Azərbaycan Dövlət Mədəniyyət və İncəsənət Universiteti

Vikipediya, açıq ensiklopediya
(Azərbaycan Dövlət Mədəniyyət və İncəsənət İnstitutu səhifəsindən istiqamətləndirilmişdir)
Jump to navigation Jump to search
Picto infobox université.png
Azərbaycan Dövlət Mədəniyyət və İncəsənət Universiteti
ADMİU loqo.jpg
Əsası qoyulub 1923
Rektor Ceyran Mahmudova
Tələbə sayı 7258 (2010)
Şəhər Bakı
Ölkə Azərbaycan
Ünvan Bakı şəhəri, İnşaatçılar prospekti 39.
Vebsayt

Əli bəy Hüseynzadə adına Azərbaycan Dövlət Mədəniyyət və İncəsənət Universiteti – Azərbaycan Respublikası Təhsil Nazirliyinin tabeliyində olan ali təhsil müəssisəsi[1].

V Bakı Beynəlxalq Kitab Sərgi-Yarmarkasında

Tarixi[redaktə | əsas redaktə]

Azərbaycan Dövlət Mədəniyyət və İncəsənət Universiteti öz əsasını 1923-cü ildə Azərbaycan Maarif Komissarlığının qərarı ilə yaradılmış Bakı Teatr Məktəbindən götürüb. O dövrdə M.F.Axundov adına Bakı Teatr Məktəbi təkcə Azərbaycan üçün deyil, Özbəkistan, Türkmənistan, Dağıstan, Krım və digər regionlar üçün də aktyorrejissor kadrları hazırlayırdı. 1945-ci ildə Teatr Məktəbinin bazasında Teatr İnstitutu yaradılıb və 1968-ci ildən bu ali təhsil ocağı Azərbaycan Dövlət İncəsənət İnstitutu adlandırılmağa başlayıb. 1991-ci ildə İncəsənət İnstitutu Universitet statusu qazanıb.[2]

İlk tələbə qəbulu teatrşünaslıq, aktyor sənəti və rejissorluq ixtisasları üzrə aparılmışdır. 1954-cü ildə instituta xalq artisti Mirzəağa Əliyevin adı verilmişdir. 1959-cu ildən burada "mədəni maarif", 1963-cü ildə isə "dekorativ tətbiqi sənət" ixtisasları üzrə mütəxəssis hazırlığına başlanmışdır. 1981-1991-ci illərdə burada rəngkarlıq, qrafika, heykəltəraşlıq, sənətşünaslıq ixtisasları, habelə teatr, kino, kulturologiya və bədii sənaye incəsənəti üzrə bir sıra yeni ixtisaslaşmalar açılmışdır.

1991-ci ildə universitetin Quba rayonunda filialı yaradılmışdır. Filial Azərbaycanın şimal bölgəsində yüksək ixtisaslı mədəniyyət işçilərinə olan ehtiyacı ödəyir. Filialın müasir tələblərə cavab verən maddi-texniki bazası vardır. 1994-cü ildən universitetin nəzdində aspirantura, 1995-ci ildən isə stajorluq-assistentura fakultəsi fəaliyyət göstərir. Son illərdə universitetdə ixtisasartırma dekanlığı və baza kafedraları təşkil edilmişdir. 1997-ci ildə xarici abituriyentlər üçün hazırlıq şöbəsi yaradılmışdır.

Rəhbərlik[redaktə | əsas redaktə]

Azərbaycan Dövlət Mədəniyyət və İncəsənət Universitetinin rəhbərliyi
1 Rektor Ceyran Mahmudova[3]
2 Rektorun Köməkçisi Əsəd Rzayev[4]
3 Rektorun Humanitar Məsələlərlə İş Üzrə Müşaviri Aqşin Babayev[5]
4 Elmi Katib Fatimat Məmmədova[6]
5 Baş Mühəndis-Əməyin Mühafisəsi Üzrə Mühəndis Abdullayev İsa[7]
6 Mətbuat və ictimaiyyətlə əlaqələr üzrə mütəxəssis Elçin Cəfərov[8]

Prorektorlar[redaktə | əsas redaktə]

Azərbaycan Dövlət Mədəniyyət və İncəsənət Universitetinin prorektorları
1 Tədris işləri üzrə prorektor Validə Məmmədova
2 Elm və yaradıcılıq işləri üzrə prorektor Məryəm Əlizadə
3 Beynəlxalq əlaqələr və tərbiyə işləri üzrə prorektor Gülşən Əliyeva
5 Ümumi işlər üzrə prorektor Teymur Xanlarov
6 İnzibati-təsərrüfat işləri üzrə prorektor Azər Cəfərov[9]

