Azərbaycan Dövlət İqtisad Universitetinin Beynəlxalq əlaqələr departamenti

Vikipediya, açıq ensiklopediya
Jump to navigation Jump to search

Beynəlxalq əlaqələr departamentiAzərbaycan Dövlət İqtisad Universitetinin departamenti.[1]

Haqqında[redaktə | əsas redaktə]

Azərbaycan Dövlət İqtisad Universitetinin (ADİU) qarşısında duran beynəlxalq səviyyədəki vəzifələrin həllində və yeni beynəlxalq əlaqələrin qurulmasında əsas və təşəbbüskar rolu Beynəlxalq əlaqələr departamenti oynayır. Beynəlxalq əlaqələr departamenti 1 noyabr 2014-cü ildə ADİU-nun Beynəlxalq əlaqələr şöbəsi əsasında yaradılmışdır.

Tarixi[redaktə | əsas redaktə]

ADİU-nun “Beynəlxalq əlaqələr” şöbəsi 2000-ci ildən fəaliyyət göstərir. 2004-cü ilin noyabr ayından xarici ölkə universitetləri ilə ikitərəfli münasibətlərin qurulması və ümumiyyətlə beynəlxalq standartlara uyğunlaşmada aparılan işlərin səmərəli təşkilində müasir informasiya texnologiyalarının müstəsna rolunu nəzərə alaraq şöbə “Beynəlxalq əlaqələr və informasiya texnologiyaları” şöbəsi adlandırıldı. Azərbaycan Dövlət İqtisad Universiteti rəhbərliyinin siyasəti nəticəsində “Beynəlxalq əlaqələr” şöbəsi tərəfindən Universitetin nüfuzunun artırılması, Avropa və dünya təhsil standartlarına uyğunlaşması istiqamətində mühüm işlər görülmüş, universitet rəhbərliyi tərəfindən aparılan siyasətə və dünya standartlarına uyğun olaraq universitetin əməkdaşlıq etdiyi beynəlxalq təşkilatlar, fondlar, kommersiya təşkilatları, dövlət qurumları, təhsil mərkəzləri və xarici universitetlərlə əlaqələri genişlənmiş, yeni layihə və tədbirlər hazırlamış və görüşlər həyata keçirilmişdir. Şöbə tərəfindən Azərbaycan Dövlət İqtisad Universitetini beynəlxalq aləmdə tanıtmaq və nüfuzunu artırmaq istiqamətində görülmüş işlərin nəticəsi olaraq 2006-cı ildə Beynəlxalq Reytinq Texnologiyaları Akademiyası (Ukrayna, Kiyev) ADİU-nu “Qızıl Fortuna” XXI əsrin keyfiyyət nişanı (stella) ilə təltif etmişdir. 2007-ci ildə isə Universitet və universitetin rektoru prof.Ş.H.Hacıyev Sokrat adına Beynəlxalq mükafat və Avropa Keyfiyyəti mükafatına layiq görülmüşdür. Bu mükafatlar Avropa Biznes Assambleyası, Avropa Universitetləri, Avropa Rektorları Klubu və Oksford Universiteti tərəfindən təsis olunmuşdur (Oksford, Böyük Britaniya; Vyana, Avstriya). Bu mükafat Azərbaycan Dövlət İqtisad Universitetini Avropanın qabaqcıl universitetləri sırasına daxil etmişdir. ADİU innovasiya strategiyası əsasında Boloniya prosesinə fəal qoşulmuş, 20052008-ci illər ərzində Avropa Universitetlər Assosiasiyasına (EUA), Universitetlərin Beynəlxalq Assosiasiyasına (IAU), İslam Dünyasının Universitetləri Federasiyasına (FUIW), Avrasiya Universitetlər Assosiasiyasına (EAU), Qara Dəniz Ölkələri Universitetləri Assosiasiyasına üzv qəbul olunmuşdur.

Beynəlxalq əlaqələr şöbəsinin fəaliyyəti çərçivəsində beynəlxalq proqram və layihələrdə iştirak mühüm yer tutmuşdur. Tərəfdaş olduğumuz beynəlxalq proqramların ən uğurlusu kimi TEMPUS proqramını qeyd etmək olar. Belə ki, 2013-cü ildə ADİU-nun “Beynəlxalq əlaqələr sahəsində universitet idarəçiliyinin inkişaf etdirilməsi və təkmilləşdirilməsi” mövzusunda TEMPUS Layihəsi Avropa Komissiyası tərəfindən qalib elan olunmuşdur və Layihənin icrası üçün 654.000 Avro məbləğində qrant ayrılmışdır. Bununla da, ADİU ilk dəfə olaraq TEMPUS proqramının qalibi olmuşdur.

Beynəlxalq əlaqələr departamenti ali təhsil, ali məktəbdən sonrakı ixtisas təhsili sahəsində, habelə ali məktəblərin elmi fəaliyyəti sahəsində beynəlxalq əməkdaşlığın əsas istiqamətlərini müəyyənləşdirir, onların yerinə yetirilməsi üçün işlərin koordinasiyası ilə məşğul olur. Beynəlxalq əlaqələr departamenti universitet rəhbərliyi tərəfindən aparılan siyasətə və öz əsasnaməsinə uyğun olaraq əməkdaşlıq etdiyi beynəlxalq təşkilatlar, fondlar, kommersiya təşkilatları, dövlət qurumları, təhsil mərkəzləri və xarici universitetlərlə əlaqələri genişləndirir, yeni layihə və tədbirlər hazırlayır və görüşlər həyata keçirir.

