Ayla (film, 2017)

Vikipediya, açıq ensiklopediya
Jump to navigation Jump to search
Ayla
Ayla
Ayla Film Afişi.jpg
Janr dram
Rejissor Can Ulkay
Ssenari müəllifi Yiğit Güralp
Bəstəkar Fahir Atakoğlu
İstehsalçı Warner Bros.
Vaxt 124 dəq.
Ölkə Flag of Turkey.svg Türkiyə
Flag of South Korea.svg Cənubi Koreya
Dil türk dili, koreya dili, ingilis dili
İl 2017

Ayla (ing. Ayla: The Daughter of War)- rejissoru Can Ulkay, ssenaristi Yiğit Güralpın 2017-ci il TürkiyəCənubi Koreyanın birgə istehsalı olan film. 1950-ci ildə başlamış Koreya müharibəsi gedişində yaşanmış real hadisə əsasında 2016-cı ildə filmin çəkilişlərinə başlanılmışdır. Filmin çəkilişləri Türkiyədə və Cənubi Koreyada aparılmışdır. Filmin musiqiləri Fahir Atakoğlu tərəfindən bəstələnmişdir. 4 mart 2018-ci il tarixində keçiriləcək 90-cı Oskar mükafatının "Əcnəbi dildə olan ən yaxşı film" nominasiyasına filmin namizədliyi irəli sürülsə də, lakin sonda qısa siyahıya düşə bilməmişdir.[1][2]

Süjeti[redaktə | əsas redaktə]

1950-ci ildə Şimali Koreya silahlı qüvvələrinin qəflətən hücumu artıq üç gündən sonra Cənubi Koreyanın paytaxtı Seulun işğalı ilə nəticələnmişdi. Cənubi Koreya olduqca ağır bir duruma gəlmişdi. Birləşmiş Millətlər Təşkilatının yardım məqsədilə çağırışına Türkiyə Cənubi Koreyaya bir briqada göndərmişdir. Filmdə hadisələr baş gizir Süleyman adlı briqada əsgərinin gecə vaxtı baş vermiş döyüşlərindən birində ata və anası öldürülmüş kiçik bir qızı tapması ilə başlayır. Əsgərlər 5 yaşlı qıza ad vermək qərarına gəldikdə, baş gizir Süleymanın "ay gibi yüzü var zaten ay ışığında bulduk" (ay kimi üzü var, zatən ay işığında tapdıq) deyərək Ayla adını verir. 15 ay ərzində Aylaya baxan Süleymanın artıq Türkiyəyə geri dönməsi barədə əmri gəlir. Bu zaman məsələyə yuxarı rəhbərliyin qarışması ilə Ayla Koreya müharibəsi illərində türk əsgərləri tərəfindən yaradılmış "Ankara Okulu"nda təhsil almağa başlayır.[3][4] Aylanı tək qoyub getmək istəməyən Süleyman onu Türkiyəyə aparmaq üçün hər cür cəhd etsə də, lakin Cənubi Koreyadan Aylanı çıxartmağa nail ola bilmir. Film müharibənin bitməsindən 60 il sonra Cənubi Koreyadakı Ankara parkında Ayla və Süleyman Dilbirliğinin yenidən bir-birinə qovuşması ilə başa çatır.

Filmin istehsalı[redaktə | əsas redaktə]

Film, 2010-cu ildə Munhwa Broadcasting Corporation tərəfindən yayımlanmış Kim Eun-ja və Süleyman Dilbirliğin real hekayəsi əsasında Hvanq Byungun rejissorluğu ilə çəkilən "Ayla, mənim koreyalı qızım" (Ayla, My Korean Daughter) sənədli film əsasında yaradılmışdır.[1][5] 2016-cı ildə Cənubi Koreyada başlanılmış aktrisa seçimlərində ölkənin "1988-ci ildə mənə cavab verin" populyar televiziya serialındakı Jin-ju rolunu oynayan uşaq aktrisa Kim Seol Ayla rolu üçün seçilmişdir. Ko Eun-min isə Aylanın anası rolu üçün çəkilişlərə qatılmışdır.[6] Filmin çəkilməsinə Türk Hava Yolları, Türkiye Respublikası Mədəniyyət və Turizm NazirliyiZiraət Bank kimi qurumlar sponsorluq etmişdir. Türkiyə və Cənubi Koreyanın birgə istehsalı olan filmin çəkilişləri Türkiyədə həyata keçirilmişdir. Filmin çəkilişləri 2016-cı ilin noyabrında Türkiyədə başlamış[1][3]2017-ci il iyun aylarında Cənubi Koreyada tamamlanmışdır.[6]

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 "Türkiye’nin Oscar adayı belli oldu". Hürriyet (24 August 2017).
  2. Holdsworth, Nick "Oscars: Turkey Selects 'Ayla: The Daughter of War' for Foreign-Language Category". The Hollywood Reporter (25 August 2017).
  3. 3,0 3,1 Betul, Sinem "'Ayla,' a movie based on a heart-breaking 65-year-old real-life story". korea.net (2 May 2017).
  4. Mitchell, Robert (25 August 2017). "Turkey Selects True-Life Drama 'Ayla' as Foreign-Language Oscar Entry". Variety. http://variety.com/2017/film/news/turkey-selects-true-life-drama-ayla-foreign-language-oscar-entry-1202539094/.
  5. Newsen. 23 November 2016. http://www.newsen.com/news_view.php?uid=201611231010030310.
  6. 6,0 6,1 Korea Economic Daily Television. 4 July 2017. http://www.wowtv.co.kr/newscenter/news/view.asp?bcode=T30001000&artid=A201707040046.