Ayvaz Həsənov

Vikipediya, azad ensiklopediya
Jump to navigation Jump to search
Ayvaz Həsənov
Ayvaz Dursun oğlu Həsənov
Ayvaz Həsənov.jpg
bayraqGürcüstan SSR Ali Sovetinin Deputatıbayraq
1975 — 1980
bayraqGürcüstan SSR Kənd Təssərüfatı Nazirinin Müavinibayraq
1975 — 1981
bayraqGürcüstan SSR Marneuli Rayon İcarayyə Komitəsinin Sədribayraq
1989 — 1990
Şəxsi məlumatlar
Doğum tarixi 2 may 1929(1929-05-02)
Doğum yeri Meşidli Gorarxı kəndi, Borçalı qəzası rayonu, Gürcüstan SSR, ZSFSR
Vəfat tarixi 1990(1990-Şablondakı doğum və ya ölüm tarixində texniki yanlışlıq var!-00)
Vəfat yeri Marneuli şəhəri, Flag of the Georgian Soviet Socialist Republic (1951–1990).svg Gürcüstan SSR SSRİ
Həyat yoldaşı Lətifə Həsənova
Uşağı Ramiz Həsənov

Ayvaz Həsənov - Gürcüstan SSR dövlət və partiya xadimi, Gürcüstan SSR Ali Sovetinin deputatı

Həyatı[redaktə | əsas redaktə]

1929-cu ildə mayın 2-də Marneuli rayonunun Meçidli Gorarxı kəndində dünyaya göz açan Ayvaz kişinin ömür salnaməsi, doğma kəndindən başlayaraq, bütün Gürcüstanı əhatə edə biləcək nadir şəxsiyyətlərə layiq bir tarixi dövrü əhatə etmişdir. Onun cismani yoxluğundakı varlığı əbədiyyətə qədər sönməz bir yolun yolçuluğunda üzü haqqa doğru hər gün yol gedən pak ruhların arasındadır.

Alın təri, iti ağlı, çevik düşüncə tərzilə seçilən adi işçi Ayvaz Dursun oğlu ali təhsil aldıqdan sonra, ilk dəfə vəzifə başında əmək fəaliyyətinə Qullar kəndindəki Atçılıq sovxozunda müdir kimi başlamışdır. Buradakı nailiyyəti onu tez bir zamanda rayonun ictimaiyyətinə tanıtdırmış və qazandığı uğur sayəsində respublika rəhbərliyinin diqqətini cəlb etmişdir. 29 yaşında bir gəncin o vaxt üçün belə tez populyarlaşması o qədər ağılabatan olmasa da, Ayvaz Dursun oğlu üçün heç vaxt heç nə çətin olmamışdır. O, 1958-ci ildən 1975-ci ilə qədər Qarayazı, Qaçağan, Marneuli, Alget kimi böyük təsərrüfatlara rəhbərlik etmiş, və vəzifənin zirvəsini 1975-ci ildə haqlaya bilmişdir. Adətən onu ilk uğrundan sonra daim geridə qalmış təsərrüfatlara rəhbər göndərərdilər ki, düzəltsə, bunu bircə Ayvaz müəllim düzəldə bilər. Respublikada qabaqcıl təsərrüfat adını almaq istəyənlər mütləq onunla məsləhətləşər, göstərdiyi yolla gedib şan-şöhrətə çata bilərdilər. 1975-ci ildə Ayvaz müəllim Gürcüstan SSR Kənd Təsərrüfatı nazirinin müavini vəzifəsinə təyin olunanda artıq onu hamı tanıyırdı. Ən çətin maneələri səbrlə aşmağı bacaran eloğlumuz həm də, sanballı bir şəxsiyyət kimi nüfuz sahibi olmuşdur. Artıq kənd təsərrüfatının bütün sahələrinə nəzarəti əlinə alan Ayvaz müəllimin bu nailiyyətləri xəbis, vəzifə düşkünü olanları narahat etməyə bilməzdir. 1981-ci ildə bu vəzifədən azad edilən Ayvaz müəllimə qonşu respublikalardan daha böyük vəzifə təklifləri gəlməyə başlamış, o cümlədən Novruz Bayramovun dediyinə görə Ümummilli liderimiz Heydər Əliyev də onun necə yüksək keyfiyyətlərə, idarəetmə qabiliyyətinə malik olduğunu bilirmiş və Tovuzun birinci katibi Həbib Həsənovdan ismarıc göndərmişdir ki, gəlsin onu Azərbaycana kənd təsərrüfatı naziri qoyaq. Lakin Ayvaz müəllim Həbib müəllimə bildirir ki, onun adından Heydər Əliyevə salamlarını çatdırsın və desin ki, o bu hörmətə görə ona dərin minnətdarlıq edir, amma həmvətənlərimi burada sahibsiz, tək qoyub gələ bilmərəm. Öz zamanında bu iltifat həddən artıq böyük əhəmiyyət daşısa da, Ayvaz Dursun oğlu həm də şəxsi həyatındakı dəyişiklikləri səmimi qəbul etmiş və vəzifə düşkünü olmadığını nümayiş etdirmişdir. Yeri gəlmişkən qeyd edək ki, sonradan həyat sübut etdi ki, o doğru addım atmış və 1989-cu ilin qorxulu, təhlükəli dövründə onu vəzifədən çıxardan hökumət də, onu geri Marneulu rayonuna İcraiyyə Komitəsinin başçısı təyin etmişdir. 1981-1989-cu illərdə yenə də əlindən gələn köməyi xalqından, dövlətindən əsirgəməmişdir. Ayrı-ayrı təsərrüfatlara rəhbərlik edən Ayvaz müəllim əvvəlki kimi yenə də zəif sovxozlara direktor təyin edilmişdir ki, o təsərrüfatda çalışanların da güzaranı yaxşılaşsın, dövlətin büdcəsi də kəsirdə qalmasın. Bu qədər gərgin işlə məşğul olan Ayvaz müəllim həm də elmi fəaliyyətindən qalmamışbır. Beləki o zəngin təcrübəsini nəzəriyyə formasında elmə gətirmiş, kənd təsərrüfatı elmləri namizədi-alimlik dərəcəsi almışdır. O, bir neçə dəfə Qurultay nümayəndəsi və Ali Sovetə deputat da seçilmişdir. Zəhməti dövlətimiz tərəfində bir neçə dəfə yüksək səviyyədə qiymətləndirilmiş, ona dövlətin ali mükafatları təqdim edilmişdir.

