Azərbaycan 1993 Güləş üzrə Avropa Çempionatında

Vikipediya, açıq ensiklopediya
Jump to navigation Jump to search

Azərbaycan 1993-cü ildə Türkiyənin İstanbul şəhərində baş tutan Güləş üzrə Avropa Çempionatında. Çempionata 5 güləşçi ilə qatılan Azərbaycan 1 qızıl və 2 gümüş medal qazandı; Natiq Eyvazov yarışların çempionu oldu, Əsəd Əliyevİlham Abbasov isə gümüş medal qazandı. Bu nəticə ilə Azərbaycan ümumi medal sıralanmasında 5-ci yeri tutdu.

Nəticələri[redaktə | əsas redaktə]

Medal Medalçı Yarış növü
Gold medal europe.svg
Natiq Eyvazov Yunan-roma güləşi, 52 kiloqram çəki dərəcəsi
Silver medal europe.svg
İlham Abbasov Sərbəst güləş, 62 kiloqram çəki dərəcəsi
Silver medal europe.svg
Əsəd Əliyev Yunan-roma güləşi, 74 kiloqram çəki dərəcəsi

Avropa Çempionatında sərbəst güləşçilərdən Azərbaycanı Əsəd Umudov, Əsgərxan Novruzovİlham Abbasov təmsil etdi. Onlardan 48 kiloqram çəki dərəcəsində yarışan Əsəd Umudov 7-ci yeri, 52 kiloqram çəki dərəcəsində yarışan Əsgərxan Novruzov 6-cı yeri tutdu. 62 kiloqram çəki dərəcəsində mübarizə aparan İlham Abbasov isə finala gədər bütün rəqbilərini məğlub etsə də, həlledici görüşdə Rusiya Federasiyasının nümayəndəsi Məhəmməd Əzizova uduzdu və Avropa Çempionatının gümüş medalını qazandı. Abbasov həmdə güləş üzrə Avropa Çempionatları tarixində Azərbaycana medal qazandıran birinci sərbəst güləşçi oldu. Bir gümüş medal qazanan sərbəst güləş üzrə Azərbaycan yığması medal sıralanmasında 7-ci yeri tutdu.

Yunan-roma güləşi üzrə yarışlarda isə Azərbaycanı Natiq EyvazovƏsəd Əliyev təmsil etdi. 74 kiloqram çəki dərəcəsində çıxış edən Əsəd Əliyev finalda Rusiya güləşçisi Beslan Tsaqiyev ilə görüşdə məğlub oldu və çempionatın gümüş medalını qazandı. 52 kiloqram çəki dərəcəsində mübarizə aparan Natiq Eyvazov isə Ukrayna güləşçisi Andrey Kalaşnikov üzərində qələbə qazandı və güləş üzrə Avropa Çempionatları tarixində Azərbaycana birinci qızıl medalı qazandırdı. 1 qızıl və 1 gümüş medala sahib olan yunan-roma güləşi üzrə Azərbaycan yığması Avropa Çempionatında Rusiya yığmasından sonra qitənin ikinci ən güclü yığması oldu.