Azərbaycan Beynəlxalq Turizm və Səyahətlər sərgisi

Vikipediya, azad ensiklopediya
Jump to navigation Jump to search
AITF logo.jpg

Azərbaycan Beynəlxalq Turizm və Səyahətlər Sərgisi (qısaca: AITF) — Hər il Azərbaycan Respublikasında keçirilən turizm sənayesi üzrə aparıcı tədbirlərdən biri[1]. İşgüzar turizm qovşağı (“hub”) kimi fəaliyyət göstərən “AITF” sərgisi mühüm görüşlərin keçirildiyi, müqavilələrin imzalandığı, habelə yeni proqram və istiqamətlərin elan edildiyi məkandır. Respublika rəhbərliyi tərəfindən həm turizmə həm də “AITF” sərgisinə göstərilən xüsusi diqqət turizm sahəsinin biznes əlaqələrinin inkişafına əlavə təkan verir. Son bir neçə ildir ki, Azərbaycan Respublikasının Prezidenti cənab İlham Əliyev bu sərgini ziyarət edir, sərgi ekspozisiyaları və iştirakçıları ilə tanış olur. Təşkilatçısı "Iteca Caspian LLC" şirkətidir[2]. Yarandığı gündən etibarən “AITF” sərgisi Azərbaycan Respublikası Mədəniyyət və Turizm Nazirliyinin tərəfindən dəstəklənir.

Tarixi və iştirakçıları[redaktə | əsas redaktə]

Keçirildiyi illər ərzində Azərbaycan Beynəlxalq turizm və səyahətlər sərgilərində dünyanın 40-dan çox ölkəsindən təxminən 2500 şirkət iştirak edib[1]. İlk sərgi 2002-ci ildə keçirilmişdir. Həmin sərgidə 5 ölkədən 26 şirkət iştirak edirdisə, sonrakı illərdə müsbət dinamika əldə olunub[1]. 2016-ci ildə keçirilmiş XV yubiley sərgisində 40 ölkədən 200-dən artıq şirkət iştirak etmişdir[1]. 2017-ci ildə sərgi dünyanın 22 ölkəsini təmsil edən 272 şirkəti bir araya toplamaqla, 90-dan artıq müxtəlif xarici turizm istiqamətini, eləcə də ölkə daxilində istirahət imkanlarını yenidən ziyarətçilərin diqqətinə təqdim etdi. Sərgidə 17 milli və regional stend təmsil olunub. 2018-ci ildə AITF sərgisi 5-7 aprel tarixlərində Bakı Ekspo Mərkəzində keçiriləcək.

Nüfuzu[redaktə | əsas redaktə]

Müstəqil auditin məlumatlarına əsasən, bu sərgi regionda ölkə, şirkət və turizm marşrutlarının sayı üzrə bütün digər turizm sərgiləri arasında birinci yeri tutmuşdur[1]. Belə ki, bu sərgi keçirildiyi illər ərzində bütövlükdə Xəzəryanı regionda mühüm tədbirlərin təşkil olunduğu, tərəfdaşlıq müqavilələrinin imzalandığı, habelə yeni proqram və istiqamətlərin elan edildiyi əsas turizm tədbirinə çevrilib, bu sənaye sahəsinin qovşağı statusunu qazanıb[1].

Sərgi Ümumdünya Sərgi Sənayesi Assosiasiyası tərəfindən təşkilat səviyyəsinin auditindən keçmiş və ona "UFİ tərəfindən bəyənilmişdir" nişanı verilmişdir[2].

İstinadlar[redaktə | əsas redaktə]

  1. 1 2 3 4 5 6 İlham Əliyev “AITF-2016” XV Azərbaycan Beynəlxalq turizm və səyahətlər sərgisi ilə tanış olub. president.az, 08.04.2016  (azərb.)
  2. 1 2 ŞİRKƏT HAQQINDA. iteca.az  (azərb.)

Xarici keçidlər[redaktə | əsas redaktə]