Azər Həsənsoy

Vikipediya, azad ensiklopediya
Jump to navigation Jump to search
Azər Həsənsoy
Azər Həsənsoy.jpg
Doğum tarixi 15 iyun 1960(1960-06-15)
Doğum yeri Şəki
Vətəndaşlığı Azərbaycan Azərbaycan
Milliyyəti azərbaycanlı
Təhsili Azərbaycan Dövlət Universiteti

Azər Həsənsoy (azərb. Azər Həsənsoy‎; d.15 iyun 1960, Şəki) — Azərbaycanın İdman xadimi, Azərbaycan Uşu Federasiyasının Prezidenti.[1] Azərbaycan MuayTay - Tay Boksinq Federasiyasının Prezidenti. Azərbaycan Döyüş Federasiyaları Assosiasiyasının Prezidenti.

Həyatı[redaktə | əsas redaktə]

Təhsili[redaktə | əsas redaktə]

Azər Həsənsoy 15 iyun 1960-cı ildə Şəki şəhərində anadan olmuşdur. 1978-ci ildə Azərbaycan Dövlət Universitetinin tətbiqi–riyaziyyat fakültəsində təhsil almışdır. Məktəb illərində stolüstü tennisbasketbol bölmələri ilə məşğul olmuşdur.

Fəaliyyəti[redaktə | əsas redaktə]

1978–ci ildən Dinamo cəmiyyətində karate bölməsində məşqlərə başlamışdır. 1984–cü ildə SSRİ-də karate bölmələri qadağan edildikdən sonra uşu ilə məşğul olmağa başlayıb. 1989-1991-ci illər hər biri 3 ay olmaqla uşu üzrə seminarda iştirak etmişdir. Dağıstan Pedaqoji İnstitutunun uşu üzrə təlimatçı-məşqçi diplomunu almışdır. 1989–cu ildə SSRİ də yeganə olan "Savalan" Mədəniyyət İdman Mərkəzini 3 idman yoldaşı ilə yaradır və direktoru təyin edilir. Bu mərkəzdə uşu, taekvondo, nyatnam, vyetvadao, karate, tətbiqi döyüş növləri üzrə 5 zalda məşqlər keçirilirdi. 1990–cı ildə SSRİ kuboku və 1991-ci ildə SSRİ uşu çempionatında tələbələri qızıl gümüş medallar qazanır.[1]

Azər Həsənsoy 1989-1994–cü illərdə Beynəlxalq turnirlərdə və Avropa Çempionatında hakimlik etmişdir. 1991-ci ildə İTF taekvondo üzrə ilk seminarı təşkil edir. 1991-ci ildə “Bozqurd” Azərbaycan Şərq Döyüş Sənətləri Federasiyasını təsis edir və prezidenti seçilir. 1992-ci ildə isə Azərbaycan Taekvondo Federasiyasını təsis edir və vitse-prezidenti seçilir. 1993-cü ildə ilk dəfə Azərbaycan idmançıları Malayziyada uşu üzrə Dünya çempionatında iştirak edir və 1 gümüş 1 bürünc medallar qazanır. Azər Həsənsoy 1993-cü ildə Azərbaycanda ilk dəfə peşəkarlar arasında turniri təşkil edir. 1993-cü ildə Azərbaycanda ilk dəfə kikboksinq üzrə Asiya Çempionatında 4 idmançı ilə iştirak edir və idmançılar 3 bürünc medal qazanır. Elə orada Asiya Kikboksinq Federasiyasının Vitse-Prezidenti seçilir. Həmin il Azərbaycanda ilk kikboksinq bölmələrini yaradır və 1994-cü ildə kikboksinq üzrə “1-ci respublika məşqçilər seminarını” keçirir. 1994-cü ildə Azərbaycan Uşu Federasiyasını (AUF) və Azərbaycan Kikboksing Federasiyasını (AKF) təsis edir və prezidenti seçilir. O, 1993-2004–cü ilədək kikboksinq üzrə yığma komandanın baş məşqçisi olmuşdur.[1]

