Azər Tağıyev (vəkil)

Vikipediya, azad ensiklopediya
Jump to navigation Jump to search
Azər Tağıyev
Azər Cabir oğlu Tağıyev
Azər Tağıyev.jpg
bayraqAzərbaycan Respublikasının Vəkillər Kollegiyasının 1-ci sədribayraq
3 noyabr 2004 — 7 dekabr 2017
Sələfi təsis edilib
Xələfi Anar Bağırov
Şəxsi məlumatlar
Doğum tarixi
Doğum yeri Şəki, Azərbaycan SSR, SSRİ
Vəfat tarixi (70 yaşında)
Vəfat yeri Bakı, Azərbaycan
Təhsili Azərbaycan Dövlət Universiteti Hüquq fakültəsi

Təltifləri "Azərbaycan Respublikasının əməkdar hüquqşünası" fəxri adı — 2008

Azər Cabir oğlu Tağıyev (25 aprel 1948, Nuxa30 aprel 2018, Bakı) — azərbaycanlı vəkil, Azərbaycan Respublikasının əməkdar hüquqşünası, Mərkəzi Seçki Komissiyasının üzvü, Azərbaycan Respublikasının Vəkillər Kollegiyasının sabiq sədri.[1][2][3]

Həyatı[redaktə | mənbəni redaktə et]

Azər Tağıyev 25 aprel 1948-ci ildə Şəki şəhərində anadan olmuşdur.[3]

Təhsili[redaktə | mənbəni redaktə et]

Orta məktəbi bitirdikdən sonra o, 1967–1973-cü illərdə Azərbaycan Dövlət Universitetinin hüquq fakültəsində ali təhsil almışdır.[1]

Karyerası[redaktə | mənbəni redaktə et]

1974-cü ildə Azərbaycan SSR Vəkillər Kollegiyası üzvlüyünə qəbul olunaraq Bakı şəhəri 14 saylı hüquq məsləhətxanasında vəkillik fəaliyyətinə başlamışdır. 1980-ci illərin əvvəlində Vəkillər Kollegiyası Rəyasət Heyətinin üzvü, 1980-ci illərin sonunda Rəyasət Heyətinin sədr müavini, 1995-ci ildə isə Vəkillər Kollegiyası Rəyasət Heyətinin sədri seçilmişdir.

2004-cü il 3–4 noyabr tarixində Bakı şəhərində Təsis Yığıncağı keçirilərək, Azərbaycan Respublikasının yeni Vəkillər Kollegiyası yaradılmış və o, 7 dekabr 2017-ci ilədək Kollegiyaya rəhbərlik etmişdir.

26 iyun 1998-ci ildə Mərkəzi Seçki Komissiyasına üzv təyin edilmiş və vəfat edənə qədər Komissiyanın işində fəal iştirak etmişdir.

Ölümü[redaktə | mənbəni redaktə et]

Azər Tağıyev uzun sürən xəstəlikdən sonra, 30 aprel 2018-ci ildə vəfat etmişdir.

Mükafatları[redaktə | mənbəni redaktə et]

Azərbaycan Respublikasının Prezidentinin 24 aprel 2008-ci il tarixli Sərəncamı ilə Azər Tağıyevə əməkdar hüquqşünas fəxri adı verilib. O, Azərbaycan Respublikası Vəkillər Kollegiyasının "Fəxri fərmanı" və "Fəxri diplomu" ilə təltif edilib, ona Azərbaycan Respublikası Vəkillər Kollegiyasının "Fəxri Hüquq Doktoru" və "Fəxri vəkil" adları verilib, onun adı Kollegiyanın "Vəkillərin Şərəf Kitabı"na daxil edilib.[3]

İstinadlar[redaktə | mənbəni redaktə et]