Fakültələr[redaktə | əsas redaktə]

"Kulturologiya" Fakültəsi[redaktə | əsas redaktə]

Fakültənin dekanı Vasif Adilov
Fakültənin dekan müavini Emil Səlimov

Hazırda "Kulturologiya" adı altında fəaliyyət göstərən "Mədəni-maarif işi" fakültəsi 1959-cu ildən mütəxəssis hazırlığına başlamışdır. Yaranış tarixinə görə hələ çox gənc olan bu fakültə mədəniyyətin müxtəlif sahələrində - klub, mədəniyyət evi, mədəniyyət sarayları, muzey, konsert salonları, filarmoniya, kitabxana və teatr-kino müəssisələrinin rəhbərlərindən tutmuş mədəni-kütləvi tədbirlərin təşkilatçıları kimi vəzifələrdə çalışa biləcək yüksək ixtisaslı kadrların hazırlığını ictimai həyatın tələb etdiyi səviyyədə həyata keçirirdi. 1995-ci ildən "Mədəni-maarif işi" fakültəsi "Kulturologiya" adlandırılmağa başlayır. Hal-hazırda fakültədə "Muzeyşünaslıq, arxiv işi və abidələrin qorunması", "Menecment", "Beynəlxalq münasibətlər", "Kulturologiya" ixtisasları üzrə kadr hazırlığı həyata keçirilir. Fakültədə 50 nəfərədək professor-müəllim heyəti çalışır.[10]

"Kino və televiziya" Fakültəsi[redaktə | əsas redaktə]

Fakültənin dekanı Mübariz Məmmədli
Fakültənin dekan müavini Nəzirə Əliyeva

Kino və televiziya fakültəsi 1945-ci ildə yaradılmış Teatr İnstitutunun yüksək sənət ənənələrini özündə saxlayan və bu gün də öz istiqaməti üzrə peşəkar kadr hazırlığını həyata keçirən bir tədris bölümüdür. 2016-cı ildən ADMİU-da baş verən struktur dəyişiklikləri nəticəsində yenidən yaradılmış Kino və televiziya fakültəsi 1997-ci ildən Rejissor sənəti fakültəsi kimi fəaliyyət göstərmişdir. Teatr, kino və televiziya sahəsinin görkəmli sənətkarları və pedaqoqlar - A.Tuqanov, R.Təhmasib, K.Ziya, Ə.Sultanlı, M.Rəfili, Ə.İsgəndərov, M.Məmmədov, T.İsmayılov müxtəlif illərdə fakültədə bir çox ixtisas fənlərinin tədrisi ilə məşğul olmuşlar. İndi də Azərbaycanın görkəmli elm və sənət adamları E.Quliyev, O.Mirqasımov, C.Quliyev, V.Mustafayev, R.Quliyev, R.Qənbərov, H.Ömərova, A.Salayev, Nadir Bədəlov, Natiq Rəsulzadə, Ə.Əmirli və başqaları təhsilin müxtəlif pillələrində tədrisi davam etdirirlər. Hazırda fakültənin nəzdində fəaliyyət göstərən 3 kafedranın 60 nəfərdən ibarət professor-müəllim heyəti bakalavriat və magistratura pillələrində 4 ixtisas və 8 ixtisaslaşma üzrə mütəxəssis hazırlığı aparır

İxtisaslar[redaktə | əsas redaktə]
  • rejissorluq
  • operator sənəti
  • bədii yaradıcılıq və ekran dramaturgiyası
  • kinoşünas
İxtisaslaşmalar[redaktə | əsas redaktə]
  • kino rejissoru
  • TV rejissoru
  • rejissor sənətinin tarixi və nəzəriyyəsi
  • kinooperator sənətinin tarixi və nəzəriyyəsi
  • ədəbi iş
  • ssenarist
  • kino tənqidi
  • kino tarixi və nəzəriyyəsi

Hazırda fakültədə təhsilin müxtəlif pillələrində tədris Azərbaycanrus dillərində, əyaniqiyabi formalarda aparılır. Fəaliyyət göstərdiyi müddətdən bu günədək fakültədə xarici ölkə vətəndaşları da təhsil alır. Hazırda fakültənin tələbələri sırasında Türkiyəİran vətəndaşları da var. Fakültədə kino və televiziya pavilyonu, montaj otaqları, səsyazma studiyası və rəqəmsal laboratoriya tələbələrin ixtiyarındadır.[11]

