Ayfər Yılmaz
| Ayfər Yılmaz | |
|---|---|
| türk. Ayfer Yılmaz | |
 | |
İyi Partiyasının Baş katibi | |
| 4 iyul 2023 – 3 may 2024 | |
| Əvvəlki | Uğur Poyraz |
| Sonrakı | Uğur Poyraz |
Türkiyənin Dövlət naziri | |
| 6 mart 1996 – 30 iyun 1997 | |
| Baş nazir | Məsud Yılmaz Nəcməddin Ərbakan |
Türkiyə Böyük Millət Məclisinin XX-XXI çağırışları millət vəkili | |
| 8 yanvar 1996 – 1 oktyabr 2002 | |
| Seçim bölgəsi | 1995 – Mərsin 1999 – Mərsin |
| Şəxsi məlumatlar | |
| Doğum tarixi | 1956 (69–70 yaş) |
| Doğum yeri | |
| Partiya | |
| Təhsili | |
| Fəaliyyəti | siyasətçi |
 Vikianbarda əlaqəli mediafayllar | |
Ayfər Yılmaz (türk. Ayfer Yılmaz; 1956, Ankara) — türk iqtisadçı və siyasətçisi.[1] O, Türkiyə Böyük Millət Məclisinin XX və XXI çağırışlar deputatı olub, həmçinin dövlət naziri vəzifəsini icra edib. İYİ Partiyasının keçmiş baş katibidir.
Həyatı və təhsili
[redaktə | vikimətni redaktə et]Ayfər Yılmaz 24 iyul 1956-cı ildə Ankarada anadan olub. 1974-cü ildə TED Ankara Kollecini, 1978-ci ildə isə Ankara Universitetinin Politologiya fakültəsinin İqtisadiyyat və Maliyyə bölməsini bitirib.[2] 1979-cu ilin sentyabrı və 1980-ci ilin yanvarı arasında "City of London Polytechnic" və İngiltərə Bankında Bank nəzarəti üzrə təhsil alıb.
Ayfər Yılmazın bir qızı var.[3]
Karyerası
[redaktə | vikimətni redaktə et]Ayfər Yılmaz, Bonn səfirliyinin iqtisadiyyat və ticarət müşavir müavinliyi, Xəzinədarlıq İctimai Maliyyə Baş İdarəsi, Xəzinədarlıq və Xarici Ticarət Müstəşarlığının müstəşar müavinliyi, Xəzinədarlıq Müstəşarlığı, Dünya İnkişaf Bankı, Asiya İnkişaf Bankı, Avropa Yenidənqurma və İnkişaf Bankı, İslam İnkişaf Bankının[3] Türkiyə üzrə rəhbərliyi vəzifələrində çalışıb.
2002–2009-cu illərdə o, Başkənd Universitetinin Strateji Araşdırmalar Mərkəzinin baş katibi vəzifəsini icra edib. 2007–2012-ci illərdə "Denizbank"ın İdarə Heyətinin üzvü, həmin illərdə (2007–2012) TOSYÖV-ün İdarə Heyəti sədrinin müavini (hazırda Himayəçilər Şurasının üzvü), 2014–2017-ci illərdə TED Ankara Kolleci Fondunun İdarə Heyətinin üzvü, 2015–2019-cu illərdə isə TOBB Qadın Sahibkarlar Şurası sədrinin müavini olub.[4]
2017-ci ildən etibarən Ayfər Yılmaz, Türk Qadınlar Şurası Dərnəyinin İdarə Heyəti sədrinin müavini, 2018-ci ildən Mülkiyəli İş Adamları Dərnəyinin İdarə Heyətinin üzvü, 2019-cu ildən "Habitata Analitik Bakış" Dərnəyinin İdarə Heyətinin sədri, 2021-ci ildən isə "İkinci Yüzyıl" İnstitutunun Məsləhət Şurasının üzvüdür.
Siyasi karyerası
[redaktə | vikimətni redaktə et]Ayfər Yılmaz DYP-dən, Türkiyə Böyük Millət Məclisinin XX-XXI çağırışları Mərsin millət vəkili seçilib, 1996-1997-ci illərdə isə Dövlət Naziri vəzifəsində çalışıb. 2017-ci ildə İYİ Partiyasının təsisçi üzvü olmuş, 2019-cu il Türkiyə yerli seçkilərində Demokrat Partiyasından Mərsin Böyükşəhər Bələdiyyə sədri namizədi kimi iştirak edib. 2022-ci ildən etibarən İYİ Partiyasının Sosial Siyasətlər üzrə sədridir.[3][4][5]
İstinadlar
[redaktə | vikimətni redaktə et]- ↑ "İYİ parti başkanlık divanı" (türk). 11 Kasım 2017 tarixində arxivləşdirilib. İstifadə tarixi: 18 Ekim 2020.
- ↑ "MÜLKİYE MEZUNLARI 1860-2011" (PDF). 3 Kasım 2012 tarixində arxivləşdirilib (PDF). İstifadə tarixi: 15 Haziran 2012.
- 1 2 3 "Ayfer Yılmaz". Yeni Akit (türk). 30 oktyabr 2017 tarixində arxivləşdirilib. İstifadə tarixi: 10 noyabr 2017.
- 1 2 "Ayfer Yılmaz İyi Parti'yle siyasete dönsü". Tarsus Ekspres (türk). 27 oktyabr 2017. 31 oktyabr 2017 tarixində arxivləşdirilib. İstifadə tarixi: 10 noyabr 2017.
- ↑ "Meral Akşener'in partisinde kimler var?". BBC Türkçe (türk). 25 oktyabr 2017. İstifadə tarixi: 10 noyabr 2017.