Azərbaycan Müəllimlər İnstitutunun Quba filialı

Vikipediya, açıq ensiklopediya
Jump to navigation Jump to search
Picto infobox université.png
Azərbaycan Müəllimlər İnstitutunun Quba filialı

Rektor Əli Allahverdiyev
Tələbə sayı550
ŞəhərQuba
ÖlkəFlag of Azerbaijan.svg Azərbaycan

Azərbaycan Müəllimlər İnstitutunun Quba filialıAzərbaycan Respublikası Təhsil Nazirliyinin tabeliyində olan ali təhsil müəssisəsi[1].

Azərbaycan Müəllimlər İnstitutunun Quba filialı Azərbaycan Respublikasının Prezidenti Heydər Əliyevin 13 iyun 2000-ci il tarixli 349 nömrəli Fərmanı[2] ilə Azərbaycan Mədəniyyət və İncəsənət Universitetinin Quba filialının bazasında yaradılmışdır.

Yaradıldığı ildə filialın tələbə kontingenti 15 nəfərdən ibarət idi. Sonrakı illərdə filialın tələbə kontingentinin artması ictimai əsaslarla fəaliyyət göstərən "Təbiət fənləri", "Pedaqoji fənlər", "Humanitar fənlər" kafedralarının yaradılması ilə nəticələndi.

2001-2002-ci tədris ilində filialda Elmi Şura və Tələbə Elmi Cəmiyyəti yaradıldı. 2010-ci ildən Tələbə Gənclər Təşkilatı da fəaliyyət göstərir.

Filialda iki fakültə - "Pedaqoji" və "Filologiya" fakültələri fəaliyyət göstərir. Pedaqoji fakültədə 4 ixtisas – "İbtidai təhsilin pedaqogikası və metodikası", "Məktəbəqədər təhsilin pedaqogikası və metodikası", "Tarix-coğrafiya", "Təhsildə sosial-psixoloji xidmət" ixtisasları üzrə ilkin kadr hazırlığı aparılır.

Filialda həmçinin 3 kafedra – "Pedaqoji və ictimai fənlər", "Təbiət fənləri və tədrisi metodikası", "Ədəbiyyat və dillər" kafedraları, 4 kabinet - "Kredit sistemi və tələbə nailiyyətlərinin qiymətləndirilməsi", "Əlavə təhsil", "İnnovasiya və dayaq məntəqələri ilə iş" və "Kompyuter" kabinetləri fəaliyyət göstərir.

Hazırda filialda tələbə kontingentinin artırması ilə əlaqədar "Təbiət fənləri və tədrisi metodikasi", "Pedaqoji və ictimai fənlər", "Azərbaycan dili və ədəbiyyat" kafedraları fəaliyyət göstərir.

Azərbaycan Müəllimlər İnstitutunun Quba filialı Azərbaycan Respublikası Prezidentinin 26 noyabr 2015-ci il tarixli, 1582 nömrəli Sərəncamına əsasən Azərbaycan Müəllimlər İnstitutu Azərbaycan Dövlət Pedaqoji Universitetinə qoşulması nəticəsində Azərbaycan Dövlət Pedaqoji Universitetinin Quba filialına çevrilmişdir.[3]

Mənbə[redaktə | əsas redaktə]

İstinadlar[redaktə | əsas redaktə]

  1. ""Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"nın təsdiq edilməsi haqqında" Azərbaycan Respublikası Nazirlər Kabinetinin 15 iyul 2011-ci il tarixli, 118 nömrəli Qərarı.  (azərb.)
  2. "Azərbaycan Respublikasında təhsil sisteminin təkmilləşdirilməsi haqqında" Azərbaycan Respublikasının Prezidentinin 13 iyun 2000-ci il tarixli, 349 nömrəli Fərmanı. e-qanun.az  (azərb.)
  3. "Azərbaycan Müəllimlər İnstitutunun Azərbaycan Dövlət Pedaqoji Universitetinə qoşulması barədə" Azərbaycan Respublikası Prezidentinin 26 noyabr 2015-ci il tarixli, 1582 nömrəli Sərəncamı. e-qanun.az,  (azərb.)