"Teatr Sənəti" Fakültəsi[redaktə | əsas redaktə]

Fakültənin dekanı Ellada Hüseynova
Fakültənin dekan müavini Lalə Səlimova

1945-ci ildə teatr texnikumunun bazasında Azərbaycan Dövlət Teatr İnstitutu yaradıldı. “Aktyorluq”, “Rejissorluq” və “Teatrşünaslıq” ixtisasları üzrə mütəxısislər hazırlanmağa başladı. Müxtəlif illərdə (aktyorluq, rejissorluq və s.) ixtisaslar ayrı-ayrılıqda müstəqil fakültələr kimi fəaliyyət göstərmişdilər. Lakin 9 iyun 2015-ci ildə tədrisin səmərə və keyfiyyətini yüksəltmək məqsədi ilə Azərbaycan Dövlət Mədəniyyət və İncəsənət Universitetində struktur dəyişikliyi edilərək “Aktyor sənəti”, “Rejissor sənəti” və “Sənətşünaslıq “ fakültələri birləşdirilərək yeni böyük “Teatr sənəti” fakültəsi yaradıldı. 2017-ci ildən fakültənin dekanı sənətşünaslıq üzrə fəlsəfə doktoru, dosent Ellada Hüseynovadır.[12]

Bakalavr pilləsi üzrə ixtisaslar[redaktə | əsas redaktə]

  • "Dram teatrı və kino aktyoru" ixtisası
  • "Musiqili teatr aktyoru" ixtisası
  • "Estrada aktyoru" ixtisası
  • "Xoreoqrafiya sənəti" ixtisası
  • "Dram rejissoru" ixtisası
  • "Teatr kollektivi rejissoru" ixtisası
  • "Musiqili teatr rejissoru" ixtisası
  • "Estrada rejissoru" ixtisası
  • "Kütləvi tədbirlər rejissoru" ixtisası
  • "Teatrşünas" ixtisası

"Musiqi sənəti" Fakültəsi[redaktə | əsas redaktə]

