Azərbaycan Müəllimlər İnstitutunun Ağcabədi filialı

Vikipediya, açıq ensiklopediya
(Azərbaycan Müəllimlər İnstitutu (Ağcabədi filialı) səhifəsindən istiqamətləndirilmişdir)
Jump to navigation Jump to search
Picto infobox université.png
Azərbaycan Müəllimlər İnstitutunun Ağcabədi filialı
Şəhər Ağcabədi
Ölkə Azərbaycan Azərbaycan

Azərbaycan Müəllimlər İnstitutunun Ağcabədi filialıAzərbaycan Respublikası Təhsil Nazirliyinin tabeliyində olan ali təhsil müəssisəsi[1].

Azərbaycan Müəllimlər İnstitutunun Ağcabədi filialı Azərbaycan Respublikasının Prezidenti Heydər Əliyevin 13 iyun 2000-ci il tarixli 349 nömrəli Fərmanı[2] ilə Azərbaycan Dövlət Pedaqoji Universitetinin Şuşa filialı, Bakı Mədəni-Maarif Texnikumunun Ağcabədi şöbəsiAğdaş Pedaqoji Texnikumunun Ağcabədi şöbəsinin bazasında yaradılmışdır.

2000-ildə AMİ-nin ilkin Ağcəbədi filialına 100 nəfər tələbə qəbulu fərmanına əsasən ilkin kadr hazırlığı əyani olmaqla yalnız iki ixtisas müəyyənləşdirilmişdi - "İbtidai təhsilin pedaqogikası və metodikası" və "Məktəbəqədər təhsilin pedaqogikası və metodikası". Təhsil Nazirliyinin 8 yanvar 2001-ci il tarixli 82 01-24 saylı məktubu əsasında ADPU-nun Şuşa, Qazax, Şamaxı və BDU-nun Şəki filiallarındakı "İbtidai təhsilin pedaqogikası və metodikası" və "Məktəbəqədər təhsilin pedaqogikası və metodikası" fakültələri həmin filialaların bazasında yaradılmış Ağcəbədi, Şamaxı, Şəki və Qazax filiallarına keçmişdilər. Filialda bir pedaqoji fakültə, əvvəllər təkcə "Pedaqogika və psixologiya", 2 il sonra isə "Riyaziyyat və onun tədrisi metodikası" və "Ana dili və onun tədrisi metodikası" kafedraları fəaliyyət göstərməyə başladı. Hazırda filialda 4 kafedra - "Ana dili, ədəbiyyat və onların tədrisi metodikası", "Riyaziyyat, Fizika və onların tədrisi metodikası", "Ümumi elmi fənlər" və "Humanitar fənlər" kafedraları fəaliyyət göstərir.

2001-ci ildən indiyə kimi təhsilin bakalavr pilləsi ilə yanaşı filialda ixtisaslaşmış fənn kabinetləri və ixtisasartırma və yenidənhazırlanma fakültəsi də fəaliyyət göstərir. Filialın dislokasiyasına daxil edilmiş əvvələr 10, indi isə 8 rayona pedaqoji işçilərin yenidən hazırlanması və ixtisaslarının artırılması müvəffəqiyyətlə aparılır.

AMİ-nin keçmiş Xankəndi pedaqoji institutunun əsasında yaranmış bu filialı haqqında Azərbaycan Respublikasının Prezidenti Heydər Əliyev iki dəfə (1973, 2000-ci illərdə) sərəncam vermişdir. Hazırda filialda Heydər Əliyev dərsləri də keçirilir.

Azərbaycan Müəllimlər İnstitutunun Ağcabədi filialı Azərbaycan Respublikası Prezidentinin 26 noyabr 2015-ci il tarixli, 1582 nömrəli Sərəncamına əsasən Azərbaycan Müəllimlər İnstitutu Azərbaycan Dövlət Pedaqoji Universitetinə qoşulması nəticəsində Azərbaycan Dövlət Pedaqoji Universitetinin Ağcabədi filialına çevrilmişdir.[3]

Mənbə[redaktə | əsas redaktə]

İstinadlar[redaktə | əsas redaktə]