Azərbaycan Respublikası Kinematoqrafçılar İttifaqı

Vikipediya, azad ensiklopediya
Jump to navigation Jump to search
Azərbaycan Respublikası Kinematoqrafçılar İttifaqı
Növü İctimai təşkilat
Yaranma tarixi 2012
Rəsmi dili Azərbaycan dili
Mərkəzi Bakı, Azərbaycan
Sədri Şəfiqə Məmmədova
arki.az/az

Azərbaycan Respublikası Kinematoqrafçılar İttifaqıAzərbaycan kinematoqrafçılarının ictimai birliyi.

Ümumi məlumat[redaktə | əsas redaktə]

21 iyun 2012-ci ildə təsis edilib.[1] Sədri Azərbaycan Respublikasının xalq artisti Şəfiqə Məmmədovadır.[2][3]

Azərbaycan Respublikası Kinematoqrafçılar İttifaqı 2012-ci il iyunun 21-də «Nİzami» Kino Mərkəzində «Kino və konseptual problemlər» mövzusunda keçirilmiş tədbirdə yaradılıb. Tədbirdə baş tutan müzakirələrdən sonra Azərbaycan Respublikası Kinematoqrafçılar İttifaqının yaradıldığı elan olunmuş və xalq artisti Şəfiqə Məmmədova ittifaqın sədri, Cəmil Quliyev isə qurumun icraçı katibi seçilmişdir. İttifaqın təşəbbüs qrupunun və idarə heyətinin üzvləri aşağıdakılardır: Şəfiqə Məmmədova, Mais Ağabəyov, Ramiz Fətəliyev, Müşfiq Hətəmov, Səyavuş Kərimi, Cəmil Quliyev, Eldar Quliyev, Yusif Quliyev, Vaqif Mustafayev, Nəriman Məmmədov, Oqtay Mirqasımov, Ayaz Salayev.

İttifaq tərəfindən Milli Kino Mükafatı təsis olunub. Mükafat hər il 2 avqust - Kino Günündə Azərbaycan kinosuna verdiyi töhfələrə görə fərqlənən kinematoqrafçıya təqdim olunacaq.[4]

Fəaliyyəti[redaktə | əsas redaktə]

2012-ci ilin iyul ayından başlayaraq Azərbaycan Respublikası Kinematoqrafçılar İttifaqının idarə heyəti səkkiz iclas keçirib. İdarə heyətinin iclaslarında bir sıra vacib sənədlər hazırlanıb və qəbul olunub. İclas prosesində ittifaqa üzvlərin qəbulu haqqında, kinematoqrafçıların sosial-yardım fondu haqqında əsasnamələr qəbul olunub. Bundan başqa iclaslarda ittifaqın üzvlüyünə qəbul və gənc kinematoqrafçılarla iş komissiyaları yaradılıb. 2012-ci il ərzində ittifaqa 139 nəfər üzv qəbul olunub.

2 Avqust Milli kino günü münasibətilə keçirilən iclasda Milli Kino mükafatı təsis olunub. İlk dəfə Milli Kinomükafatı Azərbaycan kinosuna verdiyi töhfələrə görə xalq artisti Yaşar Nuriyə verilib. Milli Kino günü ilə əlaqədar olaraq Azərbaycan Respublikası Kinematoqrafçılar İttifaqı xüsusi fərqlənmiş bir qrup kinematoqrafçıya fəxri adların verilməsi üçün, vəsadət qaldırıb və kino veteranlarına pul mükafatı təqdim olunub.

Sentyabrın 1-də “Nizami” kino mərkəzində Azərbaycan Respublikası Kinematoqrafçılar İttifaqı tərəfindən “Gənc kinematoqrafçıların problemləri və onların həlli yolları” mövzusunda dəyirmi masa keçirilib. Tədbirdə gənc kinematoqrafçılar fəal iştirak ediblər.

2012-ci ilin noyabr ayında Azərbaycan Respublikası Kinematoqrafçılar İttifaqı “Yeni nəfəs” adlı qısametrajlı filmlərin ssenari müsabiqəsini elan edib. Bu müsabiqədə yaşı 35-ə qədər olan gənclər iştirak edə bilərlər. Müsabiqənin nəticələri 2013-cü ilin fevral ayında elan olunub. 2012-ci ilin sentyabr ayında Azərbaycan Respublikası Kinematoqrafçılar İttifaqının üzvləri “Kinoşok” beynəlxalq kinofestivalında iştirak ediblər.