Fakültənin dekanı Nərmin Qaralova
Fakültənin dekan müavini Mehriban Qasımova

Universitetin aparıcı fakültələrindən olan "Musiqi sənəti" fakültəsi 25 sentyabr 2001-ci il tarixdən yaradılmışdır. Müstəqil fakültə kimi formalaşanadək müyyən bir vaxt keçmişdir. Musiqi təhsilinin bünövrəsi hələ bu tədris ocağının təşəkkül dövründə qoyulmuşdur. Belə ki, hələ texnikum kimi fəaliyyət göstərərkən burada hərtərəfli yaradıcılıq qabiliyyətinə malik aktyor, rejissor və teatrşünasların yetişdirilməsi məqsədilə tədris planında musiqi fənlərinin keçirilməsinə də böyük diqqət yetirilir, "Musiqi tarixi" və "Teatrda musiqi" fənləri tədris olunurdu. 1962-ci il institutun həyatında əlamətdar bir tarixə çevrilir. Belə ki, həmən il institutda bir çox yeni açılmış ixtisaslar siyahısına "Musiqili komediya aktyoru" ixtisası da əlavə olunur və institutun musiqi təhsilinin inkişafında yeni mərhələ başlanır. Tədris olunan musiqi fənlərinin sayı artır, Musiqi nəzəriyyəsi, Solfecio, Fortepiano, Vokal, Vokal ansamblı kimi fənlərlə zənginləşir. Bu o demək idi ki, artıq burada musiqi fənləri professional səviyyədə tədris olunur. O vaxtdan institutun məzunları opera teatrında, dövlət xor kapellasında bir mütəxəssis kimi fəaliyyətlərini davam etdirmək fürsəti əldə edirlər. 1967-ci ildən "Musiqi fənləri" kafedrası yaradılır. Kafedranın rəhbərliyi istedadlı pianoçu, sənətşünaslıq namizədi Gülarə Əliyevaya həvalə olunur. O dövrdə bir çox musiqi xadimləri bu qocaman tədris ocağında çalışaraq mədəniyyət işçilərinin böyük bir nəslini yetişdirmişlər. Görkəmli Azərbaycan dirijoru, SSRİ xalq artisti, Dövlət mükafatları laureatı Niyazi, xalq artistləri, bəstəkarlar - Hacı Xanməmmədov, Şəfiqə Axundova, müğənnilər - Rəhilə Cabbarova, Qulu Əsgərov, Lütfiyar İmanov, Milovanov, musiqişünaslar - Danil Danilov, Nailə Kərimova və başqaları burada uzun müddət fəaliyyət göstərmişlər. Azərbaycanın bir çox tanınmış musiqiçiləri məhz bu universitetin yetirmələridir. Görkəmli xanəndələr-xalq artistləri İslam Rzayev, Canəli Əkbərov, Arif Babayev, Alim Qasımov, Səkinə İsmayılova, Mələkxanım Eyubova, müğənnilər - Zümrüd Məmmədova, Ağadadaş Ağayev, Azər Zeynalov, bəstəkar Vaqif Gərayzadə, estrada müğənniləri - Brilyant Dadaşova, Faiq Ağayev, Zülfiyyə Xanbabayeva və başqaları məhz bu tədris ocağında təhsil almışlar. 1987-ci ildən universitetdə həyata keçirilən ciddi islahatlat nəticəsində vaxtı ilə 9 ixtisası olan təhsil ocağına müxtəlif profilli bir çox yeni ixtisaslar - “İnstrumental ifaçılıq”, “Estrada”, “Muğam” və ali təhsil müəssisəsində ilk dəfə olaraq “Aşıq sənəti” ixtisasları açılır. Yeni ixtisasların meydana gəlməsi artıq universitetin yüksək ixtisaslı müəllim potensialına malik olmasına və musiqi tədrisi sahəsində böyük təcrübə əldə etməsinə dəlalət edirdi. Bu da öz növbəsində 2001-ci ildən etibarən bu ixtisasların müstəqil kafedralar kimi fəaliyyət göstərмəsinə və 2001-ci ildə “Musiqi sənəti” fakültəsinin yaradılmasına rəvac verir. 2011-ci ildən “Aşıq sənəti” kafedrası da fəaliyyət göstərməyə başlayır. "Musiqi sənəti" fаkültəsində beynəlxalq əlaqələrin inkişafına da böyük diqqət yetirilir. Bu mənada fakültənin müəllimlərinin müxtəlif xarici ölkələrdə milli musiqişünaslıq elmini və musiqisini təmsil etmək yolunda atdıqları addımları xüsusilə qeyd etmək lazımdır. Fakültənin beynəlxalq əlaqələrinin inkişafı yolunda apardığı tədbirlər siyahısına xarici musiqişünas alimlərin tez-tez seminarlara dəvət olunmasını da qeyd etmək lazımdır. “Musiqi sənəti” fakültəsində türk tələbələrinin tədrisi prosesinə xüsusi diqqət yetirilir. Dekanlıq bununla yanaşı onların peşəkar ifaçlar kimi püxtələşməsinə də xüsusi diqqət ayırır. 10 ildən artıqdır ki, ənənəvi xarakter almış “Türksoy xalqlarının musiqi mədəniyyətinin tədqiqi problemləri” mövzusunda elmi-praktiki konfranslar keçirilir. “Musiqi sənəti” fakültəsi yaranan gündən ona görkəmli tarzən Vamiq Məmmədəliyev, 2011-ci ildən 2017-ci ilə qədər Ellada Əlihüsey Hüseynova, 2017-ci ildən 2018-ci ilə qədər Ceyran Mahmudova, 2018-ci ildən isə Nərmin Qaralova rəhbərlik edir.[13]

Bakalavr pilləsi üzrə ixtisaslar[redaktə | əsas redaktə]

  • "Solo oxuma" ixtisası
  • "Estrada müğənnisi" ixtisası
  • "Aşıq sənəti" ixtisası
  • "Xalq çalğı alətləri ifaçılığı" ixtisası
  • "İnstrumental ifaçılıq" ixtisası
  • "Musiqişünaslıq" ixtisası

“Rəssamlıq” Fakültəsi[redaktə | əsas redaktə]

Fakültənin dekanı Sevil Kerimova
Fakültənin dekan müavini Günel Seyidəhmədli

Azərbaycan Dövlət Mədəniyyət və İncəsənət Universitetinin “Rəssamlıq” fakültəsi zəngin yaradıcılıq ənənələrinə malikdir. 1962-ci ildə “Teatr” fakültəsinin nəzdində “Rəssamlıq” şöbəsi yaradılıb və 1963-cü ildə ilk dəfə “Rəssamlıq” ixtisası üzrə dərslərin tədrisinə başlanılıb. 1967-1968-ci illərdə “Rəssamlıq” şöbəsində ilk dəfə olaraq “Rəsm” kafedrası açılıb. 1982-ci ildə “Rəssamlıq” şöbəsi əsasında institutda “Rəssamlıq” fakültəsi yaradılıb. Hal-hazırda fakültəyə sənətşünaslıq üzrə fəlsəfə doktoru Sevil Kərimova rəhbərlik edir.[14]

