Aydın Çobanoğlu

Vikipediya, açıq ensiklopediya
Jump to navigation Jump to search
Aydın Çobanoğlu
Aydın Çobanoğlu.png
Sənətçi məlumatları
Doğum adı Aydın Çoban oğlu Musayev
Doğum tarixi 18 yanvar 1951(1951-01-18)
Doğum yeri Tovuz rayonu, Əlimərdanlı kəndi
Vəfat tarixi 23 mart 1993 (42 yaşında)
Peşəsi filologiya

Musiqi aləti Saz
Səs tembri zil

Aydın Çobanoğlu — yaradıcı və ifaçı aşıq.[1]

Həyatı[redaktə | əsas redaktə]

Aşıq Aydın Çoban oğlu Musayev 1951-ci ildə Tovuz rayonunun Əlimərdanlı kəndində sənətkar ailəsində dünyaya göz açıb. Aşıq Aydının ilk ustadı da atası Aşıq Çoban olub.[2]

Aşıq Aydın orta təhsilini bitirdikdən sonra Bakıda texniki ixtisas üzrə ali məktəbə daxil olsa da, orada cəmi iki il oxuyub, sonra tale onun yolunu dəyişib. ADU-nun (indiki BDU-nun) filologiya fakültəsində oxuyub. Universitetdə oxuya-oxuya bölgələrdən gələn aşıqların konsertlərində və digər tədbirlərdə yaxından iştirak edib. Hələ tələbə ikən özünün sazıyla, sözüylə respublikada tanınıb.

1975-1977-ci illərdə respublika daxili baxış-müsabiqəsinin qalibi olub. 1977-ci ildə I Ümumittifaq festivalının laureatı adını qazanıb. 1977-1979-cu illərdə Gənc aşıqların respublika baxış-müsabiqəsinin qalibi, 1984-cü ildə Polşa Xalq Respublikasında keçirilən XI Beynəlxalq Folklor festivalının, 1985-ci ildə II dünya müharibəsində qələbənin 40 illik yubileyinə həsr edilmiş ümumittifaq festivalının, 1987-ci ildə II Ümumittifaq xalq yaradıcılığı festivalının laureatı olub və həmin il eyni zamanda SSRİ Nazirlər Sovetinin Fəxri fərmanına layiq görülüb.

1988-ci ildə Lenin komsomolu mükafatına və həmin ilin fevral-mart aylarında Almaniya Demokratik Respublikasına “Dostluq səfəri” adlı konsertdəki çıxışına görə Fəxri fərmana layiq görülüb. 1988-ci ildə Aşıq Əkbər Cəfərovla birlikdə Leninqradda (Sankt-Peterburqda keçirilən “Folklor və gənclik” adlı konfransda çıxış edib. Onların bu çıxışına yüksək qiymətləndirilib.

1989-cu ildə İsveçdə keçirilən Folklor musiqi festivalında Azərbaycandan gələn musiqiçilərin tərkibində Aydın Çobanoğlu da olub.

Aşıq Aydın Çobanoğlu 1990-1991-ci illərdə Türkiyənin Konya şəhərində keçirilən “Konya aşıqlar bayramı”nda Atatürk qızıl medalına layiq görülüb.

Aşıq Aydın Çoban oğlu Musayev 1993-cü ilin mart ayının 23-də faciəli şəkildə qətlə yetirilib.[3]

Məqalələri[redaktə | əsas redaktə]

  • "Saz, söz, ifaçılıq və...", "Ozan dünyası" jurnalı, № 2(5). 2011-cu il.

İstinadlar[redaktə | əsas redaktə]

  1. "Ozan dünyası" jurnalı, № 2(5). 2011-cu il.
  2. Hüseyn Məmmədov. "Amansız ölüm" (azərb.). "Ozan dünyası". azab.az (2015).
  3. Hüseynli, M. “Aydın Çobanoğlu kimi bir bülbülü susdurmaq xalqa xəyanət idi”: O, saz-söz sevərlərin qəlbində əbədiyaşarlığını qazananlardandır //Təzadlar.- 2014.- 15 noyabr.- S.14.

Mənbə[redaktə | əsas redaktə]

  • Uğur. Yeraltı “duz saray”ında “konsert”: Əli Şamil: “Aydın Çobanoğlu tələbə yataqxanasının otaqlarında bizə konsertlər verərdi”: [tanınmış araşdırmaçı Əli Şamilin aşıq Aydın Çobanoğlu haqqında söylədikləri] //Xalq cəbhəsi.- 2013.- 19 aprel.- S. 14.

Xarici keçidlər[redaktə | əsas redaktə]