Azərbaycan Dövlət İqtisad Universitetinin Quba kompleksi

Vikipediya, açıq ensiklopediya
Jump to navigation Jump to search
Quba kompleksi

Azərbaycan Dövlət İqtisad Universitetinin Quba kompleksi (rəsmi adı: Azərbaycan Dövlət İqtisad Universitetinin Quba Tədris, İdman və İstirahət Kompleksi) — Azərbaycan Dövlət İqtisad Universitetinin Azərbaycan Respublikasının Quba rayonunun İkinci Nügədi kəndinin ərazisində yerləşən tədris, idman və istirahət kompleksi.[1]

Ərazisi[redaktə | əsas redaktə]

Kompleksin yaranma tarixi 1969-cu ildən başlayır. Belə ki, həmin vaxt Quba rayonunun İkinci Nügədi kəndində hazırda Azərbaycan Dövlət İqtisad Universiteti adlanan ali təhsil müəssisəsinin balansına verilmiş 7 hektardan artıq olan ərazidə inşa edilmişdir[1].

Bu kompleks universitet kollektivinin istirahətinin təşkili və onların sağlamlığının möhkəmləndirilməsi məqsədilə nəzərdə tutulmuşdur.[1] Burada tələbələrin yay və qış məktəblərinin, yay düşərgələrinin, müxtəlif idman yarışlarının təşkili üçün şərait yaradılmışdır[1].

Otel[redaktə | əsas redaktə]

Kompleksindəki üçmərtəbəli otel binası 87 otaqdan ibarətdir. Bu oteldə eyni zamanda 162 nəfər yerləşməsinə imkan vardır.[1] Oteldə müəllimlərin və tələbələrin istirahətinin təşkil edilməsi məqsədi ilə zəruri meyarlar nəzərə alınmışdır[1].

Yay məktəbi[redaktə | əsas redaktə]

Kompleksdə olan yay məktəbi 350 tələbə yerindən ibarətdir[1]. Buradakı auditoriyalar zəruri avadanlıqla təchiz olunmuş və müasir infrastruktura malikdir[1]. Burada 100 nəfərlik müasir yeməkxana və 205 nəfərlik akt zalı da vardır[1].

İdman[redaktə | əsas redaktə]

İdman sarayı

Buradakı idman kompleksi beynəlxalq standartlara uyğun qurulub[1]. İdman kompleksində futbol, basketbolvoleybol oyunlarının keçirilməsi üçün qapalı idman zalı, soyunub-geyinmə və trenajor otaqları, saunalar, VİP kabinetlər yaradılmışdır. Bundan başqa müasir tipli qapalı hovuzda üzgüçülüklə məşğul olmaları üçün də şərait var.[1] Futbol, həndbol və digər idman yarışlarının keçirilməsi üçün nəzərdə tutulmuş açıq stadion beynəlxalq standartlara cavab verir[1].

Yollar[redaktə | əsas redaktə]

Kompleksin tikinti-quraşdırma işləri çərçivəsində kəndin yolları da yenidən çəkilərək, işıqlandırma sistemi qurulmuşdur.[1] Burada 5000 m²-dən çox əraziyə asfalt örtüyü döşənmişdir.[1]

Açılışı[redaktə | əsas redaktə]

İlham Əliyev kompleksin açılışında

Ölkə Prezidenti İlham Əliyev xanımı Mehriban Əliyeva ilə birlikdə 18 sentyabr 2013-cü ildə kompleksin açılışında iştirak etmiş və onun rəmzi açılışını bildirən qırmızı lenti kəsmişdir.[1]

Həmçinin bax[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]