Azərbaycan Mülki Aviasiyası

Vikipediya, açıq ensiklopediya
Jump to navigation Jump to search
Azal
Azxal yay qrafd.jpg

IATA: yoxdurICAO: yoxdur
Məlumat
Hava limanı tipi Mülki
Ölkə Azərbaycan


Azərbaycanın Mülki Aviasiyası[redaktə | əsas redaktə]

Azərbaycan Respublikası 1992-ci il oktyabrın 9-da Beynəlxalq Mülki Aviasiya Təşkilatının (İCAO), 2002-ci ilin noyabr ayından isə Avropa Mülki Aviasiya Konfransının üzvüdür. Hazırda 29 dövlətlə hava əlaqəsi barədə hökumətlərarası razılaşma imzalanıb. 12 ölkə ilə belə razılaşmanın əldə edilməsi barədə 2008-ci ildə yaradılmış Dövlət Mülki Aviasiya Administrasiyası işgüzar danışıqlar aparır. Bütövlükdə, Azərbaycan mülki aviasiya üzrə 22 beynəlxalq konvensiyaya qoşulub. Əlamətdardır ki, elə həmin ərəfədə - aprelin 24-də AZAL-a məxsus "Boeinq-767" tipli avialayner Heydər Əliyev Beynəlxalq Aeroportundan Vaşinqton istiqamətində havaya qalxıb və 10 saatdan sonra Vaşinqtonun Dalles hava limanında yerə enib. Mülki aviasiya üçün əsas göstəricilərdən olan sərnişin daşınması 1991-ci illə müqayisədə 35 dəfə, sərnişin dövriyyəsi isə 33 dəfə artmışdır. Analoji dövrdə yükdaşıma sahəsində artım 57 dəfəni keçmişdir. Mövcud olduğu illər ərzində qazandığı zəngin təcrübə və peşəkarlıq səviyyəsi Azərbaycan mülki aviasiyasını daxili və xarici aviadaşımaların həyata keçirilməsində etibarlı tərəfdaş kimi tanıtmışdır.

"Azərbaycan Hava Yolları"[redaktə | əsas redaktə]