Kafedralar[redaktə | əsas redaktə]

"Sosial-Mədəni Fəaliyyət" Kafedrası[redaktə | əsas redaktə]

Kafedra 1959-cu ildə “Mədəni-maarif işi” adı ilə yaradılmış, qurum dəyişikliyi ilə əlaqədar ADMİU-nun Elmi Şurasının 21 iyun 2012-ci il tarixli 41 saylı əmrilə “Kulturologiya” kafedrası adlandırılmışdır. “Kulturologiya” kafedrası ADMİU-nun Kulturologiya fakültəsinin tədris-elm struktur bölmələrindən biri olub, “sənətşünaslıq”, “beynəlxalq münasibətlər”, “sosial iş” ixtisasları üzrə kadr hazırlığını, habelə universitetin digər fakültələrində tədris olunan bir sıra fənlər üzrə tədris, metodiki, elmi-tədqiqat fəaliyyətini həyata keçirir. Hal-hazırda kafedraya kulturologiya üzrə fəlsəfə doktoru, dosent Sədaqət Əliyeva rəhbərlik edir.[15] Kafedrada 15 müəllim ştatda çalışır.

Müəllim Heyəti[redaktə | əsas redaktə]

  • Əliyeva Sədaqət - kafedra müdiri, dosent
  • Niyazi Mehdi - professor
  • Maral Manafova - professor (əvəzçi)
  • Validə Məmmədova - professor
  • Tamilla Əhmədova - dosent
  • Yeganə Əliyeva - dosent
  • Leylaxanım Atakişiyeva - dosent
  • Məmmədağa Baxışov - dosent (əvəzçi)
  • Vəliyulla Cəfərov - dosent (əvəzçi)
  • Elçin Mehdi - baş müəllim
  • Aygün Eyvazlı - baş müəllim
  • Turxan Süleyman - müəllim
  • Əminə Qədimova - müəllim
  • Sevinc Əskərova - müəllim
  • İlahə Sadıqova - laborant

"Sosial Siyasi Elmlər" Kafedrası[redaktə | əsas redaktə]

1945-ci ildə Teatr institutu yenicə yarananda bu sahədə kafedra yaratmaq mümkün olmadığı üçün Humanitar və sosial-siyasi fənləri saat hesabı ilə dəvət olunmuş müəllimlər tədris ediblər. Təxminən 20 ildən sonra 1966-cı ildən fəaliyyət göstərən kafedra qurum dəyişiklikləri ilə əlaqədar olaraq ayrı-ayrı adlarla fəaliyyət göstərib, 1991-ci ildə “Sosial-siyasi fənlər” və 1995-ci ildən isə “Sosial-siyasi elmlər” kafedrası adlanmışdır. 2015-ci ildən kafedraya kulturologiya üzrə fəlsəfə doktoru, dosent Azərbaycan Respublikasının əməkdar müəllimi Xaləddin Sofiyev rəhbərlik edir. Kafedrada tədris olunan fənlər: Azərbaycan tarixi, Fəlsəfə, Estetika, Məntiq, Etnoqrafiya, Sosiologiya, Ümumi sosiologiya, Politologiya, Arxeologiya, Arxeoloji qazıntılar və tədqiqatların təşkili, Tarixşünaslıq, Mənbəşünaslıq, Siyasi-iqtisadi coğrafiya, Tarixə köməkçi fənlər, Mülki-müdafiə.[16]

"Muğam Sənəti" Kafedrası[redaktə | əsas redaktə]

2001-ci ildən müstəqil kafedra kimi əvvəlcə “Solo oxu”, 2004-cü ildən isə “Muğam sənəti” adı altında fəaliyyət göstərir. Kafedrada “İxtisas”(Muğam), “Qaval sinfi”, “Zərb aləti” fənləri tədris olunur. Kafedrada respublikamızın görkəmli sənət adamlarından ibarət 11 müəllim heyəti çalışır. Onlardan Xalq artistləri, professor Səkinə İsmayılova, professor Mələkxanım Eyubova, baş müəllim Simarə İmanova, Gülyanaq Məmmədova, Əməkdar artistlər - baş müəllim Bəsti Sevdiyeva, Nuriyyə Hüseynova, Teyyub Aslanov, Ruzə İbişova, Zakir Əliyevin adını çəkə bilərik.

