Azər Əliyev (şəhid)

Vikipediya, azad ensiklopediya
Jump to navigation Jump to search
Azər Əliyev
Azər Əliyev (şəhid).jpg
Şəxsi məlumatlar
Doğum tarixi
Doğum yeri
Vəfat tarixi (23 yaşında)
Vəfat yeri
Dəfn yeri
Vətəndaşlığı Azərbaycan Azərbaycan
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 2020
Rütbə
Azərbaycan Silahlı Qüvvələrinin Quru Qoşunlarının əsgəri.png Əsgər
Döyüşlər Vətən müharibəsi
 • Füzuli döyüşləri
 • Cəbrayıl döyüşləri
 • Xocavənd döyüşləri
Təltifləri "Cəsur döyüşçü" medalı — 2020

Azər Dilafət oğlu Əliyev və ya rəsmi sənədlərdə Azər Dilafər oğlu Əliyev (1 noyabr 1997, Yuxarı Qiyaməddinli, Ağcabədi rayonu28 yanvar 2021, Azərbaycan) — Azərbaycan Silahlı Qüvvələrinin əsgəri, Vətən müharibəsi şəhidi.

Həyatı[redaktə | əsas redaktə]

Azər Əliyev 1 noyabr 1997-ci ildə Ağcabədi rayonunun Yuxarı Qiyaməddinli kəndində anadan olmuşdur.[1]

Hərbi xidməti[redaktə | əsas redaktə]

Orta məktəbi bitirdikdən sonra hərbi xidmətə yollanan Azər Əliyev hərbi xidmət müddəti bitdikdən sonra müddətdən artıq həqiqi hərbi xidmət qulluqçusu olmuşdur.

İkinci Qarabağ müharibəsində iştirakı[redaktə | əsas redaktə]

Azərbaycan Ordusunun əsgəri olan Azər Əliyev 2020-ci il sentyabrın 27-dən Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində iştirak etmişdir. Füzulinin, CəbrayılınXocavəndin azadlığı uğrunda gedən döyüşlərdə vuruşmuşdur. 15 oktyabr 2020-ci ildə Xocavənd istiqamətində gedən döyüşlərdə döyüş tapşırığını yerinə yetirərkən ağır yaralanmış və xəstəxanaya yerləşdirilmişdir.

Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən Azər Əliyev "Cəsur döyüşçü" medalı ilə təltif edildi.[2]

Uzun müddət koma vəziyyətində olan Azər Əliyev 28 yanvar 2021-ci ildə müalicə aldığı xəstəxanada şəhid olmuşdur.[3] 29 yanvar 2021-ci ildə doğulduğu Ağcabədi rayonunun Yuxarı Qiyaməddinli kəndində torpağa tapşırılmışdır.

Ailəli idi, bir azyaşlı qızı və şəhid olmasından sonra doğulan[4] Əli adlı oğlu yadigar qaldı.

Təltifləri[redaktə | əsas redaktə]

Xatirəsi[redaktə | əsas redaktə]

2021-ci ildə Ağcabədi rayonunun Yuxarı Qiyaməddinli kəndinin küçələrindən birinə Azər Əliyevin adı verilib. Bundan başqa, həmin kənddə onunla birgə iki şəhidin - Sahil Məmmədov və Sənan Miriyevin xatirəsi əbədiləşdirilərək onlara abidə ucaldılıb. Yuxarı Qiyaməddinli kəndinin başlanğıcında və Arazbar kəndinin qurtaracağında ArazbardanYuxarı Qiyaməddinlidən olan Vətən müharibəsi şəhidlərinə abidə ucaldılıb, şəkilləri və adları həkk olunub.

İstinadlar[redaktə | əsas redaktə]

  1. "Dərdini danar ağlar - Məhsəti Musa şəhid Azər Əliyevi anır". 525.az (525-ci qəzet)(azərb.)). 03.03.2021. İstifadə tarixi: 23.03.2021.
  2. Azərbaycan Prezidentinin saytı (18.12.2020). "Azərbaycan Silahlı Qüvvələrinin hərbi qulluqçularının "Cəsur döyüşçü" medalı ilə təltif edilməsi haqqında Azərbaycan Prezidentinin 18.12.2020-ci il tarixli Sərəncamı". www.president.az(azərb.)). 2020-12-18 tarixində arxivləşdirilib. İstifadə tarixi: 18.12.2020.
  3. Vətən müharibəsində yaralanmış MAXE şəhid olub. Report.az. 29.01.2021.
  4. Real TV (29.04.2021). "Dünyaya göz açan şəhid oğlu". www.youtube.com (YouTube social white squircle.svg YouTube portalı / "REAL TV" səhifəsi) (azərb.). İstifadə tarixi: 12.05.2021.
  5. Normativ hüquqi sənədlərin vahid internet bazası (18.12.2020). "Azərbaycan Silahlı Qüvvələrinin hərbi qulluqçularının "Cəsur döyüşçü" medalı ilə təltif edilməsi haqqında Azərbaycan Prezidentinin 18.12.2020-ci il tarixli Sərəncamı". www.e-qanun.az(azərb.)). 2020-12-18 tarixində arxivləşdirilib. İstifadə tarixi: 18.12.2020.