"Azal" müstəqil Azərbaycanın mülki aviasiyasının öncülü olmaqla fəaliyyət göstərdiyi ötən illər ərzində əldə etdiyi zəngin təcrübə daxili və xarici aviadaşımaların həyata keçirilməsində özünü etibarlı tərəfdaş kimi tanıtmışdır. Azərbaycan iqtisadiyyatının son doqquz ildə dinamik inkişaf etmişdir . Aviasiya bütün dünyada nəqliyyatın elitar və yüksək texnologiyalara əsaslanan seqmenti kimi tanınmaqdadır. O güc, qüvvət və nüfuz deməkdir. Prezident cənab İlham Əliyevin xüsusi diqqət və qayğısı sayəsində mülki aviasiyamız 2003-cü ildən etibarən inkişafının keyfiyyət və miqyası etibarı ilə yeni bir mərhələsinə qədəm qoydu. Əgər 1991-2003-cü illərdə dörd təyyarə alınmışdısa, 2003-2011-ci illərdə Azərbaycana 47 təyyarə və helikopter gətirilmişdir. Bu gün Mülki Aviasiyanın modernləşmiş parkında 4 ədəd "Boeinq-757", 5 ədəd "İL-76", 4 ədəd "A-319", 3 ədəd "Qolfstrim", 1 ədəd "ATR", 5 ədəd "A-320", 2 ədəd "Boeinq-767", 2 ədəd "Boeinq-747", 5 ədəd "Cessna", 6 ədəd "Evrokopter", 3 ədəd "Sikorski" və 7 ədəd "Mi-8" təyyarə və helikopterləri istismar olunur. 2 ədəd "Boeinq-767" yük təyyarəsi alınıb. "Azal"ın qarşısında duran ən böyük məqsədlərdən biri uzaq məsafələrə, məsələn, ABŞ-a uçuşları həyata keçirməkdir. Azərbaycanlı şahinlər ümid edirlər ki, 2014-cü ildə Amerikanın hava məkanını fəth edə biləcəklər. Qeyd etmək yerinə düşərdi ki, Avrasiya regionu üzrə təqdimat turuna ilk dəfə Azərbaycandan başlayan "Boeing-787" aprelin 2-də Heydər Əliyev Beynəlxalq Aeroportunda yerə enmişdir. Ölkənin hava məkanına daxil olacaq yeni təyyarələr, heç şübhəsiz, Yer kürəsinin ən müxtəlif ünvanlarına yeni uçuşlar, yeni əlaqələr, Azərbaycanın dünyaya yenidən tanıdılması sahəsində növbəti addım olacaqdır.Bu gün "Azərbaycan Hava Yolları" Qapalı Səhmdar Cəmiyyətinin təyyarələri dünyanın 13 ölkəsinə, o cümlədən 28 şəhərə uçuşlar həyata keçirir. Azərbaycana isə 15 ölkənin 33 şəhərindən 19 şirkət tərəfindən aviareyslər reallaşdırılır. Hazırda Heydər Əliyev Beynəlxalq Aeroportundan London, Paris, Aberdin, İstanbul, Təl-Əviv, Milan, Ankara, Dubay, Roma, Moskva, Kiyev, Sankt-Peterburq, Vyana, Frankfurt və dünyanın digər şəhərlərinə uçuşlar təşkil olunur. Bu hava limanı hər gün 2500-3000 sərnişinə xidmət göstərir. "AZAL" bu il daha bir innovativ yeniliyə imza atacaqdır. Azərbaycan Hava Yolları şirkəti MDB məkanında olan "Azərfon" telekommunikasiya şirkəti və İsveçrənin "OnAir" şirkəti ilə imzalanmış birgə layihəyə əsasən səmada öz sərnişinlərinə rabitə xidmətinin tam çeşidini təklif edə biləcəkdir. Məsələn, Naxçıvan, Lənkəran, Gəncə, ZaqatalaQəbələdə müasir aeroportların tikilib istifadəyə verilməsi respublikanın bütün bölgələrinin proporsional inkişafı ilə yanaşı, həmin regionların xarici tərəfdaşlarla iqtisadi "ünsiyyətini" təmin edir. Bakıda beynəlxalq standartlara cavab verən ilk aerovağzal kompleksi tikilmişdir. Hər gün Azərbaycanın hava məkanından 200-dən artıq təyyarə uçur."AZAL" aviadaşımalarla məşğul olan xarici şirkətlər üçün də etibarlı və perspektivli tərəfdaşa çevirmişdir. Ölkənin mülki aviasiya təsərrüfatının kifayət qədər möhkəm təməllər üzərində durduğuna işarət verən Prezident İlham Əliyev Nazirlər Kabinetinin 2011-ci ilin sosial-iqtisadi inkişafının yekunlarına və 2012-ci ildə qarşıda duran vəzifələrə həsr olunmuş iclasında demişdir: "Mən hesab edirəm ki, "AZAL" xarici bazarlara çıxmalıdır ".

Milli Aviasiya Akademiyası[redaktə | əsas redaktə]