Kafedraya yarandığı gündən bu günə kimi Xalq artisti (1992), professor (2008), “Şöhrət (2002)” və “Şərəf” (2010) ordeninə layiq görülmüş, prezident təqaüdüçüsü Canəli Əkbərov rəhbərlik edir.[17]

"Aşıq Sənəti" Kafedrası[redaktə | əsas redaktə]

Bu kafedra 2011-ci ildə təsis edilmişdur. “Aşıq sənəti” kafedrasında müasir aşıq ifaçılığının müxtəlif mühitlərini təmsil edən istedadlı nümayəndələri çalışır. Onu da qeyd edək ki, kafedrada pedaqoji fəaliyyətlə məşğul olan ifaçı - müəllimlər aşıq sənətinin müxtəlif ifaçılıq mühitlərini təmsil edirlər. Kafedrada 6 müəllim fəaliyyət göstərir, bunlardan 3 Əməkdar İncəsənət xadimi, 2 sənətşünaslıq üzrə fəlsəfə doktoru, dosent, 1 filologiya doktoru, 2 baş müəllimdir. Kafedrada “İxtisas”, “Xüsusi Pedaqoji təcrübə”, “Aşıq sənəti fənni”, “Aşıq sənətinin tarixi və nəzəriyyəsi”, “Folklor”, “Aşıq musiqisi və muğamın qarşılıqlı əlaqəsi”, “İfaçılıq sənətinin tədris metodikası”, “İstehsalat təcrübəsi” fənləri tədris olunur. Hal-hazırda kafedraya sənətşünaslıq üzrə fəlsəfə doktoru, dosent Əhliman Rəhimov rəhbərlik edir. [18]

"İnstrumental İfaçılıq" Kafedrası[redaktə | əsas redaktə]

Kafedrada öz pedaqoji fəaliyyətində ifaçılıq pedaqogikasının müasir metodologiyasının prinsiplərini tətbiq edən yüksək ixtisaslı müəllimlər dərs deyir. Bu missiyanı həyata keçirən aparıcı müəllimlərdən Əməkdar incəsənət xadimi, dosent Sonaxanım İbrahimova, sənətşünaslıq üzrə fəlsəfə doktoru, baş müəllimlər Cəmalə Nəsirova, Cavahir Mustafayeva, Gülnaz Məmmədzadə, Səbinə Mehdiyeva, baş müəllimlər: Nigar Ağayeva, Humay Mənsurova, Sevda Axundova, Sevinc Dadaşova, Mehriban Qasımova, dosent Rasim Babayev, müəllimlər Rəşad Kazımov, Sevda İskəndərova, Leyla Aslanova, Arzu Məmmədova, Natella Babayeva, Vüsalə Əsgərova, Nərmin İbrahimova, Sürəyya İsrafilovanın və b. adını çəkmək lazımdır. Kafedranın müəllimləri fakültənin bütün tədbirlərində, ələlxüsus elmi-praktiki konfranslarda yaxından iştirak edir, tez-tez hesabat xarakterli konsertlərlə çıxış edirlər. Hal-hazırda kafedraya dosent Səbinə Mehdiyeva rəhbərlik edir.[19]

"SƏDA" Tədris teatrı[redaktə | əsas redaktə]

Rəhbərlik[redaktə | əsas redaktə]

Səs rejissoru Bəxtiyar Mustafayev
Səhnə işıqlandırıcısı Qabil Qocayev
Səhnə quraşdırıcısı Davud Qulamov
Rekvizitor-kostyumçu Gülnarə Şərifova

[20]

Haqqında[redaktə | əsas redaktə]

