Ayə, hareyə gedirsən, ayə?

Vikipediya, açıq ensiklopediya
Jump to navigation Jump to search

"Ayə, hareyə gedirsən, ayə?"Azərbaycan Televiziyasının efirində yayımlanan "Müasir Azərbaycan Gəncliyi" (MAG) verilişinə qonaq olan gənc azərbaycanlı rok-musiqiçi[1] Vüsal Rzasoyun qeyri-adi ifası[2] - etnik-rok musiqisi tərzində səsləndirdiyi mahnı[3]. Bu ifa efirə getməsə də[4][5], sosial şəbəkələrdə geniş müzakirə olunmuşdur.

Tarixçə[redaktə | əsas redaktə]

Vüsal Rzasoyun ilhamlandığı "Siddhartha" əsəri

Azərbaycan Dövlət Pantomima Teatrında çalışan Vüsal Rzasoy proqramın növbəti buraxılışının çəkilişi zamanı "Ayə, haraya gedirsən, ayə?" mahnısını gitara ilə oxumuşdur. Lakin həmin kadrlar AzTV-də yayımlanmamışdır[6]. Belə ki, proqram çəkiləndən sonra verilişin yaradıcı heyəti tərəfindən Vüsal Rzasoyun çəkiliş zamanı ifa etdiyi mahnılar dinlənilmiş, daha sonra qərara alınmışdır ki, "Ayə, haraya gedirsən, ayə?" ifası AzTV-yə uyğun deyil[6]. Elə bu səbəbdən də həmin görüntülər efirdə yayımlamamışdır. Lakin MAG-ın "YouTube" səhifəsində paylaşılmışdır[6].

Vüsal Rzasoy ifası ilə bağlı 24 noyabr 2017-ci il tarixində mətbuata belə bir açıqlama vermişdir:

"Bu mahnının belə ləhcədə səslənməsi ona görədir ki, əslində, şəhərdə yaşayan və özlərini daha mədəni sayan insanlar düşünürlər ki, uzaq-ucqar bölgələrdə yaşayanlar arasındakı söhbətlər gülməlidir. Onlar şəhərdəkilər qədər mədəni deyillər. Bu mahnıyla demək istəmişəm ki, onlar yanlış düşünürlər. Mahnıda şəhərlilərin yuxarıdan aşağı baxdığı ərazilərdə iki dost söhbət edir və biri o birindən soruşur ki, hara gedirsən? Onlar əslində dərin bir söhbət edirlər. Bu isə özlərini daha "cool" sayan insanlar arasında başa düşülmür. Niyyətim insanların ləhcəsinə lağ edənləri qınamaq olub. Herman Hessenin "Siddhartha" deyə bir əsəri var. Orada Siddhartha çöllərdə yaşayır və özünü axtarmaqla məşğul olur. Bu çox böyük bir fəlsəfədir. Mahnıdakı ləhcə ilə söhbət edən dostlardan birində də bu baş verir. O, fəlsəfə ilə məşğul olan gənc başqaları tərəfindən lağ hədəfinə çevrilir. Onu başa düşmür və ona gülürlər"[4][7].

Həmçinin bax[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]