Bu təşkilatda ölkənin sənaye infrastrukturunun çox spesifik, unikal kadr ehtiyatı cəmlənib. Burada hələ sovet aviasiya məktəbinin sonuncu "mogikanları" ilə çiyin-çiyinə milli təyyarəçilik məktəbinin nümayəndələri də çalışır. Azərbaycanda milli aviasiya kadrları hazırlayan elm-təhsil ocağının açılması müstəsna hadisədir. Milli Aviasiya Akademiyası (MAA) həqiqətən, Azərbaycanın müstəqilliyinin nailiyyətlərindən biridir. 1992-ci ildə MAA bir fakültə, iki ixtisas və 80 tələbə ilə fəaliyyətə başlamış, sonrakı illər altı ixtisas üzrə mütəxəssis hazırlığı aparılmışdır.Bu gün Dövlətlərarası Aviasiya Komitəsinin mütəxəssislərin hazırlanması və təkmilləşdirilməsinə hüquq verən sertifikatına layiq görülmüş akademiyada 2300-ə yaxın tələbə 17 ixtisas üzrə aviasiyanın sirlərinə yiyələnir. Ötən illər ərzində akademik Arif Paşayevin rəhbərliyi ilə Milli Aviasiya Akademiyasının infrastrukturu və maddi-texniki bazası sürətlə inkişaf etmiş, yeni tədris korpusları və inzibati binalar inşa edildi, yeni ixtisaslar, kafedra və fakültələr açılmış, "Uçuş mühəndisliyi" ixtisası üzrə ingilis dilində tədris təşkil edilmişdir. Əgər 1992-97-ci illərdə bu təhsil ocağına qəbul 50-97 nəfər təşkil edirdisə, 2011-12-ci illərdə həmin göstərici 507 nəfərə çatmışdır. Tədris prosesində 350 nəfərdən çox elmi-pedaqoji heyət iştirak edir ki, onlardan üç nəfəri AMEA-nın akademiki, üçü müxbir üzv, 30-a yaxını elmlər doktoru və 100-ə yaxını elmlər namizədidir. Böyük zəhmət və keyfiyyətli təhsil öz bəhrəsini verir. Hazırda Akademiyanın məzunları ölkənin mülki aviasiya sistemində istismar olunan bütün modifikasiyalardan olan təyyarə və helikopterlərdə gəmi kapitanı, ikinci pilot, aviasiya nəqliyyat sisteminin bütün struktur bölmələrində mühəndis, mütəxəssis və bir sıra rəhbər vəzifələrdə əzmlə çalışaraq MAA-nı ləyaqətlə təmsil edirlər. Və bu müvəffəqiyyətlərin hamısının mənəvi rəhbəri təhsil müəssisəsinin rektoru, akademik Arif Paşayevdir. Müxtəlif vaxtlarda Arif müəllim Dövlətlərarası Aviasiya Komitəsinin "Qızıl medal"ına və Beynəlxalq Mühəndislik Akademiyasının "Yubiley Qızıl medal"ına layiq görülmüş, Azərbaycan elminin inkişafındakı xidmətlərinə görə Azərbaycan Respublikası Prezidentinin fərmanı ilə "Şöhrət" və "Şərəf" ordenləri ilə təltif edilmişdir.

Azərbaycan Aviasiyasının əməkdar pilotları[redaktə | əsas redaktə]

Aviasiya sahəsində özəl bölmələr 2001-ci ildə təsis edilmiş "Silk Way Holding" Aviasiya Şirkətinin struktur bölmələri kimi fəaliyyət göstərirlər. Şirkətin Əzimbala Əzimov, Ələkbərov Otello, Anatoli Yadigarov, Mübariz Cəfərov, Rasim Əsgərov, Rafael Əliyev kimi mahir gəmi kapitanlarının idarə etdikləri "İl-76", "An-12", "Boeing-747" kimi yük təyyarələri üç qitənin - Avropa, AsiyaAfrikanın şəhərlərinə müntəzəm yük reyslərini həyata keçirirlər. Dövlət başçısı Azərbaycanın mülki aviasiya mütəxəssislərinin əməyini həmişə yüksək qiymətləndirmişdir. Bu qayğının daha bir bariz təcəssümü kimi iyun ayının 2-nin Azərbaycan mülki aviasiya işçilərinin peşə bayramı günü kimi təsis edilməsini göstərmək olar. Mülki aviasiyanın inkişafındakı xidmətlərinə görə Azərbaycan Hava Yolları QSC-nin prezidenti Cahangir Əsgərov və pilot Əzimbala Əzimov "Şöhrət" ordeni, Cəfər Nəzərov, Adil Quliyev, Cahangir Əsgərov, Şəmsəddin Mirsalayev, İlham Əmirov, Vladimir Andropov, Xeyrulla Aslanov və Tahir Ağaquliyev "Əməkdar pilot" fəxri adına layiq görülmüşlər. Azərbaycanın mülki aviasiyası elə bir sahədir ki, Azərbaycanı xaricdə hər zaman təmsil edir.

Xarici keçidlər[redaktə | əsas redaktə]