“Səda” Tədris Teatrı 1962-ci ildə İncəsənət İnstitutunun nəzdində yaradılıb. “Səda” Tədris Teatrının spesifik xüsusiyyəti ondan ibarətdir ki, o yarandığı gündən indiyədək sənət laboratoriyası funksiyasını yerinə yetirir. Teatrın səhnəsində tələbələrin tamaşaları, kurs işləri buraxılış kursların diplom tamaşaları nümayiş olunur. Bu gün tanınıb sevilən aktyor və aktrisaların, tanınmış sənətkarların əksəriyyəti ilk addımlarını məhz bu teatrda atıb. Nəzəriyyə ilə praktika Tədris teatrında birləşir. Hər il paytaxtın aparıcı teatr rəhbərləri tələbələrin diplom tamaşalarına baxıb perspektivli, istedadlı gəncləri teatrlara cəlb edirlər. Tədris Teatrı bir növ universitetin laboratoriyasıdır. Bu laboratoriya sənətimizin, səhnəmizin gələcəyi naminə 50 ildən çoxdur ki, fasiləsiz fəaliyyət göstərir. Bu illər ərzində Tədris Teatrının səhnəsində M.F.Axundzadənin "Xırs quldurbasan", "Molla İbrahimxəlil kimyagər", Ə.Haqverdiyevin "Dağılan tifaq", Ü.Hacıbəylinin "O olmasın, bu olsun", "Arşın mal alan", C.Cabbarlının "Od gəlini", "Aydın", "1905-ci ildə", "Solğun çiçəklər", C.Məmmədquluzadənin "Ölülər", S.Vurğunun "Vaqif", S.Rüstəmin "Qaçaq Nəbi", "Çimnaz xanım yuxudadır", İ.Əfəndiyevin "Mahnı dağlarda qaldı", "Büllur sarayda", J.B.Molyerin "Meşşanın zadəganlığı", "Kəndçi adaxlı", "Mizantrop", V.Şekspirin "Otello", "On ikinci gecə", N.Dumbadzenin "Unutma, ana" əsərləri, eləcə də onlarla digər müəlliflərin pyesləri uğurla tamaşaya qoyulub. Son illər ərzində “Səda” Tədris Teatrında hazırlanan bir çox tamaşalar müxtəlif xarici ölkələrin keçirdiyi beynəlxalq festivallarda uğurla çıxış edərək, mükafat və sertifikatlar almış, laureat adına, hətta incəsənət sferasında ən böyük mükafat sayılan "Qran-pri" mükafatına layiq görülmüşlər. Onlardan Cənnət SəlimovaFikrət Məlikovun hazırladığı Anton Pavloviç Çexovun "Üç bacı" (İran İslam Respublikasının 20-ci Beynəlxalq tələbə teatr festivalında), Ağakişi KazımovHacı İsmayılovun hazırladığı İlyas Əfəndiyevin "Unuda bilmirəm" (Türkiyə Respublikasında İstanbul Kültür Universitetində keçirilən 2-ci Uluslararası tələbə festivalı), Vidadi Həsənovun hazırladığı "Təmas" Gürcüstan Respublikasında Beynəlxalq Etüd festivalında və "Adi əhvalat" adlı (Qazaxıstan Respublikası 1-ci beynəlxalq tələbə festivalında) tamaşaları misal çəkmək olar. “Səda” Tədris Teatrı - Sənətə təzəcə qədəm qoyan aktyorların həyatında öz məharətlərini sınadıqları ilk professional səhnədir. Bu, onların ilk baş rolları, tamaşaçı qarşısında ilk uğurlarıdır. Bu gün “Səda” Tədris Teatrının ikimərtəbəli binası, 190 nəfərlik tamaşaçı zalı, geniş səhnəsi, səs yazma studiyası, müxtəlif məşq otaqları var ki, burada istənilən tamaşanı hazırlamaq və nümayiş etdirmək mümkündür.[21]

"SABAH" Mərkəzi[redaktə | əsas redaktə]

Azərbaycan Dövlət Mədəniyyət və İncəsənət Univeristetində SABAH qruplarına qəbul 2015-ci ildən başlayıb və iki ixtisas - Aktyor sənəti və Rejissorluq üzrə aparılıb. SABAH qruplarında təhsil alan tələbələrə əlavə ingilis dili fənni tədris olunur və onların SABAH təqaüdü alma imkanları var. 2017/2018-ci tədris ilinə ixtisaslar üzrə tələbə sayı

Rejissorluq ixtisası üzrə ümumilikdə - 20 tələbə tələbə təhsil alır: III kurs Televiziya rejissoru - 8 tələbə; IV kurs-Kino rejissoru - 8 tələbə; IV kurs Musiqili teatr rejissoru - 4 tələbə.

Aktyor sənəti ixtisası üzrə isə ümumilikdə 19 tələbə təhsil alır: Onlardan 8 tələbə II kurs, 11 tələbə isə IV kurs tələbələridir.

Rejissorluqda tədris aparan müəllimlər: İxtisas fənlərini tədris edən müəllimlər - kinorejissor professor Eldar Quliyev, dosent Hafiz Quliyev, sənətşünaslıq üzrə fəlsəfə doktoru Elnur Mehdiyev, Rafael Əsədov, professor Rafiq Quliyev.

