Azərbaycanda Prezident seçkiləri (1991)

Vikipediya, azad ensiklopediya
(Azərbaycan Respublikası Prezident seçkiləri, 1991 səhifəsindən istiqamətləndirilmişdir)
Jump to navigation Jump to search
Azərbaycanda Prezident seçimləri
08.09.1991
Seçici fəallığı 85.70 %
Ayaz Mütəllibov.jpg
Namizəd Ayaz Mütəllibov
Partiya Kommunist Partiyası
Səslər 3 275 838
(98.50 %)

Nəticə Ayaz Mütəllibov Prezident seçildi

Azərbaycanda Prezident seçimləri1991-ci il sentyabrın 8-də Azərbaycan ərazisində baş tutdu. Həmin seçimlər Azərbaycanda baş tutan birinci Prezident seçimləri oldu. Prezident seçimləri "Azərbaycanın dövlət müstəqilliyi haqqında" Konstitusiya Bəyannaməsinin qəbul edilməsindən 10 gün sonra baş tutdu. Seçimlərdə bir namizəd mübarizə apardı: Kommunist Partiyasının namizədi Ayaz Mütəllibov. O, səslərin 98.50 % topladı və Azərbaycan Prezidenti seçildi.

Seçimdən əvvəl[redaktə | əsas redaktə]

1991-ci ilin avqust ayının 30-da Azərbaycan SSR Ali Soveti "Azərbaycanın dövlət müstəqilliyi haqqında" Konstitusiya Bəyannaməsini qəbul etdi. Azərbaycan SSR-nin Prezidenti olan Ayaz Mütəllibov isə Azərbaycan Prezidenti oldu.

1991-ci il sentyabr ayının 8-də Prezident seçimlərinin baş tutması qərara alındı. Azərbaycanda birinci dəfə baş tutan seçimdə bir namizəd mübarizə apardı: Kommunist Partiyasının namizədi, Azərbaycan SSR-nin Prezidenti Ayaz Mütəllibov.

Nəticələri[redaktə | əsas redaktə]

Seçici fəallığının 85.70 % olduğu seçimdə, Ayaz Mütəllibov səslərin 98.50 % topladı və Azərbaycan Prezidenti seçildi. Azərbaycan Konstitusiyası hələ qəbul olunmadığı üçün o, qeyri müəyyən müddətə Prezident seçildi.

Namizəd
Partiya
Səslərin nəticələri
Səs
%
Ayaz Mütəllibov KP
Kommunist Partiyası
3 275 838
98.50
Bütün namizədlərin əlehinə
48 866
1.50
Etibarsız bülletenlər
460
Cəmi:
3 325 164
100

Seçimdən sonra[redaktə | əsas redaktə]

Azərbaycan Prezidenti seçilən Ayaz Mütəllibovun andiçmə mərasimi baş tutmadı. Onun Azərbaycan Prezidenti olduğu dövrdə Azərbaycanda ictimai-siyasi vəziyyət gərgin idi. Dağlıq Qarabağda ermənilərin ərazi iddiaları, 1991-ci il noyabrın 20-də Xocavənd səmasında Mi-8 vertolyotunun vurulması və 1992-ci uğursuzluğa düçar olan Daşaltı əməliyyatının baş tutmasından sonra, 1992-ci il fevralın 25-dən 26-na ötən gecə Ermənistan Silahlı Qüvvələri tərəfindən Rusiyanın 366-cı motoatıcı alayının qatılımı ilə Xocalı şəhərində soyqırım törədildi və bu soyqırım 600-dən çox insanın öldürülməsi, Xocalının isə işğal edilməsi ilə nəticələndi. Həmin il martın 1-də isə Azərbaycan BMT-yə üzv olundu.

Martın 6-da isə Azərbaycan Xalq Cəbhəsinin rəhbər simaları və Azərbaycan Ali Sovetinin qarşısına toplanan nazarı millət, Xocalının işğalında Ayaz Mütəllibovu günahlandırdı və onun istefasını tələb etdi. Martın 6-da Ali Sovetdə o, istefa verdiyini elan etdi və Azərbaycan Prezidentinin səlahiyyətləri müvəqqəti Azərbaycan Ali Sovetinin sədri Yaqub Məmmədova verildi.

İstinadlar[redaktə | əsas redaktə]