz çaylarının suayrıcısı olan Kiçik Qafqaz dağlarının Qarabağ vulkanik yaylası hissəsində yerləşir. Axarbaxar oroniminin digər mənası isə "axar" — su axarı, çay və "baxar" — dağın çayabaxar tərəfi sözlərinin birləşməsindən əmələ gəlib "çayətrafı, çayabaxar tərəf" mənasındadır. Azərbaycan dili və onun dialektlərində "axar-baxar" — "dağların döşü, mənzərəli yer" mənasını ifadə edir.