Aktyor sənəti ixtisasında tədris edən müəllimlər: Əməkdar artist Nofəl Vəliyev, dosent Fikrət Məlikov, Pərviz Məmmədrzayev, Nadir Hüseynov, Ceyhun Dadaşov, Ruslan İsmayılov[22]

Səsyazma Studiyası[redaktə | əsas redaktə]

1968-ci ildən ADMİU-da fəaliyyət göstərən səsyazma studiyası Mehdi Məmmədov, Adil İsgəndərov, Rza TəhmasibMüxlis Cənizadə kimi sənətkarların rəhbərliyi ilə böyük bir tələbə ordusuna təcrübə meydanı olmuşdur. Azərbaycanda ilk dəfə ali təhsil müəssisəsində fəaliyyət göstərən bu studiyada universitetin aktyor və rejissor tələbələri müstəqil olaraq musiqili proqramlar və verilişlər hazırlayırlar. “İfaçılıq sənətinin inkişafı” metodikası vasitəsilə tələbələr səslərinin tembrıni, intonasiyalarını tənzimləməyə nail olurlar. Müasir dünyada həyatın bütün sahələrində olduğu kimi incəsənət sahəsində də informasiya texnologiyalarının rolu əvəzsizdir. Bu gün universitetimizdə təhsil alan aktyor, rejissor, ifaçı, musiqiçi tələbələrin inkişafına xidmət edən studiya müasir texniki avadanlıqla təchiz olunmuşdu. Səsyazma studiyasına təcrübəli müəllim Faiq Babayev rəhbərlik edir.[23]

Mənbə[redaktə | əsas redaktə]

Azərbaycan Dövlət Mədəniyyət və İncəsənət Universitetinin Vebsayıtı

İstinadlar[redaktə | əsas redaktə]

  1. ""Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"nın təsdiq edilməsi haqqında" Azərbaycan Respublikası Nazirlər Kabinetinin 15 iyul 2011-ci il tarixli, 118 nömrəli Qərarı.  (azərb.)
  2. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 27 may 2019 tarixində arxivləşdirilib. İstifadə tarixi: 27 may 2019.
  3. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 27 may 2019 tarixində arxivləşdirilib. İstifadə tarixi: 27 may 2019.
  4. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 27 may 2019 tarixində arxivləşdirilib. İstifadə tarixi: 27 may 2019.
  5. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 27 may 2019 tarixində arxivləşdirilib. İstifadə tarixi: 27 may 2019.
  6. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 27 may 2019 tarixində arxivləşdirilib. İstifadə tarixi: 27 may 2019.
  7. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 27 may 2019 tarixində arxivləşdirilib. İstifadə tarixi: 27 may 2019.
  8. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 27 may 2019 tarixində arxivləşdirilib. İstifadə tarixi: 27 may 2019.
  9. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 27 may 2019 tarixində arxivləşdirilib. İstifadə tarixi: 27 may 2019.
  10. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 27 may 2019 tarixində arxivləşdirilib. İstifadə tarixi: 27 may 2019.
  11. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 27 may 2019 tarixində arxivləşdirilib. İstifadə tarixi: 27 may 2019.
  12. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 30 may 2019 tarixində arxivləşdirilib. İstifadə tarixi: 30 may 2019.
  13. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 30 may 2019 tarixində arxivləşdirilib. İstifadə tarixi: 30 may 2019.
  14. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 30 may 2019 tarixində arxivləşdirilib. İstifadə tarixi: 30 may 2019.
  15. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 30 may 2019 tarixində arxivləşdirilib. İstifadə tarixi: 30 may 2019.
  16. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 8 iyun 2019 tarixində arxivləşdirilib. İstifadə tarixi: 8 iyun 2019.
  17. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 8 iyun 2019 tarixində arxivləşdirilib. İstifadə tarixi: 8 iyun 2018.
  18. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 8 iyun 2018 tarixində arxivləşdirilib. İstifadə tarixi: 8 iyun 2018.
  19. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 15 iyul 2019 tarixində arxivləşdirilib. İstifadə tarixi: 15 iyul 2019.
  20. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 30 may 2019 tarixində arxivləşdirilib. İstifadə tarixi: 30 may 2019.
  21. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 30 may 2019 tarixində arxivləşdirilib. İstifadə tarixi: 30 may 2019.
  22. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 30 may 2019 tarixində arxivləşdirilib. İstifadə tarixi: 30 may 2019.
  23. "Azərbaycan Dövlət Mədəniyyət və İncəsənət Universiteti" (azərb.). www.admiu.edu.az. 30 may 2019 tarixində arxivləşdirilib. İstifadə tarixi: 30 may 2019.

Həmçinin bax[redaktə | əsas redaktə]