Azərbaycan (jurnal, Polşa)
| Azərbaycan |
|---|
Azərbaycan jurnalı (pol. Azerbejdżan czasopismo ) Polşada Polyak və Azərbaycan dillərində nəşr olunur. Jurnalın ilk sayı 2011-ci il oktyabr ayında işıq üzü görüb.[1] Jurnalın baş redaktoru jurnalist Şövqi Vaqifoğludur[2] və təsisçilik hüququ onun sahib olduğu "Alternative" firmasına məxsusdur. Dövriliyi iki ayda bir dəfədir. Jurnalın ilk buraxılışı 40 səhifədən ibarət olub və Polşanın müxtəlif şəhərlərində pulsuz paylanıb.
"Azərbaycan" jurnalı Polşada Azərbaycanla bağlı informasiya boşluğunu aradan qaldırılması, Azərbaycanın tarixi, mədəniyyəti, incəsənəti, milli dəyərlərinin təbliği üçün nəşr edilir. Jurnalla bağlı ilkin hüquqi və yaradıcılıq işləri təxminən üç ay intensiv şəkildə aparılıb. Dərgi "Alternative" şirkətinin maliyyəsi ilə çap olunur. 2011-ci il oktyabrın 18-də Varşavada Azərbaycanın Dövlət Müstəqilliyi Günü ilə birlikdə jurnalın təqdimat mərasimi[3] təşkil edilib.[4] Gələcəkdə jurnalın Alman dilinə də tərcümə olunaraq yayım coğrafiyasının genişləndiriləcəyi nəzərdə tutulur.