Haqqında deyilənlər[redaktə | əsas redaktə]

  • “Yadımdadır, biz tez-tez görüşürdük, məsləhətləşirdik. O, heyrətamiz dərəcədə prinsipial adam idi. Əgər öz sözünü dedisə, onu fikrindən döndərmək həddən artıq çətin idi. Tez-tez səmimi yoldaşlıq şəraitində mübahisə edirdi, dəlil-sübutlarını öyrənirdim, əksər hallarda Ayvazın fikrilə razılaşırdım. O, çox işgüzar, ağıllı, düşüncəli, təşəbbüskar insan, gözəl təsərrüfatçı idi. Belə şəxsiyyətlər çox da tez-tez yetişmir. Eduard Şevardnadze, Gürcüstanın sabiq prezidenti
  • Onun xarakterik xüsusiyyətləri işini dərindən bilməsi, yenilik axtarma həvəsi, müasir texnologiyanı və idarəetmə metodlarını təsərrüfata tətbiq etməsi idi. O, kəndlinin həyatı ilə yaşayırdı, kəndlinin ağrısı Ayvazın ağrısıydı. Rəhbər xadimlərlə münasibəti heyranedici idi. Mənə elə gəlir ki, onun şəxsiyyəti gürcü və azərbaycan xalqlarının qardaşlıq və dostluq etalonu idi. Cumber Patiaşvili, Gürcstan KP Mk-nın keçmiş I katibi
  • Kənd Təsərrüfatı Nazirlyində apardığımız iclaslarda müəyyən danışıqlarda onun bir rəhbər kimi sanballı və özünəməxsus mövqeyi vardı. Onda olan belə xüsusiyyətlər bizim ümumi işimizə çox yarayırdı. O, öz mövqeyini axıracan müdafiə etməyi sevərdi. Dediyini yerinə yetirirdi. Ayvaz Həsənov indi aramızda yoxdur. Onun oğulları bu görkəmli şəxsiyyətin yolunu davam etdirirlər. Bilirəm ki, onun balaları da özü kimi şərəfli mövqe tuturlar və mən bu yolda onlara uğurlar diləyirəm. Gələcək nəsillər Ayvaz həsənovu yaxşı tanıyacaqlar, çünki onun özü yaşamasa da, gördüyü təqdirəlayiq işlər qalır, ən başlıcası isə, onun həmişə qoruduğu Gürcü və Azərbaycan xalqlarının büllur kimi saf olan dostluğu qalır. Bu dostluğu babalarımızdan bizə yadigar kimi Ayvaz Həsənov da qoruyurdu və biz də onu qorumağa çalışaçağıq. Nodar Çitanava, 1975-1981-ci illərdə Gürcüstanın sabiq Kənd Təsərrüfatı Naziri

Mənbə[redaktə | əsas redaktə]

Xarici keçidlər[redaktə | əsas redaktə]