Respublikada və xarici ölkə universitetlərində (əməkdaşlıq etdiyimiz universitetlər daxil olmaqla) təşkil olunan konfrans, simpozium və seminarlar haqqında məlumatlar ADİU-nun tələbə və müəllim kollektivinin diqqətinə çatdırılır və onlara həmin tədbirlərdə iştirak etmək üçün Beynəlxalq əlaqələr departamenti tərəfindən lazımi köməklik göstərilir. Xarici İşlərTəhsil Nazirlikləri, Rabitə və İnformasiya Texnologiyaları Nazirliyi və digər dövlət qurumları və xarici universitetlər tərəfindən təhsil almaq üçün ayrılmış yer və təqaüdlər haqqında məlumat və elanlar universitet kafedra və fakültələrinə bildirilir, şöbə tərəfindən müsabiqədə iştirak edən namizədlərin sənədləri toplanılaraq müvafiq təşkilatlara göndərilir.

Beynəlxalq əlaqələr departamenti ADİU-nun professor-müəllim heyətinin, aspirantlarının, tələbələrinin və digər əməkdaşlarının dövlət xətti və ya universitetlərarası razılaşma yolu ilə ezamiyyətinin bütün formaları üzrə namizədlərin seçilməsinə və onların sənədlərinin hazırlanmasına məsləhət və köməklik göstərir, xarici dövlətlərin universitetlərindən ADİU-ya mühazirə oxumaq, staj keçmək, elmi-tədqiqat işləri aparmaq, beynəlxalq konqreslərdə, sempoziumlarda iştirak etmək üçün gəlmiş professorların, müəllimlərin, stajkeçənlərin, tələbələrin və yaradıcı kollektivlərin qəbulunu təşkil edir.

Xarici universitet tələbələrinin ADİU-ya cəlb olunması, əməkdaşlıq haqqında müqavilələri hazırlamaq, xarici universitet kurslarının təşkil olunması, distant və online təhsil sisteminin tətbiq olunması, təhsilin müasir vasitə və metodları haqqında proqramlar hazırlamaq Beynəlxalq əlaqələr departamentinin əsas fəaliyyət istiqamətlərini təşkil edir.

Departament çalışdığı sahə üzrə Azərbaycan Respublikası Təhsil Nazirliyinin qurumları, nazirliklər, biznes strukturları, beynəlxalq təşkilatların xaricdə və Azərbaycanda yerləşən nümayəndəlikləri və xarici dövlətlərin səfirlikləri ilə, habelə xarici vətəndaşların pasport-viza qeydiyyatını təşkil etmək məqsədi ilə XİNDİN ilə qarşılıqlı surətdə iş aparır.

Azərbaycan Respublikasının qanunverici və icraedici orqanlarının sənədləri əsasında beynəlxalq əlaqələrin həyata keçirilməsi üçün tövsiyyələr hazırlamaq, ADİU-nun respublikanın beynəlxalq əməkdaşlıq sahəsində fəaliyyət göstərən dövlət və qeyri-dövlət strukturları ilə qarşılıqlı əlaqələrini təmin etmək, ADİU-nun struktur bölmələri və Beynəlxalq əlaqələr departamentinin beynəlxalq əməkdaşlıq çərçivəsində yerinə yetirdiyi layihələri və proqramları əlaqələndirmək, Universitetin beynəlxalq təşkilatlara və cəmiyyətlərə üzv qəbul olunması üçün təkliflər hazırlamaq Beynəlxalq əlaqələr departamentinin iş prinsiplərini təşkil edir.

Beynəlxalq əlaqələr departamentində əcnəbi tələbələrlə iş istiqamətində də bir çox işlər görülür. ADİU-ya təhsil almağa gələn əcnəbi tələbələr Beynəlxalq əlaqələr departamentində qeydiyyatdan keçirlər. Departament tərəfindən Tələbə Qəbulu üzrə Dövlət Komissiyasına lazım olan əcnəbi tələbələrin anket formaları doldurulur. ADİU-da keçirilən bütün tədbirlərdə (konfrans, simpozium, müsabiqələrdə) xarici tələbələrin yaxından iştirakı təmin olunur. Universiteti bitirən tələbələrə diplomlar verilir. Diplomlar verildikdən sonra Xarici İşlər Nazirliyində Universitet tərəfindən göndərilən məktuba əsasən təsdiq olunur.

Beynəlxalq əlaqələr departamentinin fəaliyyəti çərçivəsində beynəlxalq proqram və layihələrdə iştirak mühüm yer tutur. Hazırda ADİU “Beynəlxalq əlaqələr sahəsində universitet idarəçiliyinin inkişaf etdirilməsi və təkmilləşdirilməsi” mövzusunda TEMPUS layihəsinin koordinatoru və “Xüsusi qayğıya ehtiyacı olan insanların Azərbaycan ali təhsil müəssisələrinə inteqrasiyası” mövzusunda başqa bir TEMPUS layihəsinin tərəfdaşıdır.

Beynəlxalq əlaqələr departamentinin səmərəli fəaliyyəti nəticəsində dünyanın bir çox nüfuzlu xarici universitetlərlə əməkdaşlıq müqavilələri imzalanır, beynəlxalq qrant layihələri hazırlanır, tələbə-müəlim mübadiləsi həyata keçirilir, beynəlxalq və respublikadaxili elmi-praktiki konfranslar təşkil olunur. Beynəlxalq əlaqələr departamenti tərəfindən ADİU-ya gələn xarici qonaqların yüksək səviyyədə qarşılanır, ADİU tələbə və müəllim heyəti ilə görüşlər, seminarlar və dəyirmi masalar təşkil olunur. ADİU üzv olduğu beynəlxalq ali təhsil müəssisələri assosiasiyaların fəaliyyətində aktiv iştirak edir.

İstinadlar[redaktə | əsas redaktə]

  1. Beynəlxalq əlaqələr departamenti