Axtar məni (kitab)

Axtar məni
Müəllif(lər)	Həsən Xəyallı
Janr	Bədii ədəbiyyat
Orijinalın dili	Azərbaycan
Tərtibat	Sərraf Şiruyə
Seriya	Göyçə aşıqları və el şairləri
Nəşriyyat	Nurlan nəşriyyatı
Nəşr	2006
Səhifə	160
Növ	kitab
Tiraj	200
isbn	qrifli nəşr

Axtar məni - şeirlər kitabı

Çapı

Azərbaycan Milli Elmlər Akademiyasının Folklor İnstitutu Elmi Şurasının qərarı ilə çap olunub.

Kitab haqqında

• Məsləhətçi. Sərraf Şiruyə
• Redaktor. f.e.d. professor Hüseyn İsmayılov
• Ön sözün müəllifi. F.e.d. prof. Qara Namazov ("Qüdrətli söz ustadı")
• Kitabı çap etdirən: Molla Əmirxan Həsənoğlu

Tədqiqatçı-jurnalist, publisist Maşallah Xudubəyli kitabın müəllifi haqqında yazır: «…Həsən Xəyallı da bəzi sənət fədailərimiz kimi vaxtında tədqiq olunmayan, öz səviyyəsində yaradıcılıq imkanları el-obaya, geniş maraq dairəsinə çatdırılmayan şairlərimizdən olub…».

Filalogiya elmlər doktoru, professor Qara Namazovun "Axtar məni" kitabına yazdığı müqəddimədən: Həsən Xəyallı məhz bu ikinci nəslə mənsubdur. O, saz çalıb oxumasa da, söz sərrafı idi. Quranı, şəriət qanunlarını mükəmməl öyrənmişdi. Bir tərəfdən özünün fərdi istedadı, o biri tərəfdən Göyçənin zəngin, dadlı-duzlu saz-söz məclisi, nəhayət şərqin poetik sərvəti şübhəsiz Həsən Xəyallının xəyallarını qanadlandırmışdır. Müasirləri ilə görüşmələri, şeirləşmələri, onun sözə daha diqqət və ehtiyatla yanaşmasına imkan vermişdir. Bütün bunlar Həsən Xəyallının qüdrətli bir söz ustadı kimi şöhrətlənməsinə səbəb olmuşdur. O, aşıq və xalq şeirinin bütün şəkil və formalarından məharətlə istifadə etmiş, lirik şeirin nadir nümunələrini yarada bilmişdir.

Mənbə

• Həsən Xəyallı. "Axtar məni" (şeirlər), Bakı, «Nurlan», 2006. - 160 səh.

Həmçinin bax

• Həsən Xəyallı
• Molla Əmirxan