Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyi

Vikipediya, azad ensiklopediya
Jump to navigation Jump to search

Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyi - Azərbaycannın Qarabağ müharibəsi əlillərinin, şəhid ailələrinin və veteranlarının qanuni mənafelərini və hüquqlarını müdafiə edən ictimai təşkilat.

Birlik 14 fevral 2001-ci ildə Azərbaycan Respublikası Ədliyyə Nazirliyi tərəfindən qeydiyyata alınmışdır[1].

AQMƏVŞAİB-nin sədri Mehdi Mehdiyevdir.

Haqqında[redaktə | əsas redaktə]

Birliyin məqsədi Qarabağ müharibəsi əlillərinin, şəhid ailələrinin və veteranlarının qanuni mənafelərini və hüquqlarını müdafiə etməkdir, onların müasir həyat şəraitinə uyğunlaşdırılmasına, sosial-iqtisadi və mənəvi probremlərinin daha səmərəli həll olunmasına köməklik göstərmək, onların əməkdaşlığını və qarşılıqlı əlaqələrini möhkəmləndirməkdən ibarətdir.

Birliyin fəaliyyəti aşağıdakı prinsiplər üzrə qurulur:

  • insan və vətəndaş hüquqlarına riayət olunması;
  • müharibə əlilləri, şəhid ailələri və veteranların maraqlarının müdafiə edilməsi;
  • onların zəruri tələbat və ehtiyaclarının nəzərə alınması
  • onlara sosial uyğunlaşma tədbirlərində üstünlük verilməsi
  • Qarabağ müharibəsi əlillərinin, şəhid ailəsi və veteranlarının mövcud problemlərinin aidiyyatı orqanlara və KİV vasitəsi ilə ictimaiyyətə çatdırılması;
  • Dövlətin yaratdığı imkan və güzəştlərdən bütün Qarabağ müharibəsi əlillərinin, şəhid ailələrinin, veteranlarının və digər bu kateqoriyalardan olan şəxslərin bərabər və ədalətli bəhrələnməsi.
  • Onların hüquq və mənafelərinin etibarlı şəkildə qorunmasına şəraitin yaranması.

Birliyin vəzifələri və hüquqları[redaktə | əsas redaktə]

  • Qarabağ müharibəsi əlillərinin, şəhid ailələrinin, veteranlarının hüquq və maraqlarının qorunması üçün qanunvericilikdə və mövcud olan Nizamnamə ilə nəzərdə tutulmuş bütün vasitə və müdafiə üsullarından istifadə etmək;
  • Qarabağ müharibəsi əlillərinin, şəhid ailələrinin, veteranlarının hüquq və maraqlarının qorunması üçün dövlət, hakimiyyət və idarəetmə orqanları qarşısında vəsatət qaldırmaq;
  • Maddi və mənəvi yardım göstərmək;
  • Yerlərdə fəaliyyətini qurmaq üçün şəhər, rayon, qəsəbə və kəndlərdə yerli filiallarını və nümayəndəliklərini yaratmaq;
  • Əlillərin, şəhid ailələrinin, veteranların ictimai mühitə uyğunlaşması üçün elmi-metodiki prinsipləri işləyib hazırlamaq;
  • Onlara sosial xidmət göstərilməsinə yardım edilməsi və bu xidmətin keyfiyyətinin yoxlanılması;
  • Sosial xidmətlərini həyata keçirən orqanlara, həmçinin, dövlət hakimiyyət və idarəetmə orqanlarının bütün səviyyələrinə sosial xidmətin yaxşılaşdırılması barədə tələb və təklifə müraciət etmək;
  • Sosial xidmətlərin göstərilməsi hüquqları, vızifələri və şərtləri barədə məlumat edir və verir, onların səhhətinı, peşə bacarığına uyğun iş tapmaqda köməklik göstərir;
  • Öz məqsədləri və fəaliyyət istiqamətləri barədə sərbəst şəkildə məlumat yayır;
  • Seminarlar, kurslar, mühazirələr, dəyirmi masalar təşkil edir və keçirilməsini təmin edir;
  • Yarmarkalar, sərgilər konsertlər, ədəbi-bədii gecələr və digər mədəni-kütləvi tədbirlər keçirmək;
  • Xeyriyyə marafonları keçirmək;
  • Operativ telefon köməyi və məsləhət xidmətlərinin işini təşkil edir;
  • Qarabağ müharibəsi əlillərinin, şəhid ailələrinin və veteranlarının emosional, psixoloji, və fiziki bərpası üçün müvafiq tədbirlər həyata keçirir;
  • Əlillər, şəhid ailələri, veteranlar ilə əlaqədər qanunvericilkdə nəzərdə tutulmuş qaydada dövlət hakimiyyət və özünü idarəetmə orqanlarının qərarlarının işlənib hazırlanması təşəbbüsü ilə çıxış edir, təkliflər verir;
  • Kütləvi informasiya vasitələri təsis edir və nəşriyyat fəaliyyərini həyata keçirir;
  • İctimai həyatın müxtəlif məsələləri üzrə rəyini bildirir, dövlət hakimiyyət orqanları qarşısında müxtəlif təkliflərlə çıxış edir;
  • “Qeyri-hökumət təşkilatları haqqında” Azərbaycan Respublikası Qanununda nəzərdə tutulmuş səlahiyyətlərindən tam həcmdə istifadə edir;
  • Qarabağ müharibəsi əlillərinin, veteranlarının və şəhid ailələrinin ehtiyaclarını nəzərə almaqla öz fəaliyyətini sərbəst şəkildə planlaşdırır və inkişaf perspektivlərini təyin edir;
  • Birlik öz adından əqdlər, müqavilələr, kontraktlar, sazişlər və s. bağlamaq, əmlak və şəxsi qeyri-əmlak hüquqları əldə etmək və daşımaq, məhkəmədə və İqtisad Məhkəməsində iddiaçı və cavabdeh qismində iştirak etmək, Birliyin hüquqi statusundan irəli gələn və qanunvericiliyə zidd olmayan digər hərəkətlər etmək hüququna malikdir.

Birliyə üzvlük[redaktə | əsas redaktə]

Birliyə təşkilatın nizamnaməsini qəbul edən Qarabağ müharibəsi əlilləri, şəhid ailələri, müharibə veteranları, və onlara bərabər tutulan şəxslər üzv ola bilər.

Birliyin idarəetmə orqanları[redaktə | əsas redaktə]

  • Qurultay
  • İdarə Heyəti
  • Mərkəzi Nəzarət-Təftiş Komisiyası

Mükafat sitemi[redaktə | əsas redaktə]

Birlik “Vətən naminə”, "Fədai" və "Vətənpərvərlik işində xidmətlərinə görə" medallarını təsis etmişdir.


İstinadlar[redaktə | əsas redaktə]

  1. http://vetennamine.az/