Azərbaycan İslam Partiyası

Vikipediya, azad ensiklopediya
Jump to navigation Jump to search
Azərbaycan İslam Partiyası

Azərbaycan İslam Partiyası
Sədri Mövsüm Səmədov
Hacı İlham Əliyev (sədr əvəzi)[1]
Qurucu Hacı Əlikram
Lideri Mövsüm Səmədov
Quruluş tarixi 1991 (faktiki)
1992 (hüquqi)
Dağılma tarixi 1995 (hüquqi)
Baş qərargah
İdeologiya İslam (Şiəlik)
Mətbuat orqanı Yeni nəbz qəzeti
Saytı www.islaminsesi.org
Vikianbarın loqosu Vikianbarda əlaqəli mediafayllar

Azərbaycan İslam Partiyası və ya qısa adı ilə AİP — Azərbaycanda 1991-ci ildən etibarən faktiki olaraq və 1992–1995-ci illərdə hüquqi olaraq fəaliyyət göstərən islamçı siyasi partiya.

Partiyanın 1995-ci ildən bəri qadağan olmasına baxmayaraq, dövlət tərəfindən (Misirdəki Müsəlman qardaşlar və Türkiyədəki Fətullah Gülən hərəkətlərin əksinə) cinayət təşkilatı və terror təşkilatı elan edilməyib. Beləcə faktiki fəaliyyəti qadağan edilmədi.

Buna görə, ictimai qayda və Azərbaycan qanunları pozulmadıqda, de-fakto partiyaya üzv olmaq, fəaliyyətləri və bayrağını və emblemini saxlamaq, cinayət sayılmır.

Tarixi[redaktə | mənbəni redaktə et]

Azərbaycan İslam Partiyası 1991-ci ildə Nardaran qəsəbəsində təsis edilmiş[2] və 20 sentyabr 1992-ci ildə dövlət qeydiyyatına alınmışdır.[2][3]

1995-ci ildə partiya sədri Hacı Əlikram və müavini İrana casusluqda ittiham olunaraq həbs edilmiş və partiyanın dövlət qeydiyyatı da Azərbaycan Respublikası Ali Məhkəməsi tərəfindən ləğv edilmişdir.[2]

Partiyanın qurucularından olan Hacı Kəblağa 1998-ci ildə, partiya sədrinin müavini Hacı Vaqif Abdullayev isə 12 iyul 2012-ci ildə həbsxanada vəfat etmişdir.

2013-cü ildə partiyanın gənc fəalları Nida Vətəndaş Hərəkatını yaratmış və ictimai-siyasi fəaliyyətlə məşğul olmuşlar. Lakin 2013-cü il Azərbaycan Respublikası prezidenti seçkiləri ərəfəsində razılığa gələ bilməyən AİP və Yeni Nida Vətəndaş Hərəkatı arasında fikir ayrılığı yaranmışdır. AİP Ədalət Partiyasının sədri və prezidentliyə namizəd İlyas İsmayılovu, Yeni Nida isə Milli Şuranı və namizədi Cəmil Həsənlini dəstəklədiyini bəyan etmişdir.[3][4][5][6]

Mövcud rəhbərlik[redaktə | mənbəni redaktə et]

# Adı Vəzifəsi
1 Mövsüm Səmədov Sədr
2 Hacı İlham Əliyev Sədrin birinci muavini (sədr əvəzi)
3 Vüqar İbayev Sədr muavini (təşkilati məsələlər üzrə)
4 Akif Heydərli Sədr muavini (siyasi məsələlər üzrə)

Rəmzləri[redaktə | mənbəni redaktə et]

Partiyanın emblemi dairəvi formada ləfzi-cəlalə kəliməsi("Allah" yazısı) həkk olunmuş dini nişandır. Bayraq isə həmin emblemin ağ parça üzərində həkk olunmuş formasıdır.

Partiya qərargahı[redaktə | mənbəni redaktə et]

Bakı şəhəri, Hidayətzadə küçəsi, ev 51.

Partiyanın əsas-baş qərargahı 2013-cü ildən Bakı şəhəri, Nəsimi rayonu, Abbas Səhhət küçəsi ev 18-də yerləşir.

AİP Xocalı soyqırımının 20-ci ildönümü ilə əlaqədar ümumxalq yürüşündə

Mənbə[redaktə | mənbəni redaktə et]

  • AİP. "Keçmişdən gələcəyə" (siyasi düçüncələr, müsahibələr, xatirələr). Bakı — 2012. 188 səh. şəkilli

İstinadlar[redaktə | mənbəni redaktə et]

  1. ↑ "Elçin Manafov vəzifəsindən istefa etdi, AİP-in yeni sədri..." ( (az.)). islamazeri.az. 2015-08-26. 2015-08-09 tarixində arxivləşdirilib. İstifadə tarixi: 2015-08-09.
  2. ↑ 1 2 3 İlkin Məmmədov. "Doktor Səmədov" ( (az.)). Bakı: azadliq.org. 2011-01-11. 2015-01-05 tarixində arxivləşdirilib. İstifadə tarixi: 2015-01-05.
  3. ↑ 1 2 K. Orxan. "Akif Heydərli: "İlyas İsmayılov olmasaydı AİP-i dövlət qeydiyyatına almazdılar" (MÜSAHİBƏ)" ( (az.)). ru.salamnews.org. 2013-09-11. 2015-01-20 tarixində orijinalından arxivləşdirilib. İstifadə tarixi: 2015-01-21.
  4. ↑ "«Rifah»dan AİP-ə sərt ittihamlar" ( (az.)). jam.az. 2013-11-04. 2015-01-20 tarixində orijinalından arxivləşdirilib. İstifadə tarixi: 2015-01-21.
  5. ↑ "Yeni yaranan islamçı hərəkatdan İsa Qəmbərə dəstək" ( (az.)). virtualaz.org. 2013-06-12. 2015-01-20 tarixində arxivləşdirilib. İstifadə tarixi: 2015-01-21.
  6. ↑ "İslam Partiyasının seçki qərarı ortalığı qarışdırdı" ( (az.)). musavat.com. 2013-09-08. 2015-01-20 tarixində arxivləşdirilib. İstifadə tarixi: 2015-01-21.
Mənbə — "https://az.wikipedia.org/w/index.php?title=Azərbaycan_İslam_Partiyası&oldid=6609096"