Azərbaycan Gənclərinin Koordinasiya Şurası

Vikipediya, açıq ensiklopediya
Jump to navigation Jump to search
Azərbaycan Gənclərinin Koordinasiya Şurası

Azərbaycan Gənclərinin Koordinasiya Şurası qısaca: KSAM (rus. Координационный Совет Азербайджанской Молодёжи) — 2005-ci ildə Rusiyada fəaliyyət göstərən Azərbaycan diasporu təşkilatları tərəfindən Moskvada təsis edilmişdir. Mərkəzdə Rusiyadaki 40-a qədər Azərbaycan cəmiyyəti təmsil olunur. Koordinasiya Mərkəzinin məqsədi bu təşkilatları birləşdirmək, birlikdə layihələr hazırlamaq, illik planlar tərtib etməkdir.

2005-ci ilin iyul ayından fəaliyyətə başlamış Azərbaycan Gənclərinin Koordinasiya Şurası Rusiyadaki ilk və ən fəal diaspor təşkilatlarından hesab olunur. Təşkilatın bu ölkədəki türk diasporu ilə də sıx əlaqələri mövcuddur. Ötən müddət ərzində bu təşkilat xalqımıza qarşı torədilmiş terror və soyqırım aktları, Ermənistan-Azərbaycan, Dağlıq Qarabağ münaqişəsi ilə bağlı çox saylı etiraz aksiyaları, fotosərgilər, elmipraktik konfranslar təşkil etmişdir.

Bu təşkilat Azərbaycan həqiqətlərinin Rusiya və dünya ictimaiyyətinə çatdırılmasında xüsusi fəaliyyət göstərir. Təşkilatın məqsədi Azərbaycan mədəni irsinin Azərbaycan milli-mədəni dəyərlərinin qorunması, sosial, bədii, təhsil təşəbbusləri, Azərbaycan gənclərinin dəstəklənməsi, Azərbaycan gənclərinin inkişafının təbliği, Rusiya cəmiyyətinin mədəni həyatında Azərbaycan gənclərinin daha yaxşı inteqrasiyası, təhsilin inkişaf etdirilməsi, ailə və cəmiyyətin mənəvi və əxlaqi əsasları qorumaq və möhkəmləndirmək, dostluq, etimad və xalqlar arasında anlaşmanın təşviqidir. KSAM-in bir neçə regional bölmələri – Şimal-qərb, Volqa ətrafı, Şimali Qafqaz, Cənub, Uzaq Şərq, AvropaSibir bölmələri fəaliyyət göstərir.

Azərbaycan Gənclərinin Koordinasiya Şurasının Prezidenti Siyavuş Məmmədov, vitse-prezidenti isə Rüfət Əliyevdir.