Azər Həsənsoy 1996-cı ildə muaytay üzrə ilk seminarı keçirərək bu döyüş növünün Azərbaycanda əsasını qoyur və inkişaf etdirməyə başlayır. Həmin il AKF-nin adında dəyişiklik edilərək Azərbaycan Kikboksinq və Muaytay Federasiyası adlanır. O, 1998-ci ildə Azərbaycan Döyüş Federasiyaları Assosiasiyasının təsis komitəsinin rəhbəri və təsis edildikdə Assosisiyanın Prezidenti seçilir. 2001-2006-cı illərdə Taylandda keçirilən Beynəlxalq seminarlarda iştirak edir. 2008-ci ildə Azərbaycan Kikboksinq və Muaytay Federasiyası yenidən təşkil edilərək Azərbaycan Muaytay-Tayboksinq Federasiyası adlanır.

Azər Həsənsoy Avropa Uşu Federasiyasının İdarə Heyətinin üzvüdür. O, həmçinin “Döyüş sənətinin izi ilə” tarixi kitabının da müəllifidir.

Təltif və medalları[redaktə | əsas redaktə]

  • 1982-ci ildə SSRİ İdman Ustalığı adına namizəd, 19831984-cü illərdə Kali şəhərində yaşadığı müddətdə SSRİ İdman Ustası adına layiq görülüb.
  • 1993-cü ildə "Azərbaycan Respublikasının Əməkdar Məşqçisi" adına layiq görülüb.
  • Praktiki və nəzəri imtahanların, həmçinin, tələbələrinin Dünya Çempionatındakı yüksək nəticələrinə görə 2006-cı ildə 14 Xan dərəcəsinə ( "Gümüş Monkon" ), arjan ("Ustad" ) adına layıq görülüb.
  • Krabi Krabonq (tailand qılıncı) üzrə 13 Xan dərəcəsinə sahibdir.
  • 2005-2006–cı illərdə Kikboksinq üzrə Dünya Çempionatında veteranlar arasında 2 qızıl 1 gümüş medallar qazanıb.
  • 2006-ci ildə Uşu üzrə Ənənəvi Dünya Çempionatında “şaolin çuan” növündə qızıl medal qazanaraq Dünya Çempionu olmuşdur.
  • Dao şu (sivri qılınc) növündə isə gümüş medal qazanır. Bu Azərbaycan komandasının uşu-tao üzrə Dünya Çempionatında ilk medalları idi.
  • 2007-2009-cu illərdə Honq Konqda Beynəlxalq festivalda şaolin çuan, daoşu və tayçiçuan üzrə 4 qızıl, 2 gümüş medallar qazanmışdır.
  • 2009-cu ildə Çin Uşu Assosiasiyası tərəfindən növbəti 6-cı Duan adına layıq görülmüşdür.
  • 2010-cu ildə Ənənəvi Uşu üzrə IV Dünya Çempionatında 1 qızıl 1 gümüş medal qazanıb.
  • 2017-ci ildə “Avropa Uşu medalı”  ilə təltif olunmuşdur.
  • Azərbaycan Respublikası Prezidenti tərəfindən “Azərbaycanın Əməkdar Bədən tərbiyəsi və İdman xadimi” fəxri adına layiq görülmüşdür.

Azər Həsənsoyun onlarla tələbəsi Dünya və Avropa Çempionatının qalibləri, mükafatçıları olmuşdur. O, hər il müntəzəm olaraq uşu, kikboksinq və muaytay üzrə seminarlar keçirərək bu döyüş növləri üzrə məşqçilər yetişdirmişdir.[1]

İstinadlar[redaktə | əsas redaktə]

  1. 1 2 3 4 ""Azər Həsənsoy: Müstəqil Azərbaycanda döyüş növləri üzrə ilk qızıl medal uşu-sanda üzrə qazanılıb"" (Azərbaycan). azertag.az. 10 avqust 2019 tarixində orijinalından arxivləşdirilib.