2012-ci ilin noyabr ayında Azərbaycan Respublikası Kinematoqrafçılar İttifaqının rəhbərliyi Minsk şəhərində Belarus Respublikasının Kinematoqrafçılar İttifaqının yaranmasının 50 illik yubileyinə həsr olunmuş tədbirdə iştirak etmişdir. Həmin ayda Azərbaycan Respublikası Kinematoqrafçılar İttifaqı “Start” beynəlxalq gənclər kinofestivalının işində fəal iştirak etmişdir. Bu festival “Cinema” gənc kinematoqrafçılar mərkəzi tərəfindən keçirilib. Festivalın münsiflər heyətinin rəhbəri Azərbaycan Respublikası Kinematoqrafçılar İttifaqının sədri Şəfiqə Məmmədova seçilmişdir.

2012-ci il ərzində Azərbaycan Respublikası Kinematoqrafçılar İttifaqı Azərbaycan Dövlət Film Fondu ilə birgə Mədəniyyət və Turizm Nazirliyinin dəstəyi ilə xalq artistləri Hacıbaba Bağırovun, Emin Sabitoğlunun, Əməkdar incəsənət xadimləri Hüseyn Seyidzadənin, Rüfət Şabanovun, Əlihüseyn Hüseynovun, Arif Nərimanbəyovun yubileylərinə həsr olunmuş xatirə gecələri keçirib.

2013-cü il ərzində Azərbaycan Respublikası Kinematoqrafçılar İttifaqının dörd iclası keçirilib.

2013-cü il ərzində Azərbaycan Respublikası Kinematoqrafçılar İttifaqı Azərbaycan Dövlət Film Fondu ilə birgə Mədəniyyət Nazirliyinin dəstəyi ilə xalq artistləri Hüseynağa Sadıqovun, Əliağa Ağayevin, Muxtar Dadaşovun, Şahmar Ələkbərovun, əməkdar artist Münəvvər Kələntərlinin, əməkdar incəsənət xadimləri Arif Babayevin, Ələkbər Muradovun yubileylərinə həsr olunmuş xatirə gecələri keçirilmişdir. 2013-cü ilin 6 may tarixində Azərbaycan Respublikası Kinematoqrafçılar İttifaqı, Azərbaycanfilm Kinostudiyası, Nizami kino mərkəzi, Azərbaycan Dövlət Film Fondu Mədəniyyət və Turizm Nazirliyinin dəstəyi ilə Ümumilli Lider Heydər Əliyevə həsr olunmuş “Heydər Əliyev və Azərbaycan kinosu” mövzusunda elmi-nəzəri konfrans keçirilmişdir.

Milli Kino Mükafatı[redaktə | əsas redaktə]

İstinadlar[redaktə | əsas redaktə]

  1. İctimai TV (03.08.2016). "Azərbaycan kinosu tarixinə səyahət" (azərb.). Youtube.com. İstifadə tarixi: 2018-08-01.
  2. http://milli.az/news/culture/122031.html
  3. http://www.mediaforum.az/az/2012/07/03/ŞƏFİQƏ-MƏMMƏDOVA-RÜSTƏM-İBRAHİMBƏYOV-GƏRƏK-BU-075746866c04.html
  4. http://www.anspress.com/index.php?a=2&lng=az&nid=160192
  5. Real TV (02.08.2018). "Milli kino 120 yaşında" (azərb.). Youtube.com. İstifadə tarixi: 2018-08-021.
  6. Azərbaycan Respublikası Mədəniyyət Nazirliyi (26.07.2019). "Kinematoqrafçılar İttifaqı 2019-cu ilin "Milli Kino Mükafatı" sahiblərinin adını açıqlayıb" (azərb.). Mct.gov.az. İstifadə tarixi: 2019-07-26.

Xarici keçidlər[redaktə | əsas redaktə]

Həmçinin bax[redaktə | əsas redaktə]