Aysel Əlizadə (yazıçı)

Vikipediya, açıq ensiklopediya
Jump to navigation Jump to search
Aysel Əlizadə
Əlizadə Aysel Alim qızı Əlizadə Aysel Alim qızı
Doğum tarixi 3 yanvar 1980(1980-01-03) (39 yaş)
Vətəndaşlığı Flag of Azerbaijan.svg Azərbaycan

Aysel Alim qızı Əlizadə (d. 3 yanvar 1980) — yazıçı, müstəqil jurnalist.

Həyatı[redaktə | əsas redaktə]

Əlizadə Aysel Alim qızı 03 yanvar 1980 - ci ildə Bakı şəhərində anadan olub.

1986 - 1996 -cı illərdə Bakı şəhəri, Yasamal rayonu 31 saylı tam orta məktəbi fərqlənmə ilə bitirib.

1996 - 2000-ci illərdə Bakı Dövlət Universitetində ali təhsil alıb.

Evlidir, bir övladı var.

Həyat yoldaşı: Ramin Hacılı

Anası: Kəmalə Abıyeva

Atası: Alim Əliyev

Yaradıcılığı[redaktə | əsas redaktə]

Karyerasına 1998 - ci ildə ABA TV-də teleaparıcı kimi başlayıb. Space, Lider, ATV, İTV telekanallarında müəllif, aparıcı, bədii rəhbər, rejissor kimi çalışıb. Xitə çevrilən öz sözlərinə yazılmış " Ad günü" adlı mahnı ifa edib. Daha sonra 8 mahnıdan ibarət musiqi albomu işıq üzü görüb. Şairə, nasir, publisist, tərcüməçi, ictimai xadim kimi tanınır.

Vaxtaşırı mətbuatda geniş rezonans doğurmuş yazılara imza atıb. “Media Açarı” mükafatçısı, Prezident təqaüdçüsüdür(2009) . Səkkiz kitabın müəllifidir: “Ora” (hekayələr), “Doğulacaq qadın” (şeirlər), “Göy Qurşağı” (esselər), “Erkəklər” (roman) , “Təkliyə düzəliş” (şeirlər), “Azad” (akademik Azad Mirzəcanzadə haqda portret), “Qadın peyğəmbər” (roman), “Sexin poeziyası” şeirlər kitabı.

2009 - cu ildə “Media Açarı” mükafatına layiq görülüb.

2009 -cı ildə yazıçı kimi Prezident təqaüdçüsü olub.

2012 -ci ildə Mərkəzi Seçki Komisiyyasında baş mütəxəsis kimi çalışıb və Azərbaycanın seçki tarixinə aid kitabın hazırlanmasında iştirak edib.

İki kitabı - “Beyaz kürk” (hekayələr) və “Erkəklər” (roman) Türkiyə türkcəsinə çevrilərək Ankaraİstanbulda təqdimatları, imza günləri keçirilib.

2017 - ci ildə şeirlərindən ibarət ingilis dilində QADIN (The woman) adlı kitabı çap olunub.

Azərbaycan türkçəsinə beş kitab çevirib: Aqata Kristi-nin “Qolf meydançasında qətl” əsəri, Andrey Platonov-un “Kotlovan” romanı, Edqar Tolle-nun “Yeni dünya” əsəri, Oşo-nun “Qadınların kitabı” və “Kişilərin kitabı”.

Ruscadan çevirdiyi "Yarımçıq qalmış" adlı pyes Gənc Tamaşaçılar Teatrında səhnələşdirilib.

2013-ci ildə Azərbaycan Dövlət Neft Şirkətinin (SOCAR) rəsmi jurnalının hazırlanmasında iştirak edib.

2014 -cü ildə TEDx spikeri kimi çıxış edib.

2015 - ci ilin 01 noyabr tarixində keçirilən Azərbaycan Respublikasının Milli Məclisinə seçkilərində Bakı şəhəri, Binəqədi rayonundan (8 saylı Binəqədi birinci seçki dairəsi üzrə) deputatlığa namizəd olub.

Yaradıcı layihələri: Tanınmış siyasi xadimlərlə “Siyasətdən iraq” müsahibə-reportaj layihəsi, “Oxucuya məktub” adlı silsilə yazılar rubrikası, ekspertlərin fikirlərindən ibarət “Ayna” rəylər toplusu, Xalq Artisti Fuad PoladovlaArdı var” adlı teleproqram, “Çərçivə” adlı şeirə çəkilmiş video çarx, "Azərbaycanı dünyada necə tanıdaq" adlı jurnal və başqa bənzər layihələr.

2017-ci ildən www.Qadinkimi.Az adlı feminizm saytının təsisçisi və rəhbəridi.

Azadlıq, demokratiya, feminizm, ictimaiyyət, ədəbiyyat, mədəniyyət mövzularda saysız çıxışları var.

Heç bir partiyanın üzvü deyil.


Kitabları[redaktə | əsas redaktə]

  • “Ora” (hekayələr)
  • “Doğulacaq qadın” (şeirlər)
  • “Beyaz kürk” (hekayələr)
  • “Göy Qurşağı” (esselər)
  • “Erkəklər” (roman)
  • “Təkliyə düzəliş” (şeirlər)
  • “Azad” (akademik Azad Mirzəcanzadə haqda portret)
  • “Qadın peyğəmbər” (roman).
  • "QADIN"(The woman)
  • “Sexin poeziyası” şeirlər.